talks

You have struggled with God and with men, and have prevailed جاهدت مع الله والناس وغلبت

Maher Fayez_ hay3'yr shaklak

نصب الصياد الفخ وقال الواد يلزمني
هاتوا رجله وشدوا الخيط تاتا تاتا
اوعي تخلوه يستنجد وينادي الدعم .. 

روحوا ويكون ف ايديكم
كام غيمة وسهام افكار
مليانة بحيرة ومتاهة وتجيب الهم .. 

والغيم ان يكتر
يحجب عن عينه الضي
والضلمة ان زادت
ساهل يلقط جواها الطعم .. 

الواد لو يصرخ يهزمنا
ف حذاري تدوه الفرصة
وان حاول يتذكر بنويته
اعموه واملوه باليتم .. 

صوروا ليه انه بطوله
وانه يا عيني هيتاكل
دي دياب ووحوش وحاجات
اضعاف اضعافه ف الطول والحجم .. 

الواد لو يشكر يهزمنا
خلوه يتذمر علي حاله
ويبات أيامه بيتشكي
وقولوله "ربك عايز" وارموه بالسهم .. 

الواد لو يمسك ف ايمانه
ويسيب الآية علي لسانه
هيمد عصاية سلطانه
ويجيب الميه من الصخرة
ويجيب من فوقه أكل ولحم .. 

الواد لو يصبر هيعدي
لو طار يتخبي ف برج الاسم ..
الواد لو أعلن دم الله
ولا حاجة هتنفع قدام الدم ..



حرب

عمل الصلاة السري - من كتاب حياة الصلاة | ماهر فايز

مد ايده قالي قوم
قالي يلا وهات ايديك ..
قوم جايبلك كل حاجة
يا نني عيني، روحي فيك ..

انت حلو
وتبقي احلي لو ضحكت ..
لو عينيك شافتني تاني
لو ل ميه راحتي رحت ..
هات ايدك وسنّد عليا
ليه بنمشي ومرة واحدة
القاك يا ولدي فجأة سبت ؟! ..

قوم حبيبي
قوم واغسل وش حزنك
فرحي ده لمين يا ولدي إلا ليك ؟! ..
صمتك دا عارفه وعارف امتي
يبقي عادي وامتي يبقي م اللي فيك ..

حضني بحر
وانت شاطر بتقول هأقرب
وبتبقي خايف وقت النزول ..
والنزول ساهل تملي وصعب خالص
واديني سايبك وباعت لقلبك ميه رسول ..

بقالنا مدة
مخبي عني كل حاجة
تاعبك انك تسكت وتشيل ..
كنت تحكي زمان وكنت
مديلي ودنك وبدأت تميل ..
يلا قولي رغم اني عارف
يلا احكيلي وبالتفصيل ..

يلا اضحك
يلا اضحك وسيبلي شيلتك
خليك خفيف يلا وطير ..
ارمي همك يا حبيبي وافرح
مش انا برده الكبير ؟!!

تحريرا في ١٩ من أبريل ٢٠٢٣م

يلا قوم

معرفش بكرة مخبي ايه
معرفش آمن ولا خطر ..
معرفش بكرة مين معايا
ومين عليا بين البشر ..

معرفش بكرة هابقي فين
وجيبي فيه ولا افتقر ..
معرفش بكرة بس عارفك
يارب جنبي طول السفر ..

معرفش بكرة بس عارفك
وعارف انك سندي الكبير
وانك ابويا واقف ف ضهري
وانك أماني طول المسير

معرفش بكرة بس عارفك
وعارف لا يمكن ابدا تخون
وعارف ياربي حبك دا ثابت
لو مهما تلعب بيا الظنون

معرفش بكرة بس عارفك
وانك بتقدر علي كل شيء
ومفيش امور تستعصي ابدا
وانك كفاية في كل الطريق

معرفش بكرة بس عارفك
وعايز اعرف اكتر واكتر
ويبقي اتكالي عليك تملي
وعايز ايماني يبقي اكبر.

