قصيدة لقيتي زيي ؟

همست فى ودنى بحبك
كان جسمها مفرود والخمرة عميانى 
وبياض ايديها كان بيزعق لما تعدل شعرها 
"الواد بيعرج بالرصاصة اللى فى رجلة"
======================
شدت حزام الروب
وبانت زى شىء معرفش شعرى يوصفة 
"كانوا العساكر قربوا والواد متبت عالحجارة اللى فى ايدية"
======================
مدت ايديها 
وقفت كل الساعات 
صوت الكاسيت 
نبهنى انى فى شقتى 
"كانوا العساكر قربوا بيقربوا والواد متبت عالحجارة اللى فى ايدية"
=====================
وقعت ازازة البيرة من ايدى على طرف السرير 
"الواد صرخ فى مخبأة"
فاتلفتت قلقانة خايفة تتجرح 
"جريت على صوت العساكر 
وابتدا صوت الرصاص يملا الجبل"
دورت عندى فى الدولاب 
على حاجة تنفع لجل تتحزملى بيها 
ملتقيت غير شال اخويا اللى اتقتل تحت الجبل
كان بردة يعرج لما يمشى مالرصاصة اللى فى رجلة
وكان متبت عالحجارة اللى فى ايدية
=====================
مين اللى خانك ياوطن !!
قلعت حلقها
لما عورنى فى رقبتى 
وحطتة جنب السرير 
"نامت على الارض العساكر
لجل تسمع دبة الواد اللى لسة مستخبى 
اتكسف صخر الجبل من وقفتة 
هيج رماله عالعساكر"
=====================
سامحينى ياوحدك 
مقدرش اعيش هارب 
أنعس فى حضنك كيف ؟!!
والرمله فى الصحرا واقفة وبتحارب ,,,

همست في ودني بحبك - هشام الجخ

أنا آسفة لو كلامى هايجى على جرح مفتوح ..
الكلام هنا للبنات اللى .. قلبها مجروح :

القلب اللى يسيبك ... سيبيه ..
و لما يوم الشوق يعَطَّل خطوتك ... قولى بـ ثبات : "القصة ماتت من زمن ... و اللى مِشى ... بقى جرح / و غريب عنّنا .. يابت مالكيش دعوة بيه" و امشى .. و سيبيه
‫#‏القاعدة_الأولى‬

هاتبكى ؟ إبكى و صرّخى ..
مايهمكيش ...
و ورّى دمعِك للحياة ... خليه براحته
و سيبى جرحِك يا البنيّة ماتكتميش ..
وقت الألم لازم هاياخد من الوجود فى الروح مساحته
‫#‏القاعدة_التانية‬

كل اللى فات ... بـ الوقت مات ... و الذكريات طبيعى تيجى تعذبِك ... و صعب جداً ذكرى منهم تِفرحِك ...
حاولى يا بت ما تشبكيش .. روحك بحاجة تفكَّرِك ... و ماتسيبيش حواليكى ليهم شىء مسيره يجرحِك
‫#‏القاعدة_التالتة‬

قلبِك : دهب .... و مافيش ولد فى الدنيا دى إسمه "الأخير" ... فـ كونى واثقة فى ربنا ..
إن الحكاية اللى انتهِت ... لو فيها خير ... كان زمان لسه الولد قاعد هنا
‫#‏القاعدة_الرابعة‬


اياكى مرة تسيبى نفسك للندم مجروحة فى بلاد السكوت
‫#‏القاعدة_الخامسة‬

ماتوّقفيش مشوار حياتك يوم عشان واحد مِشى ..
أصلا حياته مكمِّلة
اصل الولد لو كان جدع .. ماكانش عقَّد مسألة .
‫#‏القاعدة_السادسة‬

اللى غايب .. مش بـ يرجع ..
ف بلاش يضيع غُمرك يا غالية فى الانتظار
‫#‏القاعدة_السابعة‬

إعملى الشىء اللى ممكن تخرجى بيه م الوجع ... و عيشى أحلام العيال ..
و ماتخافيش ... لو حتى قالوا اتجننت - شَرع الجنان فى الحالة دى بيكون حلال
‫#‏القاعدة_التامنة‬

ماتبتديش يومِك بـ حد ... و ماتسمعيش كلام م القلب قصده يخيّبِك ..
و ماتربطيش روحك بـ واحد تانى من باب العَوَض ... علشان مسيره يعذِّبِك
‫#‏القاعد_التاسعة‬

