alone

ضحكتلىِ آلدنيا لمآ عِرفتًك لِمآ اخَتارِتكِ انتىِ وبس
حـنـيـة كـِل الـدنـيـآ لـمـآ مـِنـكَ بـتـلـمـسَِ
كـنـتى كـِل حاًجهِ لـيـآ كـنٍـتى آلقمًر كـنـتىٍَ آلشمسِّ 
غـيـبـتىِ واتـغـَيرتـٍى وكـل دآ آتـٍقـلـب عـكـسِ 
كنِت بحآوِل ألـفـٍت نظرك ل التقصيِر بـ قـفـلٍة وشً 
ولوُ فهمتىِ ردَك واحد .. حبيبى خلآِص معلش
ترجّعٍى تانٍى بنفس الغيبه وآرجع تانى بنِفسَ آلوشٍِ 
طب آيِه آللى كٍان بأيًدىِ !! آلاهًتمآمِ مبيطلبشِ
غصِبَ عنىِ لآزمِ آسكتِ غصبَ عنىِ أبقىِ مرضَىِ
غصٍَب عنىٍ أحنَِ ليكىِ غصَبٍ عنىِ أوجعً كرآمتىِّ
بخآفِ ل تضيعِى منَى اخآفِ ل تكونَىِ ارتبطىَ 
صفحهِ جديده آقولها ليكىِ واشدكٍ بيهآ تآنىِ لشطًىِ
بس منًسيتش آلقديمه كآتم فيآ خلقِى داقَ 
بخًآف حتىٍ آعاتبكٍ ل الًعتاب يقِلب فراقّ ِ
وآحّدِه وآحدَه من غٍير قَصَد تَموت حآِجآتَ كتِيرّ جوآنَآ
ف طبيعِىّ مـن كترٍ آلبعدَ تّضٍيع حلاوٍة الآشـتـيـاق
**
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـبِ
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـبِ
**
يآمآ جيِت علىِ نفسىً وآمشى المركبً وتصديَنىٍٍ 
كـمَ مره جيتَ آقربِ وآنتىِ بأيِدك تبًعدينى ٍ
قولِتى بتنًسىِ بيآ حًبٍ زمآآن قوًلتى بتكرهينىِ 
كان سًهل عليٍكى نبعد وآلدمِوع بتجرى ف عيِنىٍ 
وأرجٍع تآنىِ وآفكر نفسى بحِاجه حلوه كانتِ بينآ 
معقُوُل خٍلاصَ بعدًنآ ؟ وٍاسأل نفسى ِازآى قدرنآِآ
احنآ اِلـلىً سهرنآ احًنا اللىِ حلمنآٍ 
احنآ الـلىٍ بعدنآ ومًمكٍن نِرجع لَسٍه بأيدنآٍِ 
رجعًتىِ تكذبىَِ صٍدقتكِ كنًت اٍنآ الغبّىِ 
وأسأل نفسًىِ هًىِ ٍدىِ؟ لآ مًش دىٍ
 من إمتىِ بتقسىَ زى ِدىِ ؟
من إمتىِ مفيشَ بينآ عتٍابً وعآدٍى تبعدىً ؟
لا دًىِ مٍش هىَ دىِ ........ إستٍحآله تبقىِ دٍى 
بقيتىِ حـِد غيًرك خلتينىٍ حِـد غيرىِّ 
مقدرش آستحمل بعدك يوم كآنَِ هوِ دآ كبيرَىٍِ 
خـدتٍ مـنً بـرودكٍ لـيـآ بـقـيـِنـآ زيـ بـعـضٍ 
وبرده ماكنشِ عآجبِ جآيه تقولٍى إنىِ اتغيرِتَ
**
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـبِ
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـبِ
**
بٍـحـَبـكِ متـسـًبـنـيـٍش .. جًـمـٍبـكَ مـتـخـآفـيـشِ 
فِضَلتِ آنآ علِى وعَدى معآكىِ رغم آنكَ قسيتىًٍ
كآنِ فَى وبقٍولَ مفٍيشَ .. لٍيهً محٍستًيٍشَ 
طبٍَ ليًه مٍش فآآكِره آىِ لحَظهِ حلًوه بيٍنآ ؟ ليه نسيتى !؟ 
آنآ الِلىِ رسًمت ملآمًحٍك فِى عيونىٍ آحلىِ مـنً آلقمٍر 
آنآ اللىِ حفًرتٍ بأيدِى على آلشجًره حِرفك وِحرفَىٍ 
آنآِ الٍلىِ قًولِت بيكًىِ هدآوى كل اللِىٍ إتكسرِ 
دآ حتىِ وآنآ مجًروح مٍكرهتكًيشِ كًرهت ضعفٍَىٍ 
قلبكِ هـًد حـبـنـآ وقلبىِ كآن بيبنًىِ 
شوفَت يومِ فرحنآ وشوفًت منٍك آبنىِ 
حآفظتِ عليكىِ بجَد ... دا أنآ خوفِتَ عليكٍىَ منىِ 
انآٍ بـَسِ بفكًرك مَش قصدىٍ آرجًع حآجهً تهينىِ 
يآمآِ قولنِ لبعِضَ ان احنآ لبِعض َدا إحنآ وآحِـد
لا بقينآ فى يوِم لبعَض وبيقنٍا اتَنين مشِ وآحِـد
وادينىِ آما اتٍغيرتَ بقيٍٍنآ بنفِس الطبَع وآحِـد
كِنتً لازٍم افهٍم آن الواحًد مٍن البدايِه ماكنَشِ وآحـِد
**
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـبِ
أيوَه عِآرفَ إتغيِرِتَ أيوُهِ عآرفِ حآلىِ إتقِلبَِ 
بتلوُميِنىَ لِيه !! ليه تَحآِسًبينىِ !! ما إنتىٍَ كنتِى آلسِببَ
غيرَتىِ ف طبَعكِ قدآِمَ طبعِىَ وطٍبعًك اللِى غلَب
حـآجـٍهَ حـِلـوُه كـآنـتِ بـيـنِـآ الـحـَبِ مـَنـآ اتـَسـلـب
.......................................................................
* Layrics By : Aly Elwahsh
* Facebook : https://www.facebook.com/AlyElwahsh.OfficialPage
* Youtube : www.youtube.com/3lyElwa7sh
* Beat By : Danson 
* Recording & mix & mastring By : Mohamed Sakr

