بطلت أقول_محمد الحصري

كلمات : يوسف حسن محمد 
https://www.facebook.com/Youshas.2014

أداء : منّة كُردى
https://www.facebook.com/Kawkabmashy

موسيقى : موسيقي - قهوة سادة عمار الشريعي
https://soundcloud.com/ahmed-frag-1/dmovwylc5nli
https://www.facebook.com/Kawkabmashlwa7do?ref_type=bookmark


الكلمات : 
كان قافل على نفسه الأوضه
كان خايف يظهر مـ الشباك
كان سايب بابه المتوارب
متوارب ..
ينده لو يحتاج ..
كان شاحب وشه
بلون أصفر
و ركود الدم فـ أطرافه ..
كان أكتر من أخر مره ..
و ملامح وشه تبان عاجزه
من قبل الحادثه دي كان أصغر
قبل أما يقولوا عشان يحيا
لازم هيضحي بأطرافه
أو الإ يموت بفساد فـ الدم ..
و الروح من جسمه هتتبخر
و بنرجع بالمشهد تانى
من داخل أوضته المقفوله
وشه المصفر المتغطي
باللحيه .. و زايد إصراره
ميشوفش الشمس ..
و يكمل عزله و يتأخر
و أما بيجي حد يصحيه
يصرخ و يقول دول قالوا معاق
و معاهم حق ..
لا أنا عارف أبص من الشباك
علشان ملمحش صحابى زمان
أو أشوفهم فى جيمات الكوره
و مشوفش الشمس أما بتطلع
و أفتكر المشي فـ عز الحر
نهجانى في يوم ما أطلع سلم
من تقل الشنطه على ضهري
و وصولي المدرسه متأخر ..
و الضحكه الساكنه فـ الصوره
صبحت صوره ..
و مش أكتر 

قفلت النور على نفسي
قفلت كمان بيبان قلبي
مسحت الذكري فـ خيالى
و قررت الهروب لـ سرير
بقيت قاعد بلوم نفسي
و إنى بحاجه للتخدير
الأقي من آلم رجلى ..
و وجع النظره فـ عيونهم
بإنى خلاص بقيت إسمي
و رسمي بكل تفاصيلي
صبحت - معاق -
و الأقي من وجع قلبي
و كسرة روحي من كربي
طلبت القرب من ربي
لإن أحلامى تقريباً ..
تقريباً ..
بقت موته عشان أرتاح
و مش أكتر ..
و أنا مش قادر أتعايش
ولا هقدر ..
مفيش أصحاب ولا عيله
و حالتى .. تزيدني فـ الشيله
يارب المره دى تقيله
و أنا مش حملها خالص
فى إيه فـ الدنيا يتعاشله
فى مين فـ الخلق يتعاشروا
بناقص حُبهم .. ناقص
يارب .. أنا عبد جاب أخره
معدش أنا فيا شئ حاسس
و نِفسِي أنتهي خالص
ينام من تانى كالعاده
و ضامم ركبته الباقيه
بإيده فى شكل وضع جنين
يحس فـ حضنه بالُآلفه ..
يحس فـ ضمته بحنين
مجاش من حد غير نفسه
ينام .. يقفل عينيه الإتنين
لأول مره من مده ..
بيفتح فيها ضُلف الشيش
و ميخافشي يشوف الشمس
ينام و عيونه مبتبكيش
و بسمه وشه مبتدبلش
ينام .. من تانى إنه يعيش
لكن روحه لفوق تصعد ..
و تعلن إنه راح و معاشش
و تعلن إن عاش مرتاحش
و تعلن إنه مات و إرتاح ..
لأخر مره مكتوبله ..
يشوف فيها ..
اللى كان مـ الشمس
عشان روحه دى كانت طير
و محبوسه ورا الجدران
و أول ما إتوجدله سبيل
طلعله مكان إعاقته جناح
و قرر موته .. بالطيران !


أبعاد الموت _ منّة كُردى_ يوسف حسن

حضن
*******
نص مشترك:ريم وجيه وزينب فرحات
هندسة صوتية:عمرو شاهين
أداء صوتي:زينب فرحات
*****************************
في فيلم أحلى الأوقات : سلمى بتقول :" ده انا كنت عايزة اتجوز بس عشان اتحضن "
فبترد عليها يسرية :"إن الحضن هو اللى بيخلى الست تحس إنها ست فعلا..حاجة صغيرة كده وضعيفة، بس مالكة كل حاجة  ."

