حالة_واتس__whats_story_-_صعب_أجبر_عيونى_تنام_فى_ليله_وانتى_زعلانه(256k).mp3

مهرجان : مليون وداع
غناء : سيكا وديدو
كلمات وتوزيع : سيكا برودكشن

مهرجان :  مليون وداع 💔

تلاوة آسرة سورة لقمان من كاليفورنيا 1428 ه‍ الشيخ مشاري راشد العفاسي

زيارة أمريكا 2007

Ramy Sabry - Enty Genan [Official Lyrics Video] | رامي صبري - انتي جنان

وليه ممنوع

Omar Hosny - Nendam Leeh │ 2020 │ عمر حسني - نندم ليه

تامر عاشور - هتوشحنا (Ramsey drums mix )

دولي انتساب


قالو لو مرسي يمشي مصر تبقي جنه..
قالو عليه عميل جاسوس يهود وخانّا..
قالو ده جاي يفتنا ويفرق ما بينا..
قالو الرخاء هيسود في يوم رحيله عنا..

واديك يا مرسي مشيت والله يكون في عونا
رجعنا تاني للفساد اكتر ما كنا
زاد الخراب وغرقنا من تاني ف ديونا
والاقتصاد عالموت خلاص باقيله سنّه

قالو هنبقي دولة عظمي لو يغور
وبكرة مصر بعد عتمة تبقي نور
عملو انقلاب عليه وقالو عليه عبور
انا قلت بكرة تبقي مصر من النمور ____________ ""بلاد النمور السيوية المقصودة هنا"""

واديك يامرسي مشيت وفات عليك شهور
والشعب بعدك زاد مراره وخد خابور __________ ((( اسف جدا بس مضطر)))
لسه الرغيف والبوتوجاز مليون طابور
والزحمة زادت كل يوم شلل مرور

قالو النعيم هيعم مصر وده استحاله
يكون ف عهد رئيس عويل وحالته حاله
داير بيشحت م الدول وبالاصالة
وخلا سمعة مصر ف العالم زباله

انا قلت مرسي هيمشي مش هنشوف بطالة
او شاب خريج هندسة فاتح بقالة
حلم الوظيفة هيبق جد مش اشتغالة
وخلاص يابلدي مش هعيش عليكي عاله

قالو ده وش فقر بومة وكان منحوس
والنحس كان ملازمه ف كل مكان يدوس
وحلم حلمو بيه سنين طلع كابوس
قلت السما من بعده هتمطر فلوس

قلت الرخاء هيعم مصر حارة حارة
وهنبقي من اغني الدول وف الصدارة
النحس زاد وغطي مصر حتة حتة
واخر المتمة شيلتنا غانا سته...

قالو رئيس متربي علي سمعا وطاعة
وان اللي بيحكم مصرالمرشد والجماعة
فشوهوه وطلعو مليون اشاعة
وخانو سيسي كلب مايساويش بتاعة

كبيره جر كارتة كارو او حنطور
شالو وجاب صنم مالوش لزمة وطرطور
ينفع يكون حلواني او بياع بخور
لأ والمصيبة البانجو بقي يكتب دستور

قالو عليه فرعون معيشنا في وسية
وكأن مصر لاهله عزبة او تكية
قالو لو يرحل مصر هتبقي مية مية
هنعيش كرام ف جو العدل والحرية

وأديه رحل ومصر لسه هي هي
دولة مصالح ماشية كوسة ومحسوبية
والذل زاد والدولة رجعت بوليسية
والكلمة فيها للداخلية البلطجية

واديك ياريس اتخطفت وايه الجديد
رجعنا تاني نتعامل كما العبيد
لسه المشاكل قايمة وكل يوم تزيد
وان اعترضت تلقي ايدك في الحديد

ايه الجديد يا شعب معدوم الارادة
ياشعب مكتوبله يعيش عبيد لسادة
ياشعب واخد ع الكرباج وع البيادة
لحد مالمهانة بقت جواكو عادة

ايه الجديد ياشعب بعد الانقلاب
لساكو زي مانتو ما بتاكلوش كباب
لساكو مذلولين وطافحين التراب
لساكو متهانين وعايشين ف العذاب

ايه الجديد من بعد تصحيح المسار
ايه اللي زاد عليكو غير كتر المرار
والذل في المواصلات في ليل نهار
وحكومة فاشلة عمالة تغلي الاسعار

ايه الجديد ياشعب ناكر للجميل
ايه الجديد ياشعب راضي يعيش ذليل
وان قال ف يوم حقوقي ف لحظةيموت قتيل
ايه الجديد والدم كل يوم يسيل

إيه الجديد ؟! .. رسآلة لشعب مصر

كم ليلة منع الغرام منامي ** وحلا لقلبي في هواك سقامي
ووقفتُ في باب المحبة خاضعا ** بتذلل وتخشّع وهيامِ
وأباحَ دمعي ما تُكِنُّ سريرتي ** دعْ عنك عذلي في الهوى وملامي
وتزايدت نيران قلبي حُرقة ** ورمى عذولي مهجتي بسهامِ
ورأى عذولي حالتي وصبابتي ** فبكى لِعظم تهتكي وغرامي
لو طاف طيفُك يا حبيبي في الكرى ** لقنعت منه ولو برد سلامي

وليه ممنوع

moo_abbas