اسلوبي

أسلوب في دقيقة

استوديو اسلوب

Osloop 😍

أسلوب

osloop

شاهد الفيديو من هنا: http://bit.ly/osloop-scream-03
مبروك: إنت ميت - صرخة ٣ من أسلوب osloop scream 03

Mohamed A.Karim's Album

Sep 20 2016

مبروك: إنت ميت - صرخة ٣ من أسلوب osloop scream 03

شاهد الحلقة فيديو من هنا: 
https://www.youtube.com/watch?v=p7nENl1Io8A

أهلا بيكم في المبدأ العاشر من سلسلة ال ٢١ مبدأ لحياة أكثر إيجابية
إعرف إنت مميز في إيه

على فكرة, كل واحد فينا عنده حاجة بتميزه عن الناس التانية
في حاجات معينة بنبقى عارفين إننا بنتميز بيها عن غيرنا

ومهمتك دلوقتي , إنك تفكر وتجيب ورقة وقلم وتكتب كل الحاجات اللي بتميزك واللي إنت شاطر فيها

ممكن اللي بيميزك يكون جمال صوتك

أو لباقتك في الكلام

أو مهاراتك في إستخدام الكمبيوتر

أو إحترافك في رياضة

أو حتى خفة دمك

ممكن تكوني متميزة في الرسم

أو شطارتك في الطبخ

وممكن تكوني شاطرة في لغة أجنبية معينة

كل واحد فينا عنده حاجة عارف إنه بيتميز بيها عن غيره

حاجة الناس بتمدحك دايما عليها إنها فيك

إسأل عيلتك, إسأل أصحابك, والناس القريبين منك, عن الحاجات اللي هما شايفين إنك متميز فيها

لو ناجح في شغلك, إكتب الحاجات اللي كانت مسؤولة عن النجاح ده

ولو ناجح في دراستك وشاطر, إكتب برضه الحاجات اللي ساعدتك في النجاح والتفوق

وأول لما تعرف إيه مميزاتك, وشاطر في إيه, حط كل قلبك وطاقتك وتركيزك في إنك تنمي وتكبر المميزات دي

لأنها ببساطة الحاجات اللي هاتنجحنا في حياتنا وتميزنا عن غيرنا

كلنا ما نقدرش نكون شاطرين في كل حاجة في الدنيا

لكن ممكن نتعلم إزاي نكون شاطرين ومتميزين في الحاجات اللي بنحبها

إختار حاجة بتحبها, وممكن تكون مش متميز فيها

وإتعلمها لحد ما تقدر تتقنها وتبقى متميز وشاطر فيها

بصوت أسلوبي: أنا سمعت الكلام ده كتير أوي, بس أنا برضه مش مولود بأي مميزات… دا أنا حتى صوتي زي ما إنتي شايفة كده

مش شرط يا أسلوبي نكون ملولدين مميزين بشيء معين, ممكن بسهولة نتعلم ونتعلم لحد ما نبقى شاطرين في المجالات اللي بنحبها
إتعلم وإختبر مهارات جديدة, وإكتشف نفسك ومميزاتك
وممكن كمان تكون عندك مميزات, وإنت مش فاهم إنها حاجة بتميزك 
زي صوتك اللي زي الضفدع ده يا أسلوبي… إنت ممكن تكون شايفه عيب… لكن هو الحاجة الوحيدة اللي بتخليك تطلع معانا في الحلقات.

الكلام ده مش لأسلوبي بس
لينا كلنا, شوف إنت كمان إيه اللي ممكن تكون فاكره عن نفسك إنه عيب… ويطلع هو ميزتك

مش هانقولك مثلا إن الخليل كوميدي اللي نجحه, هو إن دمه مش خفيف خالص…

المهم… إحنا رجعنا أهو, وإنت كمان شاركنا… إكتبلنا بقى إنت ممكن تكون متميز فيه لو عاوز
وإعمل لايك وشير للحلقة من الزرارير اللي ببلاش تحت دي, علشان الزراير دي مش محطوطة كده نيش… دي محطوطة علشان تدوس عليها كتيييير

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#موبايلك ‫#الأندرويد من هنا:
http://bit.ly/osloop-android
وأسلوب ‫#أيفون من هنا:
http://bit.ly/osloop-iOS-eg
وده, ‫#موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife

اعرف انت متميز في ايه؟ مبدأ 10 من سلسلة 21 مبدأ لحياة أكثر إيجابية | أسلوب osloop

