
أغنية حِلوة من ألبوم "حلوة" للفنانة لارا عليان - إنتاج نوفمبر 2014
كلمات الشاعر اللبناني: طلال حيدر
ألحان الفنان الفلسطيني: باسل زايد

كلمات الأغنية:

حِلوة
حِلوة متل نَعسِت حلبْ
ونِسْيتْ تنام كتير
متل البنت عم تركض بنَوما
تَتْكمِّش عْصافير
وبِتفيقْ بِتلاقي ع المخدةِ
بعِد بكيَر
متل مْنَامات الصيف
لو نسَّم هوا
بتطير
حلوة متل تدمُر عم تجهِّز صبية
و ما حدا بيعرف شو بَدّو يصير
الله يهدَي البال
هالقلب متل طْراف صابيعك (صَبيعَكْ)
المضمومةِ سوا
و الطير ضيْف بها الهوا
شِفتْ المراكب فاضية
متل السفر بمنام
وشراع ما بتعرِف
اذا جايِ هوا
الا اذا طار الحمام


Lara Elayyan - Helwi لارا عليّان - حِلوة

لا والله

بعدا الليالي ليالي بعدا الدوالي بالحما دوالي

بعدا الجمليي جميليي تومي لنا عن سطح بيتا العالي

قال يا جنا عا تلال و قال يا حكي عن جمال

يا ظلال الشجر عاطريق السهر يا حنين السؤال

بعدا الليالي هنيي بعدا عيونك عالهوى وفيي

إنتو سمانا حمانا إنتو الدنيي و السما النديي

غيب شو إلك يا رقيب و غيب عن طريق الحبيب

قصدنا منزلو هالحلو هالحلو هالبعيد القريب

فيروز - بعدا الليالي

شو مخبرينكن؟

شو مخبرينكن؟
و شو خبروكن تا جيتوا و فتّوا؟!
بأي حقد عبوكن تا بلشتوا الحرب؟

ولا إنتوا "جيش" ما بتسألوا؟!
يا عسكر سوريا .. شو قالولكن قبل ما فتّوا؟

قالولكن شي ولا قالولكن مشّوا؟
وقت حملتوا هالسلاح كلو... وقت دوّرتوا الدبابات و زقيتوا الصواريخ بشو فكرتوا؟

ما في منكن حدا فكر عالقليلة؟!

مش "سأل"، لأنو يمكن ما فيكن تسألوا!
بس ما في حدا منكن فكر "شو"؟!
"وين رايح أنا"؟
ما في حدا منكن رايح عالجولان قبل بمرة و شايف الجولان؟
ما حدا منكن فكر "مين رايحين نقاتل"؟!
أو هيك إنتوا جايين تقاتلوا؟
ما حدا منكن تطلع مقابيلو مين في بالميلة التانية حامل سلاح؟
ما بين عليكن شي فلسطيني .. شي لبناني؟!
شو خبروكن.. شو فهموكن؟

ولا لا خبروكن و لا فهموكن؟!
قالولكن جايين تحمونا؟ جايين تدافعوا عن فلسطين و عن القضية؟
قالولكن "في متآمرين عالقضية موجودين بلبنان .. موجودين بالجبل" .. هيك معقول؟

معقول هلأد في "متآمرين" بلبنان؟
منين فاتوا عا لبنان؟ منين فاتوا كلهن؟ كيف صاروا كلهن بالجبل؟
منين جمّعوا بعضهن تا صاروا كل هلأد "متآمرين|؟
أو قالولكن "عم ينفذوا مؤامرة إسرائيلية إمبريالية"؟
طيب ما شفتوا شي آرمة إنتوا و فايتين؟ ما شفتوا شي آرمة زرقا مكتوب عليها "ترشيش" .. شي آرمة مكتوب عليها "بوارج" .. شي آرمة مكتوب عليها "قاع الريم"؟؟
طيب! .. هيدي الآرمات ما في منا بالجولان!.. هيدي الآرمات بلبنان!
أو إنو هيك بس بدكن تقاتلوا و تربحوا مين ما كان يكون؟!
عم بيقولوا بإذاعة سوريا –و أكيد اهلكن عم يسمعوا إذاعة سوريا- عم بيقولوا غير شي بالمرة : عم بيقولوا "مطرح ما إنتو موجودين في أمن و الحالة هادية و الناس رجعت عا أشغالا"

و إنتو موجودين و بتعرفوا.. بتعرفوا الحقيقة!
بتعرفوا إنكن عم بتقاتلوا و عمن بيقاتلوكن .. و مطرح ما إنتو في حرب
عم تسمعوا إذاعة سوريا؟ ولا ما فيكن تسمعوها؟
طيب، عم تسمعونا إلنا؟ ولا كمان ما فيكن تسمعونا؟
مش عم تسمعوا شي يعني!
مسكرين عليكن الدني و عم بتحاربوا؟!.. هيك عم بتحاربوا؟!!
طيب و اللي عم بيموتوا منكن شو هاو؟ و ليش عم بيموتوا؟
عم بيموتوا لأنن مسكرين عليهن كل شي.. و لا إلهن حق يسألوا و لا إلهن حق يعرفوا.. بس إلهن حق يموتوا؟!
وين العروبة و القومية؟ و الحرية و الوحدة و الإشتراكية؟ و العدو الغابر؟ و العدو الغاشم؟ و الأرض المغتصبة و التحرير و العدو المشترك؟ كلن هاو راحوا بقذيفة عا "بحمدون"؟!

