على الحفه

Osloub

hip hop & rap

hib hob arabi

Dub arabo

Trackss

غناء: ندى الشاذلي
كلمات، ألحان، توزيع، انتاج: الراس
الرصاص الحي: مقاتلو طرابلس

أغمد سيوفك ما بهذه الأرض حق
أغمض عيونك عن عيونك واستفق
كل هذا الشعر في الأصل لثام
صلب ألباب العرب، لا يلين لا يرق

استرح من ضباب لا تنتهي فصوله
من ذباب جائع من حلم مأكوله

مقل مدورة في جيف مسمرة
بين جحيم مفتوح وجنة مسورة

لاحقين بقيصر وصاحبي لم يبك
تعودنا الميسر
عظامنا أطلالنا فحتمنا أن تكسر
العظام من بنياننا، أن نخسر
فألنا في شامنا، يميننا في ميسرة
أفعالنا مصفرة، في اليد صرت خنصراً
فكن نصف نبي في غاره تدثرا
وما سرى في فتحه منتصرا

سيوفي غيث تغمده الغمام
عيوني اثنان يمان وشام
سمعت شمالي الآن استقبل يميني
سأزرع الغار من ورود النار
وأخلع الدثار فالشوك يقيني
والشك يقيني من حبري الكرّار
يذود عن زرعي بباب الغار أسدُ
وترسم الخيال خيول الشعر تعدو
وتحمل المياه طيور الشوق تشدو
شوقي لله كسر، جبريل ما جبر
مع العسر يسر في قلب من صبر
عصر الصحراء هذا، طوفان رمال

خذ من الصحراء شيئاً من همم
كن صرخة الصوفي في وجه العدم
جدد على شكل الصبابة عهدنا لله، أو بالله
لله در العقل ما أغناه، ما أهناه غير الآه
رباه هذا الفتى اضناه بين القاف والهاء اقتتال
لا قابيل، لا هابيل عبادتي الإقبال
قرباني الأفكار، مسقية بقبلة القلوب في الأذكار
إنكار لخدعة الدستار،
 طوبى عراة الرأس فالدستور
أن تعتنق أقوالنا الهوى، ويقتنع هوانا
برقصة السؤال في الأقوال
لا أقسم بمواقع النجوم
إن ترسم الدوائر حول قبلة تدور
تصير،
سلالم الجينات حمضاً في النواة
يذوب المعارض، ثائرٌ يحوله
فلا تقل تشوه بل سمه اختبارا
بالحب يتفوه
فإن غدا بقاؤه احتمالا
في الغاب جال
دون أن يموت،
دون أن يضيع في زرقة الفيروز، وحمرة الياقوت
صار للعقول والقلوب قوت
موسعاً مساحة الناسوت

ندى الشاذلي والراس - أثر نواة

عبالي تف عالايقاع نص طالع من المعدة
خايف المايك يدوب الكهربا بالراس بتعدي
عهدي عنفسي قول لاشباح الموت ابتعدي
متل كتاب الموتى الكلمات بتعيش بعدي
خط لكمة، بكل كلمة لكنة طعمة
متل المصلوب ما كل كلي من بعضي
نعمة، بس مش ضابط بدرعا
أنا ظفر طفل صار لتجار الثورة مرعى
بدل ما تخاف عالرب بقلب الجوامع
خاف عالرب بقلب طفل مكسور جفنه دامع
سامع؟
بدل الثورة بعمل مية
هي مش لائحة طعام وانت بتنقي القضية
طرابلس والقاهرة، تونس عمان بيروت
رقصنا أنبياء يونس ببطن الحوت
قريش هون بس بطلنا ايلاف
لك الراس مش راس الراس رؤوس بالآلاف
تصالحوا الملائكة تحرروا الاكتاف
أكداس أهداف أنا بالبيت مش ضيف
لا أكياس رمل ولا موسم اصطياف
زهر زجاجي عم ينبت عالبترول
فتحسس بالربيع وقع منخار أبو الهول
عراس مثقفين متحف شيخ ابو المول
وجع الراس ببلاد البانادول
بدل ما تخبطه عالحيط
بتخبطه عالwall

