بمشاركة [ هاشم الزين ]

قد في مرة كنتم بتطالعوا في تصميم في مكان أو على سجادة وشفتوا شكل وجه؟ إذا إيوة فإنتم مو لوحدكم… هذه ظاهرة موجودة عند بعض الناس ولها إسم علمي. ولها علاقة بالخيال والإلهام والإبداع… وعشان كدة اليوم قعدنا مع الدكتور هاشم الزين وتناقشنا عن عالم الخيال والإبداع اللي ناقشه في أحد أحدث مقالاته.

ولا تخافوا… هذه المرة جلسنا ساعة نتكلم في الموضوع!
 
ممكن تقرأوا تلخيص الكتاب على الرابط: https://medium.com/@hashim.alzain/how-to-find-inspiration-in-lifeless-objects-17073df20818

#285: لو لقيت الإلهام فأمورك تمام

بمشاركة [ حكيم جمعة و خالد يسلم ]

لما نتعود على ممثل أو ممثلة في أدوار معينة مثلاً زي الكوميديا… صعب لكثير من الناس انهم يتقبلوهم في أدوار درامية مثلاً. على سبيل المثال الممثل الأمريكي ”آدم ساندلر“ أتعرف بالأفلام والأدوار الكوميدية، وقبل كم سنة مثل دور درامي جاد في فيلم ”أن كت جيمز“. لكن ردة الفعل كانت غير متوقعة وكثير من الناس أنبهروا بأدائه وقدر يثبت عكس المفهوم المتعارف عليه. وعشان كدة قعدنا اليوم مع الممثل والمخرج حكيم جمعة والممثل خالد يسلم عشان نناقش دور آدم ساندلر الدرامي وموضوع التمثيل وبعض المعضلات اللي الممثلين بيواجهوها بشكل عام عالمياً وبشكل خاص في السعودية.

#287: الجواهر خام والتمثيل تمام

في حلقة اليوم، حبينا نراجع العام الماضي، ونرتب للعام الحالي بالصوت عشان يكون ختم علينا نبني معاكم تاريخ الكرتون أول بأول… كنا نحسب اننا نبالغ، بس وجودكم خلانا نستوعب واقع الوضع! نحبكم ومتحمسين لهذه السنه مره!

روابط يمكن تهمك:
-رف منتجات كرتون كرتون: https://rafrafaah.com/ar/category/qGggyW

بودكاست كرتون كرتون

١٧٠: أول حلقة في 2023

بمشاركة [ فيصل عسيري و ياسر ناصف ]

اليوم طلعنا الرياض وقعدنا مع مستدفرنا القديم… ولدنا الضايع فيصل عسيري وشاركنا صديقنا العزيز ياسر ناصف. وفي نهار ممطر في الرياض جلسنا ندردش على مواضيع مختلفة بدأت بكروية الأرض وانتقلت لبعض ألعابنا المفضلة على البلايسيشن إلى ما وصلنا لحقوق حفظ القصص والشخصيات.

وللأسف كان في مشكلة في التسجيل وبالتالي الصوت ما كان بالجودة المطلوبة، بس ما حبينا نترككم اليوم من غير حلقة… فقررنا ننشرها ونعتذر مقدماً على الجودة.

#291: الأرض وميكي ودوري مافي

بمشاركة [ أميرة شيخ و مرام العيسائي ]

إنتاج المحتوى من فن أو برامج أو غيره يحتاج خبرة، ومو دايماً تكون متوفرة عندنا الموارد الرسمية أو الفرص المناسبة اللي تعطينا هذه الخبرة. في هذه الحالة عندنا واحد من خيارين… يا نستسلم ونقعد نحلم بحياة تمنينا نعيشها لسنوات… أو نلاقي طريقة نعلم نفسنا ونشتغل بالطول وبالعرض. والخيار الثاني هو المفهوم اللي ضيوفنا اليوم بيطبقوه في حياتهم كل يوم وبه قرروا يعيشوا الحياية الفنية اللي حلموا فيها وهم صغار.

صديقة البرنامج الفنانة أميرة شيخ وصديقتنا الجديدة الفنانة مرام العيسائي شاركونا اليوم الحديث وأتكلمنا عن ”الكود سويتشيج“ اللغوي والفن والتعليم وكمان صناعة البودكاست.

#292: فنانة رسمت شيكين ناجت

بمشاركة [ فيصل عسيري ]

مؤخراً صرنا نلاحظ إنه كثير من المشاهير حول العالم بدأوا يحطوا نفسهم في مواقف بايخة تخرب عليهم شغلهم وحياتهم بشكل كبير… هل المشكلة في الناس؟ أو المشكلة كانت دائماً موجودة… ولكن الآن صار الوصول للمعلومات المخفية أسهل؟

صديقنا الدافور القديم فيصل عسيري شارك معانا النقاش اليوم واتكلمنا عن مواضيع مختلفة من ضمنها سباقات الفورميلا ون وناقشنا كمان مدى تأثيرها على حياتنا اليومية.

#293: هنا فورميلا ون والفنان أتجنن

طيب عشان عمار نسي موعد تسجيل واحدة من الحلقات عبدالله قرر يعاقبه ويخليه يسجل حلقة لوحده عن توصيات من زمن الطيبين واللي هو الثمانينات، وكمان شرط عليه انه ما يقل طول الحلقة عن خمسة وخمسين دقيقة. فعمار وافق وسجل الحلقة لكن بطريقته… حب ينفذ كلام عبدالله بس بشوية فزلكة! إيش هي؟ أسمعه الحلقة للآخر وانتم تعرفوا.

