شوضع اللي قاعد يزبد طول الوقت 

بالعكس رامي هيا هذه شخصيته و انا تمثلني صراحة خاصة بالاخير وقت الكلام عن الحظ. ياخي كثير ناس موجودين ب سيستم لو ايش يعلموا حيكونوا نفس وضعهم. باختصار كلنا بالسعودية على مختلف طبقاتنا شعب برفلجد ولا نقارن حياتنا باي شعب ثاني. 

Mstdfr Show 2022

هذه الحلقة مقدمة إليكم من فريق بودكاست فيء الشعري عن شاعر العربية بدوي الجبل

❤️تابعوا حساباتنا على مواقع التواصل الاجتماعي وشاركونا حبكم للشعر العربي❤️@fay2podcast

https://linktr.ee/Fay2Podcast

بدوي الجبل - شاعر العربية - الحلقة السابعة عشر -17 - فيء من شعر

ضيف الحلقة [ عبدالله غازي ] 

مع دخول سنة ٢٠٢٢ حسينا انه أفضل طريقة نبدأ فيها السنة هي بحوار فلسفي نفسي سلس وعميق في نفس الوقت… وفيه شوية فضفضة كمان. وعشان كدة في حلقة اليوم أستضفنا صديقنا الدافور د. عبدالله غازي واتكلمنا عن العادات والتقاليد الشخصية والمجتمعية وتعميمها على الاخرين وكيف نقدر نتعامل معها.

The Mstdfr Show

#237: رجاء كل عقدك خليها لنفسك

ضيوف الحلقة [ نهار الحمراني و عبدالله غازي ]

اليوم عالم الأفلام والمسلسلات صار صناعة في المملكة… إيه نعم ما زالت في بداياتها لكن المهم إنها بدأت. هذا لا يعني أننا عمرنا ما صنعنا محتوى بشكل احترافي لأننا بنص محتوى على مستوى جيد من عقود. مع ذلك ما كانت هذه الأعمال متواجدة في بيئة متكاملة تدعم هذه الصناعة زي بعض المناطق الثانية مثل هوليوود وبوليوود ومصر. وحبينا ندردش في هذل الموضوع اليوم واستضفنا صديق البرنامج المنتج المبدع الأستاذ نهار الحمراني وصديقنا الصدوق د. عبدالله غازي واتكلمنا على بعض الأفلام العالمية والمحلية اللي عجبتنا واللي كمان ما عجبتنا.

#238: صناعة الأفلام غير إنستجرام

ضيفة الحلقة [ نوف النجيمي ]

مشاركة مشاعرنا مع الآخرين مهي حاجة المجتمع من حولنا يحبذها… ودائماً كانوا يعلمونا اننا نخلي مشاعرنا لأنفسنا، لكن أحياناً الواحد فينا يحتاج يخرج اللي لنفسه لأحد… واليوم مع شبكات التواصل الاجتماعي صرنا نشوف كثير ناس يفضفضوا بشكل علني قدام الجميع. ضيفتنا اليوم هي ”النجمة“ المتألقة الأستاذة نوف النجيمي اللي شاركتنا تجربتها مع الفضفضة التويترية والأسباب اللي دفعتها لمشاركة مشاعرها على شبكات التواصل. وكمان اتكلمنا على الأمن السبراني وعلى بعض المفاهيم الحياتية اللي ممكن تكون نتيجة برمجة مخية مكتسبة!