** حواء اتخلقت من ضلع آدم...يعنى اتخلقت حاضنة قلبه وبيحاوطها لحمه ودمه وايديه .

**الحضن اللى بجد هو إنك مش بس ايديك تضم شخص او ان ضلوعك تمس ضلوعه
الحضن الحقيقى هو إن كل الحواجز النفسية اللى بينك وبين الشخص ده تقع ..إن حواري قلبك وشوارعه تكون مفتوحة للشخص اللى بتحضنه ، يقدر يتمشى فيها براحته
وعشان كده مش اى شخص بيعرف يحضن او يتحضن حضن حقيقى ... حضن يشبع
أما "كيري راسل" بطلة فيلم The waitress فبتوجه رسالة لطفلها المنتظر بتقوله فيها فيما معناه
"  طفلي العزيز.. أتمنى إنك تلاقي اللي يحضنك 20 دقيقة كاملة متواصلة.. يحضنك وبس.. من غير ما يحاول يبوسك.. أو حتى يبص لوشك"

**عند قدر معين من البؤس ،الحضن بيكون مقدمة لعملية ميكانيكية فاقدة للمعنى والإحساس..مالوش أي معنى  على الإطلاق
بيبقى من الصعب جدا جدا انك تسمح لنفسك تتحضن  ..انك تزيل كل الحواجز التى اتبنت  بطول العمر والمعاناة
وقتها بتصبح  أعظم أمنياتك حضن..حضن طويل يدوّب طبقات الهم اللى غلفت القلب من كل اتجاه وتسمح له إنه يتنفس بحرية ويعرف يحس

**إنت تقدر تحتوى حد تانيً ..لكن مش زي ما  ينبغى ، لإن مافيش عطاء مكتمل من غير أخذ ..الحنان له وجهة مزدوجة وصعب قوى يكون احادى الجهة  وإلا هيتحول  لاستنزاف

**إن روحك تتحاوط وتحتوى بحنية ..إن قلبك يتطمن ويستكين  إن روحك  تستنشق عبير الدفا
إنك ترتاح ببساطة بين ايدين إنسان وعلى دقة قلبه ..
حاجة كده عاملة زى تعشيقة الخشب فى بعضه 

**فى ناس طبطبتها حضن
وناس حضنها غربة

** أحلى حضن فى الدنيا هو حضن الاطفال ..لما يجروا عليك ويترموا بين ايديك ويرتاحوا على دقات قلبك
ما بتبقاش عارف .. ياترى هما اللي بيدفوا ضلعوك ولا إنت اللي بتحمي برائتهم

** الدبدوب هو وسيلة لاحتضان ذاتك..دفاه بيتاخد من حرارة جسمك ..و تفاعله من محاوطة ايديك له..وعطره بياخده من حضنك..وصمته الأزلى بيغرى بالحكى الآمن
حنية الإنسان على نفسه مهمة جدا ...خاصة لو ماكنش عنده غيرها
ما تستخصرش حنيتك في نفسك مهما كنت حاسس بالدونية وإنك ما تستاهلش ، في الغالب الإحساس ده بيبقى غلط
وما تمنعهاش في حد محتاجها ، المشاعر لما بتتكتم بتتخنق وتصدي، الصدى ده بيبقى سم بيسري جواك ويمنعك تحس بأي حاجة حلوة
خلي عندك يقين بأن مهما حصل ربنا برده هيفضل يطبطب عليك.. ورحمته هتحاوطك وتحضنك


حضن

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغنى لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن

