قصائد

هذا الحلم الأحد الصمد الساكن فيّا

مازالت وبرغم الثورة تحكمني حكما ملكيّا

 

نانا البت الدوشة الظيطة

المغرب تنزل في الاستاد

انا كنت دهل صغير لسه

بسرح شعري من الضهرية

 

وشايف شعرها نازل يدلع على خدها

المكوة البايظه كأنها عارفه معادي معاها اشتغلت وحدها

 

فرحت بيا سلالم بيتنا وانا نازل بتنطط فرحة

قلعت عنها حجاب الطرحة وقعدت تدعي

شم المدخل ريحتي عرفني

غمزلي بعينه عرفته كشفني كسفني

ضربته في عينه وطرت

زعق فيا وقالي هتفضل برضه صغير مهما كبرت

 

مدخل بيتنا اللي مربيني كان دايما عايش ويانا

كان يسهر في الامتحانات ويوصلنا لغاية اللجنة ويستنانا

والمره دي قالي أمانه

أمانه يارايح لتسلم على نانا

 

أصحابي عايزني اوصفها

وانا مش لاقي في وصفها زي

شعرها اسود.. لا مش اسود

شعرها ناعم.. لا مش ناعم

شعرها زي اللي ملوش زي

اسمها نانا وساكنه وريدي

بس الناس بيقولوا عليها

ساكنه معانا في نفس الحي

مشيها زي غرير المي

رمشها زي جدايل ضي

جدها من النوع الوحداني اللي ملوش خي

 

نانا كانت لما بتضحك يحلا في عيني العمر الجي

كانت لما بتجرح قلبي تحلى لقلبي قولة اي

قال وصحابي بيقولوا اوصفها

طب والله نفسي اوصفها

بس هاتولي في وصفها زي

هشام الجخ - نانا

حـظَــك كـــــــده

 

 

 

 

مكتوب عليكى تحبى واحد قلبه صدى

لا الفرحه تقدر تنعشه ولا حزن يقدر يرعشه

ولا نكته حتى تفرفشه ولا حتى خضّه

مع ان قلبك من دهب

مكتوب عليكى تحبى واحد قلبه فضه

حظك كده

 

كل البنات اللى فى حياتى قبلك

أستنونى نمت وغدروا بيا

عِدِّى جوابات الغرام اللى فى دولابى

شوفى كام مره اتغابيت وفتحت بابى

مره بيضه ومره سمره

دى طويله ودى تخينه

وأردنيه ومغربيه وفى الروسيه

وفى العجوزة ..وفى الصبيه

وفى النهايه الكل بردك غدروا بيا

أحتمال العجز فيا

 

المهم انى خلاص ما بقتش قادر أحب تانى

جسمى نحس من السهر والانتظار ومن الاغانى

 

انتى أجمل واحده حبتنى فى حياتى

رقه الكلمه فى شفايفك

الخيال اللى محاوطنى

ومحاصرنى وانتى غايبه كأنى شايفك

العيون المعجزات اللى بخاف أرفع عينيه

يغضب المولى عليه

والله ما أنا عارفلى خوف

أنا ببقى خايف ربّى ولا ببقى خايفك

 

إنتى بِكْر كل

حاجه فيكى بِكْر

الشوارع والمدرج والأمانى

جوه منك لسه بِكْر

أما أنا جيش مالحريم استهلكونى

يا ما رقدوا و يا ما لعبوا ويا ما سكنوا

فيه إيجار وفيه اللى ملك وفيه خدتنى وضع يد

صبحت حكر

وانتى بكر

طب هاينفع؟

 

عارف أنها مش خطيئتك

إنى عيشتى معقده

بس اعمل ايه

حظك كده

 

هشام الجخ - حظك كده

هشام ألجخ متصدقيش.mp3

من حلقات راديو ايامنا اسامه عطيه يغني قولو لها 

من حلقات راديو ايامنا : اسامه عطية : قولو لها

أنا آسفة لو كلامى هايجى على جرح مفتوح ..
الكلام هنا للبنات اللى .. قلبها مجروح :