شاهد الحلقة فيديو من هنا:
https://www.youtube.com/watch?v=TQHDruEDtUg


المبدأ رقم ١١ من سلسلة ال ٢١ مبدأ لحياة أكثر إيجابية

ايه هي اكبر معوقات نجاحك؟

أهلا بيكم في, والمبدأ رقم ١١ من سلسلة ال ٢١ مبدأ لحياة أكثر إيجابية

حدد ايه هي اكبر معوقات نجاحك؟

كلنا عندنا حجج وأسباب بتخلينا مانوصلش للنجاح اللي بنتمناه

فكر كده لما حد بيسألك إنت ليه مش محقق حلمك, إنت ليه ماوصلتش لهدفك لحد دلوقتي

يا ترى هاتجاوب وتقول إيه

لازم إجابتك للأسئلة دي تكون واضحة ليك وضوح الشمس

وتبقى عارف كويس أوي, إيه هي الأسباب أو المعوقات اللي بتمنعك من الوصول لهدفك لحد دلوقتي

زي مثلا, إحتياجك إنك تتحس في اللغة الإنجليزية مثل, علشان تقدر تتوظف في الوظيفة اللي نفسك فيها

أو إنك تكون محتاج تتعلم مهارات كمبيوتر, علشان تقدر تدير مشروعك من إدارة وحسابات وتسويق

وإزاي تعرف تعمل بحث على الإنترنت, عن إزاي تطور من الخدمة أو المنتج اللي بيقدمه مشروعك

دا غير إننا نستفيد من صديقنا جوجل, وفيديوهات يوتيوب, علشان نطور من نفسنا, وشغلنا

في حاجات كتير لو إتعلمناها, هاتضاعف من نجاحنا في شغلنا ودراستنا

عايزين ناخد خطوات إيجابية, إننا نتعلم الحاجات دي

ونسأل نفسنا, إيه أكبر معوقات النجاح اللي معطلانا في الوصول لأهدفنا

(تقسم الشاشة نصفين – نصف أسلوبي ويلبس لبس خدمة العملاء ويقول بصوت أسلوبي)

صوت أسلوبي: أنا مش بلاحق على العملاء اللي بيجولي في العيادة علشان أسجلهم مواعيد وآخد بياناتهم

صوت مهندسة بانسيه: يبقى لازم تتعلم طريقة الكتابة السريعة على الكمبيوتر يا أسلوبي, اللي إسمها تاتش تايبينج, هاتوفر لك وقت كبير

وهاتخليك تخلص إدخال البيانات بسرعة جدا… وبكده هاتخلص شغل أكبر بكتير في وقت أقل, وهاتكون أفضل في شغلك

ممكن تتعلم التاتش تايبينج من الفيديو ده من الكارد اللي ظهر ده, وهاتلاقي اللينك بتاعه في الديسكريبشن تحت الفيديو على قناة أسلوب على يوتيوب



———————————

(يظهر أسلوبي مرة ثانية, ويلبس بدلة – الوقت بيضيع مني في شغلي, إني أحاول أكتب إيميل بالإنجليزي… وأقعد أدور على جوجل ترانزليت, والمعنى مش بيكون مظبوط برضه في الآخر)

يبقى لازم تاخد كورس إنجليزي يا أسلوبي, وتحسن نفسك في اللغة, وتشوف فيديوهات تعلمك الإنجليزي… وروح شوف يا أسلوبي حلقة رقم ٨ من برنامج أسلوب في دقيقة

علشان تعرف إزاي تبدأ رحلة تعلم لغة أجنبية بجد… إضغط على الكارد اللي ظهر, وكمان اللينك في الديسكريبشن يا أسلوبي



—————————————

(يظهر أسلوبي ويلبس نظارة – لبس طالب) ويجلس على مكتب مذاكرة, ويقول: مش بلحق أذاكر, وقتي ضيق جدا, اليوم بيضيع في المواصلات و الدروس)

يبقى تتعلم إزاي تنظم وقتك يا أسلوبي, وتتعلم أساليب المذاكرة الصحيحة

وهاتلاقي فيديوهات كتيرة في أسلوب لتنظيم الوقت وللمذاكرة الفعالة

تنظيم الوقت



جميع فيديوهات المذاكرة



 

 

——————————

(ظهور شخصية مديحة وعندها باروكة وبتعيط: أنا عندي بيبي صغير, مش بقدر أعمل أي حاجة, ولا أنزل أشتغل, لأني لازم أقعد طول الوقت معاه… ومعنديش بديل لكده)

دي فترة مهمة جدا في حياتك, لازم كل طاقتك وتركيزك يكون مع البيبي ده, الذكاء بقى إنك تنهزي فرصة قعادك في البيت دي, وتبدأي تقرأي وتطوري من نفسك

أو تحضري حتى ماجيستير أون لاين


مديحة: إنستجرام؟ إنستاجرام مييييين؟ سيبكوا منها, إعملوا لايك وشير بس… قال إنستجرام قال, ياصباح الإجرام