Aly Elwahsh _ Etghayart

Title: هى مين
Vocals & lyrics by: Mega 
https://www.facebook.com/MEGA.MUSIQ
http://ask.fm/Anonymmmmmmmmmous
 mixed and mastered by : Rakan sherif
Lyrics
Verse 1:
اوصف فى ايه ما اللى اتقال مجبش فايدة
ازرع واحصد مرار البذرة اصلا فاسدة
فاحقن فى كل خلية فيه مصل لكرهك
لاجل ما انسى انى فى يوم غلطت وقولت احبك

اكدب واقول مش هى بعد السؤال مين هى ؟
كلامك مش لواحدة لا ده لكل جنس حوا
لا ده لحية حورية ماتت بالنسبة لى
الوهم لو يسم اموت احسن ما تعيش فى بالى

مش فارقة مش عاوزها لو مش عايزة
اكبر كدبة كدبتها على نفسى ومن ساعتها
رافض احب حد حتى نفسى مش حببها
لو كان فى موتها راحة وربى لكنت اقتلها  

لحد امتى هاتفضل فاكر ان مفيش زيهاا ؟
ربك زى ما خلقها خلق الاحسن منها
الفكرة مش انها اجمل انسانة فى الدنيا لا
غلطتى شفتها ملاك على الارض مفيش ملايكة

اوصف اتكلم قولى اى حاجة
ايه فايدة الكلام فى موضوع مش هايفيد بحاجة
اصرخ ب #ناى مكسور اكدب واقول مش فارقة معايا
ولا اضحك على نفسى واقول فى بقية للحكاية ؟

Verse 2
حبى م كانش افلاطونى ولا احنا عايشين فى اليوتوبيا
حافظ كل انش فيها كانى لسه بشوفها
ملامحها ضحكتها اصغر تفصيلة حبتها
سواد عنيها اجمل ما فيها مش هكفى مهما اوصفها

كل صورة كل ضحكة تتوصف فى ميت مجلد
هى لبنى فى الفيل الازرق هى حورية فيلم الابيض
هى برضه السكينة اللى دبحت ما اتأنت
هى برود جبل جليد سبب غرق تايتانك

هى مين متسالنيش دورها فرعى وعل الافيش
مسرحية انا اللى كاتبها اموت جواها هى تعيش

هى سم وشفته دوا ...... هى حوا بتاعتى انا
هى قطمة التفاحة اللى بسببها نزلت هنا
هى ملكة توجتها لكن عرشى مكنش لها
هى دليلة ولولا دليلة مكنش شمشون اتعمى

فباختصار لو المرار يتوصف فى كلمتين
هى كانت (حب عمرى)  هى كانت
 (حلم السنين)   

اوصف اتكلم قولى اى حاجة
ايه فايدة الكلام فى موضوع مش هايفيد بحاجة
اصرخ ب #ناى مكسور اكدب واقول مش فارقة معايا
ولا اضحك على نفسى واقول فى بقية للحكاية ؟
Verse 3
صعب فى يوم تحس باللى يوم حسيته
داريته ... ردك يقتل فيه كل دقيقة
دمع ضيقة اهرب من نفسى من الحقيقة
كلمة لا مش بتقتل اللى دبحنى كانت الطريقة

بعد جزئين مرار وبعد فترة النقاهة
بعد اما كنت بموت فى الجزء التانى بالف اهه
بعد اما الكل عاب عليا فهموا النية غلط
الغرض من جزئى التانى كان لفت النظر

لكدبة كدبتها على نفسى وللاسف صدقت
كدبت لما فكرت ان المدارين يتلاقوا
سكانى فى كوكب نائى فالكوكبك يشتقوا

لكن دمار كوكبى كان سببه انى غبى
شفت الهلاك ملاك وشفت شيطان كانه ولى
فانتى اللى بعتى شفتك ملاك شفتك اميرتى
سايب مدينتى بتتحرق رايح انقذ اميرتى
ببنيلك قصر عالى ... اموت مش فاضى ابنى فى سفينتى

فلو انتى شايفة النار معايا الجنة مش هناك
لو انتى شايفانى الشيطان مين فينا اللى ملاك
محمد مات دينا حبت مجرد فكرة
م مجدى مش موجود بالمواصفات اللى هى عازتها
(ملخص فيلم اكس لارج)  
فتلف الدايرة بينا ولسه بتسالى هى مين
هى اول نبض حسه قلبى من سنين
هى ضمير حط الاسم وكمل الحكاية
هى .................... النهاية