أنا الراس من جسمي
وعم خاطب راسك فيك
على ايقاع قلبك لأنه الراس ما بيكفيك
انتاج ضو برقص
خلايا الدماغ بالرأس
فأس تقطع ايد اللي بتمتد لتطفيك
الحرية روح العصر بس الروح صنعة
فالحرية والتعب متل الروح والدمعة
غرقنا بسواد فكرنا النعي وعي
صار الفعل بالكلام لما الكلام صار لعي
دعي الواتساب من يديك وتعي معي
مش عالروف، أنا بطريق مش خروف
بدنا نرجع عالبداية مش بس النقط 
الحروف بدنا نعيد رسمها
للحروف أرواح فما بنوقف عند جسمها
كونها قصة قديمة من الهند أصلها
فما تفكر قصدي راب أنا بدي شوف الرب
بالحرف مش بالحرب
لأنه الفاء التفت، روضت الأنا فالنقطة خفت وفت
ارتفعت لفوق بس الحجاج ما بيعرف
عمكثف بالمراجع حتى بالبحث تغرف
ما بتغرب شمس الحق حتى شم الحبر تشرق
مرن الذاكرة حتى الكلمة تفرق تخرق جدار الواقع
تسرق كمشة من الممكن وعالحدود تهريب تمرق
إذا بنترك المساحة لأصناف إسلاميين
غير باسراء جماعي ما بنشوفها فلسطين
فرق بين اللطم والتلطيم، بين الحكم والحكيم
تفصيل رجيم
متل النبي الثوري طه بتدرج بالأيات
أنا لست المتنبي، أنا شوي بموت حتى تعبي حياة
نصوصي من بعدي ائمة أهل البيت
لنبات بأمان، بيت لكل المظلومين، مش ضيوف المخطوفين
ثورتنا بالسماع بوطن مكفوفين
بس في راس كيميائي مضروب ترامادول
بيتلخص نهجه الفكري بمشاهدة the wall
الpink floyd بس الفيسبوك أزرق
بيضل حلمك جوا ملحك جوا إذا ما بتعرق

الراس و مونما - جدران المعدة

Music by Munma
Mastering by C-drík 

عم يقولوا الناس عنّا إننا بنعمل غير الناس
وإنه الناس بتحكي عاطل لما بتسأل عنا الناس
وإنه عيون الناس علينا برتبطنا من ايدينا
وإنه الحرية بالأكل، الهوية والشكل بيكونوا عذوق الناس

طب مين هالناس؟ بركي بدهم تطبيب بالأساس؟
بيعطيك إحساس إنه ملائكة وخنّاس
إنه انت شقفة فحم بين حقول ألماس، تيس
مين الناس؟ مصلي الصف الأول؟
حج عند مرته بس مع صاحبته بيتحول
سماهم في قلوبهم، بيسكر بزبيبته
الجبية حبيبته
ما حدا بتطول لحيته بسبب فائض طيبته

مين الناس؟ هيدي البياعة السراقة؟
برج مراقبة تقول التجارة غطاءها
"هذا من فضل ربي" مترين عالمدخل، بس لسانها ما بتضبه
هوّا عمنقل
إذا شوي دمها بيتقل، جرحها بيلزق
بضاعتها فاسدة، قد ما بترغي عليها بتبزٌّق

كرمال عيون مين بدك تحبس بنتك اختك؟
كرمال عيون مين بدك تتركي المطارح؟
كرمال عيون مين بدك تخاطري بصحتك؟
كرمال عيون مين بدك تتخبى بمبارح؟
هيدي مدن أو مسارح؟
شاشة بيضا بس بالكواليس مذابح
عنّا، لو المسيح قال من كان منكم بلا خطيئة فليرجمها
كنّا صلبنا المسيح وهتفنا: انتم كفارة ذنبونا فلن نرحمها
شلحت حجابها خففت تيابها وما كتبت كتابها هربوا العرسان عن بابها
حشوة سم بقلب ورق عريش، نوع حرص غريب
سكاكين بمخدة ريش
بنعتل همها وبطريقنا بنحكي عنها
بننشح عرضها بالحديث، ملا شرف خبيث

عم يحكوا عليك الناس من الجنّة والناس
خلي براسك هالوسواس، سكر برادي الشباك
قطش ايديك بايديك حتى تتسلم الكاس

*2

إذا الأمهات ترباية حريم سلطان
رح يطلع فرويد غلطان واوديب فلتان
عهبل صبحيات مدامات لبنان
إبن ناس ابن عيلة أهله جماعة أكابر
بيسوق رينج روفر وبيه مأجر بلدوزر تيرفع صورة زعيم
إيه لأ والنعم، داعسين عالفهم، توريت للجهل
بس شو معلم "من شابه أباه ما ظلم" !
اللي خايف اذا جديدة الحالة بيخاف من حاله
شايف عين لاحقته وما بتتركه بحاله
بارانويا، بارانويا، غطي وجهك بويا
إذا كان الخيط بالإصبع فالمخ يو يو
مجتمع نميمة مطبخ أفكاره فاضي فعلحم جاره الحي عم يعمل وليمة عزيمة
وبيرجع بيحكيك عن هيدي الأمة العظيمة
قال شرف البنت متل عود الكبريت
بس شرف الشب قداحة
شرف معبأ غاز، رجولة مساحة
متل اللي باع حمص وبده يجاهد بالقرداحة
ففضي الساحة، تتسبح الإباحة
ببركة التكرار ياللي حتى الحمار بيعرف ياخد منه راحة
إقتصاد رعوي، اغتصاب فموي
فكر مخنوق بيعمل التهاب رئوي بصدر القعدة
حط واقي فكري لسانك مرض معدي

