اللى فات ويّاك يا روحى

ياما كنت اتمنى اقابلك |فات الميعاد

كان قربك هنا و حنّية - أم كلثوم

عودت عيني / أم كلثوم
لو كنت خدت على بعادك كنت أقدر اصبر واستنى
واسهر على ضي ميعادك لما الزمان يجمع بينا
أبات على نجواك واصبح على ذكراك
واسرح وفكري معاك لكن غالبني الشوق في هواك
وإن مر يوم من غير رؤياك ما ينحسبش من عمري

لو كنت خدت على بعادك..كنت اقدر اصبر و استنى

قصة من قصص أخمد رامي وأم كلثوم..حب و عتاب و شوق و حنين

الحفلة دي أداء سومة فيها مش طبيعي ..

حيرت قلبي معاك- أم كلثوم

في الحفلة الأخيرة الست غنت وصلتين، وكانت بـ تاخد العلاج قبل الوصلة وبعدها، وكان واضح إن الجبل بـ ينهار للأسف، في الوصلة الأولى غنت "ليلة حب" لثنائي "إنت عمري" أحمد شفيق كامل ومحمد عبد الوهاب، وفي الكوبليه الأخير كان المرض هـ ينط من ارتجالات الست. ولو كان بـ إيد الجمهور كانوا قالوا لها "كفاية"، بس ده صعب جدا.

فدي بقى أغنية ليلة حب الأغنية القبل الأخيرة للست على المسرح 

أخر حفلة لأم كلثوم - الوصلة الأولى - ليلة حب - 4يناير1973

حبيب قلبى يا قلبى عليه - الحب كده - أم كلثوم

من كلمات أحمد رامي و ألحان الموسيقار رياض السنباطي


- - - 

هجرتك يمكن أنسى هواك وأودع قلبك القاسي
وقلت اقدر في يوم أسلاك وأفضي من الهوى كاسي
لقيت روحي في عز جفاك بفكر فيك وانا ناسي
***
غصبت روحي على الهجران وانت هواك يجري في دمي
وفضلت أفكر في النسيان لما بقى النسيان همي
لو خطر حبك في بالي والا زار طيفك خيالي
حاولت أهرب من الأفكار اللي تشعل نار حبي
وفضلت وانا بالي محتار في الحب بين عقلي وقلبي
وكان هجري عشان أسلاك واودع قلبك القاسي
لقيت روحي في عز جفاك بفكر فيك وانا ناسي
***
صعبان عليّ جفاك بعد اللي شفته في حبك
مش قادر انسى رضاك أيام ودادك وقربك
لكن اعمل ايه وانا قلبي لسه صعبان عليك
صعبان عليه انه اتمنى قربك ونال مراده واتهنى  بنعيم حبك
ورجعت تسقيه من صدك  كاس الهجران
وتفوت عليه أيام بعدك  سهد وحرمان
وقلت أراضيه وأنسى هواك وأودع قلبك القاسي
وكان أملي في يوم أسلاك وأفضي م الهوى كاسي
لقيت روحي في عز جفاك بفكر فيك وانا ناسي
***
ياما حاولت أنساك وانسى ليالي هواك
وانسى الجمال اللي شفته في الوجود وياك
حرمت روحي من كل نسمة كانت بتسري بينك وبيني
وحرمت روحي من كل نعمة كانت بتحلى وياك ف عيني
وقلت أعيش من غير ذكرى تخلي قلبي يحن إليك
ما فضلش عندي ولا فكرة غير إني أنسى أفكر فيك
وصبحت بين عقلي وقلبي تايه حيران
أقول لروحي من غلبي أنسى النسيان
ما دام بهجر عشان أنساك وأودع قلبك القاسي
واشوف روحي في عز جفاك.. بافكر فيك وانا ناسي

أم كلثوم / هجرتك - الأزبكية 3 مارس 1960م  || تفاريد لا توصف اخر ربع ساعة

السيدة أم كلثوم جددت حبك ليه

ياظالمني
كلمات احمد رامي
الحان رياض السنباطي


يا ظالمني يا هاجرني وقلبي من رضاك محروم
تلوعني وتكويني تحيرني وتضنيني
ولما أشكي تخاصمني وتغضب لما أقولك يوم
يا ظالمني
حرام تهجر وتتجنى وتنسى كل ما جرى لي
واقضي العمر أتمنى يصادف يوم وتصفى لي
صبرت سنين على صدك وقاسيت الضنى ف بعدك
عشان تعطف علي يوم
وتهجرني وتنساني وتتركني لأشجاني
ولما اشكي تخاصمني وتغضب لما اقول لك يوم
يا ظالمني
أطاوع فى هواك قلبي وانسى الكل علشانك
وادوق المر فى حبي بكاس صدك وهجرانك
ويزداد الجوى بيا يبان الدمع فى عنيا
ويكتر فى هواك اللوم
وابات ابكي على حالي وتفرح فيا عذالي
ولما اشكي تخاصمني وتغضب لما أقول لك يوم
يا ظالمني
حكيت لك عن سبب نوحي ونار الوجد فى دموعي
وبان للناس ضنا روحي وتعذيبي وتلويعي
رحمني اللى فرح فيا .. وبعد اللوم رأف بيا
وقلبك ما رحمني يوم
بقى العازل يدوق كاسي وقلبك يا ضنين قاسي
ولما اشكي تخاصمني وتغضب لما اقول لك
ياظالمني



---
source: youtube/usfahad

اللى فات ويّاك يا روحى

Ahmad Qassim