ف ورب الخلق كل ذرة حب حبتهالك
اتقلبت جوه منى كره لصنفك ولامثالك
كاره ما فيكى اجمل ما فيكى كان حبى ليكى
كارهك زى ما يوم كرهت نفسى عشان شاريكى

hya meen  l هى مين l

( Saudi ) حزين الوقت

Lyrics :

عمرك ما هتبقي كـ لحن موسيقتي مهما حاولت أعزِفِك
ومهما قلّل يأسي أملي .. هفضل برضه أوصِفِك
لفّي الكون على حد محتاجلِك في حياته قدّي
مهما مُت في كل مرّة في مرّة هتبقي بتاعتي
_____________________________________________

لأوّل مرّة أحلّل المشكلة و اختار حلول
إزّاي هتنبّت بذرة و أنا زارعها فـ أرض بور
سنة و ستّة شهور .. درست فيهم دور واكتَمَل
إزّاي هيعيش الحب لـ قلب في قلب بـ غيره اتقَتَل

ارتباط بذرة بـ زارعها و علاقة نبتة بـ ساقيها
لو تحتاجني بـكون جنبها و كل ما بـحتاجلها بلاقيها
زي ما ميزة اللمبة النور .. إنتي الميزة في أرض تدور
فترة تنوّر فترة تضلّم .. نفسي في نورها نعيش على طول

طول ما شايفِك جنبي حالتي دايمًا مُستَقِرّة
بـ رغم كل عيب .. علاقتنا لسّه مُستَمِرّة
مشكلة شكِّك إنّي بحبِّك صدّقيني مُضِرّة
هفضل مُصِرّ على ارتباطي بيكي لو مُصِرّة

فكّرتي في يوم أنا قد ايه في كل يوم بعاني
بحتاج أمل يساعدني أهزِم كل اللي اتحدّاني
عشاني .. فكّرتي تحُطّي نفسِك مكاني ؟
قِناع القوّة في وشّ الكل .. لوحدي الوشّ التاني

فيه أكتر من إنّي أبقى قادر في لحظة أبدّل قلبك
بـ قلب يضحّي بـ نبضه في سبيل إنّي أبقى جنبك
لكنّني رافض فكرة جمع قلوب الناس بـ إشارة
ايه فايدة إكسير الحياة و أنا محبوس في المغارة

كرهت كل حاجة كانت سبب في مقابلة بيننا
لو يرجع الزّمن تكرار محاولة مش هـيفيدنا
رغم إنّ القافية جامعة بيني و بينك إلّا إننا
مفيش حاجة واحدة قادرة تربط بيننا إلّا أيدنا
_____________________________________________

و فين وفين بـ تِسأل .. إنتَ فين ما تبقى تِسأل
و أتقلّ عليها أقول مصيرها يوم فـ يوم هـتعقَل
عارف مكاني عندِك .. اللي حجزته بـ مفتاح قلبِك
اللي اتصَنَع .. لمّا اتجَمَع .. كل تراك كتبته عنـِّك

بـ يزيد خيالي كل ما أفكّر فكرة و تعيشيها
و أشوف بلّورة في عينِك كنت زمان أنا عايش فيها
بس أنا مش هـكدب أنا مش بـ أرسم كل رسمة ليكي
بـ اسرح بـ اشخبط أركِّز في الخطوط .. أشوف عينيكي

بـ اقابل كل غلطة في حقي بـ حُسن في المُعاملَة
بـ احافظ على كرامتها مبتحافظش و لو مُجاملَة
رغم دفاعي عن قصّتنا وسط مشاكل شاملَة
شايفة نقصي في كل حاجة و أنا شايفها كاملَة

مش هـجبِرِك تقولي حاجة مش عايزة تقوليها
لو طلبتي كنت هـعمل أيّ حاجة تطلبيها
لكن أعمال العالم متساويش مُفرَد من اسمِك
دا العقل بـ يقنع قلبي حالاً إنّه جزء منـِّك

فكراني مبسوط بـ المَكسَب لأ بـ العكس أنا مش عايزهم
عايزينِك تفضلي رفضاني عشان يفضل كلامي لامسهم
بـ يزيدوا في آلامي و رغم القدرة رفضت اؤذيهم
حجّتهم .. غير كلامي في مِحنتهم مين هـيواسيهم ؟

لو إنتي الروح في كل حاجة و أنا اللي مُمتَلِكهم
فـ لا عُزت في يوم أكون مَملوك و لا عُزت أكون مَلِكهم
انتقلنا من اختيار غلط .. لـ بلا اختيار أساسًا
زهقت من رِضاك بـ لبس عمره ما كان مقاسَك
_____________________________________________

لازم نحدّد حَبكَة .. قبل ما يوصل آخر الفيلم
يا إنتي فعلاً هيَّ .. يا إمّا بـ نحلم نفس الحلم 

بـ أجمع قلوب العالم اللي حبّي ساكِن فيها
و أعمل من أجسادهم سِلِّم و أطلع يمكن أوصل ليها
 
و كأنّي كنت بـ أبني أحلى عِشّ لأحلى طير و طار
فـ عِشت أحلم لوحدي فيه و وقفت في نُصّ المشوار
_____________________________________________

Three Stories III
Mfesh Amal ?! II
Isabelle

Sad Romance Imagination Track.