الراس و مونما - بشرفك

El Rass & Munma - Take it from Jamaleddin's hand.
Mastering by C-drík
قال قاتل الشاه ناصر الدين عندما طعنه: خذها من يد جمال الدين (الأفغاني)

طال الحصار، طروادة بمئة حصان
تخريب إسلام، تهريج من دون ألوان، أسود
نملة شرك عحجرة كعبة مدنسة
فرس وترك عدين أمة مهمشة
إسلام سياسي نتيجة فكر مستشرق
الروح تارك بهم الجسم مستغرق
فرق تسد، خوف وحسد
رعب وجسد، منطق MTVات
فلسفية أقليات:
اعط السنة مظلومية يحسوا حالن أقلية
وهني بين المسلمين أكثر من 60 بالمية
غير بالتشيع الشخصية المركزية
من حكمة ابو الحسن للبطولة الحسينية
الأعمال بالنية، يعني الغاية لا تبرر
وإذا كان الجيش حر مش يعني الوطن تحرر
أنا الشك متل توما
فالحبر (بفتح الحاء) ما بيعترف فيني
بين داريا ودوما بين الحبر (بكسر الحاء) والسكينة
كينا بسهل حوران، من غرفتي بسرح
عبالي قول للبعض إنه القلم بايده بيجرح
عفن عاللسان من كتر الجبن وضعف الايمان
وهن، بإدراك علاقة الحراك بالزمن
رافض تقليد مجتمعه، بس لافف عمخه كفن
بتقاليد مجتمع تاني اندفن
فصار مجرد فئة
طلاع من  راسي بقا


الشاب تعب ما فيه يحمل قضيتين
بده نص القلب بحلب ونص التاني بفلسطين
طريق غلط مختصر، تشقق شبكية شوه البصر
جزأ المعادن من صخر لحصى
لما سيل قوله انحصر بحنجرته عصيت عصا
بتذكره بشكل عقمه بعد ما انخصى
رصا..الطلقة سبقت الصاد بصمته
مرخية همته بيحلف بأمته ما بيخاطر بذمته
عمتم مساءا:
صباحا جايي التحرير، بس عآخر لحظة اجت مؤامرة بحجة التغيير
فاضطرينا للتأجيل
حبل الكذب قصير، عفواً قصير
الشاب يطالب يكون للثورة تفسير
شوف ثورة الصليب خلت وراها كام انجيل
القضية واحدة: كيف شايفن قضيتين إذا كانت الوحدة نية؟
الشاب اشترى كوفية، فكره يطلعله صك غفران هدية
لما اختلطت الألوان صارت الحطة مجرد لفحة رمادية
خطة رد الحطة بتستلزم أعيد ربطها، ازرعها حنطة
من غزة لعكار، من بنت جبيل لعكا 
من العقبة للرقة
تلقى تلقح، شكلك بارد ومتلفح بوجه مسطح
زهر آكل لحوم وعالربيع فتّح
يا بتتسلح وبتصوم رمضان شلّح
يا بتتشلح بالمقلوب: تمر بلّح
في جرح عم يتملّح لمطابخ بابل صرّخ 
دور عمالمحورين في مليون خيار بيفرّخ


الراس و مونما - خذها من يد جمال الدين

ولما قسا قلبي وضاقت مذاهبي رفعت رجائي نحو عفوك سلّماً

كلّ يوم عاشوراء، كل أرض كربلاء، كل مظلوم حسين، كل ظلّام يزيد
في كلنا كل ذلك فقل لي كيف ينصر المظلوم دون أن يكون في جلد الجلاد هالك؟
لدرب الظلّام سالك؟
هل تظن أنّ منا من للحق مالك؟
تمالك نفسك!
الوسط في اللغة قمة الجبل، النصر بالسواد دنس بلا حبل
موقف بلا عمل، ثورة على عجل
خشب مصفق لأقدام ممثل 
أنت المسروق وأنت المحصل
أنت المشنوق وأنت المتأصل في حبكة الحبال
مع أنها أمانة لم تحملها الجبال
عقال ما دونه عقول، حضيض ما دونه دون
عبيد متعادون، خلف طغاة...متعادلون
كلّهم بادون، كلّهم أظلم
العين والسن لا يخسرهما من يحكم
ما الأحكم؟ بالرأي الكتمان أم ينطقني الظلمان؟
بل مظالم بأعداد العباد، كالطريق للإله
ترى ما كان جرى لو الحسين انتصر؟
هل كان صاغ المجزرة؟
كل مظلوم محق حتى تشاد المقبرة

