http://www.reverbnation.com/osamarapmusic/song/23226679-
http://youtu.be/ahdpF3DztQg



الغباء في عيون المبسوطين الدليل 
جهل كل مبتسم سعيد شيء جميل 

ست واحدة متكفيش احتقار نيتشة 
قلم ورق كتير .. لكل هاتشة 

انطواء و الناس تبص بافتراء 
مهما كان مؤدب النتيجة في النهاية أكيد مش احتواء 

تفاهة التدخل لابسة ضيق رافعة كمك 
منطق الحرية واضح إنت مال امك ؟ 

أيوة يأس ، و منشورات بفاكس 
كلماتي لو كانت اشترت الأمل أنا كنت أختار العكس 

النهاردة ، أنا هالغي معاد الدكتور 
التشاؤم إني أخف مخلي الفن عليه الدور 

يعني طين .. و أشكله بمزاجي أكونه 
و بعد ما أخلص التمثال من الملل هالونه 

حقوق التحرش كتاب جديد من تأليف السرسجي العظيم 
شاف الوسط الأدبي ولا يسوى مليم 

-----------------

الفن مش لازم يكون رسالة يا اهبل 
فيه فن راقي فن عالي فن واطي أزبل 

و ده ذنب الفن .. العيب عيبك 
تعريفك للفن تلفه تحطه .. في .. جيبك 

الخميس حلو .. متكترش في النبيذ
تزيد هلاوس الخيال هأ مافيش عزيز 

و ييجي حد .. يكلمك بود 
فتقول بهزار اللي انت نفسك تقوله جد 


الليل جميل مع واحدة حلوة هبلة جاهلة 
تهري في التفاهة و انسى بيها محمد أسامه 

و أقول مع السلامة .. لكل خيال مفبرك 
أنا اصلا بحلم احلام من اخراج ستانلي كوبريك 

السؤال هيتساب لكن مسموح بالسباب 
السؤال بموضوعية هي الجنة فيها راب ؟

انتحاري اتفه من كونه اكتئاب وباء 
اصلا عايز اموت صغير فابقى من العظماء 

---------------------------

اواسيم 
يعني اساميات برضه 
مش قانون انا اللي فارضه 
اوسيم 
اكتساب فتح باب كتاب 


أواسيم


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

lowride w/Ziploc Zenith

Artist : Karantina 
composer : M.A Produciton
Mix & Master : M.A Production

KARANTINA - "Tarabiza"كرنتينا - "ترابيزة (M.A Remix )

تحية لتلاميذي ، 
هفضل اصبع لمعيزي 
تطبيل بدون عقول
 باعتبره ورم يا عزيزي 
اتقلبت المت قلم العاجز 
سلبت مجد الأصنام 
غربلة مكانتش استلمت دورها
 في خرم الرمز المقدام 
حدوتة بتتحكى من سنوات 
تنين شكلاً أصلاً قرموط
عرف إن المجد اتشخرم مات 
ساب قلمه اتخض مسك نبوت 
هتكلم جد و هرزع سد 
هزعل ناس من بأس الرد 
أنا ضرب النار بالنسبة لي 
مبيقطعش إلا أما أزهق من العد 
أنا مش مستاء من أغبياء 
رابطين رجولتهم بالأخلاق 
انا موجة مضادة و صادة الجهل 
و سهل اني افرمكم اشلاء 
هنمص دم نقلبها غم 
نتكلم بالاشمل اعم 
بالفن همزك امزج امكس 
انكس اعلامكم بالدم
انا كلمة حق يا ملك الكذب 
قوم لم حميرك و اعملوا حزب 
ابو ورقة بفرة مفسر ديني 
تلفونه متخربأ أفلام ليزب
الرابر الجامد بقى بالوزن
اتشقلب لما منحته الاذن
تنتون قلقان اوي ع الاخلاق 
متوتر قلبه مليء بالحزن

انا مطرقة بضرب أصل الثقة 
و الخصم بيفقدها بهرطقة 
من هبله و ألمه و سفه أفكاره 
مخه استوعب كلماتي زندقة
يوم اكربجو يجري على صحابه 
و يتشنج يطلق لي كلابه 
ده ماتريال صفر بنظرك قصر
اسمعهم الاقي ناس بيزابو 