القلب اللى يسيبك ... سيبيه ..
و لما يوم الشوق يعَطَّل خطوتك ... قولى بـ ثبات : "القصة ماتت من زمن ... و اللى مِشى ... بقى جرح / و غريب عنّنا .. يابت مالكيش دعوة بيه" و امشى .. و سيبيه
‫#‏القاعدة_الأولى‬

هاتبكى ؟ إبكى و صرّخى ..
مايهمكيش ...
و ورّى دمعِك للحياة ... خليه براحته
و سيبى جرحِك يا البنيّة ماتكتميش ..
وقت الألم لازم هاياخد من الوجود فى الروح مساحته
‫#‏القاعدة_التانية‬

كل اللى فات ... بـ الوقت مات ... و الذكريات طبيعى تيجى تعذبِك ... و صعب جداً ذكرى منهم تِفرحِك ...
حاولى يا بت ما تشبكيش .. روحك بحاجة تفكَّرِك ... و ماتسيبيش حواليكى ليهم شىء مسيره يجرحِك
‫#‏القاعدة_التالتة‬

قلبِك : دهب .... و مافيش ولد فى الدنيا دى إسمه "الأخير" ... فـ كونى واثقة فى ربنا ..
إن الحكاية اللى انتهِت ... لو فيها خير ... كان زمان لسه الولد قاعد هنا
‫#‏القاعدة_الرابعة‬


اياكى مرة تسيبى نفسك للندم مجروحة فى بلاد السكوت
‫#‏القاعدة_الخامسة‬

ماتوّقفيش مشوار حياتك يوم عشان واحد مِشى ..
أصلا حياته مكمِّلة
اصل الولد لو كان جدع .. ماكانش عقَّد مسألة .
‫#‏القاعدة_السادسة‬

اللى غايب .. مش بـ يرجع ..
ف بلاش يضيع غُمرك يا غالية فى الانتظار
‫#‏القاعدة_السابعة‬

إعملى الشىء اللى ممكن تخرجى بيه م الوجع ... و عيشى أحلام العيال ..
و ماتخافيش ... لو حتى قالوا اتجننت - شَرع الجنان فى الحالة دى بيكون حلال
‫#‏القاعدة_التامنة‬

ماتبتديش يومِك بـ حد ... و ماتسمعيش كلام م القلب قصده يخيّبِك ..
و ماتربطيش روحك بـ واحد تانى من باب العَوَض ... علشان مسيره يعذِّبِك
‫#‏القاعد_التاسعة‬

ماتشتكيش ... و فى كل لحظة تندبى .. حظك عشان إنسان ظلم .. و تبكى واحد مش هنا

#القاعدة_العاشرة 

شدى عودك يا ام أحلام طيّبة ... و ماتطلبيش مساعدة غير من ربنا

كلمات : مروة جمال الدين
القاء : سما نوار
رسم :داليا رشوان

القواعد العشر_مروة جمال الدين_سما نوار

كلمات واداء : الشاعر محمد عبد العال
(www.facebook.com/77Melsayed)

عزف العود و هندسة صوتية : أحمد مسعد عدلي
(www.facebook.com/anaahmedmosad?fref=ts)

~*~*~*~*~*~*~*~*~*~*~*~*~

( بلكونة )

عَن حُب قدِيم أيام ثانوي
و مُذاكرة فــ حُضن البلكونة
و الصَفحة الصعبة اللي فـ إيدك
م المَادة الرِخمة الملعونة
فناجين القهوة المَرصُوصة
جَنب الكشاكِيل المَركونة
عن أول مرة تـقابِلـهَا
و المَطرة و الجَاكيت الأحمر
والجُرأة و أفكار مجنـونة
عن حجة إنها عايزة كتاب
وبحبك منها فقلبك داب
عن موضوع تافه بعده غياب
ورقمها اللي انت حفظته صم
بقى خارج الخدمة بدون أسباب
عن أول مرة تحس بجرح
و يزورك شوق و حنين و عذاب
عن قرب معاد الامتحانات
و انت مفتحتش لسه كتاب
بتعذب نفسك بالنسيان
لاجل ما كشكولك ينساها
بتركز في كتاب الكيميا
و تحاول تطرد ذكراها
الجامعة بتاخدك حكاياتها
و سطورك مش ناسية هواها
أيامك جريت في ثواني
بتسافر بتحاول تنسى
وجعك لو عدت من تاني
و البلكونة بتحكي القصة
وبتسأل لو كات فاكراني
و لا طبيعي تكون مش حاسة
ثم تفوق للواقع تلقى
بسمة و دمعة لسه حابسها
أصل سؤالك يشبه عدمه
لما فروع النور اتلضموا
ع البلكونة و جالها عريسها