سيد الكونين اقعد وشوف حسين
على الثرى مظروح يبكي ويدير العين

الراس - في حضرة الحسين

فرقة جين - ياولدي * Gene - Ya waladi

على الحفة مشروع رواية موسيقية انتاج اسلوب بلاشتراك مع 
تهاني نصار (الراوية/مريم)
عبد الجبار خمسة (ابراهيم)
مقدسي (ابو داوود)
ساطي (الشيخ)
اد عباس (المخبر)
ابراهيم غنيم (رابر الحارة)
شكس العلي (الجار المزعج ) 
جزار(محمود) 
فرقة قمح (زبون ابراهيم )1
الشاعر عبد الرحمن جاسم (وسام السلفي )
شاهد عيان (ابو ابراهيم)
مولتوف (احمد)
جعفر الطفار (تاجر الحشيش )
رامي سباعي (الشاب السوري)
اسلوب (زبون ابراهيم 2) و من سكان المنطقة 
موسيقي /ميكس : اسلوب 
فلوت:نيسم جلل 
جيتار/باص: زياد صادر /اسلوب 
درامز في المشهد العاشر حسين قمح 
كيبورد :لؤي احمد في 2 .10 .17
رسم وتصميم الغلاف :زياد صادر 
شكر خاص الى افاق على دعم المشروع و (ابو غابي.حسام نيهوم .عيسى المقداد .عبد الرحمن جاسم .تهاني نصار .احمد فهيم .محاسن المصري .عايشه سلعوس .روز نكد .علاء العلي .مولتوف.عبد الجبار .جاستين دي غونزاغ.زياد صادر  )

المشهد الاول

المشهد الخامس (االشيخ)

المشهد الثالث (ابراهيم في الشارع )

المشهد 17 (زبون ابراهيم بلانتظار 2 مع ابو غابي )

المشهد الرابع (ابو داوود)

المشهد الاخير (مريم....الراوية)

المشهد السابع (رابر الحارة)

المشهد الثاني (ابراهيم في البيت )

و الله ما طلعت شمس و لا غربت إلا و حبك مقرون بأنفاسي و لا جلست إلى قوم أحدثهم إلا و أنت حديثي بين جلاسي
شعر :الحلاج
انتاج :اسلوب
غناء :ابو غابي
فلوت :نيسم جلال 
باص :زياد صادر 
عود :مهند نصر
جيتار:رائد الخازن 
درامز :حسين قمح 

تصوير:عروة درويش 

lawlak

اسلوب و ابو غابي - لولاك  Osloob feat Abo Gabi  - LAWLAK

زواج مدني

إنتاج : أسلوب
فلوت :نيسم جلال
باص : زياد صادر
إيقاع : حسين قمح

الكلمات:

"تحت رحمة مدفعية".
أسد وحش غابة ما لازم يحكم بالبشر
بيسوى تشوي لحمو إذا انقطع لحم البقر
ثورة بلا سلاح قلي كيف بدا تنتصر؟؟
طالب الحرية  بقلم يسندو فلاح 
مرا حجابا من كوفية صدريتا جعبي
ولد يعطي إحداثية و الجهاز بإيدو لعبي
قائد الميدان ما بيفكر بالسُلطة 
و المصاري حق سلاح جمّعتا الناس 
هيك كان لازم إنو تكون بالأساس
بس الدعم إجا من اللي باعوا الأرض كُلا 
إبن الهاشمية ,سعود,تركي بن عبدالله
من اللي غرّقو بالدَين ل صدام
شريكو الشمّت فيه ع حبل الإعدام 
من إسلام بلاد الشام بندر بن تيمية
و صواريخ صارت تنزل عشوائية 
و دبح عالهوية
و قائد الميدان ضاع ب زواريب قصر تاني
و التفجير سيارات عالبشر فلتاني 

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

مصر كانت بعدا عم بتجرب مرسي 
و البحرين ملك الله ما شالو عن كرسي
فتحلي دفتر سايكس- بيكو ل نعيد التقسيم
ما القصير بدا تصير مطار بهالقرب
حولا عدرا قارة وادي النصارى و النبك 
قطاع الدرب من العريضة عالغوطة الشرقية 
ما الخلاف عالخلافة بعدو بأرضو 
و بقي الشعب وحدو تحت رحمة مدفعية.

*رجعنا ل يوم الكانت فلتاني 
سوريا بعد الحُكم العثماني 
قالوا تجريبي ل حرب تاني 
و درب الجليل بتمرق من هونا

تحت رحمة مدفعية

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

 اللي بيقلك أنه حاسس فيك كاذب
لا تقلي المين اسف
أنا حارق مية شارب
بيغنّوا لمية لاجئ
حناجرهن اسفنج عازل
المهم فيوز اليوتوب ما بهم مين بعازه
ليك دمشق دانها ساده 
لغير ولادها ما بتسمع
هاد ليس تراك موسيقي هاد طلب عفو من الوالده
يوم سمّوا رحمها ساروجه و الولاده
كانت نحنا عيفوا الميديا من ايدكن لنغفا
قرفنا
ان كنت ابن لجوء بعز البرد ناطر تدفى
صدقني ما لح يكون همك يروح أو يبقى
حنون جامعة الدّول خايف علينا نغرق
جايين بنص الجمعه نوقف عالطاوله و نخرا
مين أنته عفواً ؟ .. و مين اللي حط جرحي 
بكل دعايه و نشره .. تكرار سيناريو جفرا
حكاية بلدي مانها موضه تعاطفك خلّيلك
لو كانت دمشق بتمشي كانت اجت تخلع نيعك

