up loaded songs only for me

"من إحدىٰ مسارح الدَّولة" لـ نور صبري

beloved

youre_the_last_one

تميت عشرين - مصطفى ناصر [آداء : مصطفى الملّواني - ولاء محمود]

كل الخلق تتغير وانا ثابت
أيادي الناس اللي مسكاني
كمان سابت
ده حتى صُحبة السوء
أهي تابت
وانا الوحيد الشيطان
أنا الغلطان
عشان مالأصل خليت للغريب
ف قلبي مكان
وبفعل الوقت صبحت كئيب
صبحت مُريب
وكل الخلق تتجاهل
مفيش ولا حد يستاهل أكون وياه
ووِحدة قلبي خلتني مكونش معاه
وبعدتني عن الطريق المستقيم 
ولازلت مستغرب 
كيف نُص الخلق دول عايشين ب عقل عقيم؟ 
والنص التاني قلبه حزين 
لأن العقل الكدّاب 
بيوهم العذاب لسنين
يفكر بالساعات ف العتاب 
ف ضاع عُمره مابين تفاهات
وبين بواقي بني آدمين 
مش كاملين 
بيتجمّلوا ، ويتجاملوا
عشان يرتاحوا من برة
لجألت لعزلتي 100 مرة 
ومارتحتش
ومافرحتش
وأديني بقولها من تاني
انا وحداني 
وديني بموت من الوِحدة ومالتفكير 
خسرت كتير 
ومكسبتش غير الحروف
ويمكن ف ظرف من الظروف
تشوفوني أعمى لكنّي بشوف
قلوبكم لما تضحكلي
لكن كل اللي فيها نفاق
عيونكم لما تحكيلي
بإنّي مُصاب بطبع غباء 
وإن الوِحدة قتلتني 
ويمكن بس ده لأنّي
وصلت لحالي ده بالكبت
وكنت زمان انا طيب
 وده السبب فإنّي إكتئبت.

#مؤمن_بسيوني

(السبب في إني إكتئبت) - مؤمن بسيوني

(وحداني في اللمّة)

من نظرتي للجاي بحدد وِحدتي
وبقابل اللمّة على إنّي مش منهم
كان كل شيء واضح وباين شِدتي
مع إنّي والله كان نِفسي أقابِلهم

كان نِفسي أعيش لمّا
كانت هِناك لمّة
ولمّا كانوا هِناك
أنا كنت واقِف هِنا
ويسألوني اللمّة: إنت ليه لوحدك؟
ولا إنت مش زيّنا؟

ملقيتش رد ساعتها يكفي إنّي أقنعهم
غير إنّي واقِف هِنا ومُحاط بشيء مـ الهَم
يمكن فيه شيء مُختلف خلاني مش بينهم
زي إختلاف الألف عن أي حرف سِواه
أو زي مثلاً مُخدّر بيجري جوّة الدَم
خلاني وَحداني وبحِس بالمُعاناة
وهي دي المأساة..

إنّك تكون وَحدك مع إن حواليك
فيه خَلق بيحبّوك
وإن إنت تِنساهم ، وهمّ فاكرينك
أو بس يفتكروك أول ما بيقابلوك

مَلعون أبوك يا حُزن خليتني
أكرَه سِنين العِز في شَبابي
مَلعون أبوك يا حُزن ذليتني
هو إنت مش لاقي مكان
غير عند بابي؟

سيب إكتئابي في حالُه مش ناقِص
والوِحدة دي خُدها مش عاوزها
الوِحدة خلتني أعيش ناقِص
واللمّة أهي بعيدة ، وأنا مش شايفها

وبمشي في إتجاه اللا إتجاه وأنا تايه
ومستني الطريق هو اللي يلقاني
وكإني بقنع نَفسِي إن أنا لمّة
مع إنّي كنت ساعِتها وحداني

والوِحدة كانت واضحة من صوتي
أو بردو ممكن تشوفها في خطوتي
والوِحدة ليها جزء في سكوتي
وهي عامِل أساسي في إنتهاك قوتي

واللمّة كانت سُكّر قهوتي
ف القهوة صَبَحِت سادة كالعادة
وأديني قاعد وَحدي بتألم
يقاطعني صوت جرسون بيتكلم
ويقولي: تشرب إيه؟
ف أنسى إن أنا لوَحدي
وأقوله: أكيد قهوة
خليها قهوة زيادة
مع إن وِحدتي بتتلخّص
في قهوتي السادة

