
لازق و قص

كلمات صديقي الشاعر : احمد العفيفي

من نبع سكوت الكون وغروب الشمس الضل اتحايل عالملكوت فحدف على شط البحر بيوت واستنى الامس ورمانى الخوف فمشيت بذهول ابحث عن كاتب هذا النص واغنى لمعنى الصبح وبرضه الصبح مجاش سقراط بيلوم الناس على معنى الناس والناس بتلوم سقراط ويقول سقراط الناس اوباش مقلوبه الدنيا بشكل فظيع الصوره بتشبه للواقع والواقع يشبه للترقيع هلاهيل درويش بتجمع عاشق بالمعشوق وتضيف على صوت الموج توقيع طراطير عايشين عايشين طراطير فيه فرق بيشبه للتاثير وغروب الشمس نهاية عمر وعزيز الملك بيشرب خمر والرؤيه اتسعت جوه البير فامشفتش بس 11 جُرم انا شوفت الكون كخطيئه وجُرم فامشيت كمسيح وملوش اتباع ويهوذا الخاين مش موجود فالعدم الواعى عملها وباع فصلبنى الليل على طرف الصبح فبقيت مصلوب والصبح اسير والبحر العارف والمعروف بقى محض اثير فى البعد التالت مالابعاد تتعاد الدنيا بدون الامس والنص التايه جوه بلاد اصلا مش نص والموت الجى ادانى ميعاد هتعييش وتموت وسط الاوغاد والكون حواليك بين لزق وقص النص بيشبه للواقع والواقع مش محتاج لمقص

لزق و قص - (لروح أحمد العفيفي)

MusTafa salah salem