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#موبايلك ‫#الأندرويد من هنا:
http://bit.ly/osloop-android
وأسلوب ‫#أيفون من هنا:
http://bit.ly/osloop-iOS-eg
وده, ‫#موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:

حدد وتخلص من معوقات النجاح | مبدأ 11 من سلسلة 21 مبدأ لحياة أكثر إيجابية | غير حياتك مع أسلوب osloop

شاهد الحلقة فيديو من هنا:
https://www.youtube.com/watch?v=smhDnVeKGHA

الحلقة كاملة كتابة وفيديو على موقع أسلوب دوت كوم من هنا:
http://wp.me/p7eljE-gE


إبدأ يومك مع مبادئ أسلوب, والمبدأ رقم ١٢ من سلسلة ال ٢١ مبدأ لحياة أكثر إيجابية

إزاي تقدر تاكل فيل

في فزورة أغلبنا يعرفها بتقول:

إزاي تاكل فيل؟

والجواب طبعا: لو قطعنا الفيل ده لقطع صغيرة, ويتاكل بعدها قطمة بقطمة.

بس ماتخفش, إحنا مش عاوزينك تاكل فيل ولا حاجة

المثل ده بيتقال دايما علشان نعرف إزي نقدر نخلص شغل كبيييير أوي ورانا ومأجلينه لأننا خايفين منه من كتر ما هو شغل كتير و كبير

وبنقعد نأجل ونأجل فيه وبيكون عبئ علينا كبير أوي

ممكن بسهولة نكتب الشغل اللي ورانا ده بكل تفصيله فيه

وبعدها نبدأ إننا نجزأه أجزاء صغيرة

ونخلص كل جزء لواحده

لحد ما نقدر نخلص كل الشغل على بعضه

كلنا وقتنا ضيق

وعاوزين نخلص شغلنا في أسرع وقت وبأقل مجهود

فا طريقة تقسيم الأعمال والأشغال الكبيرة لأجزاء صغيرة, تعتبر أنسب طريقة لتحقيقي ده

هانقدر نخلص الشغل اللي ورانا من غير ضغط

(هو إيه اللي بيجري ورايا ده؟؟؟)

لأن سيكولوچيا, هانحس بالحماس والسعادة, بعد لما ننتهي من إنجاز كل جزء صغير لواحده

هانشعر بالسعادة ونحس إننا أنجزنا ونتشجع إننا نخلص باقي الشغل كله

انت لو بتخلص ولو جزء صغير من الشغل اللي وراك, هاتكون خطوة للأمام بتساعدك إنك تخلص الشغل الكبير واللي كان عبئ عليك

نبدأ بالأمهات

مطبخك مثلا, بقالك فترة نفسك تفضي الدواليب اللي فيه, وتروقيها وتنظميها

بس من كتر الكركبة, عمالة تأجلي الموضوع ده كل يوم

ممكن ساعتها تكتبي تفاصيل الشغل اللي المفروض تعمليه كلها في مطبخك

وبعدين تقسمي كل الشغل ده لأجزاء

خدي بقى شوية أفكار

إكتبي في المطبخ عندي

أفضي الدواليب

أنضف الدواليب

أرجع الحاجات تاني بنظام جواها

أنضف الأسطح

أنضف التلاجة

أنضف الأجهزة الكهربائية كلها

دي مثلا تفاصيل متقسمة للشغل كله اللي محتاجاه علشان مطبخك ينظف ويكون منظم

إختاري كل يوم جزء وإعمليه

إبدأي بالدواليب مثلا

واليوم التاني تنظيف الثلاجة

وهكذا

صوت أسلوبي: (خد هنا يا فلافيلوا ماتخفش… أنا جاي أشرب بس)

مثال تاني, للطلبة حبايبنا اللي داخلين المدارس والكليات قريب

لو عندك مادة كبيرة جدا

زي المواد اللي فيها حفظ مثلا

التاريخ, الفلسفة ,اللغة العربية

قسم المنهج لأجزاء صغيرة, وخلص مذاكرة كل جزء لواحده

وكافئ نفسك, في كل مرة تخلص جزء المذاكرة الصغير اللي عليك

وأدينا بنقولك أهو قبل السنة الدراسية ما تبدأ

إنك تذاكر من أول السنة, وماتكومش المذاكرة عليك

وبكده هاتلاقي نفسك بتطبق طريقة تقسيم المنهج لأجزاء من غير ما تحس

لأنك هاتذاكر المناهج أول بأول… وهاتاكل المناهج … قطمة قطمة

ولو إنت بتشوف الحلقة دي بعد الدراسة ما بدأت, مهما كان فاضل أد إيه على الإمتحانات

قسم الشغل اللي وراك برضه, وإبدأ من دلوقتي حالا

وشوف حلقة مذكرات طالبة مثالية, علشان تعرف إزاي تقسم المناهج بطرق مختلفة

صوت مهندسة بانسيه: أسلوبي…يا أسلوبي… هو إنت بتجري كده ليه؟؟؟

مثال ثالث:

