ربنا يرحمك يارامي يارب 💔

الف رحمة و نور عليك يا رامي ❤️

‏خايف زي الوقت ده بعد كام سنه أقول كلام رامي دنجوان وهو بيقول تلاتين سنه بالتمام عيشتهم في البلد دي وكل ما أقول تتعدل بالاقي سنة بتعدي ذل مهانه سنين عذاب مقفول في وشي الف باب ... الله يرحمك يارامي

بسمعها من ٢٠١٧ و احنا ف ٢٠٢٤ اهو و لسه

Ahmed yssf

شارموفرز 5سنتى

http://www.reverbnation.com/osamarapmusic/song/23226679-
http://youtu.be/ahdpF3DztQg



الغباء في عيون المبسوطين الدليل 
جهل كل مبتسم سعيد شيء جميل 

ست واحدة متكفيش احتقار نيتشة 
قلم ورق كتير .. لكل هاتشة 

انطواء و الناس تبص بافتراء 
مهما كان مؤدب النتيجة في النهاية أكيد مش احتواء 

تفاهة التدخل لابسة ضيق رافعة كمك 
منطق الحرية واضح إنت مال امك ؟ 

أيوة يأس ، و منشورات بفاكس 
كلماتي لو كانت اشترت الأمل أنا كنت أختار العكس 

النهاردة ، أنا هالغي معاد الدكتور 
التشاؤم إني أخف مخلي الفن عليه الدور 

يعني طين .. و أشكله بمزاجي أكونه 
و بعد ما أخلص التمثال من الملل هالونه 

حقوق التحرش كتاب جديد من تأليف السرسجي العظيم 
شاف الوسط الأدبي ولا يسوى مليم 

-----------------

الفن مش لازم يكون رسالة يا اهبل 
فيه فن راقي فن عالي فن واطي أزبل 

و ده ذنب الفن .. العيب عيبك 
تعريفك للفن تلفه تحطه .. في .. جيبك 

الخميس حلو .. متكترش في النبيذ
تزيد هلاوس الخيال هأ مافيش عزيز 

و ييجي حد .. يكلمك بود 
فتقول بهزار اللي انت نفسك تقوله جد 


الليل جميل مع واحدة حلوة هبلة جاهلة 
تهري في التفاهة و انسى بيها محمد أسامه 

و أقول مع السلامة .. لكل خيال مفبرك 
أنا اصلا بحلم احلام من اخراج ستانلي كوبريك 

السؤال هيتساب لكن مسموح بالسباب 
السؤال بموضوعية هي الجنة فيها راب ؟

انتحاري اتفه من كونه اكتئاب وباء 
اصلا عايز اموت صغير فابقى من العظماء 

---------------------------

اواسيم 
يعني اساميات برضه 
مش قانون انا اللي فارضه 
اوسيم 
اكتساب فتح باب كتاب 


أواسيم


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

مهرجان اسباب كتير الاساطير في الكونت تركى $اوتا النوبى

“Brothers luv”

مهرجان هلس بوك توزيع الكونت تركي الأساطير والنمرة 6 ).mp3

Join Afreet On Facebook:

Profile : https://www.facebook.com/Kareemelkhamissy

RC Family:
www.facebook.com/RCFAMRAP

Lyrics Here : 
https://genius.com/Afreet-rc-zay-manta-7azen-lyrics

زي ما انت حزين | عفريت

الكلمات :
قولي لهم.. أنهم.. بهتوا وخانوا لونَهُم
قولي وقومي واهدمي هامانَهُم..
لا تسكتي عن ظلم فرعونَ، اصمدي ولتقضي عنهم دينَهم 
قولي لهم أنَّ المعادنَ كلَّها.. لو اصفحت عمَّا بداخلها ستُصدئُ قلبَهُم.. 
قولي ولا تعبأي بآلامهم فالكُل يلعن مِصْرَهم :")

Verse 1 :
خدي آخر نفس من بُق مريض وسيبي هواء الشِفا 
روميو و جولييت أقربلِك من مُحمد و عائشة
هنا هيصنفوا، هنا هيقوموا ويصقفوا
هنا أوساخ الدولة حلفوا ١٠٠ يمين ما هينضّفوا