ماتشتكيش ... و فى كل لحظة تندبى .. حظك عشان إنسان ظلم .. و تبكى واحد مش هنا

#القاعدة_العاشرة 

شدى عودك يا ام أحلام طيّبة ... و ماتطلبيش مساعدة غير من ربنا

كلمات : مروة جمال الدين
القاء : سما نوار
رسم :داليا رشوان

القواعد العشر_مروة جمال الدين_سما نوار

الشتا المرادي يفرق
عن شتا باقي السنين
الشتا المرادي.. بارد
بيتنا اصبح ناقصُه واحد
بيتنا نِقصه اهم واحد ..
أنا عارف ان العمر نصيب
زي الأرزاق..
و انه قانون من قبل ما نيجي الكون محطوط
"الناس بتعيش , علشان هتموت"
و اللي بينزل تحت بينسى
و العايش هو اللي بيفضل دايما يشتاق..
و بيفضل داير ف دماغه شريط التفاصيل..
أنا فاكر ..
من ساعة ما ابويا اخدني
الصبح ف اول يوم "كي جي"
خلاني اسوق و انا فوق فوق حجره
كات ماشية العربية..و ماشي..العمر جميل
و لغاية ما عقارب ساعتي
أخدوني على خوانة و جريوا
و لاقتني ف وسط عزاه.. بليل...
,
فيه حاجات اكره افكر فيها
من كتر ما فعلا و جعاني
مثلا..
الدنيا ف وقت مكان فيها
و كان عادي بيقعد ف الصالة
او يقعد ع الكرسي مكاني
مافضلتش حاضنه ازاي لما..
كان لسة الحضن ف امكاني ؟
اللي بيمشي بياخد دايما
من قلب اللي عاشرهم حتة
مش ممكن تتعوض تاني
و أنا ابويا ف وقت ما كان ماشي
و بيلملم روحه و بيسافر
خد قلبي معاه جوة الشنطة
و ساب جرح ب عمق مالوش اخر
مش ممكن صاحب او بنت هتقدر تملاه..
,
أنا باين قدامهم بارد
باين أهدى و أعقل واحد
أنا كنت عليك دايما ساند
دلوقت انا لازم أشيل عنك
أنا جامد زيك و طالعلك
مش عايزك تقلق على ابنك
لكن بيني و بينك يعني..
مالحقتش لسة أشبع منك
ما أضحكش عليك
أنا بفضل بليل مستنيك..قدام الباب
الساعة اتناشر ليه و ماجتش
و طلبتك كذا مرة ماردتش
البيت منغيرك بقى ضلمة
و الجنة أكيد هتنور بيك
تعرف....
أنا بنسى ساعات
و بدل ما أدعليك ب الرحمة
بدعي يمد ف عمرك ليا.. و يخليك
ليه ف الجنة مفيش شبابيك ؟
كنت أشوفك حتى دقيقة و لو مش هنطق
عايز أفضل حاضن فيك..
و لغاية ضهرك ما يطق طق ,,
صحيح..
و ديت الساعة اللي ف اوضتك
تتصلح , طلعت مش بايظة
مع اني حاسسها بتمشي ابطأ !
أشهد انك كنت حنين..
و انك كنت و نعم الأب..
ده اللي مخلي فراقك صعب...
انا اسف لو برغي ,
أديني..
إرتحت و فضفضت شوية
و بالنسبة ل أمي و أخواتي
فانا زي ما كنت مربيني
بابنيلهم بيت جوة عنيا..
و لغاية ما عقارب ساعتي
تاكل ف العمر و أعديلك..
مع ألف سلامة...بدعيلك
نتقابل ع الناحية التانية..

كلمات و أداء : محمود خليفة
هندسة صوتية : مصطفى حسنين

إلى والدي -- محمود خليفة

كلمات واداء : الشاعر محمد عبد العال
(www.facebook.com/77Melsayed)

عزف العود و هندسة صوتية : أحمد مسعد عدلي
(www.facebook.com/anaahmedmosad?fref=ts)

~*~*~*~*~*~*~*~*~*~*~*~*~

( بلكونة )

