واو!  ما احلاك يا أميمة! 

النّصّ مكتوبا: https://www.facebook.com/notes/shams-radhouani-abdi/%D8%B9%D9%84%D8%A7%D8%B4-%D9%85%D8%A7%D8%B4%D9%8A/10151939021006359

علاش ماشي؟

... إيجَا

krahet rou7i- كرهت روحي

تفكّرتك

بجاه اللي خلقك و خلقني

الكلّو منّك ؛ كلمات محمّد شرميطي و صوت أميمة رجب

وفينا

مُوش وَحش ، 
وراس امي موش وحش.. 
أمّا نحب نعرف
نعرف شتعمل ،
 نعرف اش ولِّيت ..
نحب تُعرُضني صُدفة ، 
مِن غزراني لتصاورك فدّيت ..
نحب نُغلط في نُومرو ،
وتطلع إنتِ لهزِّيت ..
نحب ترجَع ليّام بالتوالي..
يرجع قلبي خالي ..
وليك ما حبِّيت ..
نحب نسمَع خبارك ..
ونعرف أسامي صغارك ..
نحب الستيلو إشِيح
 ، تي حبارو كلّو هبالك ..
 نحب نعرف آش حالك ..
نحب نعرف وين وصُلت  بحلامك ..
ل في وذني وشوشتهم 
 وعندي خبِّيت ...
نحب نعرف إنتِ هي هي كما خليت ..
ولا تبدّلت مع حُب جديد ..
نحب نعرف خبارك ...
في أنا حومة تسكن
 ولشكون ولّيت تحكي أسرارك .. ..
نحب نسافر ، لبلاد بعيدة ٠٠
ونقوم الصباح  نحل الشباك نلقى رُوحي جارك 
نحب نِشري فلوكة،
 ونضيع في بحر !!
لا بُوصلة لا طريق سالك 
ويهبط اللِّيل، 
وُسط نجوم السماء نشوف خيالك 
نًنسى المُوج ونطلع ..
 نطلع لَخدُودك ..
تي ماهو فمَّا بوسة نسالهالك ..
 [ texte : Med.Salah ]

نحب نعرف

الحِلمة مرَا

مني و منك ثنين متراضين متباغضين 
مني و منك بحر ماه صافي و غريقو مر 
بيني و بينك سفر ، 
ما يهزنا لبعضنا كان الساقين 
في خاطري ممدودة ، 
نقرالك في الكف ، ظهرك ترخف و حملك خف 
لابستني كي رداك نحس في دفاك محلاك 
عاد قتلك نقرالك في الكف ،
كف يديك الحمرا المكنوزه ، و الشفة عليها الروح مركوزه 
نطلع نطلع نطلع 
لحمك قام شوك ، تخاف لا يشوفوك ، مسوك ؟ 
والا قرايتي ليك خرجتك قلمْ ،
لفيتني بكف و قتلي يزي عف تلمْ
انا كتيبه تبدا و ما توفاش ، ما تقراهاش ، 
قلي علاش ما نمسكش ؟
علاش العين تشوف و القلب ميت بالخوف ،
أبيض صافي حليب ، أنا لقلبك حبيب 
قلي علاش ما نحبكش ؟
شفت في عينيك خزرة و سمعت من صوتك نبرة 
ما نعرفهاش 
جديدة عليا أول مرة نمسها أول مرة نحسها 
كي حطيت يدي و مسيت لحمك و ثبتْ في عروقك السايل فيها الدم 
مانيش باش نتلم 
باش نزيد نبوسك و باش نزيد نحبك باش نزيد نهبل بيك و معاك 
هات كفك لاخر نقراه 
هات خلي نكشف المستور 
و الا تخاف لا بدنك عليا يثور

Musique : Eternity And A Day - Eleni Karaindrou

... إيجَا

OR

Recent comments

Samarie

Related tracks