الشاعر بتعنا 👌⁦❣️⁩ 

عااااااش ربنا معاك ومن نجاح لنجاح ي اخويا 

عاااش بالتوفيق يا حب، 😍😍

Release date : 2014
تراك : إنعدَم وجودى
اداء :  مؤمن إبراهيم و نادر سليمان
كلمات : مؤمن إبراهيم
هندسه الصوت : نادر سليمان 
..
En3adam Wogody 
Lyrics by : Momen Ibrahim https://www.facebook.com/Momen.25Jun
..   
Verse 1
بصِّيت فعيون الناس .. ملاقيتش لنفسى صوره
صرخت لكن صوتى تاه فِ وسط أصوات مَغموره
جرَّبت أكتب لكن لاقيت كل السنون مكسوره
حاولت أجرى لكنى كنت بجرى جوَّه كوره
..
أنا مُت ولا ده كان كابوس ولا إنعدَم وجودى
من هم لِ هم لِ إكتئاب كانت هى دي حدودى
و ببكى و أشكى و أحكى لكن محدِّش سامع صوتى
شوطى فِيَّا يا دنيا شوطى مَهو إنعدم أمل نهوضى
..
خيوط مالعنكبوت تفوت تدور حوالين رقبتى
و حِبال من الإزلال أغلال تحبس مفهوم كرامتى 
تحليل لإهانتى من اللى أعلى منى دون إثبات إدانتى
لِمجرَّد إنى قُدَّامُه واجب عليا صمتى
..
ضغط ضغط .. زادت الخيوط و زاد الربط
إلى جانب هم الكبت لو إعترضت أكون أذنبت
فَ إتسحلت و إتطردت من بوابة السعاده 
و إتكتب عليا أعيش فدنيا ساده بدون إراده
..
chorus 
عايش تمثال .. صنم سراب وَهم و خيال
واقف فمكانى أخرس ثابت و مش عاجبنى الحال
دنيا بلاستيك مفيش أفعال و كله إفتعال
فَ مين جمل و مين جمَّال و مين أمين و مين دجال
..
verse 2
..
لكن إنعدام وجودى بالنسبالى كان لُه فايده
كنت مزهول فالبدايه متفاجىء و دماغى شايطه
فجأه جاتلى فكره جامده .. أشوف الدنيا عالحقيقه
من غير قناع ولا إصتناع وِش الطفله البريئه
..
شوفت القلوب من طوب .. شروق من الغروب
بسم السلام بتقوم حروب شوفت الجشع مطلوب
شوفت الممنوع مرغوب .. شوفت السافل محبوب
و شيطان بيقول لكل واحد "إبقى بُكرَه توب"
..
شوفت القريِّب ليَّا .. بيتكلم عليا
مابقتش عارف أفرق مين حبيب و مين رزيه
شوفت الأزيه غيَّه .. شوفت الحُرِيَّه حيَّة
شوفت الأسود بتجرى من ثعالب صهيونيه
..
و أخيرا شوفت نفسى .. ملفوف فقماشه بيضه
متشال على الأكتاف و ناس بتبكى و ناس سعيده
ولا اللى بكى رجَّعنى .. ولا اللى ضحك وجعنى 
رِضاك يا ربى عنى هو بس اللى هينفعنى
..
يا رب تكون عجبتكم ^_^

Download Mp3

https://app.box.com/s/1xzuzr8zbyh8c2mv23rc

Momen Ibrahim & Nader Soliman - En3adam Wogody /  إنعدَم وجودى - مؤمن ابراهيم و نادر سليمان

New Track
Title :Awham-اوهام
Artist : S-AM
Free Beat
Master & mix :S-AM




Awham

Verse 1 "stukey" :
سؤال بسيط بيتسأل لكل واحد فيكم 
ليه نظرتكم للبنت مخلوقة للجنس ليكو 
مهدور حقك وسط غابة الافكار الجنسية
 مجتمع ذكورى متعفن ما العهر فى العقلية 
عمرك ما كنتى سلعة رخيصة معروضة للمس
 مليكان فى سوق المتعة ممنوع عنك الهمس
 للاسف الانثى ليهم معناها غشاء بكارة
 نظرة الكل ليكى جنس وشهوة بحقارة
 مفيش عقلية بتتغير ولا العذرية طهارة
 بحث عن sex فى google متصدرين بجدارة #1
 ايه فائدة العذرية لو كان العقل عاهر
 اللى تفكر تنتحر واللى تخطط تسافر
 متسكتيش عن حقك لو حد اتحرش بيكى
 بأعلى صوت ما عندك واقوى ضربة بأيديكى
 مش مهم رد الفعل فى لحظة انتقامك
 ساعتها فى وقت الانتصار هيعرفو مقامك
 Yo!
---------
Chours "Asclepius" :
حقك هايجي مهما ضاع مهما ظلموا 
صوتك له مكان مهما كان مهما كتموا 
الرخص طبعهم مش طبعك انتي اغلي 
خسروكي لما شافوكي مجرد انثي 
-----------
Verse 2 "Asclepius" :
-نظرة تانيه بعيد عن فتارين الفن 
-نظره لارض الواقع ارض الشوك اللي اتسن 
-لحوا ...الام و الاخت ...نص الدنيا
- رقة كف الحبيبة مدرسة الاخلاق العليا 
- كلام سمعته في الف اغنيه و الفين قصيده 
-كلام معسول يبيع مالمسش اوتار الحقيقه
- مالمسش ارمله بتتمرمط عشان عيالها
-ماحماش مطلقه من نظرة شهوة و طمع 
-ماصانش يتيمه مكسوره من جور جوز امها 
-ماجابش حق طفلة بريئة في تعليم عنها اتمنع 
- فزع لما بشوف الشارع وقت العيد 
-لما بسمع عن الختان في الريف و الصعيد 
-عمرنا ما هانتقدم طول ما الست سلعه
- قطعة اثاث في البيت ... بليل اله للمتعه 
- هانحرر المرأه العربيه هانعبر بيها السبق
- في ايدينا نعد الف ملكه تاني لسبأ
-----------
Designed By : Omar Abd El Nasser 
Mix and Mastring By : MAK-D

