الحلقه الكام دى  يا جدعان  ؟؟ ليا ساعه بدور على المشهد دة ..  الحلقه الكاااام ؟؟

هو احنا فعلاً يا باشا عايزين نغير الناس ؟ عايزين ننضفهم ؟؟!! - احنا فعلاً بنغير الناس يا سيد يا عجاتي ، بنحافظ ع البلد بالكرباج..بالعصايه... بالزنزانة... بالجن الأزرق ، أهو في الآخر بنحافظ عليها ، احنا يا سيد الداخلية ، عامود البلد ، ولو انت مش شايف كده فدي مشكلتك مع نفسك ، لكن احنا بنغير ..الناس بتتغير  * ليه....الناس بتتغير للأوحش ، نحبسهم في زنزانة من اربع حيطان وبيتغيروا للأوحش ، الناس محبوسين جوا نفسهم ، الناس رايحين فين ... الناس رخيصة .. الشرف رخيص ... القانون بقي عجينة .. العدالة كدبة ، القاهرة بتغوص في الوحل والعاهرة اشرف من السجان  - ياااه كل ده عشان القضية ؟ * قضة ايه !!! قواد بيبلغ عن البنت الي بيسرحها عشان معدتش تحت طوعه وعايزيني احط اسمه في قايمة الشرف واقوله متشكرين واحبس البت ،   لا ياباشا انا مش لاعب  - بس كده لو مسكت ع القواد حاجة هاته ، ولو عايز تجيبه من غير ما تمسك عليه أي حاجة برضه هاته ... احنا معندناش عزيز   *فعلا يا باشا  القضية مش قضية قواد وبنت ... القضية زي ما حضرتك قولت ... البلد دي مبقلهاش عزيز.

عني ايه مشيت الواد والبت ؟ انت مش عندك قضية كاملة  متكاملة وظبطنهم تلبس كمان ؟ قولي مشيتهم ليه ؟؟  انت هتعمل قانون لوحدك ؟؟ انت مين ؟ بأي حق ؟؟ انت مين ؟؟؟  * فعلاً........... انا مين .. وانت مين ؟ إحنا مين عشان ..عشان نكون اوليا عليهم  -  احنا النظام ... احنا اوليا عشان احنا النظام * وهما ايه ؟ عبيد النظام؟؟ - الدنيا كده يا سيد ناس تأمر وناس تطيع . والي أخطأ يتعاقب يا سيد يا عجاتي  * يتعاقب بأي منطق ؟ بأي منطق نعاقب ناس هما أساساً مجبرين علي الي عملوه ! نزقهم في طريق قدامنا وفى الأخر نستناهم بكرابيج تنزل فوق ضهرهم ونقولهم عملتوا كده ليه !! بأي منطق ؟! -انت مش في وعيك ،يستحيل تكون في وعيك . انت نسيت الميري يا سيادة المقدم  * ومين فينا في وعيه ؟ هو في حد فاضك في البلد دي عقله في راسه ،بص .. بص من الشباك يا باشا ، الناس بتاكل في بعض بره المبني ده واحنا فاكرين اننا بنظبطهم بالقانون ، قانون عاجز .. ولما يكون القانون عاجز بتكون النتيجة دي فوضي ...فوضي وبس .

.الناس بتتغير * ليه....الناس بتتغير للأوحش ، نحبسهم في زنزانة من اربع حيطان وبيتغيروا للأوحش

القاهرة بتغوص في الوحل والعاهرة اشرف من السجان

مشهد من الحلقة 28 لـ إياد نصار و سامي مغاوري من مسلسل موجة حارة
حوار : إسلام أدهم

البلد دي مابقلهاش عزيز - مشهد من مسلسل موجة حارة

مشهدين من الحلقات 29 و 30 من المسلسل

مشهد من مسلسل موجة حارة - السفينة بتغرق

إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس .
شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك .
إبراهيم : الله !، قلتلك مش محتاج محامي ..إتفضل ! .. ياشاويش حنفى!!.
شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار .
إبراهيم : طب أااا .. لما أنت عارف أنك حتخسرها جاي ليه ؟
شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه .
أبراهيم : ( على وجه علامة التعجب والذهول )

حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ
>>>
سيناريو وحوار : محسن زايد و يوسف شاهين
إخراج: يوسف شاهين 
إنتاج :1979
--------------


وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين

ثرثرة فوق النيل

يوسف المنسي درويش - من فيلم المنسي 1993

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


عمر طاهر | عمارة3 و| Omar Taher | Emara 3W

مزج لتراكم اصوات العفن حول مصر
الأصوات :-الافلام- ثرثرة فوق النيل , بنتين من مصر, الكيت كات, لعبة الست, هيستيريا
-الاغاني: | احبك حبين: فرقة ابن عربي, ام كلثوم, ريم بنا |, الف ليلة وليلة أم كلثوم
شعر: على طالباب : عن مضاجعة الواقع, أحمد حداد : أوبريت الثورة
موسيقى الخلفية Sukun (Ney)  Huseyin Ozkilic
اصوات "حقيقية" من ميدان التحرير وميادين مصر
شكر للمبدعين الأصليين للأعمال. وشكر خاص على طالباب

01.المزيج العميق_عفن

صباح  الخير يا عم مجاهد , ايه ؟ انت لسه برضه زعلان منى ؟ يا عم مجاهد انت ظالمنى , و رحمه ابويا انت ظالمنى , انت عارف المعلم عطيه كان بيدفع ايجار للقهوه كام كل شهر ؟ خمسه جنيه و ستين قرش وايجار الشقه كان بيروح للميه , والمرتب عملت توكيل لأمى تقبضه كل أول شهر عشان مصروف البيت بتكلمنى عن اايه ؟ عن الحشيش ؟ الحشيش ده هو الذنب الوحيد اللى فى حياتى بعد ما ماتت ام يوسف , مكانش عندى حتى بنى ادم اكلمه انا بكلم الناس حوالين الجوزه , بفضفض بضحك و اغنى فى قعده حلوه لغايه ما اموت بيت ايه اللى انت بنيته مع ابويا طوبه طوبه ؟ كنت فين انت ياعم مجاهدد ؟ قدرت تعمل ايه ؟ لما مرات ابويا خدت الشقه و ادتها لولادها ؟ ها ؟ عملت ايه ؟ الحكايه مش حكايه البيت ياعم مجاهد , المشكله مشكله الناس اللى عايشه و لازم تعيش متظلمنيش يا عم مجاهد , لا مؤاخذه يعنى مغرفه الفول اللى كانت بمليم , بقت بنص ريال , سلام عليكم سامحنى يا عم مجاهد .

يا عم مجاهد انت ظالمنى , و رحمه ابويا انت ظالمنى

مشهد من فيلم الغول - العدالة ليها رجلين اتنين

الحريف - عادل امام

مزج لتطابق حكايات في تاريخ مصر
الأصوات : الافلام : عين شمس - الأرض - ضد الحكومة - احنا بتوع الاتوبيس - عسل اسود
تقارير: تغطية قناة الجزيرة و اون تي في لحادث قطار اسيوط
تسجيلات : حوار مصطفى محمود - مقتطفات من برنامج آخر كلام - حلقة مجلس الشعب باسم يوسف
الاغاني : الف ليلة وليلة : ام كلثوم - يا عرب : الشيخ امام - يا عزيز عيني : مريم صالح
شعر: امل دنقل : شجوية - على طالباب : الكمال - أحمد حداد : أوبريت الثورة
موسيقى الخلفية : Lent Et Douloureux - Gymnopédie I
Harry Gregson-Williams - Wall Breached
Yasser Abdel Rahman - Hekaiat El Ghareb - P2
Yasser Abdel Rahman - El Helm
اصوات "حقيقية" من ميدان التحرير وميادين مصر
شكر للمبدعين الأصليين للأعمال

البلد دي مابقلهاش عزيز - مشهد من مسلسل موجة حارة

Noha M. Nawar

Recent comments

Ahmed Seif 47

ahmed

Moro ana

Ibrahim Shahin

Related tracks