#239: الأصباع الصغير أنظلم كثير

ضيف الحلقة [ حمزة هوساوي ]

الموسيقى أنواع… وكل إنسان له لونه المفضل اللي يحبه ويرتاح له. وحتى الفنانين كمان لهم تفضيلاتهم وأساليبهم الخاصة في إنتاج فنهم. واللي ميز ضيفنا اليوم هو انه أختار لون فن غير دارج في مجتمعه وكمان بلغة مختلفة. ضيفنا الفنان المتألق حمزة هوساوي وهو مغني سعودي أتخصص في لون الـ”آر أند بي“ باللغة الإنجليزية، وفي ٢٠١٥ اشترك في فئة "سولو إنترناشونال" من الموسم الرابع من أشهر برنامج اكتشاف المواهب ”ذا إكس فاكتور آرابيا“ بإشراف الفنان راغب علامة وفاز بلقب الموسم. واليوم جلسنا مع حمزة وأتناقشنا في الفن والحياة وكمان بعض المستجدات في عالم التفن والتقنية.

وحلقتنا اليوم برعاية سماعات نورا إللي مع مستدفر يقدموا لكم فرصة الفوز بسماعات جديدة!

لو شخصين بدلوا نظاراتهم… غالباً ما حيشوفوا شي لأن كل واحد فينا عيونه مختلفة. هل تتخيلوا أن كل واحد منّا كمان سمعه مختلف؟ سماعات نورا تتميز بتخصيص الصوت للمستمع، أول مرة تلبسوا سماعات نورا، بتختبر سمعكم، ولما تسمعوا الأغاني اللي تحبوها حتعيشوا تجربة جديدة وكأنها أول مرة تسمعوا موسيقى. وتقدروا تجربوها اليوم في جدة والرياض. إذا حابين تشوفوا سماعاتهم او تجربوها، تابعوهم على الانستقرام: https://www.instagram.com/nuraphoneme/

عشان تشاركوا معانا في السحب… تابعوا حساب نورا فون إم إي وعلقوا على صورة مستدفر في حسابهم وأكتبوا لنا ”مستدفر… أبغى سماعة“ ونختار أحد المشاركين ونرسل لهم سماعة مجانية إلى بيتهم.

#240: ألحان زرقاوية بكلمات غربية

ضيفة الحلقة [ ريم طيبة ]

ضيفتنا اليوم مميزة لأكثر من سبب… أولاً هي كانت أكد المحفزات لبرنامج ”عِلم إف إم“… ثانياً كانت ضيفتنا على الحلقة العاشرة من البرنامج عام ٢٠١٥… ثالثاً هي اليوم أحد مقدمي برنامج عِلم إف إم… لكن الأهم من هذا كله هي عالمة رائعة جمعت بين عالمين نادراً ما نلاقيهم يجتمعوا، العلم وفنون القتال! وبالتحديد فن الكنج فو. ضيفتنا الدكتورة ريم طيبة جلست معانا وحكتنا على رحلتها للصين وكيف تعلمت فن الكنج فو وكمان أتناقشنا معاها عن الطاقات الكونية وأشياء ثانية كثير.

#241: علم وكنج فو وكلام حتنسوه

ضيوف الحلقة [ أميرة الحربي و نوف النجيمي و عبدالله غازي ] 

القدر شيء ما نقدر نتحكم فيه أو نغيره… ربي يكتبه علينا ويحطنا في الأمر الواقع. لكن الشيء اللي نقدر نتحكم فيه هو كيف نتعامل مع هذا القدر! الخيار الأول هو إننا نستسلم له… أما الخيار الثاني هو إننا ما نخليه يحكم حياتنا ونتعايش معاه بطريقتنا. وهذا التصرف ممكن يخلي وضع ينظر له الكثير من الناس بشكل سلبي… يتحول لشيء إيجابي في حياتنا!

وهذا هو بالضبط اللي ضيفتنا اليوم قررت تسويه مع قدرها… دافورتنا المتميزة أميرة الحربي ما خلت إصابتها بمرض الروماتويد يحكم حياتها… وأصرت انه الأثر الإيجابي ما يكون على حياتها فقط… بل على حياة العشرات غيرها كمان. شارك معانا كمان في حلقة اليوم أصحاب البرنامج الدوافير الأستاذة نوف النجيمي والدكتور عبدالله غازي. وإذا حابين تعرفوا أكثر عن أميرة ومبادرتها، ممكن تتواصلوا معاها عن طريق حساباتها في شبكات التواصل:

سناب شات:
 @rheumatoidmecca
تويتر:
@RheumatoidMecca
إنستقرام:
 @0_amira

#242: أميرة المكية لا الروماتزمية

وداعًا أنا..