كل ما بغفى عالقاعد ببقى عكرسي بتكسي
و أمي جنبي بتطبطب عكتفي تقلي 
أمّي : " قوم وصلنا " .. فتّح عيوني 
ضمّ شارعنا لصدري حس حيطانه عخدودي

ليك نحنا بس الشّهدا إن متنا عالستيج
بنص الليل عتمه فايق بتلمّس حيطان البيت
تصحّيني أمي تقلّي لبيس عالسّاكت لا تقلّي ليش
عصحرا بيضا مافي حرب فيها لا تقلي وين
و دعت بلكونتنا و بإيدي مخدّه
لابس أسود أرمل بعدّه أربعين يوم بلحيه
بقلها : " تتجوّزيني ؟ " بتقلي : " لسّاك صغير
"العرب مالهن بالعاده يحبّوا الأرض عبكّير
" قلتلها : " العرب كذبه بان النّجس يوم النكبه
من طول عمري عيوني بأرضك ما بتطلّع فوق القبّه
زرعت فيكي شتله بتسقيها دم بتخونيني
متل ما عطابور ختان الجواز تركتيني
تحت بلكونها و اهلها بالبيت عم يتناتفوا
دمشق اطلعي اتغمّيلي تركيهن يتساوموا
طلعتلي الكحل عخدودا عم تبكي
قالتلي ليك .. بس ترجع .. منحكي

https://www.facebook.com/QuziackAbuKolthoumRassulBaniOmayyah

بو كلثوم - قوم وصلنا - إنتاج بو كلثوم - Bu Kolthoum " Oum Wselna " Prod.by Bu Kolthoum

بعتذر فيروز بس رح ضلني شوفك كافر
بخلط سياسة و فن بعكس الوسوف و ماهر
انا بالغ قادر على الانتقاء , اي تطرف هو بعد جديد عن اي نقطة التقاء .
عدوي نفسو بس طبيعي يزيد على عدزي عدو ...
طالما علقانين بساحة بدينا و بدو ...
بعدين قلي كيف .. كيف انا الخارج عن المألوف ...شو منعتبر المواطن الطبيعي يكون مخلوف ...
يللي ...
سرق و باع ارضي يللي دنسا و قدستها ...
طلع نفس الجحش القاصف غزة عم يضرب حرستا ...
عيب يا حمار مو العيب سبك فيك العيب ...
لما كنت احضر بقوش انت كنت عم تحضر دريد ...
بقللو راحت الأرض يا تيس ...بقللي فداك ..... لو الثورة شيطان كنت بتلاقيني مرجوم منتاك ....
عم واجه الصراحة بالوقاحة , متل لما بتقارن بين لتلتة و اوباما بصير دراما ..
فصرت عم عض عالضرس ...فلتت البلد عد كم عرص ..سحب لون وشي بس تعودت عالأرص ....

انا سوري هاد ما بيعني اني قابل للاتلاف
بالعكس مرن كالبفلات ...
زتني بشارع قلي فلات ....
انا سوري هاد ما بيعني اني قابل للاتلاف ..
ولا تزال السردة ة لا ازال انا معها ..

ما عم سب لا فنان و لا فن .. و لا سياسي ولا كلب ...ماني مأذي بس حظي مخفي كالنرد ...
عاشرت قوم جبت قوم انا حربوء بدي مين يهديني ... آدمي عشوائي عشوي رح ينادولي المهدي بديني ..
بهذي بتحياتي فالسلام عاللاحق الهدى ....
رجل دين بيحكي الهبلة منكرها هبل ...
هبت ريح أكلت هوا أخدت حبة و طلعت اتظاهر ...
"تريب غير شكل ..لتسرد خود شي دوا "
مطول اضافيري مشان مكش مشاكل تحتا فركود ..
البقر عاليمين ليش رايح تحلب بالتور ..
ذكور الموت بيجيك راكب عالتابوت ..
كيف بتخبي راسك تحت الحرام و الراس كاشف المحجوب .
خط الكاسة بالمقلوب ..نادي ويجا بيطلع ضابط ....
بالبلد المضروب بيناتنا هو بيطلع ضارب ...
و حل اذا بتحل المي السخنة كتا بتبرد ..
بين النصرة و النصرة رح ضل كل حياني اسرد ....

انا سوري هاد ما بيعني اني قابل للاتلاف
بالعكس مرن كالبفلات ...
زتني بشارع قلي فلات ....
انا سوري هاد ما بيعني اني قابل للاتلاف ..
ولا تزال السردة ة لا ازال انا معها ..