تحريرا في ٢٨ من أبريل ٢٠٢٣م


معرفش بكرة

مالك يا حبيبي احكيلي
وشك مخطوف ومكرمش ..
ودماغك شاردة ومقلوبة
تايه في العتمة وبتلوش ..

شكل الموضوع اياه
قام تاني وزود في عياره ..
ارتحت وقلت هتنساه
وباين له رجعلك بأفكاره ..

وسؤال بيجر سؤال
وياريت بتجر ياريت ..
والذكري بتحضر ف الحال
وأماني تنسي وعديت ..

أنا حاسس وإن يوم حستني
مش حاسس ولا سائل فيك ..
أنا ابوك واعرف تفاصيلك
من صوتك أو شكل عينيك ..

أنا جنبك وإن كنت مفكر
أنا سايبك بتعاني لوحديك ..
دي دموعي بتسبق دمعاتك
وجناحي أنا فارده مخبيك ..

صمتك أنا سامعه بيصرخ لي
وصراخك يوجعني عليك ..
وآهاتك بتوجّع فيا
زي تمام ما بتوجع فيك ..
دا لا يمكن اقسي واتفرج
ولا اشيل وياك اللي بيحنيك ..
اتشدد يا حبيبي في قبرك
وقيامتي بروحي هتحييك ..

تحريرا في ٢٩ من أبريل ٢٠٢٣م

#إهداء_لصديق_غالي
وإهداء من القلب لكل حد تعبان بسبب مواقف قديمة،
محبة وسلام من قلب الله وحضنه الابوي 🌹🌿🤍

مالك ؟

بالليل؛
باتذكّر حبك وافتكرك
والهج بالقلب الولهان ..
واهيم مشتاقلك وف ذكرك
ترويني وافضل عطشان ..
والنوم اهوه طاير من عيني
والعاشق دايما سهران ..
وان جسدي يغفّل -من ضعفه-
القلب مازال صاحي وسكران ..

واصحالك بدري واشوفك
يا حبيبي وخِلّ الخلان ..
واشوف الرحمة في كفوفك
فشفايفي تسبّح عرفان ..
دا الموت اهون لي وافضل لي
لو عشت بدون رحمة واحسان ..
ما احلاها العيشة اللي تباركك
في جفاف الدنيا اكون مليان ..

انا شفت ف قدسك أمجادك
ورّيني الآن، ورّيني كمان ..
مأسور من دسمك وافضالك
من فيض خيراتك شبعان ..
بأرفعلك ايدي وبأسجدلك
وبأغني ياربي وفرحان ..

كارهين الحب وكارهينّي
طالبين إهلاكي ف كل مكان ..
وانا تحت جناحك متطمن
ويمينك سندة وامان ..
تهلكهم وترد غضبهم
وعدوي بيرجع خزيان ..
وان قال الكدب علي حياتي
بتسده بيفضل خرسان ..

وانا بس وسط دا كله
ف نشوفة يومي وف ذله
وأعداء بيهاجموا وما يملّوا
انا عندي طلبة اسمعهالي
"انا عايز الزق في الاحضان"

(مزمور ٦٣ بتصرف)
تحريراً في ٢ من ديسمبر ٢٠٢٣م

مزمور ٦٣ | رؤية شعرية

هيغير شكلك | ماهر فايز

تأملات في "أقوال أنبا إشعياء الإسقيطي" للأب متى المسكين
https://www.facebook.com/groups/1954199648143412/
https://www.facebook.com/groups/1737123806605738/
https://www.facebook.com/groups/1006533786101629/
https://instagram.com/fr.matta/
https://www.facebook.com/groups/1435060610116844/
https://www.facebook.com/FrMattElMekseen.Sermons
https://www.facebook.com/FrMattaElMeskeen.Letters
https://www.facebook.com/Fr.MattaElMeskeenPrayers
https://www.facebook.com/FrMattaElMeskeen.Books
https://www.facebook.com/groups/58226738608/
https://twitter.com/FrMattaElMeskin
http://fathermattael-messken.blogspot.com

talks

Myrna Rafik