بمشاركة [ محمد باشراحيل ]

الكثير من الناس يؤمن بالحظ وانه السبب في سعادة الإنسان ان كان جيد وتعاسته ان كان سيء، وبعض الناس يؤمن أن الحظ بكل حالاته هو نتيجة تراكمية لعمل أجيال من البشر. وبالتالي تغيير وضع الإنسان ممكن لكن ان كانت النتيجة التراكمية سيئة زاد العمل على من أراد تغييره، الموضوع واسع وشاركنا الحديث صديقنا وأحد مقدمي بودكاست الزبدة الأستاذ محمد باشراحيل.

ممكن تسمعوا بودكاست الزبدة على الرابط: https://podcasts.apple.com/us/podcast/azzbda-%D8%A8%D9%88%D8%AF%D9%83%D8%A7%D8%B3%D8%AA-%D8%A7%D9%84%D8%B2%D8%A8%D8%AF%D8%A9/id1122025804

وممكن تتابعوا البرنامج على إنستجرام: https://www.instagram.com/azzbda/

#252: هل الحظ أكبر من انه يتغير؟

بمشاركة [ غازي عبدالله ]

من الدارج حول العالم وفي جميع المجتمعات نلاقي ناس نظرتهم لبعض فئات المجتمع مغلوطة ويغلفها بعض الجهل، واللي في كثير من الأحيان يظلم هذه الفئات. من أكبر المظلومين في المجتمعات هم ذوي الإعاقة وللأسف الظلم ما يكون من قلة الخدمات والسياسات بل هو من المجتمع بحد ذاته. وعشان كدة ضيفنا اليوم كرس حياته لخدمة هذه الفئة بالذات وتوعية المجتمع بحالهم ووضعهم وبأفضل طريقة ممكن نتعامل معهم بها.

الأستاذ غازي عبدالله قعد معانا على بودكاست مستدفر ودردشنا على مواضيع مختلفة تدور حول خبرته في العشر سنوات الماضية في مركز العون بجدة، وكمان أتكلمنا معاه عن فئة مظلومة هو ينتمي لها شخصياً وهي فئة الأيتام. ومع إنه غازي ما يحب إنه عن بعض المواقف السلبية اللي عاشها هو وأخوانه، حكى لنا عن بعضها اللي صعب لأي أحد فينا ممكن يتخيلها… لكن كمان حكى لنا عن اللحظة اللي غيرت حياته للأبد على يد أمه الفاضلة… الأستاذة ناجية جميل.

#253: غازي ولد ناجية همته جداً عالية

بمشاركة [ ولاء باحفظ الله ]

اتكلمنا كثير عن عالم الإنتاج السينمائي من يوم ما دخلت السينما السعودية وبدأنا عصر جديد في صناعة المحتوى المحلي اللي الوم صار يصدر للعالم، لكن ما زالت في بعض الجوانب من هذه الصناعة اللي لسة ما اتكلمنا فيها، واحدة من هذه الجوانب هي تجارب الاداء واختيار الممثلين. وشاركتنا الحديث اليوم أحد رائدات مجال الإنتاج السينمائي في المملكة الأستاذة ولاء باحفظ الله اللي أعطتنا من خبرتها الوفيرة في هذا المجال اللي تعدت ١٤ سنة. لكن كالعادة في كل حلقات مستدفر ما قدرنا نمسك موضوع واحد واتشعبنا في عدة مواضيع مختلفة.