لما يكون الأزهر "طرحة" على وجه "عقيدة" سافرة
عاوزة تشوفي وجه الدين.. شوفي كّفار القاهرة
إوعي يحنن قلبك عطشك إوعي تفتكريني طرَشك
إمشي دلوقتي برضاكي بدل مايقولوا: البت طفشت

أي سفينة تركبيها... متسأليش عن نوح فيها
هيسألوكي كنتي في طوفان؟ قوليلهم (مصر) واوصفيها
ولو الركاب أصروا توصفيلهم أكتر
إحكيلهم إن السماء في مصر بتبكي مش بتمطر

إحكيلهم إنك خايفة تتقالي لايسمعوكي
خايفة تعيشي يموتوكي، خايفة تموتي يدفنوكي
وإن شرقك مال لغربك لما رجلك نسيت دربك
وإن ورود ربيعك العربي دبلت لما قطعوا شجرتِك

Chorus
لو حد قالك مصر ذُكِرت في القرآن سيرتها
قوليله قرآن الواقع مليان آيات وساختها
وإن حد بكل سذاجة قالك إحنا أحسن من غيرنا
قوليله مسألة وقت ويوسف هيكون مات في بيرنا

Verse 2 : 
أديكي وصلتي ل بلد تانية.. اوعي تفتكرينا لثانية 
نامي مع كل الثقافات، مش هيقولوا عليكي زانية
هيقولوا إنك من بلد عمرها ما عرفت هوية
هيقولوا اسمك إيه؟ قوليلهم أنا اسمي مصرية

اقري الفاتحة على ماضيكي واستعري من تاريخك
مهما حِسّه كان مسمّع معرفش يسكّت صريخِك
اسألي على أقرب جامع، خشي صلي وماتخافيش
مش هيقولوا عليكي اخوان لما تقولي كم حديث

صححي المفاهيم الخاطئة.. توبي مهما كنتي خاطئة
عقلِك مأذونك، قلبِك شاهد، روحِك هي الخاطبة
فهمي عيالِك ان العلم ثقافة مش تعليم
وإن مجتمعهم وسخ نضفي قلوبهم بالدين

هاتي منهم ألف جيل..وارجعيلنا بيهم هنا
واوصفيلهم في الطريق يوم ما مشيتي من عندنا 
صبريهم مهما قرفوا .. واوعي تداري مهما عرفوا 
واخر كلمة مني ليكي: اوعي تصدقي مهما حلفوا

وقالوا مصر بلد ذكرت في القرآن ... إلخ بقى xD

Single

Omar Ahmed - قوليلهم

مصدع حبتين بس لسه مركز 
مش هعجز . بالكلام بعزز 

بالنسبة لي شرشر بدلعك يا عرعر 
ناولني اوكورديوني و اعزف لك سيدي ور ور 

بضهر ايدي بضرب سوء حظي 
حاضر ميتم سعادتي عشان من واجبي اعزي 

ترابيزتي مستطيلة ناشف فيها بواقي كيف
ايدي ساقعة متلجة كاني بتمشى في كييف

السكات مات ، مفتقد شاتات
الزيبق هو السائل الوحيد في الفلزات 

عندي اقلام رصاص و ألف زاوية للتناول 
عارف اني بكلم قاع العالم و رغم ذلك بحاول

عندي بلكونات كتير ممكن استخدمها 
عندي ناس كتير بدون مقابل بخدمها 

قاعد بقالي سنين لكن الخطر اني اتخن 
النظام علمني مركبهاش إلا أما تسخن 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