مستوى تحشيش روح معنى مفيش 
في الراب المصري وجودك  نيش 
ع الجهل شاويش رايمات تضبيش 
محبوس في الوهم فتحنا الشيش 
أنا مش محتار من كون تكرار 
أفكار محروقة في نظرك نار 
الاعصار كان متأخر فشخ 
 اتكيف من تعريص مختار 
احركو على كيفي و يلبي الأمر
يجيب ورا لكن رابي لسعة جمر 
رابر كذاب على بيت مسروق 
بطريق مشلول بيواجه نمر 
انا خادم الحقيقة 
يا فشلة في المزيكا S
باستيكا الغيكم بوليكا 
في عقولهم دسات فابريكا
الشيخ  في الخير بيسعى 
له حكاية في 2009 
كان بيوزع كبايات 
يحكي لنا في خبراته الواسعة 
انت حر في حشيشك انت و دراويشك 
التعريص مش كيف أكتر 
من كونه أصلاً مصدر أكل عيشك 
دعشون تكفيري من نوع فاخر
بيداري على بيض حسه الساخر 
عنصري فاشي رافض للآخر 
وبيتفاخر للناس شاخر 
من ضعفك أنا في ضهرك شوكة
متحرش حيحان أضحوكة
كلماتك اعراض مهتوكة
شير دسات سكس ليوكا 

انا مطرقة بضرب أصل الثقة 
و الخصم بيفقدها بهرطقة 
من هبله و ألمه و سفه أفكاره 
مخه استوعب كلماتي زندقة
يوم اكربجو يجري على صحابه 
و يتشنج يطلق لي كلابه 
ده ماتريال صفر بنظرك قصر
اسمعهم الاقي ناس بيزابو 

مودي راب مات من سنين
جسمك بيخس مخك تخين !
الزمن اتغير يا صغير 
خد من الهيذام أنا مش أمين 
ملك البورنو فاكرني بقارنو 
بنفسي و رابه من عصر سوكارنو
صحابو فكسولو من ادمانه الضرب
أبو راب حرب أصلاً ملك الشرب 
رابك أخلاق و سياسة و حكمة 
مع التعريص للسلطة الحاكمة
مع الوقت زبالتك متراكمة
فشيء منطقي يوم تصحى بلكمة
شتم ستات من هيجانه 
مكبوت ثار و حميره بيعانوا 
متخلف بنطاق متعدد
لم الخرا في تراك أوبن ماينديد 
أنا حاقد للناجحين ناقد 
رائد في النفسنة من القائد
متمرد ع الهبل السائد
البيض مجاني بدون عائد
واد فرجن شتم التانيث حاح 
النجاح اللي فاهمو النجاح في النكاح
الهم انزاح بدراع بسلاح 
لو زعلان هنجيب لك مداح 
أنا مش مرتاح و أنا بضرب عاجز
بهواجس إنسان فاكس 
أيدلوجية و فرضية و مش
فاهم الفرق يا أمية 
انت انسب استاذ لحميرك 
بتطرطر يشربوا من خيرك 
طرطر خيرك  سهلت الحرب 
عشان اخلص اركز مع غيرك 

انا مطرقة بضرب أصل الثقة 
و الخصم بيفقدها بهرطقة 
من هبله و ألمه و سفه أفكاره 
مخه استوعب كلماتي زندقة
يوم اكربجو يجري على صحابه 
و يتشنج يطلق لي كلابه 
ده ماتريال صفر بنظرك قصر
اسمعهم الاقي ناس بيزابو 


اظن بعد اللي انت قلته في التراك ده
 انا فاجر لغباوتك شاكر
انت لبست في حيط انا مزاكر 
اتعلم من عقلي الماكر 

طب كويس انك عارف انك عملت الصح 
كويس انك عارف أسطورتك بح 
مكروه فشخ أنا ماشي مكمل
و لحد بيتاتكو ما تترمل 