#محمد_عبدالعال





بلكونة - محمد عبدالعال I Mohamed Abdelaal - balcona

سلام عليكم، وعلينا سلام
سلام إليكم، وإلينا سلام
سلام على من رد السلام
وسلام حتى على من لم يرد
سلام باسم الرب السلام
رب العباد الله الصمد
سلام ترعرعنا فيه
سلام معجون بأرض هذا البلد
سلام ما عدنا نسكن فيه
سلام ما عاد يسكن فينا
سلام نراقبه، وهو يحزم حقائبه
ليهجر، رويدًا رويدًا أراضينا
ويحل مكانه ، تسليم واستسلام لتأسلم لا إسلام فيه
كأن إسلام أجدادنا ما عاد يعنيه
أتدرون لم يهاجر منا السلام
أتدرون لم يعم فينا الظلام
ببساطة لأننا مجتمع يخاف
نحن مجتمع يخاف الاختلاف
كلماتي لن تعجب بعضكم أو جلّكم أو كلكم
أعرف
لكني سأقولها لأني رافض أن أكون من الخراف
نحن مجتمع يرفض الاعتراف
أنه مجتمع يعيش التخلف
نحن مجتمع يصيح بكل صفاقة
ويدّعي أنّه حامل لفكر مختلف
نحن مجتمع يهوى التعالي من فراغ
ويدّعي أنه مجتمع مثقف
يا ويلي ما هذا القرف
فقبول الاختلاف عندنا ليس إلا غلاف
اختلاف اللون يؤذينا
اختلاف الشكل يؤذينا
اختلاف الفكر يؤذينا
اختلاف الدين يؤذينا
حتى اختلاف الجنس يؤذينا
لذا نحاول اغتيال كل اختلاف فينا
تحولنا لبعضنا سمًا زعاف
نحن مجتمع أحمق من الحمق
نعم نحن مجتمع أحمق من الحمق
نتنازع على التفاهات والترهات والخرافات
ونرفض دومًا أن نغوص في العمق
ولا أبرئ أحدًا لا مدنيين ولا ساسة
لا من يستكين لبلادة الصمت
ولا من يدّعي فينا القداسة
لا من يتبع الغرب كالأعمى
ولا من يريد إعادة أمجاد الخلافة والنخاسة
وتقطيع الأرجل من خلاف
دعونا نجرب أن نغوص فينا
في أعماقنا
دعونا نجرب أن نعانق أرواحنا
دعونا نجرب أن نعانق في الأرواح اختلافاتنا
ها أنا أمامكم..
بلوني بشَعري بشِعري بأطواري بأفكاري
أنا لا أخافكم
أنا لا أخاف اختلافكم عني
لأنني منكم، ولأنكم مني
دعونا نخلق فن
دعونا نغوص في الحلم
لنرسي ثقافة بلا سخافة
ليكون الرقي فينا هو أسمى خلافة
دعونا نذوب الأعراف والأجناس والأطياف
والأفكار والألوان والأديان
ولا نرى سوى الإنسان

"أنيس شوشان-"سلام عليكم" ضد العنصرية والطائفية

https://www.youtube.com/watch?v=ueUWiQspKig

هشام الجخ - طبعاً مصلتش العشا "المشهد الخامس"