#255: اسم شركتي الفهد الوردي

بمشاركة [ عبدالله رافعة ]

حلقة اليوم بدأت كحوار خفيف بين عمار وصديق البرنامج الفنان الرائع عبدالله رافعة… وكعادة حوارات مستدفر تحول الحوار الى حوار عميق عن الثقة في النفس وبعض التجارب الشخصية والنفسية اللي أثرت على الإثنين من ناحية المنظر والشخصية وحتى عن بيئة العمل المناسبة. ممكن تتابعوا صديقنا عبدالله رافعة على برنامجه الجديد ”ديزني فان“ واللي هو برنامج تاريخي يتطرق لأعمال شركة ديزني الكرتونية، وممكن تسمعوا الحلقات على الرابط:

https://podcasts.apple.com/us/podcast/%D8%AF%D9%8A%D8%B2%D9%86%D9%8A-%D9%81%D8%A7%D9%86-%D8%A8%D9%88%D8%AF%D9%83%D8%A7%D8%B3%D8%AA/id1626893738

وممكن كمان تسمعوا عمار وعبدالله على برنامجهم ”كرتون كرتون“ واللي هو برنامج حواري يتمحور حول كل ما يتعلق بعالم الرسوم المتحركة أو الآنيميشن على الرابط:

https://podcasts.apple.com/us/podcast/%D8%A8%D9%88%D8%AF%D9%83%D8%A7%D8%B3%D8%AA-%D9%83%D8%B1%D8%AA%D9%88%D9%86-%D9%83%D8%B1%D8%AA%D9%88%D9%86-kartoon-karton-podcast/id1231826301

#258: تطورت الهرجة وزادت لي الثقة

اليوم في أماكن مختلفة حول العالم كثير من الناس بيحتفل بيوم الأب… وبغض النظر إذا احتفلنا بهذا اليوم أو لأ… الموضوع أثار في بالنا مفهوم الأبوة! ففي الآخر نحن نؤمن انه في فرق شاسع بين الوالد… والأب. فحب عمار انه يتكلم عن هذا الموضوع في بعض الخواطر اللي جات على باله ويطرحها عليكم.

#260: كون أب كويس مو والد مكيس

بمشاركة [ هاشم الزين ]

قد في مرة كنتم بتطالعوا في تصميم في مكان أو على سجادة وشفتوا شكل وجه؟ إذا إيوة فإنتم مو لوحدكم… هذه ظاهرة موجودة عند بعض الناس ولها إسم علمي. ولها علاقة بالخيال والإلهام والإبداع… وعشان كدة اليوم قعدنا مع الدكتور هاشم الزين وتناقشنا عن عالم الخيال والإبداع اللي ناقشه في أحد أحدث مقالاته.

ولا تخافوا… هذه المرة جلسنا ساعة نتكلم في الموضوع!
 
ممكن تقرأوا تلخيص الكتاب على الرابط: https://medium.com/@hashim.alzain/how-to-find-inspiration-in-lifeless-objects-17073df20818

#285: لو لقيت الإلهام فأمورك تمام

بمشاركة [ سعيد الشامسي و صابر الغامدي و أحمد حيدر و ياسر الحربي ]

لما صديقنا المبدع وأحد رواد بودكاست رووت كويست سعيد الشامسي يزور مدينة جدة… لازم نستغل الموضوع ونستضيفه في بودكاست مستدفر. بس هذه المرة ما جا لوحده وجا معاه زميلنا الرهيب أحمد حيدر من بودكاست مقهى الآنيمي وكمان عرفونا على أصدقاء دوافير جدد… الخلوق صابر الغامدي والكاتب ياسر الحربي. وحاولنا نتكلم في مواضيع ملهمة لكن كعادة سعيد قلب لنا الموضوع موت وندم. لكن في كل الأحوال الحلقة كانت متنوعة وبإذن الله حتستفيدوا منها بشكل أو آخر.

#286: بالموت والندم سعيد منصدم

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم

#252: هل الحظ أكبر من انه يتغير؟

بودكاست مستدفر

Recent comments

Ahmadco

Realms

Related tracks