تالف

موسيقى رواية سمر 2014
soon 
© Copyright.2014 |Amr Fekry . Please Don't use this sound on websites, blogs or other media without my explicit permission.

The First : ٍsamar - رواية سمر

رواية " سبعة ارواح " لمحمد عبد الكريم 
 موسيقي وليد الشرقاوي 
تصميم الغلاف : احمد مراد 
الناشر : يوسف ناصف  دار المصري للنشر 
مراجعة لغوية : محمد عبد الله الشيخ 
 شكر خاص  لدكتورة مها وصفي 

سبعة ارواح _ رواية لمحمد عبد الكريم

موسيقى رواية يوسف يا مريم ليامي أحمد 
تأليف: أحمد خورشيد

Novel Track for Yami Ahmed's Youssef Ya mariam
Composed by : Ahmed Khorshid

سنجلس أحرارًا على رصيف شارعِ، في مفاصل بلادي، أسرق لك وردةً حمراء من حديقة الجار، لن يمانع .. أعرف ذلك، قال لي مرة " جمال الورد هذا كلُّه صدقةٌ جاريةٌ على روح زوجتي" ..
يتجرأ الحمام و يجلس بالقرب منا يلتقط الحب، ..
أقول : " أريد أطفالًا بعدد هذا الحمام "، تضحكين وتُسَّمي كلُّ حمامةِ كأنّها ابنتك، كأنّها ابنك ..
حبيبتي... غنِّ !
دقائقٌ من الخجل ثم سرعان ما يطرُبُني صوتُك، أرقص التانجو مع صوتك الأرجنتينيّ، و ينتهي الحلمُ بيديك تطوِّقان ذارعيَّ وقِبلةٌ وتصفيقٌ حار..
"من أين جاء كلُّ هذا الجمع!" تقولين لي بهمس...
أقول : " أبناؤك يُفشونَ سرَّ الحب... ، هذا الحمام رسول الحب"...



يوسف يا مريم -  Youssef Ya Mariam

هذه ليست موسيقى بمعنى الكلمه هذه الاصوات المصاحبة للاحداث و التى يسمعها احيانا بطل الرواية  ,
رواية الكمانجة تأليف مصطفى حمزاوى " ابن عجب " لمشاهدة الاجزاء 
المتاحة حتى الان
http://ebn3agb.blogspot.com/search/label/%D8%B1%D9%88%D8%A7%D9%8A%D8%A9


موسيقى الكمانجة - Music novel " violin "

Barton Hollow

Poison & Wine

Music by Munma.
From the upcoming album of El Rass "Kachf el Mahjoub" to be released in february 2012.
موسيقى مونما
من البوم الرأس "كشف المحجوب" الذي يصدر في شباط 2012
مبارح شفت بلمنام بيروت عمتغرق تحت رماد بركان
فحموا الناس بس ال"سكاي بار" كان بعده ولعان
بيروت ثبتت حبة الثورة اللي فينا نبتت
لما أحبطت نفوسنا من الجمود
فينا بيروت تحركت
عدمّ دمارنا وعدم حرية خيارنا
بيوت بيروت تعمّرت
سكرنا عجفاف دموعنا جفوننا عليها تسكرت فتخمرت
إذا بطلت تطير قدرك علأرض مقهور
إذا وقفت تكسير بتصير جزء من الديكور
بحاور بناور بالآخر بواجه التاج
بتوضى بصلي بتوصلني أصوات أنّات المحتاج
تأمل العلم بعرّي العمل من العمل
خياري عنار خفيفة دوب المسمار وتستوي الأفكار النظيفة
عمّروا دمروا زمروا تذمروا
ربك صبره دربه جربه
عقلن خربوا غربوا هربوا
وقبلوا بالفن عحيط الشارع
عشرط ما يكون في شك بشارع
هيدي مش عاصمة ثقافة هيدي حلبة المصارع
بيروت لا تعرف في الماضي ولا تعرب بالمضارع
تحول التركيبة خلى العقل الجامد فكّر حاله مالك المدينة
رقبته طويلة متل مالك الحزين وايده لوزيري
اعتبر نفسه أول مين اكتشف هلجزيرة
بأجر الفقير شقق بأسعار مدروسة
بشكل تضل طموحاته ممعوسة
نهبوا الأرض من ربعي وصارت الحرب شركة استثمار بمفعول رجعي
تحت شعار إعادة الإعمار
لو ما كان خلص دوره وانتهى عقد الايجار
كان الحريري ما طار وما صار مطار الحريري
عاصمة لبنان بتوازن بين ضريحين
واتنيناتن عاغتيالن في علامة استفهام
واحد قدّس الموت بس لسبب
واحد قدّس الحياة بس بالكذب
واحد بايدو تحّول الدهب سمّ
وواحد تخبّى من الدهب بالدم
مين الشهيد؟
اللي مات تحت صبابيط ثورة عبيد شهيد؟
اللي مات فتحول على حملة اعلانات هدفها ترفع الطايفة معدلات التجنيد؟
قنابل بالبريد وصل
سيوف علوريد حصل
الموت للبليد صنم
الصبر للعنيد حلم
تأليه الشهيد ظلم
خليط الحديد والدم، العلاج والسم،
الرفاه والهم، النوعية والكم
الدعارة وورقة التوت
بمدينة بيروت علم