وكمان حابين نقول لكم انه حلقة اليوم برعاية متجر يم! متجر يَـمّ "بمعنى البحر" متجر فني يخوضوا فيه على عدة أعمال يدوية متنوعة ويرسموا فيه على عدة مستلزمات تخدم كل أنواع العملاء وتنفذ حسب طلبهم ( توت باق - بلوفرات - تيشرتات - أكواب شاي أو قهوة ضد الماء - فواصل كتب - تجهيز بوكسات متنوعة ) وغير ذلك من المنتات اللي تجدد حسب الموسم. وكمان يتوفر لديهم حقائب مصنوعة يدويا من الكروشية ودمى تنفذ حسب الطلب وعندهم خياطة شراشف صلاة يدويًا في مواسم رمضان. التوصيل متاح لجميع مناطق المملكة والطلب متاح على حسابهم في انستقرام : 

ym.sea.sa

١٧٥: حلقة العقاب: توصيات من الثمانينات

بمشاركة [ عمير طيبة ]

في حلقة اليوم رجع لنا الدافور الأصلي وأول ضيف في تاريخ البرنامج المهندس العبقري عمير طيبة واللي جلس وأتكلم معانا في مواضيع فلسفية وعلمية مختلفة، واللي تضمنت كلام عن الدرونز وطريقة عملها إلى الفروقات ما بين استخدام التقنيات الإلكترونية والتقليدية وعن طريقة عمل الراديو والأجهزة اللاسلكية. المواضيع أتشعبت واتشكلت وبإذن الله تعجبكم.

وكمان حابين نقول لكم انه حلقتنا اليوم برعاية الجيل الجديد من جهاز كيندل. والجماعة في آمازون حابين يعرفوكم على الجيل الجديد من جهاز كيندل واللي فيه مميزات جديدة عشان تساعدكم على القراءة بمتعة أكبر وبسعر مناسب… يحتوي أحدث جهاز Kindle على شاشة عالية الدقة حجم 6 بوصة، مع ميزة وضعية الإضاءة الداكنة، ببوصات ودقة 300 بكسل. وتتضمن أجهزة Kindle الجديدة كليا،ً الأخف والأصغر في فئتها، بطارية تدوم لفترة تصل إلى ستة أسابيع، بالإضافة إلى سعة تخزين 16 جيجابايت - ضعف سعة تخزين الجيل السابق – وهي تكفي لاستيعاب الآلاف من العناوين والكتب، وهذا الشيء حيتمكنكم من اصطحاب مكتبتهم الشخصية لأي مكان. الجهاز متوفر الآن بسعر 449 ريال سعودي بسعة 16 جيجابايت وباللون الأسود أو اللون الأزرق. وتتوفر كمان أغطية قماشية جديدة لجهاز Kindle بسعر 129 ريال سعودي بالألوان الأسود والوردي والأزرق والزمردي .

ممكن تعرفوا أكثر عن الجهاز عن طريق حسابهم في إنستجرام أو موقعهم الرسمي:

https://www.instagram.com/amazonksa/

https://www.amazon.sa/-/en/kindle-%D8%A5%D8%B5%D8%AF%D8%A7%D8%B1-2022/dp/B09SWV1FSS/ref=sr_1_6?crid=VN7WMTSXCMPK&keywords=kindle&qid=1677366858&sprefix=kindl%2Caps%2C243&sr=8-6&th=1

#298: موجة تذبذبية ولا للإلكترونية

بمشاركة [ هاشم الزين ]

أي مجتمع له قوانينه وطرق التعامل العاصة به واللي تتحول لعادات متصرفات متعارف عليها اللي تضطر كثير من الناس انهم ما يتصرفوا على طبيعتهم. ودائماً ما نلاقي أنفسنا بنلبس أقنعة أحياناً تكون سلوكية وأحياناً تكون إجتماعية عشان تحمينا من كلام غيرنا، وفي نفس الوقت تعطي الناس إنطباع متقبل مجتمعياً عننا. وهذا الشيء اللي ضيفنا اليوم وصديقنا الصدوق الدافور والمهندس د. هاشم الزين اللي كتب مقالة عن الموضوع سرد فيها عشرة سلوكيات تتكون منها هذه الأقنعة.

ولو حابين تقرأوا المقالة بالإنجليزي ممكن تلاقوها على موقع د. هاشم: https://medium.com/@hashim.alzain/behind-the-mask-7bd2ae51913c

#299: قناع إجتماعي وقناع سلوكي

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

بمشاركة [ فواز برناوي ]

في حلقة اليوم زارنا ضيف كان لنا فترة بنحاول نستضيفه وأخيراً ضبطت مواعيدنا اللي كانت مخططة لبرنامج ثاني لكن بسبب الظروف لقينا نفسنا بنسجل حلقة لمستدفر ما خططنا لها! ضيفنا اليوم كان الدافور الخلوق الأستاذ فواز برناوي إللي اتكلمنا معاه عن مواضيع مختلفة تضمنت الأكل والأصناف المختلفة منه زي السيريه والبفتيك والمنتو والفرموزه وكيف حساسية التذوق عندنا ممكن تحدد نوع الأكل اللي ممكن نحبه وناكله، وكمان تبحرنا في حب التعلم وزيادة الفضول ومصادر المعرفة المختلفة زي الكتب والأفلام والبودكاست.

#301: شبيك ولبيك سيريه وبفتيك

بودكاست مستدفر هو برنامج إذاعي سعودي من تقديم عمار ورامي يأتيكم كل أسبوع فجر يوم الأحد من مدينة جدة ويقدم لكم حوارات عصرية  وترفيهية وثقافية مع مجموعة من أبرز العقول في مجتمعنا اليوم.

ونقدم لكم محتوانا بشكل عفوي وصادق من قلوبنا إلى عقولكم

#293: هنا فورميلا ون والفنان أتجنن

بودكاست مستدفر

Related tracks