الطحان

أحمد الطحان

El-tahan

الطحان ^^

00:00

أحمد الطحان

مرمغت وشي ف التراب
و سبته تحت
و رفعت إيدي
_دا مش ابتهال_
دا الوضع اللي عايزينا عليه
ف عصر الاحتلال 
برفع إيديا للسما
و عينيا تحت
ياللي رسمت الملحمة
انهي الجدال
اثبت وجودك
فوق وشوش كل العيال
شيل التراب
و اعلن .. مثقال ذرة من وجود
.. مثقال
..
_حبيبتي من ضفايرها
طل الرصاص
و بين شفايفها
دم البنات
ضحكتها عهر
ف عيون الغفر
و حنانها ف الزنازين
حبس احتياط
حبيبتي بتعلمني
إني أنحني
من حبي فيها
حياتي كفر و هروب
و الحب ف الدنيادي
زاد الطغاه
لولاه مكانش الخزي عشش قلوب
يا توهة يا بلدنا .. من غير دليل
ف حبك انتي سكنا ليل ف شقوق
لو الزمن ليل .. يزورنا القتيل
نظرة عينيه تقتلنا شوق
للضلمة قلب كبير بينشع سواد
و عجز و إهانة و كفر و غليل
الموت و الاستشهاد عشانها حياد
و صمت دايم ف ضحكة التماثيل

***

أنا مش هناك 
بس إنتي بردوا مش هنا 
معنى الهزيمة بيختلف من وسطنا 
مش بلزمك
كل التجارب و الظروف و عقلي المريض .. هزموني
فلقيتني من غير قصد 
_و الله من غير قصد_
بهزمك 

***

"و أنا بلف أدور على ضحكتك ف وشوش الخلق
جعت                                                     
وقفت عند أول محل فول
و كلت
شوف يا أخي القذارة
رغم كل الحزن دا
لسا الغريزة بتنتصر ل روحها
ف ناكل
و ننام
و نقابل بنت حلوة ف نبتسم
و ننساك
رغم كل الحزن دا
بنكمل"                           
"فدا مين يا فوزي حبستك ف أوضة ضلمة
و أمك بتبكي تحن للضمة
كسيرة القلب
فدا دولة حاكمينها ولاد الكلب
فدا شعب
بيعرص بطبعه لأي حاكم مهما كانت ملته
فدا عواجيز على القهوة 
رغم إنها مش لاقية سرير ف المستشفى
بتدعي للحكومة و ل وزير الصحة
أحا
ما تنطق
قدا مين يلا
فدا ستات بيوت محيلتهمش غير الولولة
و العياط
و الفرجة على عهر لميس الحديدي و أماني الخياط
فدا دولة الظباط
فدا مستقبل ف عين عيال ف وشها الإحباط
و على ضهرها شنط المدرسة
كتب تقيلة بجهلها و كراسات
فدا مين يا فوزي
الشعب لما مش هيلاقي ياكل
هيبقى يخرج
يرموله كام لقمة .. ف يرجع        
و عمر العساكر الثكنات

***

أحمد النجّار

مين من دولا ، و مين من دولا ..
مين من دولا ، ومين من دول ..
لبِّس كل الشعب طاقية ..
لبِّس كل الناس أفارول ..
مين من دولا ، و مين من دول ..

أحمد الطحان 

ركّع كل الشعب ف قصرك 
شرّع شرّح قسّم مصرك
عكسر عصرك - عصرك عسكر
تصلب فوق بنادقها رسول
مين من دولا ، و مين من دول 

مزيج الشارع - أحمد الطحان ، أحمد النجار

الشاعر أحمد النجار و أحمد الطحان .. مونولوج.MP3

‫الشاعر احمد الطحان ـ قصيدة اللولب‬.MP3

أحمد الطحان - يوسف

سرحت عشان أعرف أعيش

وبحب البنت اللي تعافر   #أحمد الطحان

الربوه .. حته كدا مش متسفلته .. عالية عن الباقيين ... زيك
ناقصها بس جسمك المصبوب.. وقلبك اللى يدوب .. وعنين.