و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

حبيبتي كل ما بنسى تفكرني الحاجات بيكي - عبدالرحمن الابنودي

#كتاتونيا 
متلازمة كوني بقيت وحدي .. 
لساعات وايام مش معدوده .. 
معرفش إزاي أو ليه وإمتي .. 
أصبحت مازوخي ف تفكيري .. 
وبعذب روحي ب100جلدة .. 
بدموع أو وحده بتغريني .. 
روتينية أيامي البائسه ..
تكرارها ماعادش بيأذيني .. 
ولاعاد بيغير م الحاصل ..
كل التفاصيل، تحصيل حاصل .. 
كل اللقطات فيلم وهابط .. 
وكأني بقيت دوبلير نفسي .. 
فخلقت حاجات مش موجودة .. 
تشخيص الحاله المرضية .. 
إن إنت بقيت زاهد روحك ..
وإن إنت بقيت بارد جدا .. 
أو عصبي ف أتفه أوقاتك .. 
أو سادي مع اللي تقرب له .. 
وجبان لو حد يقرب لك .. 
بتخاف م الكون واحد واحد .. 
وبتقلق من كتر الناس .. 
إحساسك، بالوقت إنداس .. 
وإتلاشي مابين عزلة ونوم ..
نومك متواصل في النور .. 
متقطع جدا في الضلمه .. 
أحلامك جاهزة لتعريتك ..
فبتهرب منها علي الواقع .. 
فيهدك وقت مايبنيك .. 
كالعاده وكيقيني الزايد .. 
الواقع بيضاجع فيك .. 
خوفك م الناس ومن الجاي .. 
خلاك متشائم شكاي .. 
إنسان مهزوز مش بإرادته .. 
شايفين معاناتك مغالاة .. 
كتاتونيا وعشت إنت شريكها .. 
تفاصيلك تشبه تفاصيلها .. 
للأسف المرض إتبناك .. 
وبقالك سامع لسكاتك .. 
وبقالك صاحب في الليل .. 
فبقيت الونس المطلوب .. 
قلبك مخروب، مش معطوب .. 
بتعالج بؤسه بأشجانك .. 
أشجانك ملحوظه وزايده .. 
فطبيعي أما تشوفني بقولك .. 
كونك بتواجه أيامك .. 
بالضحك وبالبؤس لوحدك .. 
تصريح إن إنت بقيت أقوي .. 
وبإن العزله علاج نفسي .. 
من عالم قاسي ومأساوي .. 
من عالم شايغك تصنيف .. 
لحالات مرضية بيخلقها .. 
إن إنت برغم إتزاناتك .. 
بيضيف لك لقبك بشياكه .. 
تشخيص الحاله المعهوده .. 
متلازمة كتاتونيا وحاده ..
#محمدعبدالله

* الكتاتونيا .. هو مرض نفسي ليس له اي اسباب عضوية .. تجعل المريض متخذ موضع ثابت لايتحرك منه ولايتكلم مع أحد ويستمر لفترات طويلة .. وقد يصاب بحالات عصبيه ويقوم بتكسير ماحوله .. واحيانا يصاب بحالات هدوء فيتخذ وضع محدد يستمر علي هذا لعدة ساعات .. واشهرهم هو اتخاذ وضع الجنين .. المرض الوحيد عندما يشفي صاحبه منها يتذكر كل تفاصيل ما فاته وكأنه كان شبيه بالحلم.

كتاتونيا محمد عبد الله حموده

#كاليتيا
بستعيذ باليأس مني ..
بستعيذ م البؤس بيكي ..
بستعين فى السكه بيا ..
بستعير لــ الليل عينيكى ..
//
بسم المفيش ..
النص ده من تحت تأثير الحشيش ..
وعنيكي آخر تلجتين ..
دايبين في تالت كاس براندي ف بار كاليتيا بدمعتين ..
وبواقي ترمس جمب كاسي مشرّدين ..
زحمة سجايري ف طفايات الليل شهود ..
رغم إني زوّدت العيار ..
أنا لسه فايق والسبرتو ماعادش بيهز النافوخ ..
بسم المسوخ ..
مريم وليل إسكندرية وعشقي لشريط الترام ..
ماركس وكافكا ودوني ديدرو ابن الحرام ..
قلبي اللي غاوي المرقعه وعايش سبيل ..
أو صدقة جارية إتوزّعت علي رُوحي بعد الإنتحار ..
بسم القمار ..
واللعب علي آخر كروت الذكريات ..
والتنهيدات الغاوية تسبيح الشيطان ..
والشمس بتلم النهار ..
وبتفرش الصبار سرير ..
علشان أكمل ليلي فيه ..
بسم اللي فيه ..
أسفار بتسهر ع النجوم ..
وبتسرق اللي إتبقي ليه ..
وتهادي روحه للسحاب ..
وتبيعها دايما وببلاش ..
عشما ف غيمة بتنتحر علي أرض بور ..
باين في نور !!
الفجر شقشق من جديد ..
ياه ع الجمال ..
الليله عدت قبل حتي ماتتكتب إثبات حضور ..
صدق اللي قال إن البراندي تملي يعمل معجزات ..
ألحق بسرعه أشرب لي كاس وأبدأ أطير ..
كلمات : محمد عبدالله حموده
Fb : https://www.facebook.com/mhmdabdalla774
موسيق ومكساج : أسامه أشرف الدرواني ..
https://www.facebook.com/OsamaVO?pnref=story