Isabelle

Written by: Mohamed Alaa
Music Prod By : Ahmed Shiko 
Vocals: Mohamed Alaa 
Master and mix by: Z ! Y A Z A N
© 2016 X MuZic

 لينك التراك على يوتيوب :

https://youtu.be/hB01LWx09jc


الكلمات :

من يوم للتاني بشوفك احلى واحدة
 و لو بعدتي توحشيني كُل لحظة 
فيها ضحكة منك او فيها فرحة لـ قلبك.
مين غيري حاسّك مين اكتر مني حبّك 
كُنت شايف فيكي نفسي كُنتي شايفة ان احنا لبعض
اتاريه كلام و اختارتي فـ يوم البُعد 
انا فاكر الكلام فاكر بينّا اول حُضن 
فاكر لما قولتي انك حسيتي معايا الحُب
فاكر حاجات انتي اصلاً مش فاكراها
مهو اللي يحب بجد مُستحيل فـ يوم ينساها
هوَّ انتي بعدتي ليه ؟ ايه كان فيا ما لقتيه ؟
تبقي ليا كُل حاجة و تبقي تحت أمر عينيه
الفراق مكانش سهل بس مش اصعب مـ البداية
حاربنا حاجات كتير عشان نكمل الحكاية 
كُل حاجة حلوة معاكي، كُل حاجة مبتكملش 
انا فاكر لما قولتي عيني بـ غيرك مبتحلمش
صدقيني ابقالك منهُم ، حاولي تمشي عن تفكيرهُم 
بعدنا ليه !  دا انتي اللي اختارتك منهم
بحاول اقنع نفسي بـ انك حبيتيني
و مهما بحاول اسكُت صوتك بيناديني  
للحظة حلوة بينا صعب اني انساها سنيني
اللي ساب غير اللي اتساب فـ الأحساس و فـ الأسباب 
و في اللي اخترع كدبة بس انا عُمري ما اكون كداب 
عُمري ما خذلتك ولا حتى جيت عليكي 
كُنت شايلك انتي فـ حتة مُستحيل يدخُلها غيرك
بحبك ، و دموعي مبتكدبش 
الراجل لما يدمع يبقى وصل لـ درجة عشق 
يا عشق نفسي اقول ان بعادك مهما يطول
انا هفضل بردو احس طيفك جنبي كُل يوم 
نتكلم بـ الساعات و اعاتبك عـ اللي فات 
و بـ ضحكة منك اصفى ما انا حبيت ملاك 
كُل لحظة و كُل ثانية، كُل يوم و كُل وقت 
كُنتي مُلهمتي الوحيدة و مش بهتم بـ حد
فـ البداية كان اعجاب، ايام تفوت بقينا صحاب
ياريتني فـ يوم ما شوفتك و حلمي كان سراب
انا غير كُل اللي فاتوا، مش قولتيها بـ نفسك
اني صونتك هفضل جنبك جوا قلبي هفضل شايلك 
كُل وعد اختفى، كُل كلامنا حصل عكسُه 
الصح مش اني اعاتبك المفروض اعاتب نفسي 
اني سبت قلبي اتشد و اني ظلمتُه فـ حُب حد 
كان بيمثل حُبه و فـ الحقيقة حُبه وهم
يا قلبي فوق اللي حبك مش موجود
و عشان عُمره ما حبّك كان بيهد كُل سور 
فيكي عيوب و فيَّ عيوب ، فيكي قلبي كان بيدوب
و مهما كُنت بحاول اخبي عيني كانت تفضح و تقول
و دا كان و كان و كان حُب عُمري اللي كان
جيه ينور حياتي بس نوره ضلّم خان
و كان حُضنُه هوَّ اكبر مكان 
بيساعني و انسى فيك كُل اللي فات 
مين كدّب و مين مكدبش , مين كمل و مستسلمش 
بقفل بينّا كُل باب و اتمنى انُه ميتفتحش
غيبتي عني دا لأني مسكت فيكي لآخر نَفَس
كُنت بنفذ وعد مني وعدتُه ليكي فـ يوم للأسف
كلمة بحبِك عقد مش كلام فـ ورقة و قلم 
قلبي كان صادق فـ حُبه مش مستني منك ألم
ايام تفوت مفيش حاجة بتتغير
بحاول ابعد عنك بس لسه مش متصور 
ان في حياة من بعدك اقدر فيها انا اعيش 
هعيش ههزم قلبي و اقول متجيش 
هقولك اني كرهتك و انى بردو محبتكيش 
زي ما كانوا يوصلولك كدبة و انتي تصدقيها
خسرت الناس عشانك و مفيش حاجة انتي خسرتيها 
كدابين ! الحُب يوم مش بـ السنين
الحُب اتنين عايشين مع بعض و مبسوطين
الحُب مش كلام، الحُب بالأفعال
الحُب بـ ألف معنى و كُل معنى ليكي اتقال 
آخر مرة اعاتبك فيها عينيكي دمعت
كُنتي عارفة اني صح بس قولت اودعك 
الأمل عطشان فـ بُعدك لـ لمسة من ايديكي 
كُنتي دايماً بتقويني اني اكمل بيكي طريقي 
هتشوفي مع الأيام مين اللي بجد حبّك 
لما تدوقي نفس الكاس و متلاقيش في حد جنبك 
مش هحب صورة فيها ضحكة كانت من بعدك
بس عايز اعيش فـ حُزني لو هيكون سبب سعادتك
هحضرلك فرحك، هرقص هغني ليكي 
و ايدي تلمس ايديكي .. مبروك يا حتة مني
هزعل جداً لو نسيتي اول واد هيكون على اسمي

