بودكستات سواليف

Mstdfr Show 2021

حصة تعبير نناقش فيها أهمية التعبير في يومنا، وتنوع أدواتنا في التعبير عن أنفسنا. و كيف نحفّز أصدقائنا من حولنا انهم يعبّرون عن أنفسهم.

ــــــــــ

روابط ذكرناها في الحلقة :-

موسيقى اليوم: https://soundcloud.com/smart_key/4ufke7ij3ftk

مدونة علي: https://alisthoughtsdot.wordpress.com

بودكاست ليلة خميس : https://soundcloud.com/thepodcast5/tawunabpc2rz

ـــــــــ

علي في انستقرام: https://www.instagram.com/alitalal4

أنس في انستقرام: https://www.instagram.com/ans_suf 

محمد في انستقرام: https://www.instagram.com/smart_key

بودكاست شجرة | الحلقة 01 | حصة تعبير

ضيوف الحلقة [ خيرة بندقجي و عمير طيبة ]

وبالسلامة وصلنا حلقة رقم ٢٠٠ من بودكاست مستدفر! صراحة ما أتخيلنا إننا نوصل للي وصلنا له خلال الخمسة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى وأستضفنا الدوافي الأصليين إللي بدأوا معانا المشوار عمير طيبة و خيرة بندقجي… كان المفترض يكون معانا فيصل عسيري لكن ربي ما أراد… بإذن الله نجيبه في الحلقة رقم ٣٠٠ إذا ربي أحيانا :)

وزي ما وعدناكم الحلقة اللي راحت اليوم نعلن عن الفائزة الخامسة والأخيرة وهي مستمعتنا الدافورة فاطمة عناد!

ألف مبروك يا فاطمة وبإذن الله حنتواصل معاك عشان نبارك لك بشكل شخصي وندردش شوية إذا ما عندك مانع… وحنرتب مع أصحابنا في تستاهل عشان يرسلوا لك صندوق السناكس… وصراحة حسينا انه السناكس لوحدها مو كفاية… فأتواصلنا مع أصحابنا الرهيبين في ”كون“ وأرسلوا لنا شوية هدايا أكيد حتعجبك. 

تقدروا تتابعوا حساب كون على انستجرام KAWN.A … عندهم منتجات بتصاميم رهيبة من Pins لسلاسل مفاتيح و ستيكرز وتقاويم وأشياء ثانية كثير اللي ممكن تشتروها من حسابهم بشكل مباشر.

حابين نشكر كل اللي شاركوا معانا في السحب على صناديق تستاهل مع مستدفر… ومبروك لكل اللي فازوا معانا وحظ أوفر للي ما فازوا وبإذن الله نحاول نوضكم في الفعاليات القادمة لأنه جداً أستمتعنا بتفاعلكم واهتمامكم ودعمكم لنا مو بس الآن بس على مر السنوات الخمسة اللي راحت والميتين حلقة اللي سجلناها… وإن شاء الله نكون دائماً عند حسن ظنكم.

برنامج مستدفر

#200: كأننا عارفين إيش بنسوي!

ضيوف الحلقة [ فرقة أنانحن و محباتشي ] موسيقى الروك مهي من أنواع الموسيقى المشهورة أو المحببة في العالم العربي… لكن مع ذلك لها جمهورها واليوم نقدر نشوف فنانين عرب بينتجوا هذا النوع من الفن. وعشان كدة اليوم قعدنا مع فرقة أنانحن واللي بينتجوا أغاني روك من مدينة جدة وحاولنا نعرف منهم أكثر عن هذا اللون من الفن. وشاركنا في الحلقة أحد محبي هذه الفرقة وصديق البرنامج محباتشي. ممكن تتابعوا ضيوفنا على حساباتهم:   .وممكن تسمعوا أغني فرقة أنانحن على أي من تطبيقات الأغاني أو على  &nbsp;

#204: إيش سويت في يوم بدون شمس

ضيفة الحلقة [ أ.د. إبتسام حلواني ]

ليش كثير مننا ماعنده وقت يسوي رياضة ، أو يزور أرحامه أو حتى يروق في البيت ويرتاح… كل ما فكرنا نغير من عاداتنا يطلع لنا العذر المعتاد ”ما عندي وقت“ بس السؤال اللي يطرح نفسه هو… فين بيضيع الوقت؟ والجواب هو إنه في الحقيقة الوقت ما بيضيع… لكن إحنا اللي بنضيعه!