Asclepius Ft. Stukey Queen of Sheba | ملكة سبأ

عمرو حسن - الفراشة   Amr Hassan - El Farasha

Rapper / Casber
Facebook Profile / 
www.facebook.com/mohammed.casber
Lyrics / Casber
Music / Free Beat
Mix&Master / Turbo

الكلمات
كاره للنور وبكره اني أكون مع حد
الضلمة سترة كونت مابين قلوبنا سد
رعشة برودة وسط أصوات رياح وبرق 
كل فكرة كانت ف بالي ماتقالتش لأي حد

بستناها تجيني واستني اني المسها بإيدي
بس الروح تملي تروح للي ضلو من طريقي
رسمت بإيدي لوحة بتحدد صعوبات سنيني
أعمي راسم المصار الي هيحدد مصيري

عارفين انكوا تايهين معايا وبرضو بتقاوحوني
عارفيني اني بحب اشوفكوا وأنتو بتسمعوني
شايفها بتبكي ... قدامي
عنيها رغم جمالها برضو لسه مش شيفاني

فقدت الثقة في كل حاجة لسه بتقولوها 
عكس لأي حاجة أنتو لسه بتعملوها 
سمعت منكو كتير ماستفادتش اي حاجة 
اسمعوني أنتو مرة جايز أكون فيا حاجة

لسه الليل طويل هحكي وهقول خليكي معايا
لسه الليل طويل ناقص جزء من الرواية 
لسه الليل طويل اليوم بيبدأ لما عيونك تضوي
لسه الليل طويل هفضل أقرب وانتي بتجري

غريب وتايه ساكت وسط الي اعتبرهم ناسي
عايش علي ذكري وماضي لسه ماشي
حبست نفسي .. وسط أحلامي 
بدور ع الي ضاع والي خد فيكم مكاني

سكون وصمت ضعف قولت لنفسي هقوي
علمت نفسي بنفسي مش مستني منكوا زقه
كسرت كل باب لقيته ممكن يعديني
مبروك رسمت خط النهاية الي كارها بإيدي

زاد السواد جوايا ليكو من كتر الأذية
اديتكوا كل الحق وفاضل لسه الي ليا 
صور ملايكة بتضحك وتشاورلي وسط ضلمة
عدت الساعة بطيئة رافضة تخلص النهاردة

الحلم بعيد والظروف لسه مش سامحة
كل حاجة ساكنة والأسوء مابينا أبقي
فكرت نفسي هكون وهوصل واني هبقي في يوم حاجة
ضيعت وقتي فإني لسه بديكوا الإفادة


لسه الليل طويل هحكي وهقول خليكي معايا
لسه الليل طويل ناقص جزء من الرواية 
لسه الليل طويل اليوم بيبدأ لما عيونك تضوي
لسه الليل طويل هفضل أقرب وانتي بتجري

Casber _ Lesa ELlil Tawel _ كاسبر _ لسه الليل طويل

كأنَك طيف
ضرورى تنافسى ع الأوسكار براءه و زيف ..

مونودراما - عادل العش

عن ديوان : استراحة إبريل
شعر : محمود عصام
توزيع : ميدو راشد


عندي رغبه اتمشّى لكن 
عندي فوبيا من الاماكن 
والصور 
والبلكونات

عندي رغبه بجد اجيلك
بس مش هعرف أبَات
وانت مش هَتْسبني أروح

عندي كميا مع السطوح 
عند وقت الفجر بس 
عندي جوه جبال مشاعر 
للّي مش ممكن تحس

عندي برد بقاله مده
واحتقان في الحلق 
عندي دافع مش بيهدى
في اعتزال الخلق

عندي قبضه وعندي ضمّه 
لما تظهر في المنام 
عندي حاله من التردد 
ليه بتهته في الكلام

عندي هاجس من السفر 
او مالخروج مـ الاوضه حتّى
عندي حب الصيف بيظهر 
لما يبقي الجو شتّا

عندي مج الشاي فيه شرخ 
بس بشرب فيه
عندي خوف من شئ معين
بس خايف اُدلي بيه

- ايوه يا بني فهمت قصدك
سيبني اقولك انت ليه ..