بركان بيروت Borkan Beirut

مع هيْكل - خيمة على السطوح

مي نصر - بيني وبينك يا هالليل

Torabyeh - 3alam Mithaly | ترابية - عالم مثالي

الهبو.جعفر الطفار إنتاج أسلوب.شكر خاص :
رفعت مبارك (عتابا)
علي بشناتي
لويس :دودوك/زياد صادر: بازز
إنتاج أسلوب

المصاري بتفضّي الراس و بتعبي الكروش
عالم عم تنهش ب بعضا صارت كلها وحوش
و اللي معو مال 
ليرة منوّ ما بتنال 
غير ما تعمّلو زبّال و تنكش عندو بالمنكوش

بس الفقر عزم الفتى موًلّج بكفّو 
إتكل ع زنودك زنودك وحدن بيكفو
و العطشان البدو ماي يشرب ب كفو 
لأنو من غير كفوفو ما بيروي الشراب

إشتغل تحت دَين العالم حتى تشبع ذلَ
فلاحة و من دون التعويض ع بيتك بتفل
من الجمل إدنو بيعطوك تعمل منا أكل 
بس العترة ع محابيس بين الجرد و بين السهل

بس الفقر عزم الفتى موًلّج بكفّو 
إتكل ع زنودك زنزدك وحدن بيكفو
و العطشان البدو ماي يشرب ب كفو 
لأنو من غير كفوفو ما بيروي الشراب

الهبو

Gokhan Ozen - Budala

بلاشتراك مع جزار
مقطع الغناء سميره توفيق
باص :زياد صادر
http://www.facebook.com/osloobpro

اسلوب مشهد حر  Osloob   Free scene

كتيبه5.عبد الجبار\جزار\شاهد عيان
بلاشتراك مع مكادي نحاس
عود:خيام اللامي
باص:زياد صادر
انتاج اسلوب
http://www.facebook.com/osloobpro

كتيبه 5 : في وجع الليل

جعفر الطفار و عبد الرحمن جاسم بلاشتراك مع خضر سلامه 
باص:زياد صادر
انتاج اسلوب 
البرستيج الكليشيه و العالم الكلاس
الدعارة بالفن الراقي ما بتعبي الراس
فنان اللحظة السعيدي 
قهوة سيجارة جريدي و قعدة عالتراس
مش كوفية بالالوان شرشف طاولة
شلكة حلقة بمناخيرا و ايدا طايلي
لبنان الوادي الاخضر بالعلب المعفّنة
إقتصادو من السياحة و النسا المزينة
تيبس أرض السهل
نربى نحن بعل
تقتلني و بدك تقنعني انو نحن أهل؟
الحكي عالمنجعي سهل و الفلاح بأرض السهل عايش بأرضو غريب ابنو بزواريب
متل ما بتطل الشمس متل ما بتغيب 
عندو أضعف الايمان يكره شي اسمو لبنان
عندي اضعف الايمان اكره شي اسمو لبنان

يا بحر خدني معك
يا موج بيعدني
مقطوع هون الامل
 عيشة جهنمية

قالوا لي أن حسّان ذهب إلى السويد؛ هناك يلتقي الفلسطينييون ببعضهم .
ضيقةٌ هي بلادنا؛
واسعةٌ لأوروبي يتحدث العبرية، 
وموظف جمعية يصرف أمواله يساراً في الحمرا
في المخيم، الوقت أقل ضيقاً، 
الناس أوسع صدراً أمر بين الأسلاك، 
ودعنا ابن خالةٍ قبل أسبوع، لمسته الكهرباء،
فما أطال البقاء؛
مجرور مياه لا حل له، يحدثك كلما اقتربت
حسّان ذهب إلى السويد لا يأخذك معه،
لأنك لست بهياً ولا أوروبي! حسّان تعرّف بديفيد، 
وديفيد جميلٌ بهي الطلعة أشقر
ديفيد رأى حسان مخبرا، 
وحسان رسمه جسرا بسم ديفيد، فرح حسّان 
حسّان ركب الطائرة دون دموع، 
فليس في لبنان ما يودعه غير الألم، 
هو ترك رسالةً واحدةً على هواتف أصدقائه: 
الفلسطيني لا يحب لبنان، يكره لبنان ويكره أهله
يريدوننا إما ببندقيةٍ نخضب كلامنا بفلسطين دون عمل، 
دون هوية، 
وباهانة لاجئين
نشحذ منهم سقف يومنا،
يا أخوتي: أنتم بلا غدٍ هنا!
الحقوني إلى السويد! الفلسطيني لا يحب لبنان،
يكره لبنان ويكره أهله
الفلسطيني لا يحب لبنان، 
يكره لبنان ويكره أهله