عَن حُب قدِيم أيام ثانوي
و مُذاكرة فــ حُضن البلكونة
و الصَفحة الصعبة اللي فـ إيدك
م المَادة الرِخمة الملعونة
فناجين القهوة المَرصُوصة
جَنب الكشاكِيل المَركونة
عن أول مرة تـقابِلـهَا
و المَطرة و الجَاكيت الأحمر
والجُرأة و أفكار مجنـونة
عن حجة إنها عايزة كتاب
وبحبك منها فقلبك داب
عن موضوع تافه بعده غياب
ورقمها اللي انت حفظته صم
بقى خارج الخدمة بدون أسباب
عن أول مرة تحس بجرح
و يزورك شوق و حنين و عذاب
عن قرب معاد الامتحانات
و انت مفتحتش لسه كتاب
بتعذب نفسك بالنسيان
لاجل ما كشكولك ينساها
بتركز في كتاب الكيميا
و تحاول تطرد ذكراها
الجامعة بتاخدك حكاياتها
و سطورك مش ناسية هواها
أيامك جريت في ثواني
بتسافر بتحاول تنسى
وجعك لو عدت من تاني
و البلكونة بتحكي القصة
وبتسأل لو كات فاكراني
و لا طبيعي تكون مش حاسة
ثم تفوق للواقع تلقى
بسمة و دمعة لسه حابسها
أصل سؤالك يشبه عدمه
لما فروع النور اتلضموا
ع البلكونة و جالها عريسها

#محمد_عبدالعال





بلكونة - محمد عبدالعال I Mohamed Abdelaal - balcona

سلام عليكم، وعلينا سلام
سلام إليكم، وإلينا سلام
سلام على من رد السلام
وسلام حتى على من لم يرد
سلام باسم الرب السلام
رب العباد الله الصمد
سلام ترعرعنا فيه
سلام معجون بأرض هذا البلد
سلام ما عدنا نسكن فيه
سلام ما عاد يسكن فينا
سلام نراقبه، وهو يحزم حقائبه
ليهجر، رويدًا رويدًا أراضينا
ويحل مكانه ، تسليم واستسلام لتأسلم لا إسلام فيه
كأن إسلام أجدادنا ما عاد يعنيه
أتدرون لم يهاجر منا السلام
أتدرون لم يعم فينا الظلام
ببساطة لأننا مجتمع يخاف
نحن مجتمع يخاف الاختلاف
كلماتي لن تعجب بعضكم أو جلّكم أو كلكم
أعرف
لكني سأقولها لأني رافض أن أكون من الخراف
نحن مجتمع يرفض الاعتراف
أنه مجتمع يعيش التخلف
نحن مجتمع يصيح بكل صفاقة
ويدّعي أنّه حامل لفكر مختلف
نحن مجتمع يهوى التعالي من فراغ
ويدّعي أنه مجتمع مثقف
يا ويلي ما هذا القرف
فقبول الاختلاف عندنا ليس إلا غلاف
اختلاف اللون يؤذينا
اختلاف الشكل يؤذينا
اختلاف الفكر يؤذينا
اختلاف الدين يؤذينا
حتى اختلاف الجنس يؤذينا
لذا نحاول اغتيال كل اختلاف فينا
تحولنا لبعضنا سمًا زعاف
نحن مجتمع أحمق من الحمق
نعم نحن مجتمع أحمق من الحمق
نتنازع على التفاهات والترهات والخرافات
ونرفض دومًا أن نغوص في العمق
ولا أبرئ أحدًا لا مدنيين ولا ساسة
لا من يستكين لبلادة الصمت
ولا من يدّعي فينا القداسة
لا من يتبع الغرب كالأعمى
ولا من يريد إعادة أمجاد الخلافة والنخاسة
وتقطيع الأرجل من خلاف
دعونا نجرب أن نغوص فينا
في أعماقنا
دعونا نجرب أن نعانق أرواحنا
دعونا نجرب أن نعانق في الأرواح اختلافاتنا
ها أنا أمامكم..
بلوني بشَعري بشِعري بأطواري بأفكاري
أنا لا أخافكم
أنا لا أخاف اختلافكم عني
لأنني منكم، ولأنكم مني
دعونا نخلق فن
دعونا نغوص في الحلم
لنرسي ثقافة بلا سخافة
ليكون الرقي فينا هو أسمى خلافة
دعونا نذوب الأعراف والأجناس والأطياف
والأفكار والألوان والأديان
ولا نرى سوى الإنسان

"أنيس شوشان-"سلام عليكم" ضد العنصرية والطائفية

أنيس شوشان _ محاولة للنوم

قصيده سلام عليكم - للشاعر أنيس شوشان

youtube.com/watch?v=Zm5qEpzLaAw

مديح للنبي صلي الله عليه وسلم للشيخ ايهاب يونس

فكر جيدا يا ابن آدم-أنيس شوشان

مقطع جاهز من حوار احمد مكي مع احمد يونس في كلام معلمين .

كانوا ناس مش حقيقين -

كل وهد فى هاله يا موهى 
https://www.facebook.com/mon.pop.3

قصيده سلام عليكم - للشاعر أنيس شوشان

Mon Pop

Recent comments

Omar Abdelnasser

Related tracks