لازم اشحن ، عشان تنفسي السليم 
السباحة في السكرودرايفر محتاج عويم 


و لو غرقت و أنا بعوم سيبوني تحت 
او خلدوني بتمثال شمع ، بحب النحت 


قالت لي  اني جوزائي شقي غير متزن 
فرنشتها باداء مغتصب لا يزال مبتسم 

انا بشتم كتير عشان اغير الروتين 
و لما بزهق من البوس برزع المتين 

نطيت من سطوح ابراج زرقاء اللون 
صحيت في نص طيراني كائن مبضون 

احتفلت بعيد ميلادي بتورتة الفقدان 
و كل ما تشتغل مزيكتي بفضل هيجان 

قدمت قرباني مزز لالهة الايقاع 
عورت ايدي كاتينج قدر المستطاع 

انا طالب القرب من غبائي عشان ابقى أنا
انا بلعب طبلة شرقي عشان أكسر المنحنى


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


عاوز فلوس كتير اندم على صرفها في لاشيء 
عاوز مزة بقوام كمنجا اكون لها العشيق 

عاوز اموت لحماية نفسي من عقل عاهر 
عاوز اموت قبل ما اولع زي محمود عبد الظاهر 

شبه البلاي بيري ، في سوداها الداخلي 
بس روحها تكاد تكون اجمل من جسم شيري 

انا مش متمرد انا حاجز اسمنتي في الطريق 
انا بصحى بكرشة نفس أشرب شوت تكيلا عالريق 


عاوز اتحول لشيء جماد ممكن لي شيشة 
عاوز اشتغل في الممنوع و  أعلا بمستوى العيشة 

حرام تقولوا اني اتجننت لاني عادي 
انا بس مكسل أنام فيه وتك ساكنين قصادي 

فيرتيجو كتير الرؤية غامضة مش شايف كويس 
كاره الحيز ، عقلي متيس بس عامل ريس 

فصوص المخ عندي شبة متاهة بيت جحا 
مفتقد  البحلقة في الشمس من الفجر للضحى 


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


في الصيف ع البيتش ازداد عداد الفخاد 
كل ما تعجبني واحدة تطلع من فانز  فؤاد 

التزبيل هارشينو و التحقير عايشينو 
ملتزم بعقدي مع البحر من تراك كابتشينو 

اتعودت أكون بعيد و لما باجي بزهق 
كل ما تزيد الزحمة كل ما عقلي يبقى مرهق 

أربعة و تلاتين سنة مش فاكر يوم فيه كنت فايق 
بركب أي حاجة ماشية عمري ما كنت سايق 
---
بغيظ الكلام بالصمت يتغاظ يسكت زيي 
لو كانت فنوني نوع مرض أنا بعيي 

بكرة العادة و بكرة الشاي سكر زيادة 
الاسقاطات زادت هاجت ضد روح كيادة 

كل ما أشوف امل في مستقبلي بيطير فريرة 
ست حلوة جارة كلب لولو في الريفيرا 

مفيش مفر أو هروب من مصيري الغلس 
لما صوتي سخن هيهيي التراك خلص 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

Prod By : Osama
Piano by: Lucas King
https://www.youtube.com/user/LucasKingPiano

Vertigo

كالعادة وصلت هي الأول و ادته رنة 
متعودة انه بيطوّل ، هي تستنى 
كل مرة نفس الموقف يتكرر الوضع 
قربت تزهق منه و تفكر في ردع 
بدات تنفخ في ضيق ، و تبص ع الطريق 
فين احترام المواعيد بداية حريق 
دايماً بتيجي في المعاد و تبص في الساعة 
ملتزمة في العلاقة دايما بالخضوع و الطاعة 
بدات تتساءل ليه القواعد انها ترضيه 
يتطاول هي تطبطب يزعق تقول مرسيه 
واديه ، اتعود ع التمادي و هي تتحمل 
ساعة الغضب يقولها امشي لو مش عايزه تكمل
ساعات تصدق انه صادق و احيانا منافق 
في وقت عنفه و تهديداته تكون مضطرة توافق
تسمع كلام صحابها انت لازم تهاندليه 
تسمع كلام امها انت لازم تدلليه 

