listen 2 🔮

podcasts

Mstdfr Show 2020

ضيوف الحلقة: نور الصبان و نضار الصبان و أهلة بن حمد
مقدمة الحلقة: بدور الصبان

طبعاً لا يمكن نتكلم عن حياة الغربة وصعوبتها بالذات في أول أيامها مع الأزواج فقط! لازم نسمع القصة من الطرف الآخر والأهم… الزوجات! وعشان كدة اليوم قعدنا مع زوجات مبتعثينا من الحلقة اللي فاتت، المبتعثات نور الصبان (زوجة أحمد الجفري) ونضار الصبان (زوجة حاتم لنجاوي) و أهلة بن حمد (زوجة عبدالرحمن الصبان). وطالما الحلقة الماضية كانت كلها رجال قررنا نخلي هذه الحلقة كلها نساء، فطردنا عمار وطلبنا من زوجته بدور الصبان انها تقدم الحلقة بداله.

المبتعثات اليوم أتكلموا عن الإنتقال لبلاد غريبة بعادات جديدة ولغه مختلفة، وكيف انه هذا يعتبر تحدي لأي شخص. ومع أن خوض هذه التجربة ممكن يكون أسهل بوجود شريك، الحياة الزوجية في الغربة لها مميزاتها لكن تحدياتها أكبر… وتزيد هذه التحديات بوجود أطفال.

وكل عام وجميع مستمعينا بخير بمناسبة العام الجديد. وإذا حابين تتواصلوا مع ضيفاتنا ممكن تلاقوهم على:

نور (@Nouring) إنستجرام
نضار (@Nadharsabban) إنستجرام
أهلة (Ahillabinhimd@) فيسبوك

برنامج مستدفر

#حياة زوجية في البلاد الغربية 2 :164

ضيفة الحلقة: عهد العمودي

الفن له أوجه كثيرة، ومع تقدم التكنلوجيا وزيادة توفر سبل التعبير صرنا نشوف كل يوم أنواع فن جديدة تبهرنا بإبداع الفنانين والفنانات اللي بيخترعوها، واليوم جلسنا مع أحد الفنانات اللي حيوتها وروحها المرحة كان لها أثر فينا بالضبط زي فنها على المجتمع. عهد العمودي فنانة من جدة وهي واحدة من مجموعة صاعدة من الفنانين السعوديين اللي يبثوا الأفكار والقيم المتأصلة في المجتمع السعودي للعالم بأكمله من خلال أعمالهم.

بدأت رحلة عهد مع الفن في طفولتها، واللي أمضتها محفوفة بالفن بفضل والدتها الفنانة و مدرسة التربية الفنية. ولأن والدتها كانت تصنع الأعمال الفنية كان دائما ما يتوفر لعهد كل ما تحتاجه من الأدوات والمواد الفنية اللي دغدغت طموحها. عهد دائماً تتنقل بين لندن والسعودية وبالتالي تقوم بترجمة ترحالها من خلال أعمالها وأسلوبها المنوّع في الفن اللي يربطها بالعديد من السعوديين اللي زيها ماسكين ثقافتهم في يد وانفتاحهم على العالم من خلال الإنترنت في اليد الثانية. وعلى الرغم من أنها تقوم بتجارب فنية مع مختلف المواضيع، إلا أن عهد معروفة من خلال أعمالها اللي تجمع بين الحرفية السعودية التقليدية والنصب الفنية، وتلجأ للفكاهة للتعبير عن قضايا جدية في أعمالها بعض الأحيان.

وتقدروا تشوفوا أحدث أعمال عهد في معرض أثر يوم ٢٩ يناير في جدة ضمن فعاليات 21’39 خلال الأشهر الأربعة القادمة، وفريق مستدفر حيكون كمان متواجد ضمن فعاليات ذلك اليوم وحنسجل حلقات خاصة بالفعالية مع الحضور والفنانين المشاركين. وفي هذه الحلقة أتكلمنا مع عهد عن الفن والمصطلحات المختلفة اللي تعني أشياء مختلفة للناس، وأتكلمنا عن مقاييس نجاح العمل الفني وأيش اللي يخول عمل إنه يكون فن أصلاً. وأتكلمنا عن استخدام اللغة الإنجليزية مع العربية في كلامنا وهل حياة الإنسان الشخصية لها تأثير على حياته العملية.

