nader

منيب

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي ( اللؤلؤ) بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام يُسلطن كل عين تعشق حليوة

ﺍﻥ ﺭﺍﺡ ﻣﻨﻚ ﻳﺎ ﻋﻴﻦ "ﺗﺮﻭﻣﺒﻴﺖ - Mohamed Sawwah

كلمات: محيي الدين شريف
ألحان: أحمد منيب
التوزيع الموسيقي: محسن عدلي
تم التسجيل بستوديو النهار
مهندس الصوت: عمر فودة

نوبية مصرية - أحمد منيب - من ألبوم كان و كان

بلسم شافي - أحمد منيب - من ألبوم بلاد الدهب

ناري - أحمد منيب - من ألبوم بلاد الدهب

وجيه عزيز - أنا بيكي وليكي

من اول لمسه ..عود

وترها

لما نبقى لوحدنا...مين قَدِنا
كل الطيور بتيجي ترتاح جنبنا
وسط الزحام بنتوه كتير عن بعضنا
لكن الخلا قادر يجمّع حبنا

لما بنبقى لوحدنا تحت القمر
والدنيا ليل والقلب بيحب السهر
وأما الطيور بتنادي من فوق الشجر
كل الحاجات الحلوة تبقى ملكنا

لما بنبقى لوحدنا باقول كلام
عمري ما قلته في القصايد والمنام
أصلك يا روح قلبي النسايم والغرام
وانتي الملاك اللي بيسعد أرضنا

لما بنبقى لوحدنا وفي إيدي عود
وإنتي نايمة في المطر وسط الورود
ياللي إنتي أجمل بنت عايشة في الوجود
ومن المطر...وحده الوتر يعزفلنا

لما بنبقى لوحدنا باقول باحبك
نامي في قلبي ونيميني جوه قلبك
تعالي مرة زوريني في جزيرتي بقى
نفسي القمر ييجي ويسكن عندنا


(أحمد حداد من ديوان "الورد اللي بيطلع" (المركز المصري العربي – 2000

لما نبقى لوحدنا - وجيه عزيز

من كلمات أحمد فؤاد نجم .

أنا اصلي حاســــب موعدك  
وعارف اللي بيبعدك
وأنا اللي خابر تبقي مين 
وأنا اللي صابر من سنين
وباعدّ لك مطرح ف بســــتان الامل 
وبامدّ لك وف كل خطوة 
أمدّ لك ايدي اللي شققها العمل

بستنظرك - الشيخ إمام

فى دايرة الرحلة طرق بينا تخلى
آآآآه يا حبيب عمري وصحبتي وقمري
عيون مره تباعد خطاوي مره تعاند
حنين جوانا يحكي وشوق جوانا يبكي
والدمع ساقية كبت
فى دايرة الرحلة طرق بينا تخلى

ليه يا سنين العمر ترضي لنا بالمر
دة لولا فينا صبر لهان علينا العمر
فى دايرة الرحلة ايامنا على المولى
ليلنا ليلنا مرة هتحلالنا
تميل على ميلنا فى دايرة الرحلة
عيون مره تباعد خطاوي مره تعاند
حنين جوانا يحكي وشوق جوانا يبكي
والدمع ساقية كبت
فى دايرة الرحلة طرق بينا تخلى

رحلة يا رحلة ياصعبة يا سهلة
رحالة خطوتنا فى دايرة الرحلة
عيون مره تباعد خطاوي مره تعاند
حنين جوانا يحكي وشوق جوانا يبكي
والدمع ساقية كبت
فى دايرة الرحلة طرق بينا تخلى

وترها

nader mounir