عايزينا صم بكم والدليل بيحاربوا فكرى
تهديد ماهزنيش من امتى صوت الحق بيجرى
تراك بلدنا ثمره تمسحوه اسقيلكو جدرى
وبكره أستيكتكو تخلص وهيتبقى حبرى
تهدوا للى بيبنى ، بتبنوا اعلام بيعمى
وف ظل خوفكو الناس تفتح بيهددكوا اسمى
تزيفوا العباده ، وتفرشوا السجاده
ازاى بتقابلوا رب بتغضبوه لإرضاء الساده
بتشهدولهم ، على مجهودهم ، رغم كون وجودهم
كان مصحوب بفتنه مزقت صفوف شعوبهم
أأيدهم يا إما ، أكون خارج ع المله
أطيعوا ولى الأمر بتاخدوا نص الآيه حجه
انسى ، ديننا مش ستاره للى بيحصل
ولا انتو اهل الذكر ولا تنفعوا كمصدر افتى
وزى ما رسولنا قال اتفرقت الأمم من بعده
اتنين وسبعين جوه النار والباقيه عليها بيحاربه
يا ليت كل الرجال كانو كحبيبي وإمامي صادق القول والأفعال لا مرشدا سواه
زياده الأميه أدى لكارثه فى المفهوم
تلقى إن الدقون ، إدت صاحبها بينا لقب معصوم
غياب فى دور الأزهر دور الإخوه ع النقيض
صدى الشارع إن كل سنى بقى مصدر تشريع
ربى قال الحلال والحرام قدامنا بيّن
مش محتاج لفتوى منكو علمى بدينى مش قليل
والكارثه أقفل قناه دينيه كانت اختى مشغلاها
خايف تسمع توبس ومهبل تيجى تسألنى عن معناهم
ها ، عرفتو ديننا مين فينا بينساه
مبيقدرش كونه تحت لوجو قنوات الاسلام
ينافق ، ويكابر ، ويكدب ، ورا ساتر
الدقن اللى فاكر ، ان اللى بدونها كافر
لأ ، ربك ماحطش حد فينا فوق حد
وكون علمانى بيكدب مش معناها انك صدقت
ابن ادم خطاؤون ، م الملحد لذوى الدقون
بس الكارثه ف اللى مدارى كدبه بان الدين بيقول
الفتنه الطائفيه ف مصر بمفهومها الجديد
انك تلقى ان ابن دينك بيحاربك زى الغريب
وسعت دايره التكفير عن تفكير مسلم وقبطى
بقى اللى خارج عن جماعتى معناها انو ضدى
مع ان بالرجوع لسيره الأربع أئمه
نلقى أخلاق الاسلام اللى اتكلم عليها ديننا
فرغم الاختلاف اللى بين مذهب ومذهب
تلقى الامام الشافعى بيقول ابن حنبل اصدق
الفكره فان نص ديننا ممكن يحمل معنيين
والدليل امامنا الشافعى ساب لوحدو مذهبين
تيجو أيه ف إمامنا ، عشان تقولوا الجنه
ف الانضمام الينا ، وتشككوا ف إسلامنا
فى اختلافنا رحمه وانتو قلبتوا خلافنا حرب
مع ان الدين أخلاق قبل اما يكون مجرد فرض
اه على فكره ، ديننا يسر مش يا كده يا اما
ده ربك لاجل يرضى عبده خلى الكعبه قبله
يا ليت كل الرجال كانو كحبيبي وإمامي صادق القول والأفعال لا مرشدا سواه
بنت عمر عبد العزيز وقت خلافته المسلمين
طلبت لبس جديد زى كل البنات فى العيد
طلب سلف م الخازن ويتسدد م الراتب
فسأل عن الداعى ، جابو عمر ، قال موافق
لكن بشرط واحد ، تضمنلى تفضل عايش
لشهر عشان تسدد مال الدوله أو مش قابل
رجع عمر للدار ، وبنته فى انتظار
سألها صبر وجنه ولا توب جديد ونار
بكت ف حضنه بنته ، وصبرت على مقدرته
دى أخلاق الاسلام الى اتربينا عليها ف سيرته
والفاروق رفض يقيم الحد بقطع يد عبد
رغم كونه سارق بس حد كفايته ماكتملش
أمنت فنمت عشان عدلت بين الناس بحق
أظن الفرق واضح بينه وبين رموزكو وضوح الشمس
وكمان ما بين منافقينكو وبين خازن أمين
ده نفس الفرق بين مسلم وبين متأسلمين

El Joker ft. Abdullah Alhussainy - "Fe Ekhtelafna Ra7ma"


لينك الكليب https://youtu.be/SbLMAYlVy68

الكلمات :
أمير : 

اخويا اللي اسم ابوه وابويا مش same في البطاقه
رصيدك م التفاؤل قل واجبي اشحنلك طاقه  ،، عشان نتكلم طول اليوم مش محتاجين لباقة .. ده كلام لباقه
مش هتلاقيه الا في الصداقه

خالد : 

بحر الحياة لو موجه ساحبك ع الشط الكل بيتفرج بس اللي بينط وراك ده صاحبك .. لقيتك رايح سكه شمال انا رحت وراك نصحتك ،، هاممني راحتك  لو حتى قولتلك براحتك 
و ف ضهرك دايما و في ضهري و تعيش تتسند بيا 
افديك بماسي و جواهري مش اغلى من الصحوبيه
مش هنسى معاه خروجي وسهري لحد الفجريه
 مستنيك ع القهوة ديا ايوه يا ابني هى هى 

كورس :
هو اخر مترو الساعه كام .. على ايه الكلام
اعدي عليك نروح ومش مهم ،، معانا كام 
نفصل حبه و نتصور صورتين .. د معانا cam
لو ممعكش انا تمام .. المهم نكون تمام 

 امير :

 رجوله سيرته بطوله لولا مواقفه الجدعه معايا 
كان مين هيسد معايا ،، لما بتتسد معايا
لو حتى فكست معاده وسبته ورحت اخرج مع آيه
يعرف دي البت معايا .. مايجيش ويلت معايا 
خالد  :
نسهر في البلاي ستيشن نتفليكس مسلسل Asian
  اتجاهنا انا وانت واحد حتى لو من غير لوكيشن 
واللي يوم يقلب علينا يتعدل على الروتيشن
 صاحبي ده اسبيشال اديشين 
im in love with this relation 

امير :
وها أكابتن صاحبي في فانتزي ولا أكابتن موو
في الخير بيلوك في سيرتي ي Talk من غير مابيعمل Show 

خالد : 
اسمنت نصب في صمت و نطلع بالتدريج
طيارتك خاصه وبالمترو نوصل للناس قبليك


LYRICS BY 
KHALED TAG 

MUSIC PRODUCTION BY
WALID SHARAKI

MASTER BY 
KHALED EZZ

Directed by 
Ayman Nour




 

اخر مترو خالد تاج و امير صلاح

على قدنا كنبة تكفي ونشوف افلام للفجر ❤️

(By M )Ahmed Kamel - Maraseel احمد كامل-مراسيل

ازي حالك - محمد حواس

دولي انتساب

أغنية لرواية الفيل الازرق
__
كلمات : حسين جمال
www.facebook.com/hussein.gamal.52
غناء و الحان : علاء عزت
www.facebook.com/AlaaEzzat1MG
توزيع و ميكس : خالد أقبال
"Not Final"
__
الكلمات :
حياته قصة ماتتفهمش .. و أخرها لغز ما انتهاش
بيدور في متاهة متتوصفش ..
و في حلم أخرس ما أنحكاش
معشش جوا منه وشم مرسوم .. و مهما يحله يطلع شخبطة
مدفون في قلبه حب مكتوم .. و حياته بقرص قلبت لخبطة
..
حياته قصة متتفهمش .. و أخرها لغز مانتهاش
بيدور في متاهة متتوصفش ..
و في حلم أخرس مانحكاش
عايش علي حبة فيل أزرق .. و في كل حلم قميص المأمون
من كتر المتاهات اللي دخلها .. أختلفوا مين عاقل و مين مجنون