تابعونى من هنا : www.facebook.com/profile.php?id=100004239844387

3esh2 l عشق

3anedt Nafsy   عاندت نفسى[www.perawan.xyz]

⁠⁠⁠تعبت من إحباطك ومع الوقت شغفي قل
بطل ندم عالمشكلة وإبدأ تفكير في حل
باحتاج سياسي بارع قبل ما بتحتاج لفارس
علشان أوصل للسلام احتجت أعيش طول عمري

دارس مشاعركوا فمش باؤذيها .. بكون فيه حاجات عمري ما اعديها
رغم كون أخطائكم دي أنا أخسر أهل الأرض فيها
ومشاكلي أنا عارفها .. بأبسط غلطة أنا مقترفها
وفيه حواجز كتير مابيننا باعترف إن أنا اللي بانيها

فاكر كل غلطة في حقي .. وكل عقاب ل"ماكنش ذنبي"
مازلت فاكر كل موقف فيه بحكمة وقفتوا جنبي
فاكر كوني معاكوا أبعد .. بيكوا أو من غيركوا هكسب
دي واحد في الميّة مقابل قناعات كون وجودكوا الأنسب

متنصحونيش أكون في أبهى صورة .. محدش فيكوا شافها
هبدأ أحل مصايبي لما تحلوا مشكلاتكوا التافهة
متفقدوش الأمل فيا .. مهما عاندت خافوا عليا
سامعكم بس بأنفذ دايمًا اللي شايفه أصلح ليا

من صغري مبنصحش العارف .. بألفت نظره وأسيبه يقرر
حقي لو غلطان في حقي متطلبوش مني إني  أبرر
اتعلمت لو هأكذب .. أداري بضيق رد فعلي كذبي
فبقيت وأنا صادق مبتدايقش ولا بادافع عن نفسي

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

بشوف أخطائكوا في أي كلام بتحاولوا بيه تقنعوني
وكل ما أحاول أطلع من جوا الحفرة بتشدوني
مانكرش كونكوا جنبي لما احتاج مساعدة منكوا
بس مازلتوا .. بتهدوا فيا رغم إن أنا بابنلكوا

عجزت عن المرور في طريق ولقيت التاني سالك
زاد عليا إن الجميع حوليَا هد جدار مبادئ
مقتنعتش .. بس قلت عادي أجرب مش ممنوع
كنت بأرسم أسهم عكس عالحيطان لأجل الرجوع

فكروا بس تتصلحوا .. والخطوات قمت بترتيبها
مش ضعيف اللي مطبق مبادئ الضعيف اللي يسيبها
بيهددها فصيل بغض الأصيل وفوق دماغه بيشيل
نظام بنى أسوار لنار وخلَى سهم فوق يميل

تحكَم الأفكار الدارجة خطئًا فيكم بقى يحبطني
لو مصدر نصايحك ضدي متستناش إنها تفيدني
استحملت فصغري آلام العالم كله بابتسامة
فبقيت مبيشغلنيش ألم مش هيسبب علامة

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

وبرغم كل دا .. وبنظرة من أقصى المدى
شفت إن اللي اختار سعادته وحزنه فكل يوم أنا
شفت اللي اتبنى .. شفت زارع .. شفت مين جنى
شفت ناس خادمين نظام .. بسببه كل شيء فنى

سهل عليا الصح وأسهل عندي إني أبعد عن الغلط
باختار الصعب مبتعالجش قبل أما أدرس المرض
شفتك بتحاول وبتفشل .. حقي فرصة أجرب
فمتقلقش عليّا من الفشل لو كنت ليه بأقرب

اهتميت فبدايتي بفهم البشر بس نسيت أفهمني
تركيزي فحل همومهم أثر على إدراكي لهمي
ساعد نفسك هتساعدهم دي النصيحة لو تسألني
زي ما علشان أكتبلك أقنعني إني أحكي قلمي

هزاركم وقت ضيقتي ساعات بيزود اكتئابي
تأثير نصايح الإصلاح أحيانا مش إيجابي
اتعودت لو هتوه .. مرجعش من طريق مشيته
فبقيت باتعلم شيء جديد لو الأول نسيته

فهمت بقى مشاكلنا شبه بعض قد ايه؟
محتاجني أشرح لسه بأجرّب المجرّب ليه؟
فهمت تأثير الفراشة في حل مصيبة بكل سهولة؟
صلاح الكون دلوقتي فأيد دايرة معارفي الأولى

Start Again

الدائرة الأولى

El-Dayra El-Oula "First Circle"

محدش فينا أقرب مهما كانت النتيجة
ايه يثبتلنا الأمل؟ وايه يثبتلك الحقيقة
ناس بتفكّر في الخليقة وناس بتفكّر في المعيشة
يمكن نارهم أقرب بس الجنة مش بعيدة
_________________________________________

أيوة اقتنعت، بكوني أقوى مصدر ضعف
يحسم اللي بيننا بكرة ذكريات مركونة عالرف
هتعدّي باللي عدّى بيّا، أُقف في آخر الصف
إسأل الحقيقة تقولك قد ايه طريقكوا صعب

حفظت الوصفة، بصيت في مرايتك نفس البصّة
هتعدّي أي صعب سهل تلقى بعده أصعب
فاهم وجهة نظرك، صدقني أنا مش بأعارضك
يفضل كلامي صح، والصح دايمًا إني بغلط

