تبغى تضيع وقتك وتضحك شويه؟

هذي الحلقة ليك… لاتتوقع تستفيد، الفكرة اننا ننبسط وبس… تشاو، نحبكم.

تقييمكم يهمنا!

تويتر وانستاغرام: KartoonKarton

منتجاتنا متوفرة على الرابط التالي: https://rafrafaah.com/ar/category/qGggyW

روابط يمكن تهمك: مافيه اهم منك

بودكاست كرتون كرتون

١٥٩: معلومات كرتونية غير مهمة

بمشاركة [ هاشم الزين ]

مافي انسان في الدنيا ما يواجه مشاكل وأبواب تتقفل في وجهه… لكن طريقة تعاملنا مع بيئتنا والمواقف اللي تحصل لنا هي اللي حتحدد نجاحنا أو فشلنا في الحياة. وهذا النوع من الدروس الحياتية ألهم صديقنا الدكتور المهندس هاشم الزين لكتابة مقالة يشرح فيها كيف قسوة والده في الصغر صنعت منه مهندس مبدع وناجح. وحكى لنا في حلقة اليوم كيف قدر يكتشف مهاراته ويحولها اليوم إلى شركة وطنية ناجحة.

وتقدروا تقرأوا المقال كامل (باللغة الإنجليزية) على الرابط: https://medium.com/@hashim.alzain/the-illusion-of-limitations-b6c7e6a5fb1a

#281: قسوة الماضي صنعت حاضري

من أكثر الأسئلة اللي تتكرر علينا هي ”كيف أبدأ بودكاست؟“ وبكل أمانة في كثير مواقع تشرح خطوات الصناعة من الألف للياء… بس حبينا اليوم نعطيكم شرح للخطوات الرئيسية اللي لازم تحطوها في بالكم قبل ما تخوضوا هذه الرحلة… من واقع خبرتنا الشخصية طبعاً. وفي حال ما قد فكرتوا انكم تصنعوا برنامجكم الخاص… يمكن هذه الحلقة تحمسكم تبدأوا.

#282: بهذه الخطوات إبدأ بودكاست

بمشاركة [ مستمعي مستدفر السهرانين ]

اليوم قلنا نجرب شيء جديد… دخلنا انستجرام لايف وأخذنا مشاركات ومداخلات من مستمعينا اللي كانوا سهرانين معانا. وبكل أمانة جداً انبسطنا بالتجربة وشكلها حتصير عادة جديدة نسويها كل بعد فترة.

#283: لايف انستجرام وطلعنا كلام

بمشاركة [ مستمعي مستدفر ]

بعد نجاح التجربة الأسبوع اللي فات… قلنا نجربها ثاني… دخلنا انستجرام لايف وأخذنا مشاركات ومداخلات من مستمعينا اللي شاركونا بمواضيع مختلفة من ضمنها السفر إلى كوريا… اللغة العربية… وكمان الدراسة واختيار التخصص.

#284: محتار في أمري ونوع تخصصي

بمشاركة [ سعيد الشامسي و صابر الغامدي و أحمد حيدر و ياسر الحربي ]

لما صديقنا المبدع وأحد رواد بودكاست رووت كويست سعيد الشامسي يزور مدينة جدة… لازم نستغل الموضوع ونستضيفه في بودكاست مستدفر. بس هذه المرة ما جا لوحده وجا معاه زميلنا الرهيب أحمد حيدر من بودكاست مقهى الآنيمي وكمان عرفونا على أصدقاء دوافير جدد… الخلوق صابر الغامدي والكاتب ياسر الحربي. وحاولنا نتكلم في مواضيع ملهمة لكن كعادة سعيد قلب لنا الموضوع موت وندم. لكن في كل الأحوال الحلقة كانت متنوعة وبإذن الله حتستفيدوا منها بشكل أو آخر.

