O xoves 8 de abril de 2020, ás 12:30 h volvemos a RADIOVOZ con unha nova entrega de "Un mundo ben bonito" da man de Nelson Quinteiro con Eva Millán.
No programa de hoxe falamos da campaña "Eu podo aprender eu podo traballar" #podoaprenderpodotraballar de apoio ás persoas con TEA e de entidades que traballan coas persoas con autismo, como Autismo Bata, Fundación Menela ou Asociación Amicos, e de persoas que se teñen sumado a esta campaña a través das RRSS.
Tamén falamos do Doctor Logartimo, que recibíu unha foto das súas novas bata personalizadas de Doutor Sorriso, que é, para que vos fagades unha idea, coma cando un anxo recibe as súas ás en "Que bello es vivir".
Hala! Sintonizade todos os xoves ás 12:30 h RADIOVOZ!!!!

Un Mundo Ben Bonito 08 04 2021

Seguimos con esta sección de "Un Mundo Ben Bonito" en Radiovoz todos os xoves ás 12:30 h con Nelson Quinteiro no programa "La Mañana con Eva de Eva Millán".
Esta semana falamos de danza, de Iván Villar, Sadanza ou Nova Galega de Danza, de nenos e nenas, do programa "Manciñas" do Concello de Pontevedra, de XOGA Asociación de persoas con diversidade sensorial de Galicia, de debuxos bonitos co CEIP de Lourido (Poio), de recuperacións patrimoniais como a que o concello de Cerdedo-Cotobade ten feito nas contornas dos Baños de San Xusto...Un programa BEN BONITO para un mundo BEN BONITO!!!

Un Mundo Ben Bonito 15 04 2021

Volvemos o xoves 22 de abril ás 12:30 h a RADIOVOZ #radiovoz coa nosa sección UN MUNDO BEN BONITO #unmundobenbonito no programa "La mañana con Eva" coa participación de Nelson Quinteiro no programa da fantástica Eva Millán #evamillan 
Neste programa falamos do Día do libro, e algúns dos meus libros de cabaceira máis recentes. 
Falaremos de Baños de Bosque e do roteiro que fixemos esta fin de semana pola Lama: As Ermidas, Santo Cristo de Xendre ou Valiñas.
Falaremos de #barullo! Un novo proxecto no que estou a piques de embarcarme e que achegará a música e os instrumentos tradicionais a 5 centros escolares de Poio! 
Falaremos do cole de Lourido, e da profe Cris, e deses debuxos tan chulos, como o que vedes en pantalla, e que ilustrarán os anuncios e podcast desta sección!
E de cabaré! Bombazo informativo! Volve o Festival Galego de Cabaré! XII Edición! XV Aniversario! Nova cidade! Novo formato! Pero tssss... que aínda é un segredo!!!
Todo isto... e moito máis... Nun mundo ben bonito.
En RADIOVOZ.

Un Mundo Ben Bonito 22 04 2021

No podcast de hoxe de *"Un Mundo Ben Bonito"* en Radiovoz con Eva Millán visitamos o *CEIP de Lourido* de Poio, para premiar aos nenos e nenas de 6 anos que fixeron ilustracións para esta sección radiofónica como este debuxo de Soraya que pon color ao progrma hoxe.Falamos do Día Internacional da Danza, e dos Maios, falando desa fantástica *Guía ilustrada* que Marta Quinteiro Villar e Nelson Quinteiro deseñaron para o Excmo Concello de Poio, e tamén do programa *"Os Nosos Instrumentos"* que levará a Juan José Mariño Viñas _(Escola de acordeóns de Campelo)_ e mais a un tal Señor Patajullo _(Nelson Quinteiro)_ de xira por todos os centros escolares de Poio facendo moito *"Barullo!"*E do concerto itinerante de *AUPÁ!* o 1 de maio polas rúas, prazas e hórreos de Combarro en colaboración co Ateneo Corredoira e a Rede Pontegal, dende as 19:00 h saindo do Cruceiro da Pinela.Sintonizade RadioVoz!*UN MUNDO BEN BONITO!*En directo para toda Galicia. Con Eva Millán e Nelson Quinteiro.