الكراهية عاطفة إيجابية 
لازم نكره بعض أكتر 
عشان ده بيساعد على الصراحة و المصداقية 
بيلغي النفاق و الوشوش و الأقنعة الاجتماعية 
أنا تقريبا أهدافي اتحققت بالكامل من الحرب ، الموضوع مش شخصي 
انا جبت نموذج عملي لكل الافكار المتخلفة في المجتمع و حطيته تحت المجهر و حللته سيكولوجياً
فصصت تكوينات الجراثيم الفكرية و القاذورات الناتجة عن ثقافات من عصور الظلام لما كان الانسان عايش على الجمع و الالتقاط . 
Mission Accomplished
ألقاكم في حروب أخرى

-----------
كلام و تسجيل و مزيكا و كل المصلحة من إنتاج نفس الإنسان

YouTube
https://youtu.be/MUY2JC29CQ8

كارت أحمر

lyrics : Hashim Chester
Mix & Master : GiGO
Rec : Chester home studio
Beat : "Lost Inside" produced by Dansonn on Fl Studios 8. Sad emotional depressing piano beat instrumental with strings: violin, cello, viola, bass, and light bells . Buy this beat on http://www.soundclick.com/vanguardpro

ثلاثية الألم - Solaseyt 2l 2alam

النجمة اللي سميناها على اسمك اختفت 
 تقريباً اتحرقت لما عرفت انك اختفيتي 
من الحيز المادي المحيط بيا 

بحب اضايقك كعقوبة انك موجودة في زمني 
لو اتاخدت فدية بيكي ماتدفعيش تمني 
عارفك بتحبي شعري و اساليبي السردية 
وحشاني بشكل ميتوصفش باللغات الارضية
كونك مشيتي فجأة بيعرضني لارتجاج
حبستيني جوه قمقم جدرانه من زجاج  
بدونك للأسف هزور البحر وحيداً 
و أما أكلمه عنك   رده لن يكون مفيداً
من فضلك اظهري ساعة أو ساعة و نص
نقص صورة من البوم قديم عقلية لص
راسك مصابة بأورام ذهنية لسه بكر
جاهز نتعرى قدام بعض كعقل و فكر 
ضايقيني كلميني عن أي حد بحتقره 
رغم إنك سارقة مني الاسلوب ده أنا اللي مبتكره 
الأمل في شوفك مات بس بتعلق في أشاية
فاكر زغللة عنيكي لحظة الفرنشاية 

مشيتي ليه ؟ 

انت السما المتدارية فوق سحاب غيوم 
نسيانك حرب صعبة بخسرها كل يوم 
لما كنتي بتغيري كنت ببتسم بضيق 
و أضحك لما تحلفي إني مجرد صديق 
كان عندك نوع من التفنن في تكسيري 
كنت تزقيني في صدري بعنف عشان أحس بتقصيري
استحملت عنفك قاومت خرابيطك 
كنت احضنك بغصب أشغل مزيكتي في عربيتك 
لو تفتكري مغامرتنا في حرب النجوم 
كنا بنحارب الكون باللمبة النيون 
احيانا كنا نطير بدفع ذاتي فوق باريس
و ركبنا آلة زمن اتفرجنا على حكاية إيزيس
سافرنا كل بقعة و احنا في نفس المكان 
حولت جسمك لبيانو و عزفت عليه الحان
تاريخ ميلادك إضافة للزمن و مزية
اصلك حالة فانتازيا و وجودك ضد الفيزيا 

مشيتي ليه ؟ 

كلمتيني كتير عن عيوبي تيك إت إيزي 
بنسى اللي بتقوليه شفايفك ضيعت تركيزي
أحلامي بيكي زحمة ألوان الفن التجريدي 
مبتعرفيش ترقصي لوحدك محتاجة ايدي 
ما بتقوليش يا سيدي بذمة بوظتي الجنة
شوهتي اوهامي الهارونية و رسومات الحنة
محتاجين بنزين فضائي لتموين الهلاوس 
ميزة كل أما تكوني عاوزه .. ببقى عاوز 
تواضع مزيف ابداع  في التمثيل
مارسنا الشيء المستحيل . سيت تري فاسيل
شعرك شلالات نياجرا عنيكي فاجرة 
مملكة أحضانك هبدأ اجراءات الهجرة 
مشهد نهاية العلاقة لحنته ع الأورج 
طيرنا كل الحمام و كسرنا البرج 
غروري ميتكسرش مهما كان جمال ملامحك 
مش مهم تسامحيني المهم أنا مسامحك 