مش هستنى تاني ملخص اللي دار في راسها 
اعذاره وكل  تلكيكاته مش من اختصاصها 
قرار نهائي تم بزوال القلب المتراقب
مادام مجاش في معاده يتحمل العواقب 
ثورة جديدة ع الخضوع و الملك الاستعبادي 
مابين عناد و بين متلازمة انت اللي بادي 
الدم بيجري في العروق بتسيب الكافيه 
رحيل مفاجيء موقف حدسية بوانكاريه
مش عارفة قامت عن قناعة ام حادث عرضي
مش عارفة ان كانت صح بس جزء منها مرضي
جزء تاني لسه بيتساءل في الخفاء
طب رد فعله عنف و لا هيكون احتواء
عقل غاضب قلب مرتجف اعصاب ورق
تفكير في الجي و المشاكل وايام الارق 
قفلت تلفونها بسرعة تمهيدا للمعترك
مع كل كلاش بيزيد فقدان كل شيء مشترك 

خطوة للامام رحيل مادي بدون تردد 
وضع حد نهائي لكل مراحل التودد 
هتعدي الشارع تاخد تاكسي و تنطلق ع المنزل
خطتها واضحة في التجاهل يتصل هتكانسل
جو حر نار اغسطس عاصمة الصيف 
الكاميرا فوكس على رجليها نازلة من الرصيف 
حالة من التشويش الذهني بتحاول تركز
رغم ان العقل داير حيرة ع العناد تتعكز 
فقدان شعور بالعالم الرؤية فيها خلط 
صرير  كاوتش شيفروليه بيحارب الاسفلت 
اصوات صراخ و وشوش المارة بتتابع العرض
جسم طار ثواني قبل ما يتدحرج ع الارض 
الروح بتفارق الجسد ثريا سابت الحياة 
كل الخلايا بتستكين العقل يفقد محتواه 
اتجمدت ملامح وشها بغضب مطول 
حتى في رحيلها كانت قبله ، مشت الأول 

قلب صافي لا ينفي دماغ غشيمة 
عقل مزدحم مدي لكل تفصيلة قيمة 
مخلصة بقناعة للفكرة القديمة 
اتولدت في القفص فاكرة الطيران جريمة


Prod By: VINTAGEMAN PRODUKCJA
Story Author: Dr.Nabil Farouk

● Facebook : https://www.facebook.com/modyrapworld
● SoundCloud : https://soundcloud.com/muhamad-osama

ثريا

ده عقلي الباطن 2017 - عمر أحمد الجنايني _My Subcon(MP3_128K).mp3

معادي السما وسط نجومي تحل خلافي 
معادي في السما مع انتهاء سنين عجافي
نصبولي محكمة قالولي استسلم قولت لا
حياتي ملحمة اتمني متخلصش بمأساة
قالولي الجنة اتأني ده معادنا فوق
انا قولت استنوا يا اخوانا انا عايز ادوق
نطيت من السفينة ف تلاقتني بطن الحوت
سيدنا يونس جاني في الحلم اداني سبحة ياقوت
انا اعجب واحد في حياتك انتي تصادفيه
معدني تصنيفه فلاذ اصلي مفيش صدا فيه
معبدي بيطل علي الجنة مفيش صلي فيه
قلبي محيطين بمنافعهم هتعومي وتكتشفيه
مجالنا مجال اناني يشبه شهود يهوه
بعاديكم – شاب فلسطيني بيعادي اليهود شهوه
انا مش مجنون اضواء مش نازل الملاحة
بس طبيعتي كأبن ادم بتقولي اكل من التفاحة
القوضه ضالما انا ومزيكتي ودخاني
بحاول انام بس دماغي مش سيباني
الوقت اللي قضيته وحيد في ظلام العزله
هو وقت نموي الاعظم هو اللي مديني القوة
كان نفسي تكون الدنيا سهله بس ده مش حاصل
بطلت توقعات من الدنيا ف لقيت نفسي بواصل
مش عاوز اوصل لحاجه هوصل ليها وانا مش مستمتع
مش ضامن اعيش للغد ف انا باللحظه دي بستنفع
السلام النفسي عندي اهم من الامان المادي
العزيمة لو انسان كانت هتطبطب علي خدي
مش هحكي في تفاصيل خلي اللي جوا ليا
مليش في جو الشفقة اصعب علي الناس ويا عيني عليا
الاكتئاب جولات لكل جواد كبوات
الطب النفسي لوحده مبيمنعش الانتكاسات
عايش وسط جبلات مش فاضل الا فتات
الطاقة الباقية يا دوب علي ادي ومش بتقضي ساعات
لو مكنتوش جوا حياتي كانت هتبقي احلي ايه قيمتها 
لو مش هتنزلي عسل النحلة
بتكوشوا ولا مبسطوين ولا حابينكم ناسكم 
هكنسكوا وادهسكوا واخد جايزة من اليونسكو
انا اللي بلعني الموج لما تعبت من العوم
انا ابن الغلابة اللي في العيد ملاقاش هدوم
انا حبيس في سجون الدولة مع ان ايدي نضيفه مظلوم
مؤمن بالمستحيل ان الشعب في يوم هيقوم
انا علاء عبد الفتاح وهبت حياتي للنضال 
انا مناديلا نص حياتي نضال والتاني اعتقال
انا بقاتل طول حياتي علي العدالة ومال حلال
!و اول ما امسكه في ايدي هوزعه علي العمال

