1/9/84. Bumagsak ang isang 'di ma-identify na sasakyang pangkalawakan sa palayan sa isang 'di mapangalanang isla sa Panay. Nasaksihan ng mag-asawang magsasaka na sina Celso at Minda Cruz ang nangyaring pagbagsak ng sinasabing UFO at agad nila itong pinuntahan. Nadiskubre ng mag-asawa ang dalawang sanggol: isang babae at isang lalake sa loob ng noo'y nag-aapoy na sasakyan. Agad nilang inampon ang dalawang bata na ang tanging alam lang noon na salita ay "GRROOOWLLL!!!". 

Dumaan ang ilang taon, pinagbintangang aswang ng buong isla ang mag-asawang Celso at Minda dahil sa kanilang mga inampong mga kakatwang bata. Bagamat ayon sa ulat, hinihinalang malakas ang ugnayan ng pamilya Cruz sa mga rebeldeng NPA kaya't tinira ng gobyerno, partikular na ng militar). 

Lumikas patungong Maynila ang mag-anak at nanirahan sa isang barung-barong sa Libertad, Pasay. Sa kahirapan ng buhay, namasukan bilang entertainer sa Japan si Minda; dala ang kanyang ampong anak na babae. Si Celso naman ay naging gitarista sa lansangan kasama ang anak na lalake na nagpapanggap namang bulag na batang singer. 

20 taon ang nakalipas, namatay sa sakit sa bato si Minda at umuwi pabalik ng Pilipinas ang anak na babae para hanapin ang kanyang kapatid at ama-amahan. 

Sa kanyang paghahanap mula Paranaque hanggang Pasay, dala lamang ang kanyang radar na kulay asul at hugis diamanteng korteng luha, nahanap niya ang kanyang kapatid sa overpass ng Taft cor. Edsa, bulag-kuno, kumakanta ng kanilang paboritong awiting, "May Bukas Pa". 

Nagsamang muli ang magkapatid. Bumuo sila ng isang banda kasama ang ilang mga kaibigan: isang suicidal na Atenistang gitarista na nag-soul searching sa Hotel Rotonda, isang kleptong kaibigan,kababata, at kalaro, isang kalbong babaeng taga-Bataan, at isang dating child star na gustong maging bahista. 

Ganito nabuo ang SHING! SHING! TABEROARRR!!!

"Shing! Shing!", ang tunog ng kanilang mga pangarap. 
"SHING! SHING!", ang tawag sa dalawang hati ng Shing-aling matapos nilang baliin pagka-wish. 
"TABERU", ang Japanese ng kumain, bagay na 'di nila naranasan sa kanilang kabataan. 
"ROARRR!", ang tunog ng kanilang hiyaw at pakikipaglaban. 

SHING! SHING! TABEROARRR!!!
RRRrrrrrrrrrrrr...   

The ELEMENTS Music Camp aims to bring together aspiring and professional musicians to share, learn and promote FILIPINO MUSIC. For more info, please visit the links below.

Singer/Songwriter

Contact Person +62 818 122681 (Renggo Adjie)

Narcies Cabico is following