i love harry potter but the movies are meh so i can't blame anyone for not liking it if they've only seen the movies

I have the same problem as Ammar, I can't get myself to read books. However, I do read articles and watch lots of educational videos 

أتكلمنا اليوم عن كم موضوع ومن أهمها كان موضوع التحرش الجنسي في مجتمعنا واللي هو شيء نادراً ما أحد يتكلم عنه في مجتمعنا… فحبينا نسلط شوية ضوء عليه.

والموضوع الثاني المهم اللي أخذ أغلب وقتنا كان الزواج… سبب قلق كل أب وأم في العالم العربي… وهاجس المجتمع الأول! ”متى نفرح فيك؟“ أكثر سؤال يسمعه كل عازب وعزباء، لكن سؤالنا هو ليش الناس رابطين فرحهم بزواج غيرهم؟ وللناس اللي تحب تسأل السؤال هذا… ياخي ايش دخلكم؟ يمكن العزاب فرحانين لحالهم؟ مالكم صلاح!

وللمعلومية… أخواننا وأخواتنا العزاب… ترا اللقافة المجتمعية ما توقف بعد الزواج، من أول صباحية بعد الزواج حيجيكم السؤال الثاني… ”ها متى حتخلفوا؟“ لا وكمان حتى لو خلفتوا يجيكم السؤال ”متى حتجيبوا طفل ثاني؟“ ترا مافي فكة!

الموضوع مو انه الشباب والشابات ما يبغوا يتزوجوا، بس الناس تعبت من اللقافة والتدخل في الحياة الشخصية. وعشان نتكلم عن الموضوع هذا بشكل أوسع شاركنا ثلاثة عزاب في حلقة اليوم… أصدقاء البرنامج فاطمة المهيري و نفلة الزعابي وعبدالله رافعة.

تحذير: مواضيع الحلقة يمكن ما تكون مناسبة للأطفال في بعض العوائل بسبب نوع المواضيع وبعض الألفاظ… وترا الحلقة طولها ساعتين، أتحمسنا شوية بس كان الحوار شيق وما كنا نبغى نوقف.

The MSTDFR Show

#118: لـيـش أولادكـم مـا يـبغـوا زواج؟

إذا كنتم من مستمعي بودكاست مستدفر حتعرفوا ان عمار عنده مشكلة عويصة مع القراءة! وهذا الموضوع نوقش أكثر من مرة على هذا البرنامج خلال السنوات ولكن من دون أي فائدة.

فاليوم أصحاب عمار وبقيادة عمير طيبة… قرروا كمحاولة أخيرة انهم يتصرفوا ويقنعوا عمار انه يبدأ يقرأ… هل تتوقعوا محاولتهم هذه حتنجح؟ أو حتفشل زي باقي المحاولات؟

ضيوف الحلقة اللي باغتوا عمار كانوا عمير طيبة، عبدالله رافعة، مهاد كاشف، فاطمة المهيري، عمرو ضياء ونفلة الزعابي… والكتاب اللي حيحاولوا يخلوا عمار يقرأه بعنوان (GRIT) وممكن تلاقوه على الرابط:

https://www.amazon.com/Grit-Passion-Perseverance-Angela-Duckworth/dp/1501111108

#130: هيا نقنع عمار يبدأ يقرأ كتب

أي حلقة ينضم معانا فيها عبدالله رافعة تكون حلقة فيها الكثير من المشاعر… فما بالكم لمن يكون في الحلقة بدل الرافعة… اثنين الله يحفظهم ويخليهم! اليوم زارنا مع عبدالله أخوه الفنان والموسيقار عبدالخالق بن رافعة اللي أضاف إحساس وشجن لحلقتنا بفنه وابداعه وعوده الرنان… وكمان أضاف لنا كمية كبيرة من الحكاوي والمعلومات الموسيقية اللي ما كنا نعرف عنها. الحلقة هذه كانت من الحلقات المميزة اللي حتستمتعوا بيها على أكثر من مستوى. 

وممكن تتابعوا عبدالخالق على حساباته في تويتر وانستجرام هنا (@AK_Rafaah)
وتلاقوا عبدالله على تويتر وانستجرام هنا (@AbdullahRafa94) أو على حساب دائرة الآنيميشن على تويتر هنا(@DaeratAnimation)

وكالعادة ممكن تتابعوا رامي على تويتر هنا (@RTaibah) وعمار على تويتر وانستجرام هنا (@Sabban31)

#133: أضرب لي على الوتر الحساس

تعرف على نظرية الاختيار ووليام جلاسر

مقدمة نظرية الاختيار

ضيف الحلقة [ سليمان فقيه ]

في حلقة اليوم قعدنا ندردش مع صديقنا سليمان وهو مسؤول تطوير الأعمال في مستشفى سليمان فقيه في جدة… أتشعبنا في مواضيع مختلفة من صناعة البودكاست لإنتاج الأفلام في السعودية لإستخدام الألفاظ البذيئة في المجتمع إلى حتى الدراسة الجامعية.

وزي ما وعدناكم الحلقة اللي راحت اليوم نعلن عن رابع فائز وهو مستمعنا الدافور عبدالرحمن عواجي!

ألف مبروك يا عبدالرحمن وبأذن الله حنتواصل معاك عشان نبارك لك بشكل شخصي وندردش شوية إذا ما عندك مانع… وحنرتب مع أصحابنا في تستاهل عشان يرسلوا لك صندوق السناكس… وصراحة حسينا انه السناكس لوحدها مو كفاية… فأتواصلنا مع أصحابنا الرهيبين في ”كون“ وأرسلوا لنا شوية هدايا أكيد حتعجبك. 

تقدروا تتابعوا حساب كون على انستجرام KAWN.A … عندهم منتجات بتصاميم رهيبة من Pins لسلاسل مفاتيح و ستيكرز وتقاويم وأشياء ثانية كثير اللي ممكن تشتروها من حسابهم بشكل مباشر.

وإذا حابين تشاركوا معانا في السحب على الصندوق الباقي من تستاهل مع مستدفر… تقدروا تسجلوا معلوماتكم على الرابط ( testahelbox.com/ ) ولا تنسوا تستخدموا الكود الخاص واللي هو كلمة (مستدفر) بالعربي عشان تدخلوا السحب.

برنامج مستدفر

#199: أقول… لا تغلط على العسل

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم

#130: هيا نقنع عمار يبدأ يقرأ كتب

بودكاست مستدفر

Recent comments

Khalid Sonbul

Raghad Rihan

Related tracks