وأديني يا سادة بكتبلكوا لأنّي
كان نِفسي أعيش وِسطكم لكنّي
عايش مابين الوِحدة وإتعوّدت
مستنيين إبداع إيه منّي؟
وأنا كل ما أكتب نَص ألاقيني فيه جوّدت
لكنّي إتعودت..
ومابقاش بيفرق شيء
ولا حتى مستني طريق
ولا حتى مستني صديق
والوِحدة عادي يعني شارياني

لكنّي تاني للأسف بكدب
ده لأن أنا حقيقي بعاني
ولهذا السبب قررت إنّي أكتب
إنّ الوِحدة قاتلاني
وإنّ الوِحدة بايعاني
وإن الوِحدة خلتني
أعيش بينكم ووحداني
وسلبت كل شيء منّي
وخلتني حزين جداً
وحتى الحُزن ده عماني

وبطلب منكوا يا لمّة
تخلوني أكون بينكم
لأن الوِحدة دي لمّا
تزيد ع الحد أنا بعاني

لأن الوِحدة دي (لمّة)
(زادت) ع الحد وأنا بعاني

#مؤمن_بسيوني

(وحداني في اللمّة) - مؤمن بسيوني

مزج سريع أول / رامي عصام

مصدر الأغنية
https://www.youtube.com/watch?v=tdULKA6tXKs

الجرح جديد - نجاح سلام

شعر : سميح القاسم 
قراءة : مارينا 
وها أنت خلف الزجاج المصفح. مقهاك سيارة
الليموزين الوحيدة. سافر إذن في عروقك.
واتبع دخان سجائرك الفاخره
ولا تتبع الطرق الظاهره
قناع وراء قناع
تحاصر أوجه أحوالك الخاسره
وأسراب نمل تحاصر
أشجارك الخاسره
وأحلامك الخاسره
وليل سميك يحاصر أقمارك الخاسره
وأيامك الخاسره
وحزن أشد من الليل ليلا
يحاصر قهوتك الفاتره
وأنت.. أشد من النمل حزنا
أشد من الليل حزنا
أشد من الماء والحزن حزنا..
لغيرك أن يتلهى بسخف التفاصيل.. حسبك أنت اكتمال الفجيعة. جيما من الجهل.. جيما من الجبن. جيما
من الجوع. تختصر الأبجديه
وتهوي النيازك في ساحة البيت تحفر في مسكب الورد
قبرا. وتهتز جدران بيتك خوفا. وتحضن ما
ظل من صور عائليه
وما ظل من قسمات الهويه
لغيرك ما يتراءى على شرفة الأكاديميا ومختبر البحث
والمقعد الجامعي الوثير
وتبقى أخيرا. مع اللحظات الأخيرة. من بعض عمر قصير
أمام التفاصيل. خلف التفاصيل.. تبقي أخيرا وتبقي
بعيدا،
ويبقي..
ملاك مريض يلوب علي سطح بيتك. من وسلوي على نار سيناء. هذا الشواء اللذيذ امتحانك. فامضغ
إذا شئت زهدك. وانس القرابين. كل عرائسك
الفاتنات طعامى لأسماك قرش. فلا النيل يطلب
لحم العذاري. ولا الخصب رهن ابتهالاتك الخاويه
هنا حجر الزاويه
وأنت تلوب ملاكا مريضا على باب شعبك
والريح باردة قاسيه
ولا كلب ينبح
لا باب يفتح 
لا إنس. لا جن. القلب يمنح راحة رحمته الحانيه
وأنت غريب هنا. ووحيد هناك
أشد من الماء حزنا.
تفقد مع البرق أطراف جسمك. وانهضٍ.. عسيرى نهوض
البراكين بعد الخمود الممل.. عسيرى نهوض الضحايا
ولا تنتظر جسدا في خداع المرايا
ووهم المرايا
تفقد شرايين قلبك
وأرجاء رعبك
وحطم سراب المرايا
وغادر مع البرق أطلال حبك
حزينا. حزينا. أشد من الحزن حزنا
لك الثائرون علي ساعة لاتدور. لك الشهداء.
احترس من هواة الكلام المنمق. حاذر
مراثي الصياغات بالضوء والصوت واللون.
حاذر طقوس البلاغة رقصا علي الدم. أنت تغربت
عن جوقة السيرك. لم يغوك السير فوق الحبال
ولا قفزة البهلوان
وأنت تغرب فيك الزمان
وأنت تغرب عنك المكان
وآب الطغاة
وغاب الحواة
لتمكث وحدك في ساحة الأفعوان
مليكا بلا صولجان
وطفلا.. ولا والدان
وحيدا.. غريبا.. حزينا
أشد من الماء حزنا.
لمن علب الأدويه
لمنٍ سترة الصوف والأغطيه
لمنٍ هاتف الأمبولانس وعنوان عائلة
الصيدلي المناوب أنت تناور نأي
المدي ودنو الأجل
لماذا؟ وكيف وأين وهل!
دع الأحجيه
وأسئلة القلق المزريه
فما أبدى في أزل
وألف نبي وصل
وقبلك ألف نبي رحل
أشد من الماء حزنا
أشد من الحزن حزنا
أشد من الموت حزنا.
ہ
فراشة روحك تخفق مبهورة بالرحيقي الشهي
علي فمك الأرجواني.. سيارة تسبق الضوء
في الشارع العام. تضرب عصفورة. يتناثر
في الريح ريش الأغاني القديمة. فيلم قديم
على شاشة التلفزيون. فاتن تخفق مثل
الفراشة بين ذراعي فريد وأنت مريض
بما يحدث الآن.. أنت مريض. فراشة روحك
تخفق. رف العصافير يخفق. قلبك مازال
يخفق. ما يحدث الآن موتى سريع يمر ببطء.
وقلبك يخفق بين العصافير والريح. ما يحدث الآن
لا يحدث الآن. عرض جديد لفيلمي قديم على شاشة
القلب. يعرض قبل حليب فطورك. فيلم قديم. وأنت
مريض. وأنت حزين
أشد من الماء حزنا.