أنيس شوشان _ محاولة للنوم

قصيده سلام عليكم - للشاعر أنيس شوشان

youtube.com/watch?v=Zm5qEpzLaAw

مديح للنبي صلي الله عليه وسلم للشيخ ايهاب يونس

بسم اللي خلق الصورة من غير أصل
بسم اللي خلق القلب وصل و فصل
ثم ابتلانا بعيشة في الدنيا 
الدنيا أصلاً لهو وياه هزل 
إني أوصيتُكِ .. فاستَوصي
بالله عليكي .. لا تنسي 
اقري آيات الكتاب 
ثم اذكريني 
ثم دعوة عند فتح الباب
و اذكري لهو الشباب
و اذكري حبة عتاب 
كانوا بيننا ..
اذكريني ..
و ادعي ليا أكون في جنة 
بعد ما سيبتيني ليهم 
أمشي فيهم 
ناسي أنّ
الدنيا دي مش دايمة لينا 
و احنا فيها دايرين نطوف 
اذكريني عندَ مَوتي 
و طمني بالك الشغوف 
اذكريني لما هبقى في حضن غيرك
و انتي بردو شايفة غيري 
مش خيانة .. كأني طيرك
اذكريني بحسن سيري 
و قلة الحيلة اللي فيا
اذكريني بدعوة ليا
اذكريني عندما أنسى
أنسى ؟ّ!
أنسى إيه ؟!
و انتي ساكنة في قلبي لسه 
أقول لك إيه ؟!
فرقة و بكا ..
حظ انتهى أو أوشَكَ
أو أوشَكَت ..
جميع حكاياتي اتحكت 
جوه قلبك حافظة كل حكاية بيننا 
جوه سجدة حفرت إسمك 
تشهد صلاة الفرض و السنة
حتى تشهد كل سهرة
حتى يشهد ليا بردي فـ وقت مطرة
حتى تشهد ليا رعشة جوه جسمي
حتى يشهد ليا إسمك .. 
اللي بيرافق دعايا قبل إسمي 
اذكريني ..
بحق من خلقك فـ سوى النور على جسدك
بدال الطين ..
فـ سواكي كما الملكين ..
إنتي نور 
كل حاجة فيكي نور 
بشوف في عنيكي الجنة و ما فيها 
يا بنت يغيروا منها الحور ..
اذكريني ..
عندما تنجح الثورة 
و تفوت سنين غبرة 
و تعيشي حرة ..
و انتي حرة ..
اذكريني عندما ..
تكوني إنتي .. زي ما حلمتي 
مش زي حلمي اللي كنت بشوفه ليكي
اذكريني عندما تدمع عنيكي ..
بعد موتي .. 
لو فـ يوم فكرتي فيا 
اذكريني و سيبي ليا 
رسالة عند الله في بيته 
أنا عارف انك نفسك في زيارة 
حتى يعني بالأمارة
الصورة اياها 
اذكريني عندما تكوني فـ متاهة 
مش لاقية غيري تحكي ليه 
اذكريني بأي شئ .. لو حتى إيه ..
اذكريني عندما ..
تنزل دموعي من السما ..
على هيئة المطرة اللي إنتي بتعشقيها 
ادعي ليا في ليلة فيها ..
و اذكريني ..
في كل طريق بيأدي لطريق غيره 
بيأدي لغيره و غيره و غيره 
اذكريني عند تسبيح الصباح
عندما يسبح له طيره
بعد صلواتك و بعد أي عبادة
عندما تكوني فـ سعادة
اذكريني بعد شربك قهوتك سادة 
بعد ما ودعت قلبك 
كل اللي نفسي تعرفيه 
فـ وقت ذكري و تشوفيه 
إني حبيبتي برغم بعدي 
لسه عايش ليكي .. و بحبك 
و هتفضلي إنتي .. 
وحشاني و معايا 
يا جنّة نفسي فـ حُضنها 
إسمك في كل دُعايا ..!

قصيدة " اذكريني " لـ علي حسن " Ezkorini " Ali Hassan

Ahmed Kamel - Gawbna Yalail Ft Khaled Essam - أحمد كامل - جاوبنا ياليل مع خالد عصام

مقطع جاهز من حوار احمد مكي مع احمد يونس في كلام معلمين .

كانوا ناس مش حقيقين -

كل وهد فى هاله يا موهى 
https://www.facebook.com/mon.pop.3

قصيده سلام عليكم - للشاعر أنيس شوشان

Mon Pop

Recent comments

Omar Abdelnasser

Related tracks