

اسف ياعم فلانتاين
عدى السنادى كمان وسجلنى غياب
السنجله
مش مشكله
بصرحه بقى مش طالبه عك
ولا ناقصه شك و غيره او حتى عتاب
منكرش ان انا نفسى حقيقى اخرج مع بنت واغير جو
وبقولك لو
انا كنت لقيت حد بيفهم
مانا كنت ساعنها بقيت جنبو
لكن انا كل ماكون مع حد يبعد ويقول انا مش ذنبو
انا قلبى ده مش فندق يعنى
انا ابسط حاجه بتوجعنى
واهو عادى مجتش على اليوم ده
انا اصلا عايش من مده
ومسستم نفسى على الوحده
وحياتى عايشها يا عم تمام
لا انا بشحن زى الناس عطول
ولا برغى كتير فى التليفون
ولا بقعد اسب لفودافون
ولا اضيع وقتى فى اى كلام
ولا قاعد مجروح من الصدمه
بسمع مش زى الافلام
انا زى الفل وقشطه وبيس
مش بفتح شات بلليل عالفيس
ولا بسهر اكتب اغنيه
لا باس ببعض الحنيه
ولا اعشم نفسى اعيش مع حد
والاقيه بيسبنى بدون اسباب

وحياه ابوك يا عم فلانتاين
السنادى سجلنى غياب


اسف ياعم فلانتاين - الشاعر محمد ابراهيم

MBC 3 ام بى سى ثرى El - Sha3eR

Title: Gwaya etnen
Written by: Mamdoh hamed
Music: ( Free Beat )
Vocals: Mamdoh hamed
© 2018
-------- الكلـمات - Lyrics --------
اللى تاه لو كان ف طريقك مش هيرجع تانى 
اللى سابك فجأة و مشي حب صوتك ف الاغانى
 اياك ترجع تنصحهم ولا بعلاجك يوم تشفيهم
 فى اللى بيرمى اللوم عليك مع ان اللوم كله عليهم
 مش مستغرب ولا هستغرب لما الاقرب يبقا بعيد
 مش هندهلك وانا محتاجلك مهما تعيد ف كلام و تذيد
 انت بعت وانا محتاجلك كنت بقول ان انت عزيز
 لما ابقى ف كشف غياب احسن منى ابقا حضور و غريب
 احن لمين و لمين طفت الشمعه ف عز الليل
 بيعيدوا ف نفس المشهد بس يقولوا محناش فاهمين
 لما تقع مره فـ مره وكل مره تقوم لواحدك
 تالت مره لما تقع هتقول مش عايز حد يسعدك
 واحدة واحدة هتبقى الشخص اللى انت كرهت تصرفاته
 مش هتبقى جزء منه هتبقى نسخه من حياته 
طبيعى ف كل مره تفقد ثقتك ف اللى جمبك
 مفيش مساعده منهم اياك يدق قلبك

يعدل كافة مزان حياته عشان يعرف يحدد
ملامح الاستغراب بانت بعد علامات تعجب 
شاره اللى بان عليهم بعد ما وش الطيبه اتفتت
نتج بعاد ما بنهم تحت مسمي يلا نفسي
طيب نفسي ثم نفسي ثم نفسي مرت تانى
ثم جاى اصفى حسابى من شخص يوم اذانى
كله خاف مـ الاختلاف اللى بان ع الملامح 
كله كاره حياته كل واحد ف همه سارح

 جوايا اتنين ملحد و التانى مسلم بـ الفطره
جوايا اتنين متفأل و التانى كاره بكره 
جوايا اتنين تافه و التانى عنده الخبره 
جوايا اتنين واحد عايزها التانى سابها 

 جوايا اتنين و الاتنين دايما ف مشاكل 
واحد صح و التانى غلط و الاتنين غلط ف الاخر
 مفيش بينهم توافق مفيش حتا اتفاق
مش هتلاقى حاجة بينهم غير مبدأ لأختلاف

جوايا خير و شر و الف سؤال مالوش إجابة
جوايا الف كلمة لكن معرفش انطق بحاجة
جواية حب لناس كرهانى عشان معرفش ابين
جوايا كره لناس حبانى عشان بضحك و اسلم
جوايا اشكال و اللون علشان طيرة مع الغربان
جوايا اتنين ف وحدة لكن واحد راضى و ونسان
اعمل شر الاقى خير اعمل خير ابقى غلط 
ازاى هكمل بنهم بعد ما كرهى ليهم اتفرض

Gwaya etnen - جوايا اتنين

انا اخترتك غناء محمد صفوت واحمد رجب

Kan Yama Kan _ كان ياما كان

وقت ما انا الخوف مرافقني ومحتاج لوجودك هنا
 كتبتلك تراك أول كلمه فيه #أتطمنني. غايبه لكن مانتيش بعيده :))
_______
اتطمنني هتفضلي اقربهم مهما تكوني بعيد 
مش قليل الاصل انا مش هنسي ان حضنك بيت 
ياما لجأتله وجَبرنى لما كنت كُلّي كسور 
هعيش بعدك انا في عمى ، راح تكوني اخر نور 
ومهما الارض تدور 
مش هنتلاقى علي صفى 
انا بتعود اعيش في بعدك يوم يلي واخدها سفر 
لحظات اللقا زودت محصول البكى يا عنيا
لما مدت ايديها تسلم قامت حرب فيا 
ايديها الناعمه بتفكرك بالوطن يا غريب 
الدفا اللي وصلنى منها مد الدم ف الوريد
قلبي زغدني تفكيري خذلني لساني ماطوعنيش 
كانت كل حاجه فيا .. بتقولك ماتمشيش 
ورغم ان كان ما بيننا مسافه و شمالها يميني
حسيت بالقرب منها كأن عينها حاضنه عيني 
مكنتش سامع غيرها كأن الكون ده كله ميوت
وقتها شوفت الدنيا صحرا و عيونها بيوت 
شوفتها و مكنتش تايه كنت قادر اشدني 
بس جت ب شكل اول مره احبها و ده هدني 
مقالتليش ابقي افتكرها.. عارفه مش بنساها 
وان كل غنايا عنها وعن ايامي معاها

متوقعتش تيجي منك ، بقا تستغني عني يا غالي ! 
يارتني فعلا انا بنساك ياريتك مش علي بالي 🙂 ×2

كلامي نبرة صوتي هزاري معاها حتى زعيقي 
دي حاجات هتفضل مفتكراني بيها مهما تعيش 
مهما عينيكي مشافتنيش 
 بردو هكون عايش جواكي 
"الفريد لو اتكعبل في حياتك مابيتنسيش 

وانا هفضل بقيمتي حتى لو انتي بعتي في يوم
مش هتشتريني لو مازدتى بكل مال قارون 
استكفيت-اما انت الدور عليك الصبر طيب 
وحياتك لتبوش عينيك ومش هيطيب خاطرك طيب      

فبلاش تمثيل
شوفت م الكلام ده كتير
اشتاقت
ولا ملاقيتليش في البعاد مثيل
ف اتنين ابريل 100 دليل اثبت اني بعاني
وانت من يومك قليل الاصل فايتني و بتنساني

كنت اول كل حاجه و كل حاجه بتفكرني
كنت عكازك ليه لما اتعافيت تقوم تكسرني؟  
ليه بعتني ما دام ندمان ؟ 
..اهو اللي مابيننا باش 
كنتي اغلي من انك تتمنى وبقيتي ببلاش <\3

Al-fareed ft Ramy el-Magic | اتنين أبريل

follow me @
facebook: www.facebook.com/3mr.3zab
SoundCloud: @a_azab
Instagram: www.instagram.com/amr.azabb
youtube: www.youtube.com/channel/UCiHLvuHA…iew_as=subscriber

Amr Azab - Emshy

نهاية الطريق ..
كتابة وإلقاء / أحمد عادل

نهاية الطريق - أحمد عادل

https://www.youtube.com/user/ONEWAYRAPBAND
one way band 
Hossamelhanawy
توزيع زياد زيتون 
هندسه صوتيه زياد زيتون
💙

فرصه تانيه One way band

قصيده بداية جديدة
وعادي لو سككنا في يوم هتختلف...ما نا ماشي في طريق وطريق بيا بينجرف...والصحاب اديها كل واحد ورا تاني بينحرف...والوعود اديها اهي بتختلف....كان مبينا كتير شتات...وجروبات بنصالح بعض فيها بالسعات....ذكريات...ذكريات كتير عبيط زحمه دوشه ايوا زيطه...انتو شله يعلم الله قد اي نتو ناس حويطه...ولما وقعت افتكرته هيقف وقفه جدعنه منه ليا...صاحبي الي مستكتر الفرحه في عنيا...ونتي ي ست البنات...بنت الذوات سنيوريتا...سبنا بعض عشان مختلفين ع لون الشقه ودهانات الحيطه...علاقتنا كانت علاقه بسيطه....شوفتها في وسط زحمه..عاكستها عشان كانت ضحكتها خطفه قلبي الي اول ماشفها عمل زيطه...ويسلم لها المفتاح..ويسيبها تخش...وافرش لها قلبي ورد وفل...نا اقدر اكسر عين الكل...لاكن تواضعي بين مواضعي..وخلاني عيل بيدورلو ع ام...كنت بشوفك ام لعيل تايه وبيدور ع راحه بين الاوطان..كنت ايوا سوري ومحتاج لوجود الحنان...كل الحدوته كدابه...وضحكنا وفرحنا بالقصيده ودي مكنتش عوايد القهوه الزياده...الحدوته فيها مونتاج...فيها جرح سواح...وقلب اتكسر عشان غيره يرتاح...ودبله في ايدها مش مني...وفستان ع ذوق مش ذوقي...وعيل برضو مش مني...وطفها حواليا مجنني...وبرضو فين سعاده...اقولك هسيبني نا منك...وعمل حدوته وذكريات...تنسيني في يوم انه عرفت واحده غلط وقولت دي بنت ذوات...وهشوف واحده تشبهني...تحس بوجعي ونا ساكت...وعيل مني مش شبهك...وعروسه كمان احسن منك....وبنت ذوات...وبطلنا قلب رجع تاني يحب ويعمل ذكريات♥
✍🏻 7afed❤Nzare 👑
رائيك يهمني...؟!🤍

MBC 3 ام بى سى ثرى El - Sha3eR

Питер_OrganicMusic🎧