مل بنا   زجزاج

رسايل الموت الأخيرة، (مزج) 🖤

دخلة ابريل
الشتا بيعافر في الصيف
والصيف بيعافر في الخلق
والخلق بتغرق في الزيف
والكلمة بتخنق في الحلق
وشوية تمطر على غفلة
وشوية عواصف وتراب
وشوية الحر بيتمكن
كروان بيخانق في غراب
وشوية نمل اللي قريب
وشوية نحب الأغراب
وتملي بحن
وبفتكرِك
وبروح على صورتِك
بالعافية
( الجو عيا )
على رأي أمي
باين من صوتي اني بعافية
دور برد شديد
المرادي
مانفعش معاه
مشاريب دافية
على فكرة أنا لسه عبيط جدا
وبحب أتفلسف ع البرد
ومصدق انه بيغسلنا
وبيغري الساكت بالسرد
وبيسحب من خنقة روحنا
فبتظهر خنقة على الصوت
لولا بس مضاد بينيمني
كان ممكن أقول لِك مبسوط
انشاله تكوني أحسن مني
يا شبيهة الشاي المظبوط
وحشتني عيونِك بزيادة
يا اللي انتي عيونِك كات ليا
فتشت خيوط السجادة 
 مالقتش مُسكِن غير هيَ
كان نفسي أحكيلِك كالعادة
وأوان الحكي
خلاص عَدى
أه صحيح بخصوص نتيجتي
شلت مادة
وسبت مادة



دور برد شديد

ميل بنل زجزاج

مصطفى إبراهيم - البنكنوت

الأوله… أرزاق ...
والتانيه…. أسماء...
والتالته…. بشتاق....
الأوله… أرزاق مفيش حيلة ولا سكّة....
والتانيه…. أسماء عيال بتحب ع الدكّة....
والتالته… بشتاق لطعم الفرح والضحكة.....
الأوله… أرزاق مفيش حيلة ولا سكّة غير المكتوب....
والتانيه…. أسماء عيال بتحب ع الدكّة و راسمة قلوب....
والتالته… بشتاق لطعم الفرح والضحكة يا شيخ أيوب ....
الأوله… أرزاق مفيش حيلة ولا سكّة غير المكتوب مقّسِم كلّه بالحتة…
والتانيه…. أسماء عيال بتحب ع الدكّة و راسمة قلوب لكل الخلق إلا انتا....
والتالته...بشتاق لطعم الفرح والضحكة يا شيخ أيوب أنا ملّيت..حدوق إمتا ؟....
الأوله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....
..
….
متزعلشي…..
والتانيه…. أسماء عيال بتحب ع الدكّة و راسمة قلوب لكل الخلق إلا انتا ملكش حبيب ...
..
….
متزعلشي….
والتالته… بشتاق لطعم الفرح والضحكة يا شيخ أيوب أنا ملّيت..حدوق إمتا ؟ ف قاللي قريب ....
….
…
..
متزعلشي…..

مصطفى ابراهيم - متزعلشى Mostafa ibrahim - matiz3alshi

آه يالاللي

نوستالجيا باند
نخاطب الروح.. فالجسد يفني في محاوله لأعادة هيبة اللغة العربية و الجمع بينها و بين موسيقي الروك الغربي مع الكلمات الصوفيه و الأشعار العربية في حاله من النوستالجيا التي لم تشعر بها من قبل..

ألبوم (كَسّر قلبي) هو أول أعمال نوستالجيا باند بتاريخ أصدار 23 من اغسطس 2016.