الفيل الأزرق - el-Feel el-Azra'a

يالي وحشاني متوحشنيش

#Overdose نوستالجيا #عمرو_دياب مع

Shimaa Abduallah شعر
Rasha El-Sharnouby غناء
Omar Bassam بيانو
Khaled Mokhtar تصوير
Marwan Lefty-m : مونتاج و إخراج
Eleven Studio إنتاج
الفيديو علي الفيس بوك
https://goo.gl/DlThak

Rasha El Sharnouby Ft. Shimaa Abduallah | Overdose نوستالجيا عمرو دياب مع

كلمات نفس الشخص اللى بيغنى

09.01.2018

===========================

تحية لأول كائن بشرى فكر إنه يكتب
بقت وسيلة لكل مكتئب يكتب ويهرب

بفتح مذكراتى بشوف تاريخ الذكرى
السنة 2011 يوم 7 من شهر 10
 
بداية الحكاية .. كانت من زمان
قول سبع تمن سنين و كام سنة كمان

وكان طفل .. حب زميلته فى مدرسة وخاف يقولها
طفل ببراءته كان بيفرح بابتسامة منها
 
فات سنة واتنين وتلاتة .. وهو على حاله
يحلم يكون معاها .. كانت دايماً فى باله

وانشغاله بيها وانبهاره كان مبالغ فيه
كان شعور للكل واضح حتى هى حست بيه

قالتله ليه بتعمل كده أكيد عندك سبب
أكيد عندك إجابة .. من السؤال هرب

قالتله اتكلم.. فاتوتر.. و قلبه دق أكتر
رده كان متقطع قالها .. أنا بحبك 

كام دقيقة صمت  .. و الرد كان بخوف
طلبت تفضل زميلته .. وعايزة وقت تشوف
احنا لسه صغيرين سيب الكلام ده للظروف

السنين عليه تعدى.. وهو منتظر
انتظاره بيه مكانش راضى لكنه كان حذر

من إنه يفرض نفسه عليها بنوع من التطفل
مغفل.. مفهمش كونها تصرفات مقصودة
الرفض مكانش واضح الردود كانت محدودة
والاعتراف مجرد وهم بين شكوك كانت موجودة

طب هيعمل ايه مفيش قدامه غير الانتظار
أحيانًا الاعتذار.. لو طلب حسم القرار

كان مهم بالنسبة له إنه يبقى مش بعيد 
ع الأقل بيكلمها .. وده مخليه سعيد

لكن فى وقت حس بيقلل من قيمته
ببيع كرامته .. عشانها بيخسر اللى عنده
كسر الشىء الوحيد اللى كان طول حياته سانده 

لازم يحط حد.. لازم يكشف الورق
والقلق.. كان ملازمه.. هتوافق ولا لاء

قالها باختصار مش هقبل أكون بديل
لما بتحتاجينى بتلاقينى  بدون طلب

ولما متكونيش عايزانى أكون بالنسبالك زميل
وتسمعينى ألف رد  وتقوليلى  100 سبب

زى كل مرة .. ملقاش حاجة تختلف
كلامه أشبه بالتهديد .. فاشل للأسف

==================
أكيد فيه غلطة .. أكيد فيه حاجة مش مظبوطة 
أكيد رسمت لنفسى مكانة مش موجودة

حس بشعور غريب .. الشخصية اتبدلت 
حس بصوت العقل بيقوله السكة مسدودة
================

انت خايف .. خايف تعيش حياتك من غيرها
ومكمل فى الحكاية اللى انت حتى مش عارف آخرها

محاولة مش كفاية؟ قضيت عمرك تحاول
الهروب من الإجابة للإجابة كان مؤشر
أستمر فى المحاولة بلا استجابة مش مبشر

