Ukuba "uVumazonke" kuBukeka kuyinto eNhle uma kwenziwa komunye umuNtu, kepha uma kuMele kube nguWena ozoVuma konke okwenzeka noma okwenziwa kuwena, kubabuhlungu ngoba awubi namuthelela kwiziNyathelo ezenzeka eMpilweni yakho. abaNtu bayakuCabangela bakuthathele izinyathelo nezinqumo engathi wena awunayo iNgqondo yokuziCabangela. Mhlawumbe bekuzoba ngcono ukube kuba umuNtu oyedwa okulawula ngaloluhlobo, manje into efike ibe inkinga ngaloluhlobo lokuziPhatha ukuthi waqala wanikeza iMvume koyedwa ukuthi akulawule, bonke abaNtu abayinhlobo eyodwa sebezoBona iThuba lokukulawula nawe ngoba beBona kwehlela lapha kuwena ngoba ulawuleka kalula. Yingakho kuBaluleke kuHle kwezikhali zamaNtungwa ukuthi uNqabe ngokuphathwa kweMpilo yakho. Njengoba neMvelo iNikeze wena iNdima yokulawula eyakho iMpilo akuMeleke wena ukudlulisele komunye umuNtu ngoba ngeke kuBusiswe noma kushayiwe loyo okulawulayo uma iMvelo sekuMele iphendule iZenzo zakho. iMvelo ibhekana naloyo emuQondile ekuzoba nguWena, yingakho nawe kuzoMele unqabe ngeyakho iMpilo ngoba neMvelo ayivumi ngawe kepha uWena onikeza abanye abaNtu imvume yokuzenzela kokwakho.

Nqaba (Hhayi)

iQiniso liyakuQinisa, liyakuPhilisa, liphinde likuKhulule. Uma uKhule ngamanga uKhula uKholwa ukuthi iQiniso libuhlungu, noma libukhuni. Esikhathini sanamuhlanje esiPhila kusona njengoba sesaKholwa ukuthi iQiniso alikho emuHlabeni yingoba sekwanda amanga nendlela esheshayo yokwenza izinto, sikhohlwa ukuthi umuPhelandaba awukho semuqoka ngaphezulu kweNdlela, nayo inesizathu sayo. iQiniso likusiZa ekutheni uBona ngokuCaca, ufinyelele ngokuPhelele kumuPhelandawo, ngoba uma uthathe izindlela ezisheshayo ngokuqamba amanga awuliZuzi inani lokwaZi indlela. Noma yini oyiqalayo, uma ihambisana nesizinda seQiniso, ayiwiseki futhi ayiphazamiseki njengalokho okuqale ngamanga ngoba konke kusuke kuSikelelwe ngokungekho.

Qiniso

umuSindo umuNandi uma kujatshulwe kuBungazwa iziKhathi zeNtokozo neZenzo eZinhle eziletha iNjabulo nokungazibambi uma uThokozile, kepha uma sithi siHlaziya umuSindo uphinde ube yinto ehambisana nokukhalaza okulethwa izinhlungu nokuphatheka kabi eMoyeni. okuXazulula konke lokhu okubi okudalwa umusindo, ukuThula, okuyikhona okuMbula nokuCacisa ukuxokozela njengoba ukuThula kuyinto engathi ayichazeki ngoba ayinayo iminyakazo futhi iqeda konke ukukhwishiza nokungaKhululeki ngoba ilula ngesisindo kunomusindo osindayo ngoba uthwele imithwalo yokuxokozela. ukuThula kuletha uXolo kuphinde kumise okunyakazayo njengoba kulesisiKhathi esiPhila kusona muningi umusindo nokunyakaza okungenasidingo. Ngisho siqala uSuku uma siVuka ekuseni, sesiGxisha aMehlo ethu ngobukhazikhazi bomakhala ekhukhwini sigcine sesingasaKwazi nokuziCabangela, sesaCatshangelwa imi-"shini". kuseMuqoka ngendlela ebuCayi kaKhulu ukuthi uKwazi ukuThulisa okukungungile ukuze nawe uthole ukuThula uma sekwenzeka iMpilo yakho ukuze ibelula ingabi nesisindo somusindo