وعشان كدة اليوم قلنا خلينا نسأل عن الموضوع ونتعلم كيف ممكن ندير وقتنا بشكل أفضل حتى لايضيع، فقعدنا مع ضيفتنا  أ. د. إبتسام حلواني عشان تقولنا كيف ممكن نستثمر وقتنا بشكل أفضل من واقع خبرتها. فاتكلمت عن الوقت من عدة جوانب وحكتنا كمان كيف إنها استطاعت تطبق فكرة لها قَبِلَ بها معالي البروف شبكشي مدير الجامعة ودعمها رجل الأعمال الشيخ أحمد فتيحي  فنجحت المفاجأة، وكمان كتبت مقترح لها في قصة حلم وحطته في مقال فطبقته الجامعة وانحلت مشكلة كبيرة، باختصار قالت إن الإدارة الجيدة للوقت تحقق كل الأهداف.

#205: الوقت ما ضاع... احنا ضيعناه!

الألعاب هي من الأشياء اللي ما كنا نقدر نعيش من غيرها كأطفال. همنا كان كل يوم إيش حنلعب! ومع إن الكثير مننا لما كبرنا بطلنا نلعب زي أول… إلا إن بعضنا ما قدر يوقف لعب. وضيفنا اليوم قدر يحول اللعب إلى مهنة تحولت إلى شركة واليوم صار اللعب شغله الشاغل! ضيفنا اليوم هو ريادي الأعمال الأستاذ محمد الطيار مؤسس شركة ”تاج إت جيمز“ المهتمة بتطوير الألعاب الجماعية للشركات والمجتمع عن طريق تطبيقهم الخاص. ممكن تتابعوا محمد على حسابه في الإنستجرام  وممكن تتابعوا آخر تطورات ألعابهم على حساب الشركة

#206: هدني... هديتك ومافي ظفاري

ضيف الحلقة [ مروان عبدالعزيز ] لكل شخص جرب حياة الأعمال الحرة حيعرف إنه لها إيجابياتها وسلبياتها، ومن الصعوبات في هذا التواصل مع العملاء وبرم الإتفاقيات وتأمين الأتعاب. ووعشان كدة حبينا نعرف أكثر اليوم عن أحد المواقع اللي تخدم مقدمي الخدمات في عالم الأعمال الحرة. فجلسنا اليوم مع المدير التنفيذي لمنصة أريد الأستاذ مروان عبدالعزيز والتي تأسست في عام 2017 كأول منصة إلكترونیة مستقلة من نوعها في المنطقة لتمد جسور التعاون بین أصحاب العمل من جمیع أنحاء العالم ومنشئي محتوى ومترجمین محترفین حاصلین على اعتماد من أبرز المهنیین في كل مجال. ممكن تتعرفوا على الأستاذ مروان عن طريق حسابه في : وممكن تعرفوا أكثر عن منصة أريد عبر

#207: أطلب من هذه المنصة ما أريد

ضيفة الحلقة [ Modia B ] لنا اليوم سنة من أول ما وصلنا الكرونا وأنحجرنا في بيوتنا… وفي هذه الذكرى الكئيبة اليوم قعدنا مع ضيفتنا المميزة رائدة الأعمال ومقدمة البرامج موديا بي واللي شاركت معانا الكير من القصص والتجارب وكمان أعطتنا وجهة نظرها على بعض الجوانب الإيجابية للحجر الصحي والتجربة اللي عدينا عليها في الفترة اللي راحت مع أسرنا وأحبابنا.

#208: الكورونا نكبتنا وكمان قربتنا

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم