تعالى خد ع الرايق صداع منتش فايق
سايق في طريق اخره جوز مفارق

مش فارق .. كام واحد قال ايه وصدقتة
كام واحد انتهك حياتي بطلقة قتلتة


وسبته .. وسط سيل من نهر سايل
على كل روح هفضل عليها انا مايل


جبتة .. وسط حبايبة و اهله و ناسة
كل كلمة قالها بره ضربت بيها كدة اساسة

العلم و الايمان  .. اعلانات الشمعدان
مواليد التسعينات .. تاكسي السهرة لحد منام

جيل كامل اتظلم مكنش عنده اختيار
وقت التغير اتحط كله تحت الحصار 

جيل الخمسينات جيل فاشل من اساسة
لا عاش عيشة كريمة ولا سابني اختار مكانة

الحل في الهروب من الواقع الازلي
عمري ما هاخد خطوة قبل ما تسمحلي

....

انا بس قبل ما ابدأ
لازم يكون في مبدأ
في كل كلمة ادقق
اثبتك و ادقدق
....

خلاص فهمت اللعبة بقت دايرة ازاي 
بقيت بتفرج عالحدوتة وعارف دوري الجاي

رئيس يرؤس مرؤوس و الرعاع موظفين
كلهم في سبيل للاستقرار مطاطيين

كل ما افكر فكرة اقول جايز تنجح بكرة 
يطلعلي الف عقبة في وسط الف خطوة

زحمة من الافكار بعد عصف ذهني باسل
مسبب للانهيار .. وللانتحار بسمُ قاتل


شهادات عالحيطان .. جيرافيتي عالجدران
البطالة فكل مكان .. الحرية للجدعان

شباب زي الورد في كل مكان قاعد عالقهاوي
المعظم منهم متعلم و الباقي حرفي هاوي

قاري الف كتاب .. وايوة حافظهم كلهم
قريتهم كلمة كلمة .. بقيت قادر ارصهم

الموضة بقت موضة جاية من قلب القاع
عاوز بنطلون "كتنج" .. قدر المستطاع

....

انا بس قبل ما ابدأ
لازم يكون في مبدأ
في كل كلمة ادقق
اثبتك و ادقدق
....

كلمات و توزيع ورؤية موسيقية واداء : X-RaP
هندسة صوتية : MC.Fox
الحان وكلمات الكورس : محمد اسامة

ع رايق "X-RaP"

X-RaP is a Alexandrian old school rapper, also i am mixing and producing Techno house tracks.

Kindly don’t forget to follow for more tracks 😊

ع رايق "X-RaP"

Omar Abdulrahmn (DJ-X)