على باب المخيم يوقفني كلب الحراسة 
يشتهي لحمي وحلمي وعلمي 
الأرز وقود جهنم أقول
وهذه البلاد بطولها وعرضها، بشعبها وأرضها للأفول 
على باب المخيم كلب الحراسة 
ورجال السياسة
ومنظمات النخاسة 
يمنعون فلسطين من الدخول



يا بحر خدني معك

Prod by @muqataa

وقائع كثيرة أكثر من خلايا الدماغ 
صار الراس بعرض الأرض فما بيلفّه الشماغ
جلود سريعة التبدل، شعبّ دبّاغ، زمن صباغ،
اختر لونك برجك انفتاح فرجك
اختر حزبك تصالحك مع كذبك،
زئبق سامّ، بنلفّه بأعلام، تعليب امواج اوهام
تعريب باسم الشرق للشرقيين، استشراق حكام
ضحية مزدوحة التغريبة الثالثة
عداؤه للغرب بس بالسراويل السالتة
رابعة اختارت الصحرا لما تكون الخاضعة
مقاومة ومراجعة صوفية المقاطعة
خمس أصابع بالايد محتكرك الثالث
شريط أحمر سميك، شريط أزرق فالت
من 6 أجيال وارث الخيانة باليأس
جاهل بالأرقام فصار ال 666 شيطان
سورة آل عمران الحكمة السابعة*
آيات متشابهة بيتبعها شيخ الفتنة
أنا سفينة نوح والأفكار على متني
ما بحضر تلفزيون فالاشلاء ما عمتني
بالعكس، صار الموت إلي إرث
بحافظ عليه مبتسماً، الشهيد على أعمالي مرتسماً
اللي أكلك عامل حمية فسحب دسمك، رسمك، بالعار وصمك
بدلوا بنبوءاتك اخترعوا النار الثامنة*
حتى مستوطناتهم عأرضك تظل آمنة
الهندي الأحمر ياللي بقصيدة درويش،
فتح كازينو بلاس فيغاس خلوله عراسه الريش
يتسلى السائح، 
شيراك بيحب الحريري، بس تزعجه "الأصوات والروائح"*
إسلام رأسمال، ما بده ياك تقرأ، بده ياك تحضر "إقرأ"
تيبيعك بلا فائدة
MCمنسف حلال، سوق مصرف، مجال جديد للاستغلال
أسلمة بنوك، أو تهويد للإسلام؟ 
سلام...عطيني علامة استفهام.
مش رح كون مثل الجيش التاسع النازي الألماني
نصفه استسلم للروس والنصف للأميركاني
أنا واحد فاعل لآخر قطرة، الموت جايي جايي 
مش رح عيش حياتي نطرة.
عجلدي وشم ناري بدون خطوط واضحة
بقلبي رحم دامي أوجاع جنون فاضحة
من روحي حبر أحمر آلام الحيض جارحة
كل يوم صلاة جنازة وانتم مختلفين عالفاتحة
بشرية مراهقة، رغم عمرها الطويل
انقسام السلاح مش بس من التمويل
حتى ورا المايك، ألوية وأساطيل
البلاد عم تتفتت والانا عم تتضخم
صار طبيعي اللي يموت عالجبهة يتفخّم
لما العقل بصراع أناني سخيف، مع نفسه بيتوخم
عادي إنه الجسم المكبوت ما يتوخى الحذر
كرش انفزر، العرش ثقل عكتاف الملائكة وزر
ميثولوجيا الخطر
فصيلة محبطة، دواها كيميا ودين
قصيدة مربطها إسطبل خيول حطين
عناوين بس الجلد ثوب طين،
والعلم طاب تين، حطّه بالعين تدمع
ملعب كرة بطابتين فعلى مرماك عم ترجع
عاشق وكفيف، إمام وعزّة بلبع*
سألته بربك من وين الأمل ينبع
.... ثلاث نقاط يتبع

*الآية السابعة من سورة آل عمران تقول:
هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا وَمَا يَذَّكَّرُ إِلَّا أُولُو الْأَلْبَابِ
*النار الثامنة هي نبوءة ألصقها الكنديون في موروث السكان الأصليين، على أساس أنها نبوءة بقدوم مرحلة تصالح السكان الأصليين مع المستوطنين.
*"الأصوات والروائح"، عبارة عنصرية استخدمها جاك شيراك لوصف الأوضاع في الضواحي الفرنسية، خلال فترة انتخابية لاستقطاب أصوات اليمين العنصري.
*عزّة بلبع هي معشوقة الشيخ إمام.

الراس (انتاج مقاطعة)-دار الفلك Dar el Falak (Prod. Muqata'a)

music producer / rapper / loop dealer /  people's champ

 OSLOOB 
is a rapper, music producer beatmaker  and the founder of the band Katibeh 5.