لو كنت انت الخسران .. فـ أكيد دا حظ عوالم
كل الاجوان ملعوبه لو دخلت فـ التانين 

وانا كل ما اقول التوبة .. يكعبلنى الحنين .. ♥♪♫

أحمد الطحان |  حظ عوالم

سيب لي حاجة مشرفة _ أحمد الطحان  Leave me something honorable _ Ahmed Eltahan

و مش مضطر _أحمد الطحان  I'm not compelled _ Ahmed Eltahan

أحمد الطحان - محتاج تراجع قراراتك

user14452408 - زينب

زينب

user14452408 - خشية إملاق و أذية

خشية إملاق و أذية

user14452408 - أنا بس شاعر خول

أنا بس شاعر خول

user14452408 - مايكونش دا هو العما

مايكونش دا هو العما

user14452408 - شرمطة المشاعر

شرمطة المشاعر

المتأكدين - مصطفى ابراهيم

أحمد الطحان | يوسف

أحمد الطحان | مش دا العشم

أحمد الطحان | محاوله خايبه

أحمد الطحان | مايكنش ده هو العما

أحمد الطحان | ماتجيليش شارب

أحمد الطحان | قول انا بسمعك

أحمد الطحان | الدقه مطلوبه

أحمد الطحان | الحساب الناس بتقفل

أحمد الطحان | الا ان احنا انتصرنا

user14452408 - ممكن تشوفه

أحمد الطحان | ممكن تشوفه

user14452408 - ف أي مكان

أحمد الطحان | في أي مكان

مزيج بين الأمل و الصبر
حاجة ما بين السواقة و بين ركوب القطر
بين المعافرة و التسليم
خلطة مابين امال بكرة علي اماني عودة امبارح
علي محاولات انك تعدي من النهاردة سليم
حاجة بتخليهم يقوموا كل يوم الصبح يقاوحوا في الدنيا لمدة يوم كمان 
ويقولوا يمكن النهاردة الدنيا تملحنا
الناس دي هما احنا
في فيلم طويل
أبطاله كلهم كومبارس

..

مصطفى ابراهيم - الناس اللي أيامها بتشبه بعضها - فيلم أخضر يابس

Ahmed Eltahan - أعمل إيه

أحمد الطحان _ أعمل ايه

Ahmed Eltahan - إلا إن إحنا انتصرنا

أحمد الطحان _ إلا إن إحنا انتصرنا

Ahmed Eltahan - المأساه الشيك

أحمد الطحان _ المأساه الشيك

Ahmed Eltahan - بتبصي على حاجة ؟

أحمد الطحان _ بتبصي على حاجة ؟

Ahmed Eltahan - فيه يوم قيامة ما بينا

أحمد الطحان _ فيه يوم قيامة ما بينا

Ahmed Eltahan - نسيوها

أحمد الطحان _ نسيوها

Ahmed Eltahan - هيتنسي الصبح

أحمد الطحان _ هيتنسي الصبح

ف الأيام الصعبة ونا شحط
بفتكر الأيام الصعبة ونا عيّل
و بقول عديتهم و انت قليّل
مش هتعديهم دلوقت؟
و لو الأيام غير الأيام..
و الدنيا غير الدنيا..
انتا كمان دلوقتي زمانك واحد تاني..
او واحد تالت
انا بكبر..
و العالم بيقول لي أكبر ونا ساكت
بيقول لي كل ده عادي
و ان انا بكبر ف معادي
و مفيش شيء يستدعي الأزمة
و الحزن الفاضي ملوش لازمة
و بص لغيرك..
حطّيت نفسي ف جزمة غيري
بس لقيتني ف نفس الجزمة
و لقيتني بنفس القلب
و لقيت العالم كله بيجري حواليا من نفس الكلب
و لقيتني ف بحر الخايفين
تايه و وحيد
مش لاحق اراجع مع نفسي انا مين
خايف من بكره و خايف أتغيّر
.....
انا الزبون الدائم للمطاعم اللي بيسهروا لمتأخر
صديق كلاب المنطقة من غير أسامي
شهواني و ملول 
و عدو الناس اللي بتتكلم علطول
تلميذ خيبات الأمل المتتالية
و من أنصار الباب المقفول
بعرف اقول معرفش
و بعرف اقول شكراً
و بعرف اقول للشعب العامل دُمتُم ذخراً
و بقول للشعب العطلان معلش..
انا حاسس بيك
بتمنى الدنيا تدّيني و تدّيك
بتمنى الدنيا تفهمنا واحد واحد
أو تستنانا لحد ما أحزاننا تفارقنا
بحلم زيّٙك أعيش مرتاح..
و أعيش إنسان
و بحلم يوم ما نلاقي طريقنا
تفضل حاجة ما بيننا
إحنا كمان
مش للبيع..
ولا للنسيان

انا بكبر - مصطفى إبراهيم

أحمد الطحان | قول انا بسمعك

زرياب