بأثبت كلامك، بكرة الرسمة تبان قدّامك
مهما حاولت تبني برضه طوفانك هيغرك أحلامك
بسذاجته فاكر كلامه قادر يخلّي الواقع أحسن
فاكر جمال ألوانه هيغيّر معالم الرسمة

حافظ ردودك، مرّيت من ألف سنة بيومك
بقلمك غيّر واقع في أملك إمسك مش بألومك
صدقني في يوم هتعرف إن دورك بين سطورك
بأيديك لوّن طريق سبق وهمّا اللي رسموهولك

إكتبوا باين كدبكوا في كل كلمة هتكتبوها
بيبيعوا أوهامكوا ليكوا وفي كل مرة بتشتروها
ظاهرة الحقيقة في عنيكوا ولو عن نفسكوا هتداروها
عارف المعركة خسرانة وبرضه نفسي تكسبوها
______________________________________________

والكارثة.. توهم الناس دي بيك.. وتصدق
واقف في الصحراء ماسك صنارة ومنتظر من الرملة سمكة
رغم إتاحة الاختيار في ظل عواقب ثابتة
تمشي في طريق لوحدك، وجودها مش مؤكد
______________________________________________

رغم كل ذكرى صرخت بعد جملة سمعتوا صوتها
؟لسّه برضه رأيكوا إن اللي بيحصل مجرّد صدفة
بأتعب عشانكوا وأنا ما بينكوا مجرّد كاتب
رد يا مصدر أفكاري بمعجزة على كل إهانة اتقالت

مش هفضل ساكت، هوصف كل فكرة قصادي ماتت
إوعى تربك نفسك بالحسابات، مفيش معدّل ثابت
بتقرّب سنة، هتكلّم وهيمنعك تسمعي
سلاحك ثقتك في إن أنا عمري ما كنت في يوم بأدّعي

اتمتّعي بكلّ نظرة بتعكس ضعف في المضمون
حتّى لو لاحظوا انتقامي هيفضل في نظرهم دا جنون
قادر أشرح معجزاته، قادر أشوف عيوب ميزاته
قادر اترشّح مكانه، وأجمع أصوات اللي ماتوا

واضح في العيون تحدّي وفي القلم بخل الكتابة
مهما عاندتني الظروف هغيّر في السيناريو حاجة
ياما قلت الكون صاحبنا، وإن بقائه في مصلحتنا
ولو مبطّلناس نواجهه، هيفضل السواد صفحتنا

لو هتقدر الحقيقة في يوم تبص في مرايتها
تفتكر هتشوف من نقطتين نفس انعكاس حقيقتها؟
مش هأكدب عشان مصلحتك، ولا بأحاول أخفي اللي ضدّك
بأشرحلك قدراتك، وبعقلك إنت المسئول تختارلك
_______________________________________________

شايف نفسي ماسك قلمي لوحدي في أوضة ضلمة
بأشكي لنفسي كتر شكوتي إن الدنيا ظالمة
أصعب صعب وقتها بقى أسهل حاجة صعبة
وقتك دلوقتي تفوق الموت في الاستسلام لضعفك
_______________________________________________

حاولت أدوّر، على مصدر، يلهمني أكتر
مجرّد كونها فكرة تهدم معنى كل جوهر
كاتب وصفي ليكي بين السطور بألف معنى
تبان الرسمة سهلة، بس الحقيقة أغمق

كنتي ولا تزالي أقوى مصدر طاقة إيجابي
في حين محدش كان متخيّلنا في الوضع الحالي
وإن غابت عني الفكرة لحظة، في لحظة باستدعيها
أضعف أمل أقوى سبب لكون الحلم حقيقة

صعب أنساك أقوى الذكريات ماكانتش غير معاك
أيام وفاتت، حتى السنة وماتت، مش مهم فداك
محاولة نص ناجحة! وهم الواقع أصدق
من كلامهم الدموع فى عيونهم مش هتستناك 

من فضلك! الكدب خلّى نص وشّك أصفر
نفسي في يوم تفكّر إنّي عشت معاها مدّة أطول
غريبة.. عدّيتى المراحل الأولى بسرعة رهيبة 
مش شايف فيك الحاجة اللي تخلّيك متمسّك بيها

تعبان أنا في تفسيرها، في بطني لوحدي المعنى 
قلبي يشوفها أحسن من غيرها، و بتطلب منّي استعمى
رسمة السيناريو بتبهت، كون الكون دا مش بتاعنا
بأصرخ في ودنك إحنا في المستقبل اتسمعنا
______________________________________________

لعبة، وفي كل مرّة بيخسر مخترعها
يصنعها بأصعب طريقة، وبأرخص تراب يبيعها
الفكرة مش مانعها، في عقولهم كان زارعها
لكن أذكائهم عند قبل آخر خطوة رجعها