مشيتي ليه ؟ 

Music By: Ben Maker
Youtube.com/BenMakerProducer

مشيتي ليه

مفتاح شقتك فاضل ، ذكرى في عقل وافر 
اتعودت ازورك لما كان جوزك مسافر 
كنت بتحكي لي ان وجوده مدمر صحتك 
و إنه عارف إنك بتخونيه مع صحبتك 

لذة مقابلاتك في شعوري إني بسرق 
يمكن الذ من ملمس قميص نومك الازرق 
تحت المطرة في بلكونتك مش ناسي صوت الرعد 
قتلنا الوقت بالسباحة في تكوين بعض

اتعودنا نعيد الكرة و ارسم لك قلوبي 
حتى في رص الراب مش بحب أغير أسلوبي 
كنت السنيدة في كل اكاذيبي و حواراتي 
كنت منورة سريري في عدم وجود مراتي 

انت ملكيش مناعة بتفكريني بالايدز 
سنين و لسه محتفظ بسيشنات النودز 
قلتي لي كتير بثقة " مش هتعرف تنساني"
عدد رجالتك متعادل مع عدد نسواني 

فاكرة أول عشيق سبتيه عشاني فسيبت البنت
بعديها ضعفت خنتك غلطة فخنتيني عند 
سافرت ست سنين رجعت لقيتك زي ما نتي 
فاكرة كل تفاصيلي فاكرة كام سنتي 

في بحر ملذاتي عمرك ما كنتي زبونة 
العاقلة دايما باستثناء طلعة الجونة 
ياما سفيت على خطيبك و انت بتضحكي
تستنيه ينام تجيلي شات نكمل حكي 

علمتي قلبي يكذب علمت قلبك النصب 
قصيتي ديل حصاني خدتيه ذكرى بالغصب 
لما بنكون سناجل بيقل مستوى المتعة 
لازم زبون لطيف مستعد يشرب الخدعة 

رحيقك ماريجوانا اعراضها اني اتوه 
خصرك فيه طائر العنقاء مرسوم تاتو 
الثورة فينا مستمرة  و لسه مكملين 
ضحايا كتير بتقع ، عدينا الأربعين 

ملكيش .. مناعة 

Music By:
Babak Beatz

Beat By: Osama

ملكيش مناعة

كالعادة وصلت هي الأول و ادته رنة 
متعودة انه بيطوّل ، هي تستنى 
كل مرة نفس الموقف يتكرر الوضع 
قربت تزهق منه و تفكر في ردع 
بدات تنفخ في ضيق ، و تبص ع الطريق 
فين احترام المواعيد بداية حريق 
دايماً بتيجي في المعاد و تبص في الساعة 
ملتزمة في العلاقة دايما بالخضوع و الطاعة 
بدات تتساءل ليه القواعد انها ترضيه 
يتطاول هي تطبطب يزعق تقول مرسيه 
واديه ، اتعود ع التمادي و هي تتحمل 
ساعة الغضب يقولها امشي لو مش عايزه تكمل
ساعات تصدق انه صادق و احيانا منافق 
في وقت عنفه و تهديداته تكون مضطرة توافق
تسمع كلام صحابها انت لازم تهاندليه 
تسمع كلام امها انت لازم تدلليه 

مش هستنى تاني ملخص اللي دار في راسها 
اعذاره وكل  تلكيكاته مش من اختصاصها 
قرار نهائي تم بزوال القلب المتراقب
مادام مجاش في معاده يتحمل العواقب 
ثورة جديدة ع الخضوع و الملك الاستعبادي 
مابين عناد و بين متلازمة انت اللي بادي 
الدم بيجري في العروق بتسيب الكافيه 
رحيل مفاجيء موقف حدسية بوانكاريه
مش عارفة قامت عن قناعة ام حادث عرضي
مش عارفة ان كانت صح بس جزء منها مرضي
جزء تاني لسه بيتساءل في الخفاء
طب رد فعله عنف و لا هيكون احتواء
عقل غاضب قلب مرتجف اعصاب ورق
تفكير في الجي و المشاكل وايام الارق 
قفلت تلفونها بسرعة تمهيدا للمعترك
مع كل كلاش بيزيد فقدان كل شيء مشترك 

