Tamer Badr - 1 6 9 || تامر بدر - واحد سته تسعه

المبدأ || تامر بدر

احمد كامل شتا

تراك عتمه - غناء احمد كامل و السويسى و ميشو جمال.mp3

Nagy Mousa - شِتَا

يا أنا - احمد كامل

ساعات كتير نموت من البرد لما نبعد عن دفانا..
ساعات نشيل الحمل بدون ما حد مايشيل معانا ..
ونجوب بلاد الله ونلف كتير وندور ياما..
علي اللي سابنا واحنا اصلا سيبنا قلوب بتستانا..

احنا كده .. دماغنا دايما متاكسده..
يوم ما نعشق النجوم بيكون عشان بعيد عننا ..
و احنا ف غني .. عن بعيد جميل .. خلينا في اللي هنا..
مثلا زي الاكسجين .. مبيلاغيش غير بس الرئه..

واحنا اللي مش بنرضي طول مافينا الروح..
لما نحط دماغنا عل مخده كتير ف زمان بنروح..
ونعيد ف شريط سخيف مابيفتحش غير ف جروح..
ولما ننسي نعيده تاني .. جرح جديد يتساب مفتوح..

هبل خام. .. لا بيهدي ساعه ولا بينام
بيخلينا نلوم الدنيا ونفضل نعتب عل ايام..
انت شيخ؟ انت حاخام؟ انت فعل اوكلام؟ 
ماطرح مابترسي ندقلها ومطرح ما هنفرش ... هننام


بنعيش اوهام .. و بنسجن روحنا بإيدينا 
واحزان .. بتعيش والتمن احنا دفعناه
يوم واتنيين .. ( هيعدو لو قبلنا او لو حتي مقبلناش)
يا نعيش يانموت ( ليه بنختار نسيب الذكري توجع فينا ليه بنختار نفكر فيها ومننساش)

ولما نبص علي مش ف ايدينا نحزن
ونخبط كل باب ونخش بدون ما حد يإذن
ونحسد الديوك عشان بتعرف تصحي تدن
... بنحب نحس اننا ضحايا الحرب جدا

بندور عل اماكن اللي بتفكرنا
ان احنا يوم حبينا حد اختار انه يخسرنا
ونقول ياريته اختارنا .. وننسي اننا من الاول
عيشنا معاهم مهتمين و في النهايه كتير قصرنا

مش دايما احنا الصح محنا برضو عادي بنغلط
ساعات نكون ظالمين و جوه عيون ناس غيرنا نسقط
ساعات منبصش عل حقيقه كامله ..
عشان شكلنا قدامنا يفضل جوه فريم بروازنا

مش دايما احنا مظلومين .. مش دايما احنا ظلمه
ساعات بنجبر ناس حبيتنا انها تمشي وتخسرنا
ساعات بيجبرونا ان احنا نخسرهم عشان ف يوم 
لما اتحبينا احنا اللي ادينالهم كف عظمه


بنعيش اوهام .. و بنسجن روحنا بإيدينا 
واحزان .. بتعيش والتمن احنا دفعناه
يوم واتنيين .. ( هيعدو لو قبلنا او لو حتي مقبلناش)
يا نعيش يانموت ( ليه بنختار نسيب الذكري توجع فينا ليه بنختار نفكر فيها ومننساش)

Nagy Mousa _ كَف عَظَمَه

Nagy Mousa _ بروتوكول 2

Nagy Mousa Ft Sara Saleh _ لَعله خير

جايز يبقي معاك 
حب و اسره ومال 
لكن مش مرتاح 
حياتك مش عجباك 



 بعد كل فجر نور وبعد كل ياس امل
اصل الشجر بذور واي نجاح وليد فشل
والسهم عشان يطلع قدام بيتش لورا
فا كان رجوع السهم يعتبر مجرد مرحله

طريق ولازم ناخد مجبرين عليه
ايوا حالنا حال بس ازاي وصلنا ليه و ليه
زي ما اختيارنا امبارح ودانا انهارد لحفره
فا اخيارتنا انهارده هتحدد مكانا بكره

معادله سهله.. تحليلها صعب
لما اختلفنا.. كرهنا بعض
شكل الحياه وهو عشوائي سخيف
والمصير مخيف لو قررت تكون هزيل ضعيف

ساعات وقوعنا بيبقي مؤلم
بس الوقوف هيبقي سهل لو حقيقي كنت بنفسك مؤمن
محدش فينا حابب انه يبقي تقيل
فاشطب مستحيل واتعب لجل ماتتقلب لممكن

جايز يبقي معاك 
حب و اسره ومال 
لكن مش مرتاح 
حياتك مش عجباك 



 مش كل وقت ينفع نبقي مع اللي بنحبهم
ساعات الناس الصح بييجو ف وقت مش وقتهم
وناش يسيبو بصمتهم ف قلوبنا و احنا مش عارفين اسمهم
ولا شكلهم بس برضه بنشتاقلهم

للروح توام زي ما للجسد توام
للقلب قلب زييه دايما حاسس بيه وفاهم
للعقل ذكريات بتوجع زي الجرح الدايم
كل ما نفكر ف يوم وقوعها بنتخنق نتشائم