Future Memories II

LYRICS: JAGUAR
VOCALS: JAGUAR
MUSIC: RAP INSTRUMENTALS URB
MASTER&MIX: JAGUAR
VIDEO: ESLAM SAYED

:الكلمات

أخرج من المحنة وإهزم كل شيء فكّر يؤذينا
عدّى وفرحنا وإحنا مسيبناهوش يتحكّم فينا
سيبك من الرحلة كنزنا في ايماننا باللي فوقينا
لو هيسامحنا عشان شاورنا لما آمنوا بينا
________________________________________
يا صديق الرحلة مين هيخاف على مستقبلنا غيرنا
من زمان ناتج المناقشة ما بيننا بنختار بيه مصيرنا
دلوقتي بتستنى تشوف اتجاهي وتمشي عكسه
خوفك من اختلافنا خطر أكبر من اختلافنا نفسه
اه بخاف.. عشان اختلافنا مش على شيء بسيط
وافقت نشك عشان نتطمن انت عايز دين جديد
مبقاش وصولنا للحقيقة مصلحتنا العُليا
بتستخدم ناتج تفكيرنا في التبرير لمُتع الدنيا
زمان شكَلنا المجتمع المُتفاهم في جسد واحد
بانتقاء الفكرة الأكثر فايدة من الفكر المُتزاحم
ده لحد ما انت بدأت تشوف أفكاري ضد مبادئك
ولكوني مش منتمي لشيء من اللحظة دي سبقتك
مبادئي دي زمان أنا وانت اللي اتفقنا عليها
وظلم الدنيا اللي واجهناه خلاك عايز تشك فيها
ولثقتي فيك.. فكرت بكل حيادية في أفكارك..
بس ده مش معناه إني أدفن حقيقة عشان أشوف انتصارك
________________________________________
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
________________________________________
بعِندك افترقنا.. فقدنا مُتعة الطريق
طول ما بتنقد كل حاجة عمرك ما هتثق في شيء
اسلوبك كان ليه طعم في البداية وكان مفيد
مع الوقت اعذرني واضح إنه مرض مُتحكّم فيك
بافتراض حتى إنه مرض صدّقني أهون كتير من مرضك
انت بتؤمن بالأساطير.. عشان الأساطير بتحقّق غرضك
انت بتؤمن بالقاعدة لحين لحظة تعارض فيها رأيك
.. قاعدة كل شيء ليه أصل، ليه متقفش عندك؟!
إحنا بندرس الحقايق منها بنستخرج قانون
فالقانون ده مش دايمًا بيحكم كل شيء في الكون
فيه حاجات فوق مستوى الإدراك وخارج نطاق حقايقنا
كون إلهنا آخر الأصل شيء ملهوش دليل في طريقنا
خليك مُقتنع.. وإفضل إرض بأنصاف الأدلة
ومتغيّرش مسارك.. ولا تشك في خطوة مهما أدلّك
محتاجك تشكّل دايمًا.. في نقاشنا الإجابة التانية
ومن ناتج آراءنا نحدّد الحقيقي من المزيّف
________________________________________
مش محتاج برهان عالصح أقنع بيه اللي اعترض
الصح لو بالشك خنقته.. بيتنفّس زفير الغلط
بكرة تزهق.. بكرة تعقل.. بكرة تعرف إني فعلاً
كل همي كان حقيقتي وإنت كان إزاي هتعلى
لو مشيت عالصح.. ألف شيء هيشدَك تغلط
ومسار الصح مش هيهمه لو فكرت تهرب
لا قرارك هيروي صحراء.. ولا هيزيد محيطنا بحر
صدّقني بدوّر على سبب لكون الصح صح
________________________________________
الحياة أعقد من إنك تعرف كل معنى ليها
والحياة متكوّنتش عشان أمثالى يتوهوا فيها!
إرض بقَدَرَك .. إعرف قَدْرَك.. يمكن يقوى بَصَرَك
اجتهادي لصالحك بيمثّل غِشاوة في وِجهة نَظَرَك؟!
اجتهادنا كان ايه هدفه؟ متقولّيش العلم وشغفه
ضفت سؤال بدأ طريقنا، ايه قيمة الشيء اللي انت ضايفه؟
استخدمت مبادئي في كشف حقيقة اختيار مُزَيّن
واجتهادنا عشان نوصل للواحد، مش واحد مُعَيّن

Thanks for listening..