أشد من الماء حزنا

There she was, standing in the distance like a fading spirit. I remember all those days we spent together walking on the streets of that big busy city.I was only listening .There was no need for me to talk and she was speaking to me not by her mouth and lips but by her eyes. All I could ask for was her standing by my side, smiling. We walked for maybe an hour to the airport and there she was, standing on the other side of the passing gate. She just turned around and smiled, waved her hand at me. But to me it wasn't a goodbye. It was something even more heart-rending. Will we ever meet again?


Some material from my third album.Still incomplete.Still needs more touches of beautiful human souls who were once in my life.

Frost

(أنا عمري ما أنساكي / إعتراف القمر) 

تقريباً القمر بيعاتب على غيابك
ويلومني على إني عايش هنا بدونك
رسملي صورتك هناك وإنتي بتحاوطيه
وبرغم أحزاني بشوفها بعيونك..

انا اهو بعيد عنّك
وانتي هناك مع مين؟
قالي القمر إنّك
سيبتيه بقالكوا سنين
طب مين يحاوطه هناك
وينوّر السماوات؟
فيه لسّة بعض حاجات
بتجيني بإبتسامات
فيه لسّة بعض حاجات
فاكراني وأنا ناسي
لكنّي كيف أنساكي
إن كنتي من ناسي

والله مش ناسي
ولا ناوي إني أنسى
يمكن ساعات بقسى
وببان ساعات صامد
وكمان أنا بعترف
تفكيري بقا غامض
لكن طريقي هنا
بلاقي فيه وامض

ف أضطر اكمّل فيه
ليه القمر يزعل؟
لما إنتي بتحاوطيه
ده أنا حتى بتمنى
إني أكون في مكانه
يمكن اشوفك هناك
أو أحسّ أحزانه
يمكن تكون أحزانه
سببها أحزانك

طب يعني لو تسمحي
ممكن اكون في مكانك؟
يمكن أحسّ الدفى
أو أحسّ أحضانك
أو حتى أشوف القمر
بيلاقي نوره منين
يمكن نعود وقتها
من غير ما نبقى إتنين
يمكن نعود قلبين
لكن في روح واحدة
يمكن ساعتها أخفّ
من زحمة الوِحدة

يمكن اشوفك تاني
وابدأ اعيد وصفك
لو جيتي في مكاني
تلاقيني أنا في صفّك
ويمكن تلاقي القمر
ضاحك ومش باكي

وهيعترف وقتها:
أنا عمري ما أنساكي..

#مؤمن_بسيوني

(أنا عمري ما أنساكي / إعتراف القمر) - مؤمن بسيوني

Momen Basuny - مؤمن بسيوني

Related tracks