Thula

Ezinye zeziZwe zabaNtu bokuQala lapha eAlkebulan isiZwe samaNgoni, uBona nje singaqanjwanga ngomuNtu thizeni kepha abaziqamba ngesenzo sokuthi thina singabaNtu abaNgoni nhlobo. Ekuhambeni kwesikhathi nasekunyakazeni kwabaNtu behamba befuna iMpilo luguqukile uLwimi sagcina sesaziwa ngokuthi singamanguni, nakho ekuhambe kwahamba kwagcina ngisho sekuyisibongo. eMandulo bekunzima iMpela ukona ngoba imvamisa yabaNtu ibiPhila ndawonye ngokubambisana kuyimvelakancane ukulwa nokuqolana. Yingakho yize noma umuHlaba sengathi usuwajika waba owabakhohlakele kepha thina amaNgoni sisaKholelwa kokuNgcwele nokuhambisana neQiniso lokuLunga ngoba yize noma nakho sekwaba yimvelakancane kodwa sisatholana nohlobo lwethu lwabaNtu abaNgoni.

Ngoni

iZwe lomuHlaba eliNothe kunawo wonke amaZwe, futhi ekwaba yilona elaQala iMpilo lapha emuHlabeni, iZwe laseAlkebulan, iZwe likaNina weMvelo. Awukho umuHlaba oNothe njengo waseAlkebulan uBona nje uvelelwe amaqola umuHlaba wonke efuna ukuwuqhwaga kangaka. Baze bawuzame ngoku guqula uLwimi lwethu bawuqamba ngokuthi iafrica, uxakeke ukuthi uyiqamba kanjani indawo ofica abaNtu behlala lapho engathi uwena wokuqala owayithola. iAlkebulan iZwe eliBanzi futhi eliJule ngendlela ebuCayi kabi, njengoba kungelona iphutha ukuthi yize noma singaHlonishwa umuHlaba wonke jikelele, sibe nomuNotho osezingeni elingakaleki, kepha kusakhona iziqhwaga ezisafuna ukulawula leliZwe ngabaNtu balo, behluleka ukuBona ukuthi iMvelo ngeke wayiguqula, iAlkebulan iyohlezi inamaNdla, iNgcwele futhi iPhumelela ngisho ungazamani.

Alkebulan

iNdawo oZalwa kuyona noma oKhulela kuyona idlala indima eNkulu ngendlela eysiyimanga ekutheni uba ngumuNtu onjani kuyaphambili. uQiniso Alkebulan uZalelwe waphinde waKhulela esiNqawunqawini ekwakwindawo yakanwya uMarshal Campell ngesiKhathi kuqala ubandlululo kungakho nje ibizwa ngokuthi "ikwamashu". Yize noma abaNtu bakulendawo bengamazi nokumazi lomulisa nomulando wakhe isiNqawunqawu sesijike sawumuPhakathi omuKhulu noPhumelela ngokhiqiza bona abaNtu abafana noQiniso Alkebulan ngokubungaza uBizo lwabo lokunilethela ubuCiko obuJule nobuLaphayo okusuka kwizigameko adlule kuzona ngesikhathi esaKhula esiNqawunqawini.

Nqawunqawu

eZinye izindlela zokuLapha ezisetshenziswa izaNgoma ukuGida ukuze isiguli sithuntuthe izintuli nolwembu ulusibambile ukuze siPhile. Ngaphambili kokuba uQiniso Alkebulan abewumuNgoma oQopha aphinde aDidiyele iziNgoma ube waziwa njengomuNtu onekhono lokuGida, ikaKhulukazi isiPantsula lapho eKhulele khona esiNqawunqawini. Kuhambe kwahamba wathi eseKhulile wazihlanganisa lezizindlela zokuLapha imiPhefumulo yabaNtu ukuze anilethele ubuCiko obuJule nobuMangalisa ngendlela ethusayo njengoba okwakhe ukuGida kuhlukile futhi kungajaghile ngesivinini esiphansi esiKhulula uMoya nomuZimba wakho ukuze neNgqondo nayo igcina intanta ngokungatatazeli.

Gida

Qiniso Alkebulan

Related tracks