The air we breathe

Alamet estefham III علامة استفهام

3lamet Estefham III علامة استفهام

متطلّبات الجنة:
_______________________________________
Intro: scene 1
-انت عايز تعمل ايه
=يعني مش عارف
-عارف، زي ما انت عارف ان دي مش الطريقة اللي هنلاقي بيها اجابة
=مبقتش عايز اجابة.. انا زهقت.. مبقتش عايز اسال نفسي عن اي حاجة
-انت اذكى من كدا.. مش انت اللي يوهم نفسه.. ولا اللي يريح دماغه وميفكرش
=شكلك عندك أمل تقنعني! 
-انت لسه برضه مفهمتش اني مش بحاول اقنعك باي حاجة.. انا بدور معاك.. وبسأل نفس اسالتك.. والأمل اللي عندي إنك تسمعني عالأقل
=قال يعني هتقولي حاجة معرفهاش.. ما انا حافظ كل نصايحك.. اسمعك ليه وانا عارف انك هتقولي.. 
_________________________
Verse 1:
معلش، آخر مرة، استحمل، عيد شريطك تاني
أدوق أنا المّر في حياتي، وانت تطبطب في الأغاني!
ماعادش في مساحة لربك فاكرنا فمتقلقش
ناتج الظلم كان مفروض العدل ولسه متحققش!
فكل مرّة كنت بهدى وأصدّق، إني لازم أصدّق
ليه بتقنعني أغطس أعمق كل ما تشوف إني بغرق!
القشاية اللي انت شايفها دي مش أمل ده سراب رسمته
بتشوف في الضرر حسنته، وتخفي غضبك بابتسامته
والغريب مهما عكس كلامك حصل لسه مؤمن
بتلاقيلك سبب مقنع، حقك مش هيضيع لا يمكن
فالحق بيتنسي، وتاني اتأذي، والمؤذي بيتكسي
والسؤال لو الرقيب ليه حكمة، أنا لمين اشتكي!
آمن بفكرة لكونها أذكى فكرة، ما إنت غبي
"صدّق لحد ما تتأكد" ده عمره ما كان مذهبي
الشك اللي انت خايف إنه يعيش، بياكل خوفك
بيهوّن عليك وظروفك "تغلط والإله يشوفك" 
________________________
Scene 2:
-ايوة بس أنا مكنتش هقول كدا
=يا سلام! من امتى بتفكر بطريقة مختلفة
-انا كنت عايز اقولك انك طلعت عندك حق
=ما انا عارف من زمان، بس يا ترى انت ايه اللي خلاك تغير رأيك دلوقتي 
-عشان المرة دي فهمت مشكلتك
= وايه هي مشكلتي؟!..
-نتايج افعالك.. وافعال اللي حواليك بتقنعك تبعد عن الصح.. يعني مثلا لو جربت
_________________________
Verse 2&3:
تعيش بتحاول تمحي جهلهم، محدش هيعلمك
اديهم آخر لقمة وجوع، محدش هيأكلك
ما انت طيب، فكرك سوي، فلأجل المصلحة العامة
بتستحمل وقوع ضرر عليك لخروج عدد من أزمة
وطول ما فيك حيل انت بتشتغل وغيرك لأ
ما المسمار المتني في راحة والسليم طبيعي يتدق
وبمعايير الدنيا هيقولولك ان المتني ناجح
وانت متعترضش عشان نجاحك جنة وانت عارف
مش بس كدا الضمير بيعلى فالمطلوب بيزيد
والمقابل مش نجاحك لأ، انك للكون مفيد
فلا حد هيشكر سعادتك، ولا هيرد الكون افادتك
مانت هدفك، عارف انه نجاح على المدى البعيد
فبص، محدش هيساعدك، مش هيعيشوا الوقت بساعتك
ايوة؛ غير انك تمشي صح هتشيل ليلة مش بتاعتك
فاكر لما كنت قريب من حلمك كام شخص بعدك
كل عنصر فيها جزء من نظام بيحفر تحتك
اوعى تصدق إن خوفك من العقاب كرادع نافعك؛ 
.. ابعد عن الغلط عشان غلط هتزيد دوافعك.
.. السم في العلاج، وخوفك من المرض خلاك
على استعداد.. تقتل شيء في يوم تلبيةً لاحتياج.
واوعى تظلم حتى لو هتتظلم من الكل
كل ظالم فتيل مظلوم، اقطع انت حبل الظلم
لكل فعل رد، دايرة كحق ليك مشروع
بس أشرفلك تكتب اسمك على طَرَف الحبل المقطوع
هيسرقوك، وهتيجي فرصة تسرق.. حكّم أصلك
هتشوف نساء سعيدة بالتحرّش.. غضّ بصرك
علماء الدين هيشاوروا باليمين على الشمال
واتخلقلك عقل عشان تحتكم ليه مش للاقوال
صعب؟ ما طبعا صعب.. مش نفسك تروح الجنة!
ولا فاكر ان بجملة حقك في النعيم تتهنى
لأ جنب الشهادة مطلوب عبادة وصالح الاعمال
وبعد ده كله دخولك الجنة برضه مجرد احتمال
_________________________
Scene 3:
=اديك قلتها.. اتعب نفسي ليه بقى من الاول، المهم انك فهمت اخيرا.. ممكن بقى تسيبني في حالي! 
-لأ..
=انت مبسوط يعني وانت شايفني بتظلم! عاجبك اوي اني كل مامشي صح اندم.. واشوف بعيني كل اللي ماشي غلط مرتاح! 
-تفتكر انا هدفي اديك سبب زيادة انك تستسلم! تفتكر انا فعلا عشان مش راضي باللي بيحصلك هسيبك تتوه!
=انت عايز مني ايه 
________________________
Verse 4:
مش عايزك تفهم غلط، بحضرّك، مش بحبطك
عايزك في كل لحظة تبقى واثق من خطوتك
انا شفتك استحملت الاذى من الشارع و المدرسة
صمدت رغم كذا وكذا، ودلوقتي بترجع للاسف
مش هقولك انت اخترت فلو هتمشي ايه اللي جابك
طول ما سؤالك لسه عايش عمري ما هزيف اجابة
ولا هسيبك برضه تتوه في سكة مش لاقيلها هدف
وعد هفضل المحايد مع انه المنبوذ للاسف
مش هزيّف الحقيقة، الطريق ده مش ممهد
هو اصلا صعب بيهم، شبه مستحيل لوحدك
بس عارفك، كل ماتتعب هتشوف في التحدي راحتك
مش ضامنلك مكسب؟ يمكن.. بس ضامن تكسب نفسك
مش قادر اوعدك بالجنة، مش عايز اقنعك تستنى
حب الصح عشان ده الصح ده اللي كنت عارفه عنك
انت اسمى من المقابل، انت آخر صح فاضل
انت آخر نقطة بنروي بيها شجرة الفضائل
________________________
Outro:
انت النقطة اللي بتتقاطع فيها روح كل الفصائل
انت الاثبات الوحيد عالحكمة في خلق شيء عاقل

3anedt Nafsy عاندت نفسى[www.perawan.xyz]

mr.classsic