- متقاطعش كلامي تاني 
سيبني اقولك كل حاجه 
وابقي جاوب عندي ايه

عندي جوه القلب مطرح 
بس مش تمليك 
إيجار 
عندي رغبه ياريت توافق 
لو نغيّر في الحوار

اصلي لو كمّلت هوصل 
للّي عندي من البدايه

عندي اخبارها الجديده 
بس يلا سلام 
كفايا

ديوان استراحة إبريل

أخبارها الجديده - محمود عصام

نص من يوم ما غابت الشمس
للشاعر السيريالي محسن محمد

من يوم ماغابت الشمس

دينا الوديدي - تدوّر و ترجع

قصيدة بيان من شخص ميت للشاعر السريالي محسن محمد
Sound Engineer : Haitham Dx 01067007852
darck music

Sound Engineer l Haitham DX l

بيان من شخص ميت l محسن محمد

Facebook Account : www.facebook.com/profile.php?id=100009361705490

Yuotube Channel : www.youtube.com/channel/UCvKabVAw…iew_as=subscriber

Music & Vocal by : Mohamed Aly

Lyrics

كنتي مين ساعة البداية 
لما شوفتك وابتسمت بحسن نية 
وكنتي مين وقت الأذية
كنتي ليه مطلع لغنوة عن الأحبة والهوى
وقفلتك كانت فراق 
هو قلبي اللي انكوى
م الوجع والإشتياق
المصيبة ،  ان أنا بس اللي مأذي
وانتي عايشة وكله عادي 
ده انتي صوت ضحكك بيخرج من فؤادي
والأغاني الحلوة بالليل تبقا ليا 
بردو قاعدة تدندنيها وتشكي ع الدنيا الأسية
مين اللي قالك ان وجعك مسؤولية 
ومين اللي قالك ان وجعي أخد تار
مين اللي قالك تنصبي ليا العزا في وضح النهار
وتبكي بالليل ع اللي كان 
الهروب دلوقت أفضل انتحار 
والهروب بعدين أوقح إئتمان
احنا كنا تلاتة فعلا 
احنا صوننا تالتنا خان 
احنا كنا بالإرادة 
وانتهينا بالسكوت
حد مل وحد راضَى
وحد مش قابل يموت
" القتائِلُ ، قد أتت من حيث لا نُعطِي اهتمام
والبدائِلُ ، قد سَقَوْنَا أن في البُعدِ السلام 
انتهينا ، وانتهَى ما كانَ يُلهِمُني السُكوت 
انهدمنا ، مثل جُدرَانِ البيوت
متُّ مِنْكَ وأنتَ منيَ لن تموت "
والمصيبة الكبرى اني لسه شايفك
لسه سامع كلمه حلوة فوق شفايفك 
لسه شايف في جيوب الطير جناح 
لسه مؤمن ان حبي ليكي حرب 
ولسه منعدم الكفاح
لسه فينا
اللي صابر واللي مل 
حبي في ايديكي انعدم
وكرهي ليكي لقيته قل
عشمي زاد 
قلبي رافض انه يضغط ع الزيناد
رغم ان في جسمي منك 6 طعنات وبإرادتك
جيت لشطك
دمي سايل
منهزم من كل شئ
مستوي الآلام في جسمي
جيت لشطك فاكر اسمك
وناسي اسمي 
جيت لقيتك واقفة في الركن البعيد
قلبك الدبلان ، سعيد
وروحي وقعت منها روح 
جيت أسلملك جمايلك 
يا اللي فيكي الصمت بوح 
في النهاية 
قولتلك ماتودعيش 
خلي بيننا جزء طيب نحكي عنه
سيبي قلبك جنب مني ع القماش 
يكفي اني اشتريتك بالكتير
وانتي بعتيني ببلاش
فجأة ايدك جت لكتفي 
وفجأة عينك جت في عيني 
قولتي في وش البراءة 
مافي شئ بينك وبيني 
كل شئ أهو راح وفات
شوفتي قلبي العجين
وبردو فضلتي السكات
والوداع منك عشان 
انتي أصعب م الهوان 
شوفتي قلبي من زمان !
النهارده قلبي مات

النهارده قلبي مات - عبدالرحمن غنيم

شاعر سيريالي
facebook.com/mohsen.mohamed.35513/

بيان من شخص ميت l محسن محمد

Mohsen mohamed|محسن محمد

Recent comments

Fahd Yousry

Blake cat

Ahmed Ortega

Tamer AL Saih

Related tracks