الفيرس الاول 
غناء عمر جوهر 
كلمات محمد ابراهيم

انا جاهز أبيع نفسى يا باشا
 وهدمع جدا عـ الشاشه
  وهنهنه وأتشحتف وأبكى
 وهفضفض فـ الإعلان وأحكى 
 بس متنساش وعدك بالكشك 
 والصدقه الجاريه و كام ملطوش ..
وهنام بردان مش لاقى لحاف
وهقف فـ طابور العيش الحاف
 وأجرى الفجريه ورا الأوتوبيس
 للدرجه اللى هتقطع نفسى 
 مانا بصعب على جوعى الكافر 
 لكن مش بصعب على نفسى !!
انا زى المترو بشيل ..
جوايا ورايح جى ..
انا ميت جدا لكن ..
من بره ببانلك حى ..
فـ تشوفنى بوش مدارى ..
كل الأحزان بستاره ..
وإن عوزت تشوفنى كويس ..
لبّس قلبك نضاره ..
انا وانت وغيرنا وغيرهم ..
ناس موتهم تفكيرهم ..
على نفس الحبل بنمشى ..
وبنرسم نفس الخط ..
انا خايف جدا منى ..
انا أبعد ساكن عنى ..
فـ بقيت عايش ولكنى ..
زى الأموات بالظبط
جوايا جروح .. برايا جروح
مبقتش ببوح غير وانا مدبوح 
وبفتح عينى يشوفنى الخوف 
وبغمض عينى بشوف بوضوح

الفيرس التاني
غناء وكلمات ليل جوهر

تخلقت روح فخلقتوا طبع فيكم ، بس انا نفسي ابقى زوج 
انا عارف إن انتو طالبين مستقبل ، فا مقدرش اخش وانا محروج
انتو اللى بأديكوا خليتوا بناتكوا سلعة بيع  فزرعتوا
ثمرة كبت جنس ليكوا عزرا فأنا هابط مش مكفيكوا
فأنا اكافح واتناقد فى عيوبي عشلـان ادفع فرض هدية
وابدأ احكم نفسي بنفسي بشبكة ـ فـ اخترعوا اديان سماوية
فاحكموا بالنصرة على الاسرة فـ اجتماع مجتمعه متعفن
فـا متجوش تستغربوا لما تشوفواا إن فى مسلم اترهبن
صفقات زواج فقوم بيع بنات ارمي بنتك للي يدفع اكتر 
وصلة هروب من مسؤليه تنسي ان هي لميولها افضل
مهارات تجارية للجنس قتلوا ، بيبعولنا اجسام بدفع مهر لينا يبدلوا
 فاأسألكوا ليه سبب العنوسنة افكاركوا ايه فأفكرنا ليكوا
اكسروا فى قلوب عايشين فـ حب من اجل يدوها للي يستهلها
وجهة نظر لو دورت فيها هتبقى نسبة كبيرة مش من صالحها 
ادوا المشاعر لمكانها الاصلي وابدأوا دوروا على حريتها 
ده رسولنا حب ، فا سبولنا بقا شويه مشاعر تواكب عصرنا

مشاكل نفسية

omar gohar