بعد كذا مرة عنها كل مرة مقتنع
بإن مفيش أمل ولازم عن كلامها يمتنع

كل ليلة قلبه يتوجع يرجعه فى كلامه
يرفض  .. بدافع الكرامة والعقل اللى لامه

فترة اضطراب ميبقاش فيها فاهم حتى نفسه
نفسه يرجع.. ونفسه يخرج الكلام اللى حابسه

استنى متتكلمش فكر فى النتيجة استنى ثانية
كل سكة قفلها بنفسه يرجعلها مرة تانية

يضعف جواه الطفل اللى قدام زميلته كان
يفتكرلها كل حاجة يفتكر سنين زمان

يرجع بدون أى مؤشر إن فيه حاجة هتتغير
يلف فى نفس الدايرة.. مفيش حاجة بتتغير

ليه موافق إن كرامتى يتداس عليها عادى
برغم قوتى بنسى فى حضورك عنادى

كل مرة أقول غلطت وندمت إنى رجعت
بالأخص لما ألاقينى كنت ع الرف و مازلت
لما قلت وضع مؤقت واتنازلت لما قبلت

واجهت نفسى وحلمى فى انتظار العاصفة
اللى تمحى كل حاجة بدون تفكير أو فلسفة

لآخر مرة قلت خلاص أنا هبعد للأبد
اقتنعت بانتحار الحلم قبل ما يتولد

لكن من حقى تفهمينى ليه سكتى كل ده
ليه لحد آخر لحظة كنتى مش متأكدة
-----------------------
لما كان عقلى بيتكلم.. عمرها ما حبتك
السيناريو من خيالك .. صدقت كدبتك
القصة مبدأتش عشان تخلص وتبقى ماضى فات
لكن قلبك مش مصدق عايش وهم الذكريات
-----------------------
لآخر مرة هسأل.. كل اللى عايزه أفهم
متعلق ست سنين بوهم وانتى سايبانى أحلم

ماليش يد فى مشاعرك، مش عايزك تحبينى
بس ليه مكانش م البداية مادام هترفضينى

كل مرحلة ولها ناسها؟ دلوقتى فهمت المعنى
وفهمت إننا ممكن نتفرق بعد ما اتجمعنا

و إن الرفض كان موجود من أول كلمة استمالة
واللى كنت بتمناه كان تحت مسمى الاستحالة

ومهما طالت السنين برضو مش هتحنى
وفهمت إن الغلطة من البداية كانت منى

الصورة كانت أبيض وأسود فيها وش بالألوان
الطفل فهم متأخر، بعد ما فات الأوان

لأول مرة من بداية المحاولة يلاقى رد 
رغم إنه كان عنيف لكنه حط سد

بينه وبين كل أمل فى إنه تانى يفكر
رؤية تتضح ما بين وسط معكر

وضع مؤقت للأبد

بنزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا  شايف نصها المليان فلا بأس
 عادي مش مهم عدت مش هتكسر
عرفت اسباب كتيرة علشانها لازم ابتسم 
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي  
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني  
اوعدكوا بابتسامة لو كملتوا تسمعوني
فاكرين اجازة اخر السنة كل سنة  
وحلاوة النجاح لما تنجح انت وانا
وحلاوة النجاح لما تنجح انت وانا
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
انا فاكر المحبة والعشرة والصحاب
 والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي  والتورتة والشموع
واللعبة دي عايزها واقعد اعيط بالدموع 
وعيد ورا عيد بيجي طب فين العدية  
يا بخت  عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
 ذكريات كتير عبيطة بس كانت ايامنا حلوة
 ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد  
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب  اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله

أغنية السعادة - زاب ثروت وساري هاني مع محمود العسيلي وإنجي نظيف

Mohamed Ali Maria II