ممكن تتواصلوا مع عهد وتشوفوا آخر أعمالها عن طريق حسابها على إنستجرام ( @Ahaadalamoudi )

#165: الحرارة تلسع وحتكويك بأثر

ضيف الحلقة: فراس الدهلوي

رامي قبل فترة حس انه جوجل صارت جزء كبير من حياته وبالتالي الجزء الأكبر من معلوماته الشخصية صار متعلق بجهة واحدة… فقرر إنه يغير الشيء هذا ويبدأ بإلغاء حساباته من الشركة واستخدام مشغلين آخرين. ولمن صديق البرنامج وأحد أوائل مستمعينا فراس الدهلوي سمع الكلام هذا أستغرب وقرر إنه يزورنا في الأستديو ويفهم من رامي سبب قراره هذا، وبالذات لأنه فراس يعمل كمبرمج في شركة جوجل في مدينة سياتل بالولايات المتحدة الأمريكية. 

وحلقة اليوم هي الحوار اللي دار بيننا عن الموضوع، ومن ضمن المواضيع اللي أتكلمنا عليها كانت الأمن الإلكتروني وكيف شركات التواصل الإجتماعي بتستخدم معلوماتنا الشخصية وما مدى خصوصيتها. وأتكلمنا عن الدعايات الموجهة لنا حسب اهتماماتنا وكيف الشركات المشغلة بتكسب من خدماتها المجانية للمستخدمين. وأتكلمنا عن مواضيع تقنية كثير عمار ضاع فيها شوية بين رامي وفراس المتخصصين في البرمجة. وننوه إنه كل المعلومات والآراء اللي فراس أتكلم عليها في هذه الحلقة هي آرائه الشخصية ولا تعبر عن آراء وتوجهات شركة جوجل.

وممكن تتواصلوا مع فراس على حسابه في تويتر على @_ferasD

#166: ليش يا رامي لغيت جوجل؟

ضيوف الحلقة: أبرار القيم و محمد الفرج

لسنوات اعتاد مجلس الفن السعودي إطلاق فعاليات مبادرة ٢١’٣٩ واللي معاها تتوالى الفعاليات الفنية في كل أنحاء المملكة، وخلال هذا الأسبوع حتنطلق النسخة الجديدة من المبادرة وحيكون فريق مستدفر مشارك في الإفتتاح مع معرض أثر الفني في جدة. وبهذه المناسبة قررنا اننا نجلس اليوم مع أحد منظمين الفعالية أبرار القيم، وشاركنا الحديث كمان أحد الفنانين المشاركين في المعرض محمد الفرج. وأتكلمنا عن الفن وحياة الفنانين، وتطرقنا للغة العربية واختلاف اللهجات، وكمان أتكلمنا عن الهوية وكيف نحدد هويتنا الشخصية. ناقشنا أمور أخرى كثيرة لكن قبل ما نختم حابيين نقولكم اننا كلنا حنكون في معرض أثر يوم الأربعاء ٢٩ يناير ٢٠٢٠ من التاسعة مساء إلى منتصف الليل بإذن الله… المعرض حيكون مفتوح، والفنانين حيكونوا موجودين، وفريق مستدفر حيسجل محتوى خاص للفعالية وننشروا على منصتنا في حلقة خاصة. فإذا حابيين تشاركوا معنا في الحلقة زورونا في في معرض أثر (في الصيرفي ميجا مول) مدينة جدة.

#167: حياة صامتة وحلم بلاستيك

ضيفة الحلقة: شروق العطار

كثير مننا يدخلوا تخصصات في الجامعة كنا نحسب انها حتعجبنا وحنحب المجال بعدها، لكن أحياناً الواقع يكون مختلف تماماً زي ما قالت لنا ضيفتنا اليوم الفنانة الرائعة شروق. فأتكلمنا عن دراسة الجامعة والتخصصات المختلفة وبالأخص دراسة الآنيميشن، وشرحت لنا كمان طريقتها الجديدة في التعبير عن المشاعر وعمار حكانا عن التواصل بين الأحبة قبل الإنترنت والجوالات. وأتكلمنا كمان على كتابة المذكرات و طرق استخدام الجوال و رامي شرح لنا عن فروقات التكنلوجيا بين الماضي والحاضر وصناعة البودكاست وأخيراً بيئة شبكات التواصل الإجتماعية.