إنو فكركن عم تنتصروا ولا رح تنتصروا؟

ما سمعتوا شي إذاعة.. شي موجة مشوشة واصلة بالغلط .. شي واحد عم بيصرّخ عن الغزو السوري؟
إنو ما سألتوا ليش هلأد هالزلمة عم بيصرّخ؟ أو قالولكن عنو "هيدا أخوت"؟
طيب اللي قاوموكن بصيدا هلأد .. و ما خلوكن تفوتوا عا صيدا.. هودي كلن شو؟ مين؟ ما سألتوا حالكن مينن هودي اللي هلأد كتار و مسلحين ومعهن آليات و دبابات و مدفعية؟ أو قالولكن هودي عصابات؟ معقولة يكونوا عصابات؟ بس عصابات؟!

طيب ما سألتوا ليش اللي هربوا من بيناتكن و التحقوا باللي عم بتقاتلوهن : ليش هربوا؟ ليش تمردوا؟


مش حاسين في بلبلة حواليكن؟
هلأ نحنا عم نحكيكن و إنتو يمكن مش عم تسمعوا!
بس نحنا عم نحكي بركي شي واحد منكن أو اتنين بيسمعوا
يا عمي ما فكرتوا ليش صرلن كل هلأد ما عطيوكن مأذونية؟

ولا قالولكن: "حالة حرب"؟
طيب إذا بكرا شي نهار عطيوكن مأذونية من هالمؤامرة و رجعتوا عا سوريا و سألوكن الولاد بالضيع : "شو كنتوا عم تعملوا؟" شو بدكن تقولولهن؟ "كنا عم نقاتل"؟ "عم نقوّص"؟ هيك : "كنا عم نقوّص"؟!

إنتو عارفين أديش مكذبين عليكن حكامكن؟ يا ريت فيكن تعرفوا!

معقول كل هالكذب الرسمي العلني؟

معقول الكذبة كل هلأد بتطوّل و كل هلأد بتدوم؟
معقول كل هالإيام مرقت و بعدها ما انفضحت الكذبة؟
طيب ما حدا منكن سأل: ليش وصلوكن عا "عيون السيمان" و وقفوكن و قالولكن "من هون اتركوا الطريق مفتوحة و خلوا العالم تمرق"؟
معقولة منطقة كلها أوادم .. و منطقة كلها متآمرين؟
بالجبل اليوم عم بيقاتلوكن... عم بيقاتلوكن يعني: ما بدن ياكن تفوتوا !
و كونوا أكيدين إذا جربتوا تفوتوا بعد "عيون السيمان" كمان..كمان رح يقاتلوكن!
طيب ليش؟ اسألوا ليش! ولك اسألوا شي مرة!!! 

عالوجع - زياد رحباني

د. وسام حمادة يغني مهدي عامل - امجدك عينيك

أمجد عينيك - كلمات حسن حمدان(مهدي عامل)

تلحين زياد الرحباني | موشحات

هي عشقي دمشق
 كل سنة وأنت شامنا المحمية
هانت
 مؤيد

أنا وبلادي هناء وشمس بلادي ضياء
هنا والصفاء يزيد العطاء
يزيد العطاء عطاء
أنا وتلالي تلال ونجم أليف يطال
كأن الجمال نشيد يقال
نشيد يقال يقال
يقول لي الطير عودي
أعد للغنا والنشيد
أنا ياسمير بحضن العبير ألملم بعض وعودي
يقول لي الحلو هيا ، عتبتي زماناً علي
وفي البعد بيتي يحن لصوتي
ويضحك طلق المحيا
أبعد ربوعي ربوع ... وبعد ربيعي ربيع
هنا كل لحن يطل بلون
أقول إهدئي ياضلوع
أنا عن هنا لا أغيب .. وأنت من الورد طيب
تموج ربوع ويحلو ربيعي
لأجلك أنت الحبيب

أنا وبلادي من نوادر فيروز تسجيل استديوهات إذاعة دمشق في الخمسينيات هديتي لكم ، مؤيد

سهير شقير صرلو سنة

مر القطار سريعا .. كنت انتظر
وانصرف المسافرون الى اشياءهم 
وانا ما زلت انتظر

كان الحنين الى اشياء غامضة
ينأى ويدنو ..
فلا النسيان يقصيني
ولا التذكر يدنيني
من إمرأة ان مسها قمر صاحت
أنا القمر

مر القطار - مارسيل خليفه

يا غيبتو... يا ألف شتوية برد...
وعنا حطب مبلول ما بيعطي الدفا...
يمكن ناطر رجعتو.....

سهير شقير صرلو سنة

Ola gharred