رب هب لى هدى وأطلق لسانى .. وأنر خاطرى وثبت جنانى
أنت قصدى وغايتى ورجائى .. مالك الملك مبدع الأكوان
يا جلالا عم الوجود بلطف .. وسلام ورحمة وحنانا
واقتدارا أحاط بالكون علما .. نظمت عقده يد الإتقان
وجمالا فى كل شئ تجلى .. سبح الحسن فيه للرحمن

سيد النقشبندي - رب هب لي هدى

الضحك اللي ضحكناه من سنه
غير الضحك اللي بنضحكه دلوقت...
علشان
احنا كمان اتغيّرنا مع الوقت

احنا كمان سرَقِتنا السكينه..
بنخاف أكتر 
كل ما نكبر...

وبعد ما كان الواحد شايل همّه وبس
بقينا نشيل هَمّ ولادنا وأهالينا..

احنا كمان اتغيّرنا عشان الدنيا بتتغَيّر 
واليوم.. اللي فـ صُغري كان أطول من عُمر بحالُه..
لما كبِرت لقيته قُصَيّر

ولقيتني حمار..

ماحسَبتش كل المشوار
وحسَبت الفرح
وماحسَبتش حُزنُه...

واتهَيّألي.. إن العالم دا بكل ما فيه من قسوة
هيطلع طيب وياخُدني فـ حِضنه!

كنا غلابه يا صاحبي... وفوقنا؟
_ما فوقناش...

لسه بيرمينا رصيف لرصيف
واحنا بنبحث عن شغل..
لسه بترفُضنا (الدِبله) عشان واسعه على إيدينا..
وحبيبتك.. بعد ما كنت حبيبها وكل حياتها
لقيتهم حطّوا ف بيتها الزينه...

والدنيا بكل بجاحه بتضربنا وهيَّ بتضحك فـ عنينا
وبتقول: معلش!

رفَضِتنا بلدنا
ورفَضِتنا المطارات..

والعالم طَفّى النور.. وضَرَب صواريخ فـ الجو.. وغنّى

من غير ما يبُص على الرُكن المرميين فيه انا وانت وأحزاننا
من غير ما يقول - بعزومَه - تعالوا احتفلوا معانا

أو حتى بعَطف (الچنتلمان) يسحَب منديل من جيبه
عشان نسمح بيه بُكانا..

جينا.. وماشيين..

واحنا ملذات الدنيا اللي بنحلم بيها سجارة وفنجان قهوه وأغنية وراحة بال.. وعينين
يشوفونا بنظرَه بتعرف تفرِز صح
وتعرف تدخُل للقلب..

احنا القاعدين على رَفّ العالم.. إبن الكلب
بنعرِض بضاعِتنا...
أحلامنا/شبابنا/سنين الطيش/الحب وأوهامه/ وطموحاتنا..

بنصَبّر بعض..
ونقول: معلش.. أكيد فـ الزحمة الدنيا نسِتنا

أكيد سايبالنا مَناب للآخر...

حاجه من الصَنف الفاخر..
حاجه من الفَرَج المتأخّر..

احنا القاعدين على رَفّ العالم
شايفينه بيتبَخّر..

شايفين العربيات رايحه وجايه
والناس ماشيه وجاريه
والسما بتغيّر ألوانها.. وتتغيّر

والعُمر قُصَيّر..
أقصر من إننا أصلاً نِهتَم

والإنسان مش بس عرق أو دم
دا ثورة يا صاحبي وقامعينها

إضحك...
وبصوت عالي
وخلي الدنيا اللي بتتعَمِّد تِنسانا.. تشوفنا بعينها...
واحنا بنلعن ميتينها.. وأحياءها

انا وانت
الخارجين من حواريها وأحيائها...
شقانا على وشوشنا...
بس بنضحك 
علشان نختبر انا وانت ذكاءها

ونشوفها هاتقدر تعرف
هل ضِحكنا دا من الفرحه؟
وللا من الهم؟
.

#خالد_سليم

الضحك - شعر - خالد سليم

قصدت باب الرجا + كل القلوب إلى الحبيب تميل + هو الحب فأسلم بالحشا

من فيلم فرش وغطا 2013

فيلم فرش وغطا  | قصدت باب الرجا - كل القلوب إلى الحبيب تميل

أداء : محمد الأشول 
إيقاع : جمال الباجوري , محمد نعيم 
ناي : محمد رجائي 

قصدت باب الرجا - Mohamed Elashwal

303 تلاوة من تسجيلات إذاعة القرآن الكريم 

القاريء الشيخ احمد نعينع - سوره البينة (128kbit_AAC)

سُبِحانَ مَن كَان قَبلَ الخَلقِ أجمَعِهِم

مختارات من قصائد صوفية -  ديوان الحلاج

أحمد حويلي - حلاجيات

آخر 7دقائق من فيلم الكيت كات 1991 من روائع السينما المصرية

ابن عربي - اغنية لاتقف بعيدا عني (فيديو كليب)   اكتشف الموسيقى في موالي

المنشد ايهاب يونس
من برنامج صاحبة السعادة


انشاد دينى

ابداع المنشد ايهاب يونس من التراث الاسلامي//Adagio

الشيخ إيهاب يونس - إبتهال بمناسبة الهجرة النبوية الشريفة

{وَاسْتَقِمْ كَمَا أُمِرْتَ}

سُبِحانَ مَن كَان قَبلَ الخَلقِ أجمَعِهِم

عُمَر