تعيشى ياضحكة مصر 
أبكى انزف اموووت.. وتعيشى ياضحكة مصر 
وتعيش يا نيل يا طيب.. 
وتعيش يا نسيم العصر..
وتعيش يا قمر المارد .. 
وتعيش يا شجر التوت ...
ابكى انزف اموووت .. وتعيشى ياضحكة مصر .. وتعيشى يا ضكة مصر
وتلاميذ المدارس .. والنورج الى دارس .. والعسكرى الى دايس على الصعب عشان النصر
يا مراكز.. ياصوارى.. يا شوارع .. يا حوارى.. يا مزارع .. يا صوامع .. يا مصانع .. يا مطابع ..يا مينا 
يا كبارى .. يا منازل .. يا مدابغ .. يا بيووت 
ابكى انزف امووت.. و تعيشى يا ضحكت مصر .. تعيشى يا ضحكت مصر

تعيشى يا ضحكة مصر - من فيلم اغنية على الممر

الرجل و الحصان محمد منير

نوستاليجا .. روقان

كان لك معايا_هالة رشدي

اسكندريلا - مصر جميلة

‎⁨الحب اللي كان  بليغ حمدي  على العود⁩.m4a

حنين أبو شقره & كوبانو - أنا والعذاب وهواك

من حفل عيد الحب
كلمات : جمال بخيت - لجن : احمد الحجار - توزيع : فتحي سلامه

ali elhaggar - ba7bk w antle2 3sfour | علي الحجار - بحبك وانطلق عصفور

وائل الفاشني - ماشي وشايل - جديد

أحمد فؤاد نجم "الفاجومي" أحد أهم رواد شعر العامية المصرية

Adora Elnegm

أحمد فؤاد نجم - قصيدة الفول واللحمة

هندسة صوتية : مصطفى الملواني 
..
( الجيل الخامس )
..

دلوقتي تقدر
ع الشاشات التاتش ..

ف ثانية تحضر ماتش ..
وثانية .. تحضر غيره ..

أو تبقى جوة مُدرّجات التِّتش ..
وبرضه
جوة مُدرّجات San Siro ..
..
دلوقتي
يقدر النايم على سريرُه ..
يروح السوق ..
ويتسوّق ..
يتابع تحديثات الذوق ..
ويتذوّق ..

وهوّ على السرير قاعد وطافي النور ..
يخُش على ال Play store
يحمّل تطبيقات تقدر
تحوّل صورتُه من قهوة (حسين دَعْدور)
توديها لكافييه على حافة الإنديز ..
..
دلوقتي نقدر
عن طريق تحفيز أحد ذرات مُرَكّب ما ..
ندمّر كل ما شوفناه ..
كأنه ماجاش من الأول ..

ندوس ع التاتش
ونحوّل
مدينة بقالها ست قرون ..
في ثانية تكون
مدينة ماجَتش ..
..
نجمع ذكريات الناس ونحفظها ..
بحيث لو مات محمـد صاحبك اللي ماكانش لك غيره ..
تهرّج عادي وتهزّر كأنّه ماماتش ..

وتطلب شركة الروبوتات ..
عشان يعطُوك محمـد تاني متقفّل و ع الزيرو ..
ومتوصّل بشاشة تاتش ..
..

هنا
خَط الحقيقة بيترسم بال Hatch ..
وكلب العولمة السعران مابيفرقش بين stay وبين ال catch .. في العضّة ..

وعُقْد الإنسانية اللي انت لابسه .. من اليورانيوم
مش دهب ولا فضة ..
..
هنا قفل الحقايق صدّى ..
هنا السايق
ماهوش نفسُه اللي جاب الداغ ..
هنا السايق بيتفاجئ مع الركاب بكُل مطب ..

هنا الناس اللي بتعاند إرادة الرب ..
وبتبدّل دماغ بدماغ ..
بتاع ببتاع ...
وقلب وبقلب ..
وتلعب في الجينات علشان تصنّع جندي يبقى شجاع ..
ويوفيلهم وفاء الكلب ..
..

ووسط ده كله بتقابل بمحض الصدفة يوميا بشر واحد ..
مازال بيعاند العالم وبيصارع ..

يوماتي يخُش بلكونته
ويسقي الورد والنعناع
وينزل يشتري الجورنال من البياع
ويعمل شاي تقيل مظبوط ..
ويقعد يسمَع النَشرة ..

مصدق كل شيء لكن بيفشر كل يوم فشرة ..

لمحتُه من يومين قاعد
في قهوة في آخر الشارع ..
وجنبه من الصحاب .. عَشرة ..

..

شوية وقام
وقال : انا ماشي يلا سلام ..
ولسه بيركب العجلة وبيعافر مع البدّال عشان يمشي ..

في ثانية تدوسُه عربية
وجت له ازاي
ماتفهمشي ..

دقيقة ودمُّه ساح تِمًا على الأسفلت ..
وخَد أنفاسُه
واتشاهد
وفقد الوعي ..

وشوف سبحانه له حكمة
في خَلْق الرغبة والمقدور
وخَلْق المظلمة والنور
وخَلْق السعي ..

تخيّل تمشي طول عمرك بعيد عن أي شاشة تاتش ..

ويوم ما تخشّها ..
تدخُل
خلال آيتين
وصورة ونَعْي ..

..
#حسام_ابراهيم

وائل الفاشني - ماشي وشايل - جديد

Ussama Bn MiCkey