yoyo

mohmed ebrahem

#محمد_إبراهيم

حزين

الممنوع المرغوب

سمر

shams

محمد ابراهيم

شعر

مش بافي غير اشواقي
و سنين عزابي معاك
صعبان عليك فراقي
صعبان علي أنساك


مش بافي غير اشواقي
و سنين عزابي معاك
صعبان عليك فراقي
صعبان علي أنساك


و الأصعب كان قراري
مهما النيران حتقيد
حنساك و دا إختياري
و البعد شيء أكيد


و الأصعب كان قراري
مهما النيران حتقيد
حنساك و دا إختياري
و البعد شيء أكيد

حسيب الشوق يدمر قصة هواي و هواك


و سنين عزابي معاك
صعبان علي انساك

استنا إيه
استنا ليه
استنا مين

هوا إنت فاكر إنك أقوى من السنين

إنت ابتديت
إنت ابتديت
مش مهم مين إبتدا
المهم إني صحيت على حلم كان صوت و صدى

إنت ابتديت
إنت ابتديت
مش مهم مين إبتدا
المهم إني صحيت على حلم كان صوت و صدى

بكيت عنينا و قسيت عليا
مشوار غرامك هدني


حسيب الشوق يدمر قصة هواي و هواك

صعبان صعبان انساك

و الأصعب كان قراري
مهما النيران حتقيد
حنساك و دا إختياري
و البعد شيء أكيد

حسيب الشوق يدمر قصة هواي و هواك

Mesh Ba2y - Adam - مش باقي - ادم

كل حاجه ناقصه صوتك ناقصه صورتك .. ناقصه سيرتك .. ناقصه تكشيرتك فـ غيرتك ناقصه ريحتك ناقصه روحك .. ناقصه حضنك ناقصه خدك لما يتحول لـ ورد ناقصه نفسك لما يلمس .. كف إيدى فـ وقت برد .. لسه حتى القهوه مره فـ إنتظار سُكّر شفايفك .. غبتى فجأه وسبتى قلبى فـ كل حاجه شايفها شايفك


كلمات الشاعر : محمد ابراهيم
غناء : نسمه عادل

Kol 7aga - كل حاجه ل محمد ابراهيم

اصالة الومة علي اية.mp3

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

محمد ابراهيم - كأنك كلمات اغنية

محمد أبراهيم - عشان أعيش

تعرف _ آية خطاب

رسائل من السماء السابعه .. محمد ابراهيم

بروفايلى الخاص .. هشام محمد
https://www.facebook.com/eng.zeriek

كلمات الشاعر المبدع .. محمد إبراهيم 
https://www.facebook.com/Zic0o

ده و احد شبهى انا متأكد ..
و الله بجد انا مش هوّا .. 
هو اللى بيضحك فـ الصوره
و انا اللى مكشر من جوا 
هو اللى بيحضن ويسلم 
على كل صحابه ويتكلم ..
اما انا فـ انا فعلا بتألم ..
و أتأقلم عـ اللى بيحصلى ..
انا عمرى ما برجع زى مانا ..
غير وقت أما أتوضى و أصلى !


واحد شبهى _ هشام محمد _ كلمات محمد إبراهيم

 Lyric : Mohamed Ebrahim 
Composer : Ahmed Nagy



كام ذكرى - احمد ناجى - كلمات محمد إبراهيم

كان ياماكان, كان فيه عصفور - تتر مسلسل ســــارة

كلمات : محمد ابراهيم
القاء: خلود ايهاب
ميكساج: محمد البرقي

اسف يارب - كلمات محمد إبراهيم-  إلقاء خلود إيهاب

رسايل من السما السابعة الجزء الثاني- محمد إبراهيم-من ديوان الحُزن البعيد الهادي-حلقة -الصحبجية - مع خيري رمضان

لحظه الفراق-حسين الجسمى

قصيده الممنوع المرغوب الشاعر محمد ابراهيم

انا مسامح اسلام ذكى

وجع قلبك وتنهيدك ..
وصوتك و انتى قلقانه .. 
وشكلك و انتى زعلانه
وشعرك لما بتلميه ..
وحُضنى لما بيلمك 
تخافى إزاى وانا موجود 
ومين غيرى يشيل همك ؟!
دانا بيتك و انا أهلك ..
يا ماشيه فـ دمى على مهلك 
بلاش تبقى سبب حيرتى ..
وتكشيرتى و سرحانى وتفكيرى 
مفيش غيرك هينفعنى ..
ولا راح ينفعك غيرى !
بلاش يبقى الكلام بشروط 
كفايه سكوت وخوف مـ الجى 
دانا لو طال سكوتك أموت .
وبسمع صوتك أرجع حى !

وجع قلبك وتنهيدك .لـ الشاعر محمد ابراهيم

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

ومن كان فيها ذو مقام ودولة - حسين الجاسمي

أتظن أنك عندمـــا أحـــرقتنــي
 ورقصت كالشيطان فوق رفاتي

وتركتنـــي للذاريــات تـذرنــي
 كحلاً لعين الشمس في الفلـوات

أتظـن أنك قـد طــمست هويتي
 ومحــــوت تاريخي ومعتقـــداتي

عبثا تحاول .... لا فنـــاء لثائر
 أنــــا كالقيامـــه ذات يـــــوم آت

أنا مثـل عيـسى عــائد وبقــــوة
 مــن كـــل عاصـــفة ألـم شتـاتي

سأعــود أقدم عاشــــق متمــرد
 سأعـود أعظـم أعظم الثــــورات

سأعود بالتوراة والإنجيـل والــ
 قـــرآن والتسـبــيح والصـــلواتي

سأعــود بالأديـان ديــناً واحـــداً
 خــــــال مـــن الأحقـاد والنعرات

رجل من الأخدود ما من عودتي
 بـد ... أنا كل الزمــــــان الآتــي


أنا كالقيامة - مهذل الصقور

الشاعر هشام الجخ 
قصيده متزعليش

هشام الجخ - متزعليش.

جيالك من دجى مزيكا كنزى احمد شعبان 

من غير مناهده - مصطفى ابراهيم

video link ... https://www.youtube.com/watch?v=bRmNJgJioC0                  
Mohamed Ibrahim Page ..... www.facebook.com/VADIDODIDO?fref=ts            


Mohamed ibrahem _انا عيل قبل ما  يتعلم يحلم كان مات



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


قصيده الممنوع المرغوب الشاعر محمد ابراهيم

Omar Habib