Girl from Ipanema

Here are some of my previous works. Enjoy!

Walang Anino

Imbestigador

Ikot
Tula ni Francis A. Montesena
Musika ni Joel Costa Malabanan

Iniikot ko ang plato nang tumayo ka
at magpaalam. Hindi pa ako tapos kumain,
ganito ang sabi ng lelang ko,
“Iikot mo anak nang hindi ka tumandang binata.”

Nakaugalian ko itong pag-ikot
sa tuwing may mauunang umalis mula sa mesa
na hindi pa ako tapos kumain.
Ilang taon na ba ito?

Parang katulad na rin ng pagsesipilyo
o pagsusuklay ang ginagawang ganito.
Naiwan na ako ng ilang kababatang
nagsipagtayo ng sariling pamilya.

Kahit hindi nila naging ugaling iikot
ang plato kapag ako ang nauunang umalis
sa mga kainan, hindi sila naiwang naghihintay
ng sariling kapalaran ng puso.

Ako itong sumunod,
ang siyang napayukod ng pag-iisa.
Mali siguro ang ikot ko sa plato,
Na dapat ay pakanan sa halip na pakaliwa.

O marahil ay dapat ko ding iikot
ang ginamit na kutsara at tinidor.
Malamang dapat ay ang buong mesa
ang aking iniikot para makasigurado.

Masaya naman ako ngayon, yan ang isinisigaw
ng mga mantel at tisyung pinagpunasan ko
ng masebong bibig na nakahiratiang
kumain kaysa sa umibig.

IKOT Titik Ni Francis Montesena At Musika Ni Joel Malabanan

Sa Muling Pagbabalik
Tula ni Glen Sales
Musika ni Joel Costa Malabanan

Aalis na ako ha, 
Huwag mong ikatampo 
Kung hindi kita lingunin 
Pagsakay ko sa bus. 

Ayaw ko lamang   makita
Ang iyong imaheng paliit nang paliit .
Ayaw ko lamang makita
Ang iyong imaheng paliit nang paliit
Kaya uupo na lamang ako ha 
At  panunuorin ang palabas sa bus 
Hahayaang pagapangin ang lamig 
Ng aircon sa aking balat 
Hanggang makaidlip .

Huwag kang mag-alala  ha 
sa  aking  pag-alis 
Labis akong nananabik 
Sa muling pagbabalik.

Tinig at Gitara: Joel Costa Malabanan
Inirekord sa cellphone ngayong Ika-29 ng Mayo, 2015
sa ganap na ika-9:15 ng umaga. Hilaw pa ang tono
at aayusin pa pag may pagkakataon.



Sa Muling Pagbabalik tula ni Glen Sales at Musika ni Joel Costa Malabanan

Goldfish- written and performed by Eloisa.

You might wanna find your Goldfish :)Live and Love guys! 

GOLDFISH - Eloisa

Out of Love
written/performed by: Eloisa
 
I may run out of money to give you
Run out of cash
to buy you your car
I may run out of, out of condition
Out of rewards to make you ask for more
 
But I will never run out of love
And I will never run out of love
 
I may run out of time to leave you
Go pack my bags
Get out of your life
I may fall behind to pay the rent
Don't worry they won't kick us out
Cause that's where we'll stay in love
 
And I will never run out of love
And I will never run out of love
 
 
Oooohhhh... Oooooohhhh..
 
You may run out of love to give me
I'm sorry my baby, but I won't let you go
Might get mad sometimes
Might lose myself
Shout at you babe but I promise
It won't be as loud as my heart
 
Cause I will never run out of love
And I will never run out of love
Oh and I will never run out of love
Oh and I will never run out of love

OUT OF LOVE DEMO (ORIGINAL) BY ELOISA

This song is dedicated to my late loving Lola "Nanay" Belen and Baby Mia who are now up in heaven with the Lord. 

Alaala

Tingin, ng iyong mata
Ay para bang kay layo mo sa’kin
Hiling ay makita kang
Sumasabay sa tinig na aking gagawin

Chorus
At sa tuwing ako’y magbibiro 
Ikaw ay tatawa
At tayo ay hihingi ng pagkakataon 
Na di’ kailangan pang
Umabot sa oras ngayong 
Wala ka na

Muling ikaw ay tatakbo
Sasalubong sa’king pag-uwi
Damhin, halik at yakap mo
Sa araw at gabing lumalamig

Chorus
At sa tuwing ako’y mabibigo
Ikaw ang kasama
At tayo ay hihiling ng pagkakataon
Na di’ kailangan pang
Umabot sa oras ngayong
Wala ka na

At sa tuwing ako’y mabibigo
Ikaw ang kasama 
At tayo ay hihingi ng pagkakataon 
Na di kailangan pang
Umabot sa oras ngayon
O magkita man tayo doon
Umabot sa oras ngayong

