ನಿನ್ನ ಒಲುಮೆಯಿಂದ ನಿಖಿಳ ಜನರು ಬಂದು ಮನ್ನಿಸುವರು ಮಹರಾಯ
ರಚನೆ : ಚಿಪ್ಪಗಿರಿಯ ನಿಲಯ ಅಪ್ಪ ಶ್ರೀ ವಿಜಯರಾಯ

ನಿನ್ನ ಒಲುಮೆಯಿಂದ ನಿಖಿಳ ಜನರು ಬಂದು ಮನ್ನಿಸುವರು ಮಹರಾಯ
ಎನ್ನ ಪುಣ್ಯಗಳಿಂದ ಈ ಪರಿ ಯುಂಟೆನೋ ನಿನ್ನದೆ ಸಕಲ ಸಂಪತ್ತು ||ಪ||

ಜೀರ್ಣಮಲಿನ ವಸ್ತ್ರ ಕಾಣದ ಮನುಜಗೆ ಪೂರ್ಣವಿಚಿತ್ರ ಸುವಸನಾ
ವರ್ಣ ವರ್ಣಾದಿಂದ ಬಾಹೋದೇನೊ ಸಂಪೂರ್ಣ ಗುಣಾರ್ಣವ ದೇವಾ ||೧||

ಒಬ್ಬ ಹೆಂಗಸಿನ ಹೊಟ್ಟೆಗೆ ಹಾಕುವುದಕ್ಕೆ ತಬ್ಬಿಬ್ಬುಗೊಂಡೆನೊ ಹಿಂದೆ
ನಿರ್ಭರದಿಂದಲಿ ಸರ್ವರ ಕೂಡುಂಬೊ ಹಬ್ಬದೂಟವ ಉಣಿಸುವಿಯೋ ||೨||

ಸಂಜಿ ತನಕ ಇದ್ದು ಸಣ್ಣ ಸೌಟಿನ ತುಂಬ ಗಂಜಿ ಕಾಣದೆ ಬಳಲಿದೆನೋ
ವ್ಯಂಜನ ಮೊದಲಾದ ನಾನಾ ರಸಂಗಳ ಭುಂಜಿಸುವುದು ಮತ್ತೇನೋ ||೩||

ಮನೆ ಮನೆ ತಿರುಗಿದರು ಕಾಸು ಪುಟ್ಟದೆ ಸುಮ್ಮನೆ ಚಾಲ್ವರಿದು ಬಳಲಿದೆನೋ
ಹಣ ಹೊನ್ನು ದ್ರವ್ಯಗಳಿದ್ದಲಿಗೆ ತನಗೆ ತಾತ ಪ್ರಾಪ್ತಿ ನೋಡೊ ಜೀಯಾ ||೪||

ಮಧ್ಯಾಹ್ನ ಕಾಲಕ್ಕೆ ಅತಿಥಿಗಳಿಗೆ ಅನ್ನ ಮೆದ್ದೆನೆಂದರೆ ಈಯಗಾವ
ಈ ಧರೆಯೊಳಗೆ ಸತ್ಪಾತ್ರರ ಕೂಡುಂಬೋ ಪದ್ಧತಿ ನೋಡೋ ಪುಣ್ಯಾತ್ಮಾ ||೫||

ನೀಚೋಚ್ಛ ತಿಳಿಯದೆ ಸರ್ವರ ಚರಣಕ್ಕೆ ಚಾಚಿದೆನೋಸಲ ಹಸ್ತಗಳ
ಯೋಚಿಸಿ ನೋಡಲು ಸೋಜಿಗವಾಗಿದೆ ವಾಚಕ್ಕೆ ನಿಲಿಕದೋ ಹರಿಯೆ ||೬||

ವೈದೀಕ ಪದವೀವಗೀಬಗೆ ಲೌಕೀಕ ವೈದಿಸುವದು ಬಲು ಖ್ಯಾತೆ
ಮೈದುನಗೋಲಿದ ಶ್ರೀವಿಜಯವಿಠ್ಠಲ ನಿನ್ನ ಪಾದಸಾಕ್ಷಿಯ ಅನುಭವವೊ ||೭||

ನಿನ್ನ ಒಲುಮೆಯಿಂದ ನಿಖಿಳ ಜನರು ಬಂದು ಮನ್ನಿಸುವರು ಮಹರಾಯ - ರಚನೆ : ಚಿಪ್ಪಗಿರಿಯ ನಿಲಯ ಅಪ್ಪ ಶ್ರೀ ವಿಜಯರಾಯ

nagprasad