तुझे माझे एक नाव 
तुझे माझे एक नाव 
ऊन सावलीचा जुना लपंडाव 
वाटतो नवीन का पुन्हा ?

तुला मला सारे ठाव 
तुझे माझे एक नाव 


अंतरा १ :- 
नव्याने पुन्हा भेटलीस तू 
सांग ना जरा कसा मला मी सावरू 
नव्याने पुन्हा… सांग ना जरा मला… 

पाखरू पाखरू मन हळवे पाखरू 
सावरू सावरू चल दोघे सावरू 

स्वप्न रेखण्याचा आपुला स्वभाव 
जागते तरीही रात का ?

तुझ्या माझ्यातला डाव 
तुझे माझे एक नाव 


अंतरा २ :-
पैंजणे चाहुलीस वेड लावती 

चाहुली ओळखीचे अर्थ मागती 

तू जिथे मी तिथे ओढ का वाढते 
आज व्हावे तुझे का असे वाटते 

वाहतो किनारा बांधलेली नाव 
जीव हा कुठे विसावला ?

तुझ्या माझ्यातला गाव 
तुझे माझे एक नाव 

गीत- मंदार चोळकर 
संगीत- नीलेश मोहरीर 
गायक- मंगेश बोरगावकर, सावनी रवींद्र 

होणार सून मी ह्या घराची 
झी मराठी 

TUJHE MAJHE EK NAAV

Nilesh Moharir