فريق كايروكى - ناس بترقص وناس بتموت

74 في جنة الخالدين

 كان بلياتشو متخصص ..
يموت قدّامها تضحكله ..
وكان عارف بيبني إزاي ..
ملامح ضحكة على شكله ..

وقف ع الكرسي قدامها ..
وشد المشنقة بإديه ..
وهو لأنه بلياتشو ..
مقالشي هو نفسه في إيه ..

ده كان لما يشوف دمعة ..
يروح ويشيلها في المونتاج ..
وكان لو يوم يعوز ضحكة ..
يقوم يرسمها بالمكياج ..

وقف ع الكرسي قدامها ..
وشد المشنقة بإيديه ..
وجه واحد وقال .. وقّف !!
وضحكوا الناس على الإفّيه .. 
فضل يضحك على نفسه ..
ومش عارف بيضحك ليه ؟!

وقف على كرسي قدامها ..
وشد المشنقة بإيديه ..
دخل بدماغه في الحلقة .. 
وشدوا الكرسي من تحتيه ..
وف المرادي تحديداً ..
مجاش واحد كما العادة ..
في اخر لحظة قال .. وقّف ..

وبص في عينها وقت الموت ..
تخيل وقتها شاف إيه ؟! 
لقاها واقفة بتسقف .. 
مع الجمهور على الإفيه !!

ده كان بلياتشو متخصص ..
مقالشي هو نفسه في إيه ..
وكان عارف بيبني إزاي ..
ملامح ضحكة أو إفيه ..
كان بلياتشو متخصص ..
وراح مع دوشة السوكسيه ..

بلياتشو - عمدان نور Gazaga Sound

من كل جهات المدن الخرسا 
الوف شبان زاحفين بينادوا بموت الفجر
استنوا الفجر ورا فجر
ان القتل يكف
طب ان القبضه تخف
ولذلك خرجوا يطالبوا بالقبض على القبضه
وتقديم الكف
الدم
قلب الميدان و عدل
وكأنه دن نحاس مصهور
انا عندى فكرة عن المدن اللى يكرهها النور
والقبر اللى بات مش مسرور
عندى فكرة عن العار
وميلاد النار
والسجن في قلبى مش على رسمه سور
قلت له لأ يا بيه انا اسف
بلدى بربيع وصباح
لسه في قلبى هديل الينابيع
لسه في صوتى صهيل المصباح
لسه العالم حي رايح جي
بيفرق بين الدكنه وبين الضى
بلدى مهما تضيع مش حاتضيع
ما ضايع الا ميدان وسيع
احنا الشعب بتوع الأجمل والطريق الصعب
احنا الشعب بتوع الضرب ببوز الجزمه وسن الكعب
ولا بعرف ابكى صحابى غير في الليل
انا اللى واخد عالقمر
ومكلمه اطنان من الشهور
واللى قتلنى ما ظهر له دليل
وفى ليله التشييع كان القمر غافل مجاش
والنجم كان حافل لا ابطل الرقصه ولا الارتعاش
واما بلغنى الخبر اتزحم الباب اتخاطفونى الأحباب
ده يغسل.. ده يكفن .. ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما ينفدش من الباب
ما أجمل نومه على كتوف اصحابك تعرف صادقك من كدابك
تبحث عن صاحب انبل وش في زمن الغش
احنا الشعب بتوع الأجمل والطريق الصعب
احنا الشعب بتوع الضرب ببوز الجزمه وسن الكعب
انتوا التوقيف واحنا السير
أنتوا لصوص القوت واحنا بنبنى بيوت
احنا الصوت ساعه ما تحبوا الدنيا سكوت
ايوه الصوت ساعه ما تحبوا الدنيا سكوت
احنا شعبين شعبين شعبين
شوف الأول فين؟ والتانى فين؟
وآدى الخط بين الاتنين .. بيفوت
أنتم بعتم الارض بفاسها بناسها في ميدان الدنيا
باتت وش وضهر
بطن وصدر
والريحه سبقت طلعت انفاسها
احنا الشعب بتوع الأجمل والطريق الصعب
احنا الشعب بتوع الضرب ببوز الجزمه وسن الكعب

احنا الشعب - كايروكى & وسط البلد

Pikiti-Up

قصيدة مصطفى ابراهيم القاتلة

قالوا لي زمان - يحيى نديم ونور ناجح

هوبا هو لا شوارعنا باند

اغنية فريق كايروكى - مكملين CD Q 320 Kbps النسخة الاصلية - YouTube.FLV

ازازة فودكا_علي السلم باند

من خمس سنين - زاب ثروت - اعلان جوميا

https://www.facebook.com/EngineersAssociation2014/

74 في جنة الخالدين

Muhammad Khalifa