الكلمات

مين مزعّل ٢٠٢٠؟
ايه الحصل ما احنا كنا حلوين
شهرين كانوا فعلاً ساقعين
قامت نازلة بعاصفة تنين

حبة هوا علي حبة امطار
مع بعض علي شكل اعصار
البيوت حصلها اضرار
والشوارع قلبت انهار
و فجأة بدون انذار
جالنا خبر عن مرض غدار
حاجة غريبة العالِم احتار
فيروس خلي العالَم انهار
البداية كانت في حتة في الصين
واحد شاف خفاش و جاع حبتين
باقي العالم قالوا هما وحشين
خلينا احنا بعيد و هنبقي كويسين
و ياريت، كانت بالسهولة ديا
بوم بوم بوم قام ضارب في ايطاليا
في كل حتة فيه حالة ورا التانية
و الاعداد بتزيد بالثانية

اهلا بيكوا في عصر الكورونا
معايا تليفون و شاحن و صابونة
ينسون معصور عليه لمونة
خليكوا في بيتكوا اوعوا تعدونا
اهلا بيكوا في عصر الكورونا
معايا تليفون و شاحن و صابونة
ينسون معصور عليه لمونة
خليكوا في بيتكوا اوعوا تعدونا

ده مخطط، لأ ده ابتلاء
دي امريكا اللي عاملة الوباء
دي مؤامرة حتي شوف الفيديوهات
صدقني ده مش وقت اي فتي واشاعات
ده مش وقت عصبية او غشامة
متقولش لو مش عارف غطي بوقك بكمامة
دي مش نهاية، مش يوم القيامة
مترحش السوبر ماركت تاخد كل القدامك
بلاش دلع ولا استهتار
الحاجة مش هتطير دول قفلوا المطار
امنع الخروج بليل او نهار
الموضوع ده بجد احتا واخدين عالهزار فا
منغير اي رغي كتير
الحوار ده كبير فبلاش تحوير ده
كفاية الشغل بالبچامة في السرير
احمي نفسك و هتعدي علي خير

اهلا بيكوا في عصر الكورونا
معايا تليفون و شاحن و صابونة
ينسون معصور عليه لمونة
خليكوا في بيتكوا اوعوا تعدونا
اهلا بيكوا في عصر الكورونا
معايا تليفون و شاحن و صابونة
ينسون معصور عليه لمونة
خليكوا في بيتكوا اوعوا تعدونا

خليك في البيت

منغير تفكير كتير بكتب اللي في بالي

خليك في البيت

Nagui Nagui