الناس اللي بتبدأ أي مشروع جديد…...المشروع بيتجزء اجزاء صغيرة

تبدأ تدرس السوق ومدى إحتياجه لمشروعك

وده يعتبر جزء

جزء تاني إنك تبدأ تدرس المنافسين اللي بيشتغلوا في نفس مجالك

وكمان جزء مهم, إنك تدرس الأماكن اللي هايتم فيها المشروع

وبعديها عملية التسويق وتحديد التكلفة والميزانية

وبعد كده مرحلة التجربة والبدأ في العمل

وهكذا

لحد ما هيكل المشروع يتبنى ككل

زي العمارة لما بتتبنى

بتتبنى مرحلة مرحلة ودور دور

لغاية لما السكان يسكونوا فيها, بعد ما كانت لسه حتة أرض فاضية

المهم إننا نبدأ أي بداية, تمشينا خطوة للأمام

صوت مهندسة بانسيه: إيه يا أسلوبي, بتعمل إيه عندك عند فلافيلو, وإيه الشوكة والسكينة والطبق دول… إنت جعان؟؟؟

أسلوبي: مش حضرتك بتقولي: ناكل فيل ونقطعه حتت صغيرة

وأنا جعان وقولت أقوم أقطعلي حتة

و أديني بأسمع الكلام أهو,

مهندسة بانسيه: إشمعنى دي يعني يا أسلوبي اللي سمعت الكلام فيها

تعالى هنا بدل ما يعملك بادچ يا أسلوبي ومانعرفش نطلعك معانا في الحلقات بعد كده

تعالى تعالى, هاخليك تقول الخاتمة بتاعة الحلقة علشان ماتعيطش

أسلوبي: بيضحك زي طفل شرير

بصوا يا كل شاب وفتاة

أنا إتنبح صوتي أنا والفيل الغلبان ده (صوت فيل)

وكل شوية نيجي نقول نفس الكلمتين

شير الحلقة, وإعمل منشن لكل أصحابك

وإضرب بزلومتك الجميلة دي….آآآآ قصدي بصوباعك الجميل اللي شبه الزلومة ده على زرار اللايك

و إكتبلنا برشاقة الفيل بتاعتك: إيه أكبر فيل عندك المفروض تقطعه

ماتخفش يا فلافيلو… انا بس اللي هاقطعك

(فلافيلو يضرب بزلومته أسلوبي يخليه يلزق في الكاميرا)

كيف تأكل فيل؟ كيف تنتهي من الأعمال الكبيرة جدا | مبدأ 12 من 21 مبدأ لحياة أكثر إيجابية أسلوب osloop

شاهد رابط الحلقة من هنا 
https://youtu.be/l0JJkV57btA

طريقة تخصيص وقت لكل عمل - مبدأ 19 من سلسلة 21 مبدأ لحياة أكثر إيجابية - أسلوب غير حياتك Osloop

شاهد الحلقة من الرابط هنا
https://youtu.be/oOiVnhXJqv4

غير حياتك- ٦ عادات يومية تخليك تنجح طول العمر - الموسم الأول - الحلقة الثانية - أستوديو أسلوب Osloop

شاهد رابط الحلقة من هنا 
https://youtu.be/QnP0xDxw_Vs

غير حياتك- ٣ خطوات لإصلاح -يوم باين من أوله- - الموسم الأول - الحلقة الثالثة - أستوديو أسلوب Osloop

شاهد رابط الحلقة من هنا
https://youtu.be/wbhKUpeNKuM

غير حياتك- ٧ خطوات لتحديد وتحقيق أهدافك في الحياة - أستوديو أسلوب - الحلقة الرابعة Osloop

شاهد الحلقة من الرابط هنا 
https://youtu.be/2n3pdmXddbYر

غير حياتك- النوم الكتير - قصة هروب الطلاب من المذاكرة للنوم -  أستوديو أسلوب - الحلقة السادسة Osloop

شاهد رابط الحلقة من هنا
https://youtu.be/3-wUJJj1dTU

البلطجة الإلكترونية - بالتعاون مع يوتيوب -أستوديو أسلوب حلقة 8 Osloop Youtube

شاهد رابط الحلقة من هنا 
https://youtu.be/fSUeKet55D8

تطوير الذات- إختار لنفسك قدوة و مستشار فى الحياة - أستوديو أسلوب حلقة رقم 11

تغيرات بسيطة, تغير حياتك كلها

تطوير الذات- إختار لنفسك قدوة و مستشار فى الحياة - أستوديو أسلوب حلقة رقم 11

Osloop أسلوب