Ramy Donjewan - ديستوبيا

Prod By: ShotRecordBeats

رامي 

متفائل زي مهاجم ماسكه النني في النهائي
او واحد لقي تمثال تحت بيوت حي عشوائي
بنتمي لانضف جيل في اوسخ وقت وده ابتلائي
قصة حياتي تنفع فيلم سينمائي
والله يعيني علي تلاتيني
لياقتي عاليه للنهايه باولو مالديني
هتجيني هتجيني لسا بتحبيني 
قالوا لي صحابك ياما بوحشك فا بتخشي تسمعيني
وووه لسا مكملين ,, ووه ,, عندي صحاب غالين
ببعت لهم سلامي انتوا جزء من احلامي
لما الدنيا بتجمعنا العالم يقلب توسونامي
حقيقي في عالم التزييف 
وسط الاندال وقلبي نضيف
بجيد التجديف
صياد في المالديف
مع نفسي يا ليل
انا زي عيسي قالوا مات مع انه حي 
انا يوم قيامه اعملوا حسابي وقتي جاي
انا حالة خاصه الباقي بيا ميتساووش
بقولك الحقيقه هما بيبيعوا الفنكوووش
علي كل شيء انا حمده 
لامس معزتي عنده
مش هحط السيف في غمده
الا اما اموت ونجومي يتعامدوا



محمد أسامه

متفاهم مع افكارك كونك موضع انتمائي 
تكملتي معاكي بتخلي صحابي مسمييني فدائي 
بستعبط لما أقولك انك كلك حلوة في عيني 
بهزر انتي الاصل لكن فيه منك صيني 
و الله يعينني على تلاتيني 
مستمتع متكيف من ذرات اكسجيني
ايامي دلوقتي تشبه  ليالي اوجيني 
مفيش صحاب كتير زي الاول لكن بتنفس عادي 
وو وو وو
بسلم ع الحقيقة
وو وو وو
على سلم المزيكا
وو وو وو
ابهار زمان ناو عادي 
العادي ده انتهى السنة دي 
لما أبدأ اغرق في الوحدة
العالم نفسه بقى وادي 
بنسى الاسماء و السنين 
بغرق في لغز الاختيار
ده كلام كبار ، كيف بابلو اسكوبار 
 مع نفسي يا ليل
انا زي لوحة لفان جوخ ازرق من بعيد 
ايدي في ايد اللي يحبوني برابط حديد 
في الصحبة الحلوة اخد و ادي و اعيد و ازيد 
انا في التدوير ع الضحكة دايما مستميت

كلام كبار || محمد أسامه | رامي دنجوان

Egyptian Oldschool Rapper
1999- Present
Rapper , Vocalist , Lyrical "Arabic-Egyptian Dialect"
More than 20 Years experience since 1999 in Arabic rap tracks and beats production

عالم تالت

Muhammad Osama

Recent comments

✨

Amr Mohamed

Tarek abyusif

Sherbiny

Related tracks