Un Mundo Ben Bonito 29 04 2021

Nova edición da sección "Un Mundo Ben Bonito" no programa "La Mañana con Eva".
Hoxe falamos do programa "Verbas en Flor" e da iniciativa "Os Nosos Instrumentos" do Excmo Concello de Poio.
Retransmitindo dende o CEIP Viñas de San Salvador (Poio).

Un Mundo Ben Bonito 06 05 2021

O xoves 27 de maio volvemos ás 12:30 h con unha nova edición da sección "Un mundo ben bonito" en #Radiovoz no programa "La mañana con Eva" con Eva Millán e Nelson Quinteiro.
Despois de dúas semanas tralas Festas da Ascensión e un compromiso personal co programa formativo-divulgativo "Os Nosos Instrumentos" do Excmo Concello de Poio volvemos á carga poñéndonos ao día.
Hoxe falamos de música, para dar conta da nova web da Banda Municipal, Escola Municipal, Big Band, Xove Banda e Asociación  Musival de Valga www.bandadevalga.gal , así coma de poesía, falando da fermosa "Ronda Poética" que vimos de celebrar polo Día das Letras Galegas entre as rúas, prazas, hórreos e cruceiros de Combarro. E tamén de felicidade. Hoxe contereivos de que vai a actividade "Música e felicidade" na que dende principios de mes de maio levo ritmo, sonrisas e moita música a unha residencia de maiores.
Ea! Que foi un programa "ben bonito" e temos que festexar que a pandemia vai remitindo, o ritmo de inmunización avanza e poderemos volver a facer moitas das cousas que nos facían tan felices antes da pandemia.
Unha aperta e feliz semana!
PD: O debuxo que ilustra hoxe a nosa sección é de Claudia, do CEIP de Lourido. ¿Bonito, verdade?

Un Mundo Ben Bonito 27 05 2021

Volvemos a #Radiovoz coa sección "Un Mundo Ben Bonito" dentro do programa #lamañanaconeva de #evamillan con Nelson Quinteiro.
Hoxe falamos desas 7 nominacións coma sete soles para os Premios Max da Compañía "Nova Galega de Danza", e particularmente desa nominación a mellor bailarín masculino para Iván Villar. Precisamente de Iván Villar, o meu pequeno "brother in arms" falamos un anaquiño, percorrendo a súa carreira artística (Ballet Galego Rey de Viana, Centro Coreográfico Galego, Entrecaixas, Nova Galega de Danza, Falcatrueiros de Monterroso) e facendo memoria deses marabillosos espectáculos que artellamos xuntos (Danza e Contradanza, Gharbo!, Papiroflexias, Novecento Cabaret ou Apalpadoriños) e tamén dos novos que están por vir (Fala-Me. Trad Cabaré). 
Tamén falamos de Mais Cantos! O pasado luns, case un ano despois, fixemos o noso primeiro ensaio ao aire libre, e foi unha delicia, con unha treintena de cantereiros/as volvendo a vibrar e con ganas de esquencer toda esta situación pandémica. Xa preparando a nosa vindeira actuación, para o 27 de xuño, fechando as Festas de San Xoán de Poio, nunha actuación na que tamén contaremos con Iván Villar á danza!!!!!
O debuxo que ilustra hoxe a nosa sección é obra de Jimena, do CEIP de Lourido e sobriña in péctore. Tamén falaremos dela!!!!
Ea! Outra proposta de contidos ben bonita para "Un Mundo Ben Bonito". En Radiovoz. Emitindo para toda Galicia.

Un Mundo Ben Bonito 03 06 2021

NELSON QUINTEIRO
www.nelsonquinteiro.com
https://soundcloud.com/nelsonquinteiro
Spotify: Nelson Quinteiro

Nelson Quinteiro. Un Mundo ben bonito.