كاليتيا calithea __  محمد عبدالله حموده

أشعار : محمد عبدالله حموده
Fb: www.facebook.com/mhmdabdalla774
موسيقي ومكساج : أسامه أشرف الدروانى
Fb :www.facebook.com/OsamaVO
PhotoTaken by : Seif Al-Diin
Edit & Design by : Mohamed H. Derbala

آخر حكاية للنبي دانيال _ محمد عبدالله حمودة

شعر : محمد عبدالله حموده 
FB : https://www.facebook.com/mhmdabdalla774
موسيقى وميكساح : أسامة أشرف الدرواني 
FB : https://www.facebook.com/OsamaVO

الكلمات 

#ضيّعت_عُمرك_فُرجة_ع_الأفلام

بدّلت عُمرك بالصحاب، خذلوك ..
فَعَملتهم مزيكا فى الأزمات ..
منهم تراك يشبه لصوت الست ..
بتشغله لوحدك فى نُص الليل ..
يتلمّ كُل اللى إتنسوا حواليك ..
من وإنت عندك لسه ست سنين ..
ولحد آخر شخص مات مقتول ..
ما شَفَعش صمت معاه، فماعاتبتوش ..
كل اللى راحوا إتجمّعوا فى كورال ..
بيرددوا صوت الغياب والخوف ..

" كل اللي غابوا ما اتنسوش بحروف "
" كل اللي غابوا ما اتنسوش بحروف "
" كل اللي غابوا ما اتنسوش بحروف "

كل اللي ليهم ذكريات عندك ..
م المُستحيل حيفارقوا بالمعروف ..
يخلَص تراك الست، يبدأ تراك فيروز ..
يمشوا الصحاب فى الحال ..
يظهر شبحها هناك من آخر الأوضة ..
تطفي الدموع جوّاك، تتبخّر الصورة ..
كات جاية مكسورة، وإنت اللي كُلّه كسور ..
قلبك عمل لك سور، من وقت ما بعدتوا ..
يا للأسف يارفيق، ما بقاش خلاص عازل ..
الذكريات بالذات .. فى الليل بتتنازل ..
ساحة حروب بتدور وإنت الصراع جواك ..
وكأنه فيلم Troy ..
شغلته كالعاده .. وقفلته متضايق .. لمّا البطل بيموت ..
وإنت اللى فيلمك طال .. والليله دي حتموت ..
مرّه .. عشان واحشاك ..
مرّه عشان ناسياك، ومازلت مستني ..
مرّه عشان تفاصيل .. قادرة تسد النيل .. والبُعد كتّرها ..
وفي مرتين ويّاك من ليلة إمبارح ..
سايق عليك الليل .. عيّط عشان تنسى ..
عيّط عشان تقسى .. عيّط إذا حنيت ..
مّذنب .. حقولك إيه ؟
عيل غرامه غشيم ..
بتحب واحده ما تتنسيش في يومين ..
عدّت سنة على نفس هذا الحال ..
بنت ف براءة طفل ليلة العيد ..
م المُستحيل يمحيها حُب جديد ..
وإنت الللي عايش بعدها تجريب ..
نفس السيناريو ف كل ليل تكرار ..
وشيطان ملاكها مايطردوش الزار ..
كان كل مره بيبقى ليك تختار ..
تنساها وتكمّل حياتك نوم ..
بس إنت حُب السيما عندك داء ..
فبتجري تفتح فيلم عربي قديم ..
ضيّعت عُمرك فُرجة ع الأفلام ..
ضيّعت روحك ع اللي راح وماجاش ..
ودَفَنت قلبك فى التراب من عام ..
فإزاي حينبُض وإنت فى الإنعاش ؟
وإن يسألوك لو مرّه ع الأحوال ..
بترد فُل وعال وكلّه تمام ..
رغم إحتياجك لــ اللي مش ويّاك ..
عِزّة كرامتك لسّه باقية معاك ..
أجدع ما فيك إنك بتبكي وحيد ..
وبتحكي حُزنك بس للأفلام ..
#محمدعبدالله

ضيعت عمرك فرجة ع الأفلام _ محمد عبدالله حموده

قصيدة: عمرو شاهين
أداء صوتى: زينب فرحات
مونتاج وإخراج: رغدة أيمن
-----تفاصيل بسيطة