خطوة للامام رحيل مادي بدون تردد 
وضع حد نهائي لكل مراحل التودد 
هتعدي الشارع تاخد تاكسي و تنطلق ع المنزل
خطتها واضحة في التجاهل يتصل هتكانسل
جو حر نار اغسطس عاصمة الصيف 
الكاميرا فوكس على رجليها نازلة من الرصيف 
حالة من التشويش الذهني بتحاول تركز
رغم ان العقل داير حيرة ع العناد تتعكز 
فقدان شعور بالعالم الرؤية فيها خلط 
صرير  كاوتش شيفروليه بيحارب الاسفلت 
اصوات صراخ و وشوش المارة بتتابع العرض
جسم طار ثواني قبل ما يتدحرج ع الارض 
الروح بتفارق الجسد ثريا سابت الحياة 
كل الخلايا بتستكين العقل يفقد محتواه 
اتجمدت ملامح وشها بغضب مطول 
حتى في رحيلها كانت قبله ، مشت الأول 

قلب صافي لا ينفي دماغ غشيمة 
عقل مزدحم مدي لكل تفصيلة قيمة 
مخلصة بقناعة للفكرة القديمة 
اتولدت في القفص فاكرة الطيران جريمة


Prod By: VINTAGEMAN PRODUKCJA
Story Author: Dr.Nabil Farouk

● Facebook : https://www.facebook.com/modyrapworld
● SoundCloud : https://soundcloud.com/muhamad-osama

ثريا

Prod By: ShotRecordBeats

رامي 

متفائل زي مهاجم ماسكه النني في النهائي
او واحد لقي تمثال تحت بيوت حي عشوائي
بنتمي لانضف جيل في اوسخ وقت وده ابتلائي
قصة حياتي تنفع فيلم سينمائي
والله يعيني علي تلاتيني
لياقتي عاليه للنهايه باولو مالديني
هتجيني هتجيني لسا بتحبيني 
قالوا لي صحابك ياما بوحشك فا بتخشي تسمعيني
وووه لسا مكملين ,, ووه ,, عندي صحاب غالين
ببعت لهم سلامي انتوا جزء من احلامي
لما الدنيا بتجمعنا العالم يقلب توسونامي
حقيقي في عالم التزييف 
وسط الاندال وقلبي نضيف
بجيد التجديف
صياد في المالديف
مع نفسي يا ليل
انا زي عيسي قالوا مات مع انه حي 
انا يوم قيامه اعملوا حسابي وقتي جاي
انا حالة خاصه الباقي بيا ميتساووش
بقولك الحقيقه هما بيبيعوا الفنكوووش
علي كل شيء انا حمده 
لامس معزتي عنده
مش هحط السيف في غمده
الا اما اموت ونجومي يتعامدوا



محمد أسامه

متفاهم مع افكارك كونك موضع انتمائي 
تكملتي معاكي بتخلي صحابي مسمييني فدائي 
بستعبط لما أقولك انك كلك حلوة في عيني 
بهزر انتي الاصل لكن فيه منك صيني 
و الله يعينني على تلاتيني 
مستمتع متكيف من ذرات اكسجيني
ايامي دلوقتي تشبه  ليالي اوجيني 
مفيش صحاب كتير زي الاول لكن بتنفس عادي 
وو وو وو
بسلم ع الحقيقة
وو وو وو
على سلم المزيكا
وو وو وو
ابهار زمان ناو عادي 
العادي ده انتهى السنة دي 
لما أبدأ اغرق في الوحدة
العالم نفسه بقى وادي 
بنسى الاسماء و السنين 
بغرق في لغز الاختيار
ده كلام كبار ، كيف بابلو اسكوبار 
 مع نفسي يا ليل
انا زي لوحة لفان جوخ ازرق من بعيد 
ايدي في ايد اللي يحبوني برابط حديد 
في الصحبة الحلوة اخد و ادي و اعيد و ازيد 
انا في التدوير ع الضحكة دايما مستميت

كلام كبار || محمد أسامه | رامي دنجوان

Egyptian Oldschool Rapper
1999- Present
Rapper , Vocalist , Lyrical "Arabic-Egyptian Dialect"
More than 20 Years experience since 1999 in Arabic rap tracks and beats production

عالم تالت

Muhammad Osama