ممكن تتواصلوا مع شروق على حساباتها في شبكات التواصل الإجتماعي: @Shorooqalattar

وحلقة اليوم برعاية STC … كل اللي سمعناه، عن الإنترنت والمعرفة، بيكون سهل وسريع مع خدمة كويك نت من STC، والعرض الجديد! ١٠٠جيجا، و١٩ جيجا زيادة!  للمزيد تفضل على الموقع:

https://www.stc.com.sa/wps/wcm/connect/arabic/individual/internet/onTheMove/sim4g?utm_source=mestdfer-feb-4&utm_medium=social&utm_content=mobile&utm_term=arabic&utm_campaign=podcast-deal

#168: أشرقت شروق علينا من الشرق

ضيفة الحلقة: رنيم المهندس

نقابل في حياتنا كل يوم ناس كثير، لكن قليل اللي نقابلهم يكونوا عايشين في عالمهم الخاص! وهذا يتطلب من الشخص انه يكون مبدع… ذكي… شغيل… وانسان واثق من نفسه. وكل هذه الصفات أجتمعت في ضيفتنا اليوم وبالتالي كان لازم نقعد وندردش معها. رنيم المهندس فنانة بكل ما تعنيه الكلمة، وروحها تخليك تبغى تقوم تشتغل وتنجز شيء!

رنيم عندها القدرة بمشيئة الله انها تسوي أي شيء يخطر ببالها، وفي بالها ما شاء الله أشياء كثير! وهذا الشيء أنعكس على حوارنا… فاتكلمنا على إيش اللي يميز البودكاست مقارنة بالراديو، وتطرقنا لمواضيع ثانية زي التدريب لإتقان العمل و الوصول للشغف عبر التجارب وكمان لو كنا نبغى شيء كل اللي علينا نسويه هو السؤال!

وأتكلمنا كمان على العمل مع دزني وانه كيف الحظ هو تزامن الفرصة مع الإستعداد، وكيف نغير مهنتنا لمهنة جديدة و تطوير المهارات والخبرات في صناعة المحتوى. ولسبب ما أتكلمنا عن تربية العصافير والخيال وعالم الفن في المدرسة، و تنمية المهارات الشخصية و قوة رنيم الخارقة في عد النقاط.

ولا تنسوا تزوروا موقع راعي الحلقة STC عشان تلاقوا عروض مختلفة، تنقل مفهومكم عن سرعة الإنترنت لبعد آخر على الرابط:

http://bit.ly/2SUxliA

#171: جريمة فنية مع رنيم البطارية

"أحس اني ضايع"
"لسا ما أعرف أيش أبغى"
"توقعت اني أعررف أيش أبغى بس طلع غلط"
--
Book a private one on one session with Noorah: 
www.noorahkareem.com/coaching

لمن هويتنا تخنقنا | بالعربي #٦

يعيش البشر الآن 90% من حياتهم داخل المباني, وفي دراسة أجريت على 16 ألف شخص, كانت نتائجها أن 52% من عينة الدراسة جلسوا فقط ساعة وحدة باليوم خارج المباني في آخر شهر قبل يسوون الدراسة.
غير أن 1 من 6 مشاركين قال أنه يقضي أكثر من ٢٢ ساعة في المباني وقد تصل إلى يوم كامل.

"الفأر حر بالذهاب إلى أي مكان يريده داخل المتاهة، طالما انه باقي داخل المتاهة"
فمهما شعرنا أن أرواحنا حرة، فهي حرة بالذهاب إلى اقصى حد تريده.. طالما أنها باقية ضمن الحد المعروض لنا من قبل المجتمع والعالم وتطوره.

---
هذي الحلقة برعاية زين السعودية, لتفاصيل أكثر عن خدمة الجيل الخامس من زين:
https://kutt.it/XBi5qL

--------

حسابات البودكاست:
https://linktr.ee/aql_podcast

سيري عالجيني نفسيًا: التقنية وأسلوب الحياة

ضيوف الحلقة: ليلى النوري و هاشم الزين

دايماً نسمع إنه ” الصبر جميل“… ومن تجربه نلاقي إنه فعلاً جميل في الغالب لأنه تأخير المكافأة عادة يزيد من فرحتها. وهذا كان محور حديثنا في بداية حلقة اليوم اللي جلسنا فيها مع د. ليلى النوري طبيب نائب طب أسرة و مساعدة المشرف العام للتطوير و التحول بمستشفى الملك عبدالعزيز بجدة، وشاركنا الحديث كمان صديق البرنامج والمدير التفيذي التقني لمكتب دار التقنية للهندسة د. هاشم الزين. ضيوفنا أتكلموا معنا على عدة مواضيع من ضمنها تدريب النفس لتعلم عادات جديدة و كيف ممكن نتعرف على مشاكلنا عشان نعرف نحلها واللي غالباً حيكون عبر التعلم من أخطائنا.