 

قولهم 

إن الغياب .. نُص المسافة للقا 

و أن اللقا

خط البداية للغياب 

قولهم 

طعم العتاب

يشبه التلج اللي ب يدوب ع اللسان 

بارد أوى وقت الدخول للفم 

و يدفّى ريقك لما داب 

فاكر مرورك من هنا 

صوت الجونله 

وهى ب تطبطب على سجاده الصلاة المفروشة زينه 

لسه ب يرن في عامود السرير

ريحه الدفا 

وطعم خوفك

سكر القهوة الزيادة وريحه الدخان 

كلهم

اقنعونى إن الفراق … 

محطة تانيه في العلاقة المستمرة 

مش ضروري إن البكا 

ينزل من عينك دموع 

مش ضروري إن الفراق 

يخطف م الشفة ابتسامه 

و لا هوش ضروري 

إن كل حضن أنا ها اخطفه 

ها أدفع قصاده

حسنه

في يوم القيامة 

ف اصرخي لما تجيلك الضحكة بجنونها 

الصرخة ضحكه قديمه مكبوتة 

أنا اللي عايش لحظه الحب وشجونها 

وأنا اللي بعمل م اللحظة دى ..حدوته 

الملايكه 

ضمة كفوفك للجاكت 

طعم الهوا بعد المرور بين خصلتك

كلها تفاصيل بسيطة 

بتخلق القصة .. وتديها الحياة 

الشمس أنتي 

والليل في ستره للمشاعر يبقى أنا 

ضدين ب يجروا عكس بعض 

لحظه لقاهم .. مشهدين ملهومش وصف 

مشهد شروق

" ..اقسم لذاتك بالوفاء

اقسم بكل تفاصيل الحياة .. على البقاء "

مشهد غروب 

" أوعدك أنى ها رجع من جديد

أوعدك .. مش ها أسيبك تحضني الأشواق كتير "

...

قولهم 

إن الزهور ..

قادرة حقيقي ع الغنا رغم الخريف 

وان الخريف ..رمز الشجن .. 

قادر يضيف على جَنَتَكَ .. لون احتضار 

و باختصار

ورق الشجر .. اصفر خريفي 

والسنابل .. اصفر حياه 

و عينيكي أنتي 

شماعات الحلم .. في دولاب الوجود 

قادرة تحافظ ع الفرح

ترتر ب يلمع

على بطن فستان الزفاف

و أنا قلبي يرويه الجفاف .. 

والبعد.. يَّمْ

يسقى تفاحة اللقا 

علشان نسيب الأرض عذرا

للكواكب والنجوم

تفاصيل بسيطة

لأنك لست هنا.. يصبح الوضع أغرب مما تظن.

Notes 7 "كل ما انسى .. تفكرني الحاجات"

نص: إسراء مقيدم
هندسة صوتية: عمرو شاهين
أداء: زينب فرحات
------------------------
عصافير جنة
عارف؟..الحياة كانت هتبقى ألطف بكتير لو كنا مراكب ورق,لو كنا بالخفة اننا نبوش مع أول لحظة حلوة تعدي علينا ونتحول لفرافيت 
ورق تتلاشى تماماً في صدق التجربة..مين اللي قال إن التلاشي وحش؟ التلاشي في الملح الخفيف أحسن من دوامات التجارب اللي بتسحبنا وبتخلينا نسحب معانا ناس كتير قوي للقاع,أنا بقيت بالخفة اللي تخليني ما ابصش ورايا,مابحاولش أتعلق بحاجة ولا بحد….عارف ميزة إن يبقى عندك ذاكرة مثقوبة وماتحاولش ترممها؟مابقيتش أتمسك بالحواديت اللي بتعدي عليا,بقيت بجمعهم كلهم وأول كل  تجربة جديدة أطيرهم زي ماكنت بطير الحمام 

 ومتهيألي المشاهد الجاية من عمري كلها هتكون في خفة حبات الدقيق الصغيرة لما بتعدي من فتحات الغربال وتنزل على السطح الرخام الأبيض..

أقولك على حاجة حلوة؟ تيجي نقطع كل ذكرياتنا ونطيرهم عصافير الجنة؟


كتاتونيا محمد عبد الله حموده

Osama - VO

Recent comments

نسمات الفؤاد

Related tracks