وادي الايام بتعلم.. و ادينا بنستفاد
وادي الارقام بتزيد وتهلك العداد
وادي الدروس المستفاده ان الامان مش حل
ومنوليش ضهورهنا لو حبيبنا كان جلاد

الم وراه الم وجع جف لوصفه الالم
عدم اتكون من عدم امل اتربي وانعدم
ضهر انقسم صراخ ف ودن ناس بيترجم نغم
ويفهمونا ان نارهم جنه من جنات عدن


جايز يبقي معاك 
حب و اسره ومال 
لكن مش مرتاح 
حياتك مش عجباك 



قابل انك حد محترف تهد اللي بتبنيه
و ان فيه جواك شيطان بيكبر كل اما بتسقيه
عارف المفتاح لضعفك فاهم طعمه اللي بيرميه
حافظ الطريق فا بيرمي الشرك عشان تخش فيه

شايف انك مستميت علي اي حلم حلمت بيه
و اي شيء بتوصل ليه بتتنازل عشان تحميه
طيب ظاهر اللي باطن ولا شايف اللي ظاهر احسن من اللي شايله جوه من سنين فا بتخبيه

جايز يبقي معاك 
حب و اسره ومال 
لكن مش مرتاح 
حياتك مش عجباك 

ما احنا حياتنا ساعات 
بتبقي عباره عن جماد 
عشان حيات حاجات تموت حاجات 
ساعات احسن ردود تكون سكات

Nagy Mousa _ ( سهم)

كل مره ببقي لوحدي ببقي حاسس اني ف نعمه
 وشوشي لما بتظهر عادي بفرح احنا رجعنا 
بنحكي لينا لحالنا اه و مافيش مخلوق سامعنا
انا والميت شخصيه والاوضه اكيد هتسعنا


 مبنستحيش من اي حاجه ومرتاحين
بننام سايبين الدنيا مش من الدنيا متسابين 
ولما نحب نشوف الحلو فينا بننادي الشخصيه 
 العاقله فينا و ننقعد نسمع منها كلمتين

 احسن ما يبقو مستخبيين جوايا
والبسهم فوقهم وشوش عشان مايظهوش معايا
الدنيا بره ويا الناس بيجبروني إني أكون حد أصلا مختلف عن إللي ف المرايا

 .. وده مجهود بايخ لأبعد الحدود
إني اخبي حته فيا يعتبر طريق مسدود
. ياما أكون متكرر.. وسط الباقيين معدود.
. ياما أكون زيهم أو أكون ما ليش وجود

حتي لو هعيش وحيد فالوحده اجدع من عشرتهم
الزيف مالوش رجلين فالبعد اريح من حقيقتهم
فالاوضه لو هتلم الميت شخصيه انا حاببهم 
حتي لو بالف وش علي الاقل مش بنكرهم

الناس علي العموم ماليش عمار مابيني وبينهم
بحس اني في امان لو قبل اما اتساب اسيبهم
من الاخر مش حاببهم .. و برضه مش كارههم
انا و الميت شخصيه فاهميني عشان فاهمهم


 حقيقي انا معرفش انا بتكلم عن مين 
انا كل الناس ف عيني هما هما متساويين
اعزائي المستمعين .. انتو اصلا ميتين
ادعاءكو ده مخليكو جثث ماشيه مش عايشين


 علي الاقل أنا متصالح مع حالي
عارف وشوشي وعارف أمتي كل وش جالي
عارف عيوبي وعارف إني اكيد إنسان  غلاط
عارف دماغي وعارف أمتي بتضرب ف الخلاط

 علي الاقل عارف إني مش لحد قدوه
علي الاقل عارف إني إنسان محدود القدره
علي الاقل فاهم إني مش احسنكو يعني
علي الاقل فاهم إني برقد للي وجعني



 أسف يا ملايكه... أنا الشيطان
بس ف مركبكو الغارقه مش أنا القبطان
حتي المؤذي إللي فيا بيصون إللي صان
أسف يا ارض... أسف يا حيطان

أنا المزيكا بتداويني آكتر من الدكاتره
فا لما بكتب بنسي.. عالم عايشين وفاكره
إن الوشوش دي هتخليهم قابلين بعض
 ممكن ده يبقي الظاهر بس من جواهم صعب


...فالوحده للاسف اوقات بتكون الحل 
حب الناس لما تعاشرهم تلقاه يوم عن يوم ده قل
فاخد نفسي - وارجع تآني لوحدي ف نعمه
انا و الميت شخصيه و الاوضه اكيد هتسعنا

حتي لو هعيش وحيد فالوحده اجدع من عشرتهم
الزيف مالوش رجلين فالبعد اريح من حقيقتهم
فالاوضه لو هتلم الميت شخصيه انا حاببهم 
حتي لو بالف وش علي الاقل مش بنكرهم

الناس علي العموم ماليش عمار مابيني وبينهم
بحس اني في امان لو قبل اما اتساب اسيبهم
من الاخر مش حاببهم .. و برضه مش كارههم
انا و الميت شخصيه فاهميني عشان فاهمهم

100 شخصيه - Nagy Mousa

انا لسانكو .. اسمعوني ❤

Nagy Mousa _ ( سهم)

Nagy Mousa | ناجي موسي