وتطرقنا كمان لكيف أحياناً نمشي في طريق يمكن ما يستمر بس ممكن يفيد في مجال آخر أفضل ما كنا مخططين له، وضيوفنا شرحوا لنا قوة الإرادة وكيف نقدر ننميها. وأعطونا بعض الإقتراحات في كيفية نحويل رغباتنا المهاراتية إلى عادات بالممارسة. وحاولوا يساعدوا عمار بشوية نصائح في تعلم القراءة، وأتناقشوا معه كمان في مفهوم الشغل بشكل أذكى بدل ما نشتغل أكثر.

ممكن تتواصلوا مع ضيوفنا على حساباتهم في إنستجرام:

@LailaNouri

@Dr.HashimAlzain

#176: الصبر جميل لأن مكافأته أجمل

ضيوف الحلقة: بيان ياسين و نزار سفير الدين

الفن له أبعاد ومزايا ثقافية كثيرة… وغير ينه ممكن يعبر عن إحساس ووقت وتاريخ… له كمان القدرة إنه يحرك مشاعرنا بشكل قوي جداً! وعشان كده استضفنا اليوم فنانة سعودية من كوكب الأحلام تؤمن انه الفن رسالة تلامس الروح فتغذي النفس والبصر… وفعلاً رسوماتها دغدغت قلوبنا بعمقها ومحاكاتها لحياتنا الشخصية وأحاسيسنا المدفونة اللي يصعب علينا أحياناً التعبير عنها بالكلمات. الفنانة الرائعة بيان ياسين وزوجها الفنان نزار سفير الدين شرفونا في الأستديو وقعدوا يدردشوا معانا في مواضيع كثير من ضمنها كيف دخلت بيان عالم الفن وكيف ممكن لأي فنان يطور نفسه ويلاقي أسلوبه في فنه. وتطرقنا للجانب التجاري في الفن وتقييم عمل الفنان على سبيل المثال وليس الحصر.

وممكن تتواصلوا مع بيان وتستمتعوا برسوماتها عن طريق حسابها:
@Unique.beno

وممكن تتابعوا الفنان نزار على حسابه:
@Nizbakash22

أوه… واليوم هو ذكرى إطلاق بودكاست مستدفر الخامس! فكل عام وكل الدوافير بخير وعقبال العمر كله مع بعض على خير بإذن الله… وشكراً لكم جميعاً على متابعتكم لنا ودعمكم المستمر.

وبإذن الله الخمس سنوات القادمة حتشوفوا وتسمعوا أشياء جديدة حتنال إعجابكم بإذن الله :)

#188: أتقن الأساسيات بعدين أكسرها

ضيف الحلقة [ عبدالرحمن المدالله ]

تخصص العمارة أو التصميم المعماري من التخصصات الفنية والعلمية في نفس الوقت… ومن المجالات اللي دراستها صعبة ومو كل الطلبة اللي يسجلوا فيها يستمروا في دراستها. وكثير من طلبة العمارة يختاروا ترك الكلية وينتقلوا لتخصص ثاني. وفي حالة عمار اللي أبدع واستمر في المجال لأكثر من ١١ سنة… كثير من أصحابه وزملائه ما فهموا ليش قرر إنه يترك مجال كان مميز فيه. واليوم عمار قعد مع واحد من أصحابه المعماريين إللي تفاجأوا بقراره بعد ما جمعتهم الصحبة وسنين العمل في أوائل أيامهم الوظيفية في شركة زهير فايز.

