Composed & Sung by: Sheeba Baiju
Lyrics: Prabha Shivprasad

എന്നനുരാഗമാം പൂവാക തൻ പൂക്കളൊന്നായ്
വിരിഞ്ഞതും നിനക്കു വേണ്ടി ............
എന്റെയേകാന്തമാം പൂമാനവും ഇന്നു
പൂത്തുലഞ്ഞതും നിനക്കു വേണ്ടി.........
നിൻ നിഴൽ ചിത്രം വിടർത്തുന്ന വേളയിൽ
നിന്നിലലിയാൻ തുടിക്കുന്ന മാത്രയിൽ ...............
കണ്ണിമ ചിമ്മിത്തുറക്കുന്ന നേരത്ത്
മാഞ്ഞിതാ പോകുന്നെൻ സ്നേഹദീപം
മാഞ്ഞിതാ പോകുന്നെൻ ജീവനാളം ...............
നിൻ മിഴിനീരിൽ പിടക്കുമെൻ ഹൃത്തിനെ
പിൻതിരിഞ്ഞൊന്നു നീ നോക്കീടാതേ..........
എന്നാത്മ രാഗമേ പോകയോ നീ
എന്നാത്മ ഹർഷമേ മായ്കയോ നീ .............
പൂവായ പൂവെല്ലാം വാടി നില്പ്പൂ
പൂമരക്കൊമ്പിതാ ചാഞ്ഞു നില്പ്പൂ..............
പൂമാനം മിഴിപൂട്ടി ഇരുൾ പകർത്തി
എന്റെ പൂവാകച്ചോട്ടിൽ ഞാനുമിന്നേകയായി
............!!

Prabha Shivprasad

Popular tracks