#286: بالموت والندم سعيد منصدم

بمشاركة [ حكيم جمعة و خالد يسلم ]

لما نتعود على ممثل أو ممثلة في أدوار معينة مثلاً زي الكوميديا… صعب لكثير من الناس انهم يتقبلوهم في أدوار درامية مثلاً. على سبيل المثال الممثل الأمريكي ”آدم ساندلر“ أتعرف بالأفلام والأدوار الكوميدية، وقبل كم سنة مثل دور درامي جاد في فيلم ”أن كت جيمز“. لكن ردة الفعل كانت غير متوقعة وكثير من الناس أنبهروا بأدائه وقدر يثبت عكس المفهوم المتعارف عليه. وعشان كدة قعدنا اليوم مع الممثل والمخرج حكيم جمعة والممثل خالد يسلم عشان نناقش دور آدم ساندلر الدرامي وموضوع التمثيل وبعض المعضلات اللي الممثلين بيواجهوها بشكل عام عالمياً وبشكل خاص في السعودية.

#287: الجواهر خام والتمثيل تمام

في حلقة اليوم، حبينا نراجع العام الماضي، ونرتب للعام الحالي بالصوت عشان يكون ختم علينا نبني معاكم تاريخ الكرتون أول بأول… كنا نحسب اننا نبالغ، بس وجودكم خلانا نستوعب واقع الوضع! نحبكم ومتحمسين لهذه السنه مره!

روابط يمكن تهمك:
-رف منتجات كرتون كرتون: https://rafrafaah.com/ar/category/qGggyW

١٧٠: أول حلقة في 2023

بمشاركة [ فيصل عسيري ]

مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟

صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

#293: هنا فورميلا ون والفنان أتجنن

بمشاركة [ عمير طيبة ]

في حلقة اليوم رجع لنا الدافور الأصلي وأول ضيف في تاريخ البرنامج المهندس العبقري عمير طيبة واللي جلس وأتكلم معانا في مواضيع فلسفية وعلمية مختلفة، واللي تضمنت كلام عن الدرونز وطريقة عملها إلى الفروقات ما بين استخدام التقنيات الإلكترونية والتقليدية وعن طريقة عمل الراديو والأجهزة اللاسلكية. المواضيع أتشعبت واتشكلت وبإذن الله تعجبكم.

وكمان حابين نقول لكم انه حلقتنا اليوم برعاية الجيل الجديد من جهاز كيندل. والجماعة في آمازون حابين يعرفوكم على الجيل الجديد من جهاز كيندل واللي فيه مميزات جديدة عشان تساعدكم على القراءة بمتعة أكبر وبسعر مناسب… يحتوي أحدث جهاز Kindle على شاشة عالية الدقة حجم 6 بوصة، مع ميزة وضعية الإضاءة الداكنة، ببوصات ودقة 300 بكسل. وتتضمن أجهزة Kindle الجديدة كليا،ً الأخف والأصغر في فئتها، بطارية تدوم لفترة تصل إلى ستة أسابيع، بالإضافة إلى سعة تخزين 16 جيجابايت - ضعف سعة تخزين الجيل السابق – وهي تكفي لاستيعاب الآلاف من العناوين والكتب، وهذا الشيء حيتمكنكم من اصطحاب مكتبتهم الشخصية لأي مكان. الجهاز متوفر الآن بسعر 449 ريال سعودي بسعة 16 جيجابايت وباللون الأسود أو اللون الأزرق. وتتوفر كمان أغطية قماشية جديدة لجهاز Kindle بسعر 129 ريال سعودي بالألوان الأسود والوردي والأزرق والزمردي .

ممكن تعرفوا أكثر عن الجهاز عن طريق حسابهم في إنستجرام أو موقعهم الرسمي:

https://www.instagram.com/amazonksa/

https://www.amazon.sa/-/en/kindle-%D8%A5%D8%B5%D8%AF%D8%A7%D8%B1-2022/dp/B09SWV1FSS/ref=sr_1_6?crid=VN7WMTSXCMPK&keywords=kindle&qid=1677366858&sprefix=kindl%2Caps%2C243&sr=8-6&th=1

#298: موجة تذبذبية ولا للإلكترونية

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم

#284: محتار في أمري ونوع تخصصي

بودكاست مستدفر

Related tracks