غناء و انشاد: بسام الناصر صلاح الدين
جيتار: نبيل صبري
بيانو: عيسي القفاص
درامز و إيقاع: محمود أيمن 



أخفيتُ حبكم

ياللي انتي مش فاهمه انتي المرض والدوا "
" وسم اتصب في الترياق 
قصيدة سؤال  - عبدالرحمن سامي
موسيقي - اسامه حماد
بوستر : ميار صابر
تسجيل : حسن شعبان

سؤال - عبد الرحمن سامي

- م -
 
ماسبيرو أخطر م الرصاص والقصر
 ملّى عنيك بالدم.. قبل الطلوع قدام
 ما تسيبش جيشك تِقسمه الأعلام
 مش كل مين جنبك.. جواه بيهتف مصر
 
- ا -
 
الوقفة جنب النار.. بتقلل الدخان
 إهتف هتاف إبن المكان والظرف
 إضرب بعزمك.. أو ما تضربشي
 إرجع بضهرك.. أو ما تهربشي
 إمسك عصاية ثورتك م الطرف
 التاريخ ضمن الغنايم.. وبيكتبه الكسبان
 
ـ ن ـ
 
نقى دايماً طوب صغير حدفتك توصل بعيد
 نفترق ساعة المطاردات.. أربعات
 نشّن الباراشوت ناحية الصف العريض
 نجرى فجأة.. نردّ فجأة.. نص قوتنا المفاجأة
 ندّم اللى يعورك.. وإقطعله إيد
 
ـ ي ـ
 
يؤتَى الحِذر من مكمنُه
 يأتي الغبي باللص ثم يحلّفه
 يؤتَى الهتاف.. رَّجاً بمن يَهتِفه
 يؤتَى الجدع.. قلبا بما إتجَدعنُه
 
ـ ف ـ
 
فّرق ما بين الجرأة والقلب الحديد... والرمي جوا التهلكة
 فتش بإيد ع المستفيد.. وبإيد عن الصاحب الجدع
 فتّح إذا الناس غمضت.. غمّض إذا نظرك خدع
 فرّغ عياطك ع الصحاب.. دم وخميرة.. مش بكا
 
ـ س ـ
 
سمّي الحاجات دى باسمها.. الكدب.. والخوف... والخيانة
 سجادة المسامير.. تتحط ع الناصية.. غطّيها بالدخان.. ولّع قصادها كاوتش
 سدّ الطريق لورا علشان ما تترددش
 سيب باب لجيشهم يهربوا منه
 سلّم رايات الحلم لحد من سِنُّه
 سلّم قراركو لأكتر كفّ عرقانة
 
ـ ت ـ
 
تبّت يدا من ساب رفاق المعركة بطولهم
 تمن القضية اللي اندفع مبقاش يجوز يرجع
 تتعب تبص ف عين.. اصحابك الطايرة.. شوف مين من الآخر دفع.. لو زيهم.. إدفع
 تلت الرصاص نحو العدو.. تلتينه للخاين.. الطعنة جاية من هنا مش من هناك
 تعب النهار دة غير تعب بكرة.. الوقت مش دايما معاك
 تحتك فيه ناس عاوزة الأمل.. مش عاوزه؟.. سيبهولهم
 
ـ و ـ
 
وسّع الجبهة لو انتوا كتير.. وضّيقها لو إنتوا أقل
 ولع شماريخ وسطكوا أول ما تلقى الرتم قل
 وقّع لمض كل العواميد اللي كاشفة ناحيتك
 وّدي الإعاشة قبل ما تدوق لقمتك
 وجّب مع السكان وأهل المنطقة..
 حتى لو فاهمين غلط.. فيه ناس كتير متلخبطة..
 إكسب عدد.. وإكسب غطا
 وزع عيونك فوق وتحت.. وخاف من اللي يصوّرك
 وطّى وعينك باصّة فوق ع الطوب وإلا يعوّرك
 وقّف إذا سحبوك على شارع طويل
 وفّر بديل
 وافق على الهدنة إذا سحبوا الكلاب
 لو سابوا خليك انتا آخر حد ساب
 واحد بيفرق ف العدد جدا
 وعشان كده..
 أول ما تلقى إن الصفوف ناقصاك..
 وسّع مكانك... للي جاى وراك
 


المانيفستو - مصطفى ابراهيم

راجح داوود ليلة البحث عن السيد مرزوق

نُوستْالّچِيَا باند.. تصوَّف و كفيَ
نخاطبُ الرُّوحَ.. فالجسدُ يَفْنَي