Sa gilid ng iyong mata
Ay may luha sa tuwang makita ka
At nais kitang mayakap pa 
At makita kang muli
Makita kang muli

Sa gilid ng iyong mata
Ay may luha sa tuwang makita ka
At nais kitang mayakap pa 
At makita kang muli
Makita kang muli

ALAALA - Eloisa (Original)

Ano ang Pangarap ni Eloisa? :)

P.S. Share to your loved ones. Maraming Salamat

KANLUNGAN - ELOISA

Chant sa mga kilos-protesta ang chorus. Nalikha noong 1998 at
palaging binabago ang lyrics. Ang rekording ay praktis lamang kaya
maraming sablay. Nirekord noong Agosto 30, 2007 sa Bacoor, Cavite

Joel Costa Malabanan - tinig at akustik na gitara
Ivan Villaruel -lead guitar
Norman Javier - bass guitar
Arturo Sierra -drums


BAYAN, BAYAN, BAYAN KO
Musika at Titik ni Joel Costa Malabanan

Bayan, bayan, bayan ko di pa tapos ang laban mo
Bumangon ka kumilos ka, ipagtanggol ang laya mo
Bayan, bayan, bayan ko, di pa tapos ang laban mo
Bumangon ka, kumilos ka ipagtanggol ang laya mo

Lupang sakaha’y winasak naging golf course ng mga dayuhan
At ang mga magsasaka, itinaboy sa kabundukan
At doon sa call center ay bawal mag-unyon
Habang kapitalista’y tumutubo ng milyon

Bayan, bayan, bayan ko di pa tapos ang laban mo
Bumangon ka kumilos ka, ipagtanggol ang laya mo
Bayan, bayan, bayan ko, di pa tapos ang laban mo
Rebolusyon ni Bonifacio, isulong mo, isulong mo!

Tuloy ang pagtaas ng presyo ng langis
Ang Shell, Petron at Caltex ay waring nang-iinis
Hindi dapat payagang dayuhan ang magpasya
Sa kinabukasan ng ating bansa!

Bayan, bayan, bayan ko di pa tapos ang laban mo
Bumangon ka kumilos ka, ipagtanggol ang laya mo
Bayan, bayan, bayan ko, di pa tapos ang laban mo
Rebolusyon ni Bonifacio, isulong mo, isulong mo

Nakasanla ang bukas ngating mga anak
Sa dambuhalang utang sa IMF-World Bank
Hindi dapat bayaran ang utang ng iilan
Na nagpapahirap sa sambayan!

Bayan, bayan, bayan ko di pa tapos ang laban mo
Rebolusyon ni Bonifacio, isulong mo, isulong
Bayan, bayan, bayan ko, di pa tapos ang laban mo
Bumangon ka, kumilos ka ipagtanggol ang laya mo!

Bayan, Bayan, Bayan Ko (Musika at Titik ni Joel Costa Malabanan)

Handog sa Ika-150 taong Kabayanihan ng Supremo ng Katipunan

Tinig at Gitara: Joel Costa Malabanan
Dagdag na Gitara: Levi Bartolome

AWIT KAY ANDRES BONIFACIO
Titik ni Pat V. Villafuerte
Musika ni Joel Costa Malabanan

Andres Bonifacio: isinilang kang dukha sa purok ng Tundo
Kaya nang maulila, itong pananaguta’y isinabalikat mo
Ang tatlo mong kapatid upang di mangagutom  nagbanat ka ng buto,
Sa tulong nitong lakas, ng sipag at tiyaga sila  ay binuhay mo
Kung salat man sa dunong hindi ka nagpabayang bumasa ng aklat
Dito mo natuklasang may puwag sa daigdig ang tulad mong mahirap
Kaya’t ang Katipunang naging bungang-isip mo ay iyong itinatag
Ang naging layunin mo, pamahalaang Kastila  ay dapat nang ibagsak
Iyong pinamunuan itong makasaysayang pambansang himagsikan
Kaya’t dinakila kang pambansang bayani ng bansang minamahal;
Ngunit iyong nalasap itong kasumpa-sumpang imbing kamatayan
Nang sa Bundok Buntis, Maragondon, Cavite ikaw ay pinaslang
Andres Bonifacio, ika’y di lang dakila’t pinupuring bayani
Kundi idolong tunay, sulong gabay na tanglaw  nitong aming lahi
Sa aming puso’t diwa ay pakaasahan mong ang siyang magbibinhi
Darakilain ka sa lahat ng bayan ng lahing kayumanggi.


AWIT KAY ANDRES BONIFACIO (Tula ni G. Pat V. Villafuerte at Musika ni Joel Costa Malabanan)

joel costa malabanan

Related tracks