ساݙے بیٹ تے غربت چھا ڳئی اے اساں کانے کاہیں ویچ ڈتن
اساں جھوک دے ساوے وݨ ویچے اساں پتݨ دیاں چھاہیں ویچ ڈتن
ساݙے مال وکا گئے منڈیاں تے اساں پینگھاں لاہیں ویچ ݙتن
توں آصف ونگاں اج گھن آئیں اساں کݙن دیاں باہیں ویچ ݙتن
سیف اللہ آصف 
ساکوں نہ میت بنا وے سانولا ساکوں نہ میت بنا
اساں تاں جانی کٹھور دلیں دے اڄڑ ڳئے بھنبھور دلیں دے
نہ کوئی سک نہ ساہ وے سانولا
ساکوں نہ میت بنا
اساں تاں وا دے جھولیاں وانگوں آندیاں ویندیاں چھولیاں وانگوں
نہ جھپڑی نہ جاہ وے سانولا
ساکوں نہ میت بنا
بھریاں دی ول بھرݨی اوکھی 
پل پل چاکری کرݨی اوکھی 
اوکھیاں وس نہ پاوے سانولا
ساکوں نہ میت بنا
اشو لعل فقیر

sakoon na meet bana - Farooq Mehram

Muhammad Akmal Khan