خليني حر أكون حقيقتي وأكون بسيط 
خليني حر حتى في سكوني أكون نشيط 
أغسل حواسي بدم حيّ لا يشوبو موت 
وارسم مناخي بروح طفولي وسط السكوت 

فارد جناحي زي النسور فوق المكان 
خارج بحكمه برّه قيود هذا الزمان 
 لايهمني في مين فاهمني او مش فاهمني
لكن هممني مكونش زيف لابس يقين 

خليني حي اخد حياتي من نسمتك 
وبروح كلامك انسج ثياب من رحمتك
تسترني بيها واكون امامك بدون خجل 
فاتح عنيّا شايف بروحي فيك الامل

عايش في واقع انت اللي فيه مش حد تاني
انت اللي صايغه بحكمتك مخصوص علشاني
فوق الزمان بنجز مهمّه موضوع سرورك 
جوه المشيئه رايح وجاي اكتب سطورك

"خليني حر "جوي الفريد

Nader Emad