ضيفنا اليوم هو المعماري عبدالرحمن المدالله، المدير العام للتخطيط والتصميم الحضري بهيئة تطوير المنطقة الشرقية، وهو خبير حاصل على عدة جوائز في مجال التخطيط الحضري والتصميم والاستدامة. ومن خلال عمله في الهيئة، يتولى عبد الرحمن مسؤولية تطوير المشاريع الإستراتيجية وإجراء التخطيط الحضري بعيد المدى والإشراف على التصاميم الحضريّة والمعماريّة. تخرج عبد الرحمن من جامعة سيراكيوز بنيويورك، حيث حصل على درجة الماجستير المتقدم في البحث والتصميم المعماري، كما حصل على جائزة (SOA Graduate) للتميز والمساهمة الفعالة. كما تحصّل أيضاً على درجة الماجستير في التصميم الحضري من جامعة كولورادو وعضو هيئة تدريس في قسم الهندسة المعمارية بجامعة الملك فهد للبترول والمعادن، ودرّس في كلية بوسطن المعمارية، وكان المدير التنفيذي للتصميم والهندسة في "سكني"؛ وهو برنامج تابع لوزارة الإسكان.

عبدالرحمن وعمار اتقابلوا اليوم لأول مرة من سنوات في فعالية تنوين اللي نظمها مركز الملك عبدالعزيز الثقافي العالمي (إثراء) في شهر أكتوبر واللي شاركوا فيه عبدالرحمن وعمار كمتحدثين في الفعالية. قدم موسم تنوين 2020 خلال أربعة أيام باقة من الخبرات الدولية وورش العمل والحوارات الجذابة من قبل مختصين من جميع أنحاء العالم. يحفز موسم إثراء للإبداع "تنوين" على الابتكار، ويُلهم ويُعد جيلًا جديدًا من المبتكرين ليصبحوا قادة لغدٍ إبداعيّ جديد.

وزي ما وعدناكم الحلقة اللي راحت اليوم نعلن عن ثاني فائز بصندوق تستاهل مع مستدفر… وهو مستمعنا الدافور أشرف صالح.

وصراحة الصندوق كان المفترض يكون مليان سناكس ”تفاريح“ تستمتعوا بها لمن تسمعوا حلقة مستدفر لكن حسينا انه السناكس لوحدها مو كفاية… فأتواصلنا مع أصحابنا الرهيبين في ”كون“ وأرسلوا لنا شوية هدايا ونحطها في الصندوق كمان وأكيد حتعجبكم.  تقدروا تتابعوا حساب كون على انستجرام kawn.a@ … عندهم منتجات بتصاميم رهيبة من بروشات لسلاسل مفاتيح و ستيكرز وتقاويم وأشياء ثانية كثير اللي ممكن تشتروها من حسابهم بشكل مباشر.

وإذا حابين تشاركوا معانا في السحب على الأربعة الصناديق الباقية من تستاهل مع مستدفر… تقدروا تسجلوا معلوماتكم على الرابط ( testahelbox.com/ ) ولا تنسوا تستخدموا الكود الخاص واللي هو كلمة (مستدفر) بالعربي عشان تدخلوا السحب.

#197: معماري شرد ومعماري قعد

ضيفة الحلقة [ أ.د. إبتسام حلواني ]

ليش كثير مننا ماعنده وقت يسوي رياضة ، أو يزور أرحامه أو حتى يروق في البيت ويرتاح… كل ما فكرنا نغير من عاداتنا يطلع لنا العذر المعتاد ”ما عندي وقت“ بس السؤال اللي يطرح نفسه هو… فين بيضيع الوقت؟ والجواب هو إنه في الحقيقة الوقت ما بيضيع… لكن إحنا اللي بنضيعه!

وعشان كدة اليوم قلنا خلينا نسأل عن الموضوع ونتعلم كيف ممكن ندير وقتنا بشكل أفضل حتى لايضيع، فقعدنا مع ضيفتنا  أ. د. إبتسام حلواني عشان تقولنا كيف ممكن نستثمر وقتنا بشكل أفضل من واقع خبرتها. فاتكلمت عن الوقت من عدة جوانب وحكتنا كمان كيف إنها استطاعت تطبق فكرة لها قَبِلَ بها معالي البروف شبكشي مدير الجامعة ودعمها رجل الأعمال الشيخ أحمد فتيحي  فنجحت المفاجأة، وكمان كتبت مقترح لها في قصة حلم وحطته في مقال فطبقته الجامعة وانحلت مشكلة كبيرة، باختصار قالت إن الإدارة الجيدة للوقت تحقق كل الأهداف.

#205: الوقت ما ضاع... احنا ضيعناه!

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم