قداش عندي على السنين الجوهري و خشم البندق 
عينيك زيانو و شلاغمك كي البي في زمانو
 كنت بالدنقري البالح لا جيت لا صالح لا طالح
سبادري غزالة و تصويرة تحت المنقالة و امي تراك فصالة و بابا يشوفك سيد الرجالة
 فيبالك يا مدبل حبك في جواجيا مخبل 
فيبالك الي نموت على شعرك لمغوف و لكلام الي في فمك صوف
و نحب فيك هبالك و وشامك و احلامك 
و نحب فيك السروال لمقطع و السورية لمجعبة و السيقارو البين و تخرج من فمك بعد الكفرة امين و نحبك يا منتف  يا ضعيف يا طريف يا شطر لفة يا لي دمك يقطر ضمار و خفة 
يالي رقدت بيك و صبحت عليك و قمت مفجوعة من كذبك يا كافر ملكوعة  
تي شبيك تبدلت و تحولت كيف دارت في يديك لكعب 
تي شبيك وليت تحب تشريني و تغنيني تي ويني لقصايد و امل دنقل و لا تصالح و فمك لبنين المالح ؟
و كسكروت خمج و اللعب في قهاوي لمدينة و الهرج و العجة و تحكيلي عالهجة 
وينو سروالك لمقطع و مريولك لمشلفح و من زنقة 
 لزقنة تجيني تتطلفح 
وينو الاتحاد و النضال و اليسار تي شبيك وليت قواد ؟                                                             شصار عليك بدلك عليا ملي كنت تلقى لهبالنا ثنية 
شبيني ماعادش نعجب ماعادش نوهر و معادش تقدر؟
ويني ليالينا و العرك و المعروك و لكلام المتروك و مساطتك و بلادتك و الخمسة لي شريتهالي و التاريخ لي حكيتهولي و شبابي لي فكيتهولي ؟         
وينو تاليفونك في الليل و خوفك عليا 
وينو تفلسيفك لي موش مفهوم و بدنك لي موش مخدوم  
ويني اسرارك و بوسك و هبالك و نواحك و غرادك و خراك ؟  تي وينك ؟
ماعادش فمة بوسة الجبين و تذبيلة العين و المخ الخامج و الغشة و ربحتك في الرامي باخر فرشة 
كبرت و خليتني صغيرة نتغبن ، انا كنت في هبالك نتفنن
مخيبك ملي لميتهم رزز ، مخيبها عليك عيشة لكرز ..

Music:  Mine is the Grandeur - Dark Tranquillity

وينك ؟

http://bochrawrites.blogspot.com/2016/04/blog-post.html

فيبالك ؟

LEILA - LABESS - LA ROUTE

Labess - Valérie [Identité]

CAPO VERDE   LABESS   LA ROUTE

SOUAD

DenDana·Samedi 10 février 2018
"Melody" un album aux couleurs musicales atypiques et novatrices,  empreintes des plus belles influences de musiques occidentale et  africaine.  Un souffle d’une voix nuancée que accompagné au seul rythme  de la guitare, DenDana se lance dans une nouvelle aventure musicale.  Un  voyage autour d’une thématique profonde et personnelle, en vue de  partager les sensibilités musicales très éclectiques de son Algérie  natale mêlées à la rencontre récente avec l’occident

5 - GALOU

Goultrah Sound System - 3al 7it

Gultrah Sound System Dada 3icha

Si Lemhaf - gregorious

زعمة النار / المقياس/ ما سبى عقلي
 Dali  chebil Chant
Mohamed bouli oud tounsi
Nidhal mokhtar violon
Ahmed litayem nay
Bechir neffati percussion
24 mars 2017 à Misk Fm
Malouf tunisien مالوف تونسي

Gultrah Sound System Dada 3icha

Passpess