Beat By Samoerai

Ik experimenteern met de stem, ik komn de weegbalanse breekn
oengeremd, nieuwe treden overschreden
kzoekn nog e goe moment voe me talent an de wetenschap te donneren
want ik ston up me strepen lik dak e zebrapad betreden

oengekend, oe dak noois mir et toeval lotn beslissen
kzien gestroomliend en vree vloeiend met de gedichten
smiet een hengel ut, je meug nog oefenen uppet mikken
me baars zien veels te rappe, je moet er nie achter visshn

... ... rappers lattik sterrn zien lik telescopen
want kzie lichtjoarn vorut up ol die krupt mo nimmer lopen
ol die eencellige mc's, zittn in de puree
omdak geskilled zie lik pattaten, kzie vinnig lik makreel

Gin huysentruyt mo toch beroemd in eigen streek
want kdoen beslag up jenne wacke raps en geevn je zo e koek van eigen deeg
gin amateur, de ingrediënten in me rauwkost
zien zo fris da Michelin me zeven sterren up de mouw stropt

... der bloast e nieuwe wind over west-vlamse rap
e lyrische tornado, e tongue-twister an de zet
voe lik e kortspel olles deur elkoar te schudden
ut de chaos harmonie boetseren en de woarheid knutseln

gedon me prutsn, klor voe't grote werk lik filosofen
lik bedriefcontroles trekkekik olle registers open
kgraavn in je ersens me me raps lik psychologen
nesteln me zo diep dak zest nie te vien zien deur virologen

... kzien nie t'isoleern, ol ej killo's isomo
me level bluf mor andikken lik e puber ze libido
tis nie geloogn, kprobeern hiphop weer an de man te briengn
woar is de tied van cypheren in e verloatn magazien

ik wiln verandering, de scene moet in behandeling
wen nood an hittespitters, doelgericht lik e karabien
k'rappn zo heet, de popfilter is ingesmeerd me flamazine
net e hittebestendige bepantsering

kvoln met de deur in hus lik flikken in e gangserfilm
de gravers zien gewild bie olle meisjes lik e warme pul
tis eel gevorlijk voe me los te lotn lik e katapult
want eenmaal dak vertrokken zien ontpoppik lik e parachute

kwien der gin doeksjes roend, kzie gi mummificeerder
koentrafelen de verbanden en maakn rap universeler
kverum me horizon lik fotograafn met e grootoeklens
zoender dak doa lik fotograafn e grootoeklens voe nodig en

me zicht is scherp genoeg, ik zien deur jen imago
kzien Hannibal in tiede van de bevrieding van Carthago
Olle tracks dawe droppen zien klassiekers lik Zhivago
wacke raps worden proffesioneel verwiederd deur Ivago

... kzie gin Gestapo, kdoe nie an stigmatisatie
en okket toen toch eki doen, toen passet in de situatie
das acclimatisatie, kpassn man an de omgeving
lik e copycat, kvermomn me raps en maskern de funderingn

kzien assan in beweging lik de sub-atomaire realiteit
e vocabulaire rap-anarchist
oze mien upt matje roepn, vaagek der me voetn an
regels lappik an me bottn lik dak leern oe daj schoen vermakt

want de tale kent voe mie weinig obstakels
rappers komn achter advies bie mie lik een orakel
me lien zie lik tentakels, sterke schakels
eenmaal daj zoentrafelt ziej dak de spreekwoordelijke kop sloan up de nagel

men inspiroatie is oneindig lik de trap van penrose
de meeste rappers en gin bolln lik kinders in de ghetto's
..kzettn rappend heel de boel up stelten lik stilletto's
andere mc's zettekik oender druk lik een espresso

of e barometer, ik evolueern bie iedere nanometer
dak me penne loatn over me blad beweegn
.. kzien caligrafisch nie de sterkstn mo qua inoed
ziek woa dak no toe wiln gon ol wossekik van kop toet teen geblindoekt

tmoe vorut gon, verbaal moekik volut gon
en ol die wacke rappers butn zettn lik een husboas
..deur woard in ieder track te stoppn
kommekik dichter bie de perfectie dan dat da vinci me verven kost

je moe me lien lotn zienkn in je gedachtn
lik quantumfysicatheoriën ut de joarn tachtig
Phatmark et e streepe voorn up de kudde
lik Zebra's, want wieder loopn voorn up de buffels

tis e beesteboel, je moe nie trachten me te doen geloovn
daj up nummer 1 stoat, ik zien joe shit int oenderd loopn
oftwel ziej goegelovig... oftwel ziej goebezoopn
inder wuk, je beste moatn en ollesindsn goe geloogn

... ik spoarn niemand want ze geevn me gin rente
ik zittn in vulle bloei lik de omgeving in de lente
kraakn de gevoelige snoar lik vioolkenners
want ik droppn van de bovenste plank lik synchroonzwemmers

rappers pakkik bie de krage lik e stylist zien
dus mien de das omdien is eiglik nie zo realistisch
knoopet in jen oorn lik extravagante piercings
daj etwien lik mie nie vele ziet lik siamese vierlingn

tis om de por decennia lik de komeet van Haley
Ik racen roend de klokke dus nie meedoen met e rally
want kzie stevig lik e ford, kzie giftig lik e viper
in e battle oedik iedereen in me vizier lik snipers

ke me doel in zicht lik bie e penalty shot
ik zettn rappers oender stroom lik een elektrische schok
ieder zinne klopt lik rechters dien e zaal toet orde roepn
tis tied... we moen de scene verbaal toet orde roepn

want kzien in us geburte weinig raps van us kaliber
de nelft van ol die man is heftig fan van justin bieber
de jeugd van tegenwoordtig rapt olene nog mo wartaal
mo lik e kuswuf gokkik olles ut de kast aaln 

voe rap respect te geevn, want tis ofgeloopn
me hiphop te denigreern, ken ier no de top gekroopn
mo tis tied voet lam te leggn yo want ik zien na de klootn
want tis lik e kroegetocht oedak ier 100 bars ofloopn


Samoerai - Kroegentocht

Phatmark = Hip-Hop 24/7

Driven by the love for hip-hop, we decided to form an independent music-label allowing us to combine our strenghts. We created a steady basis for what would become a collective: several artists bringing their individual skills to the table with a mutual goal. 

Visit www.phatmark.be for news & downloads and feel free to contact us at info@phatmark.be
We hope you enjoy the music we create, may peace and love be with you all!

Samoerai - Kroegentocht

Phatmark Collective