ليلى - موال صعيدي

فن شعبى تراث صعيدى

قصه شلبايه محمد طه

ايه من الكذب ده يفيدك
لو انت في شغل هيرفدك
عاملني لعبة في ايدك
وتضحك عليا يا كداب

لو ليك صاحب كان لامك
وحكم عليك وكان لمك
خلاك توحد كلامك
بتضحك عليا ياكداب

حتي اللي بتشكر فيه ذمك
وقال ان الشهرة فدمك
كداب والكدب في دمك
بتضحك عليا يا كداب

تقول كلمة لغيري وكلمة لي
دانت عايزلك وكيل مالي
وانا مضيع كل مالي
بتضحك عليا ياكداب

تقولي هاغيب ساعة تغيب يومين
وانا  فاكرك دراعي اليمين
وتحلفلي ميت يمين
بتضحك عليا يا كداب

شايف الدنيا هتاني
تاخد وتقول لي هات تاني
فاكرني هارجع واتاني
بتضحك عليا ياكداب

انا اللي عانيته مين ده اللي عاناه
احنا عمرنا ماتدلعنا
يا اخي الكذب ده لعنة
بتضحك عليا يا كذاب

مين اللي عاشرته وعاداك
علمك تخلف وعدك
مني هتلاقي وعدك
بتضحك عليا ياكداب

تتملعن وباينة ملاعينك
عايز اللي عنده مال يعينك
يعني ماحدش مالي عينك
بتضحك عليا ياكداب

وانا ياما كرمتك وخبيتك
وانت مش داري بخيبتك
يحرم عليا يا اخي بيتك
بتضحك عليا ياكداب

مثل ويا العالم دار
انا امشي معاك لغاية الدار
يا أخي الكذب ده يوتر
بتضحك عليا ياكذاب



احمد حفني حسن -يا كداب

تسجيلات من صلاة الفجر للقارئ الشيخ حلمى الجمل

7elmy-algamal (56)

جابر أبو حسين عزيزة ويونس

غزاله بدلال نزلت مصر علي عله .. جرحت فؤادي بدون اسباب ولا عله ... ولا حد يقول اه الا ان كان علي عله


غزالة بدلال نزلت مصر والجيزة

الموقع الرسمي للشيخ ياسين التهامي
www.yassintohamy.com
www.facebook.com/yassineltohamy


الشيخ ياسين التهامي - الحب حرفان - نغمة

السيرة الهلالية ابو زيد الهلالي و الملك سلمان الجزء الأول

من أجزاء تغريبة بنى هلال فى بلاد المغرب العربى _ السيرة الهلالية 
عزيزة قالت : يا يونس عليك فى الغرب دلوني
لما طال غيابك ... أتوا المداليل ، ودلونى  
بيمين ما أملكك يا يونس لأخلي الهوا ينساك
وركبك قصر عالى .. وأخلى الهوا والبيبان تنساك
بيمين ما أنساك ولو ع القبر دلوني !
ـــــــــــ

يوم سار الدلال/ " مَيّ" أبدت تقوله/مين اللى ع البيبان؟/ -سيدك "جعفر" الدلاّل / مَىّ أبدت تقوله: إيش جابك يا دلاّل/ ايش جابك سكن النسوان/عفشة عمرك لما ياخدوه/ أبدى الدلال قال: اسمع يا مى/ بلغ لى السؤال/ روحى لستك " عزيزة " بلغها سؤالى/قوليلها برا الدلاّل/ معاه عُقد غالى الأتمان/مَيّ أبدت تقوله يادلاّل ورينى/ميّ الحزينة ومين يعنينى/ ان كان عقدك طينى بين الحجارة لنكسروه
فتحت الأبواب/ ورينى واه يا أحباب/طلع العُقد من الجيب / تقول شرار طلع فى الغيم/ولا فانوس على عتمة قادوه /شافت العُقد وقالت اه/ بكت مَىّ الحزينة/والدمع نازل خيال/أمانة يا عُقد قولى ايه اللى صار/شربت كأس الندامة؟/عامل كيف حسن السلطان ؟ حال سيدى سلامة؟/ازاي قاضى العرب ؟ ودياب ولد الزغابى؟ وكل العربان؟/أدى العقد بتاع اسيادى/ لكن سلامة فين منه؟
قالت : يا عُقد أمانة ، نهبوك؟/ولا تعذروا صحابك وباعوك؟/ولا قتلوا الأسمر سلامة وتكاتروا على الغالى وهانوك؟
العُقد دا بتاع أسيادى/ بتاع ستى شامة
إلا "عزيزة " طَابّة (نازلة) من فوق/ المبسم( الضحكة) سَبع على ذوق /تلقى مَيّ تبكى وكأن رماها الشوق /قالت لها: أمانة قوليلى يا مَيّ مالك ؟/ خبر الغوالى جالك؟/ قوليلى مالك/ تبكى مشغول بالك/ما عجبنى حالك/بتبكى والدمع نازل خيال !!
قالت(مَيّ) لها :العقد دا بتاع أسيادى ،عرب بنى هلال 
قالت(عزيزة) له (الدلّال): إزي صاحب العُقد؟ زى مين فى بلدنا ، زى طلة أبوي ولا منازع ولا العلاّم ؟
أبدى الدلّال يقول:
قالها: يا عزيزة لو شفتى صاحب العقد/لو شفتى معانيه / تفوتى قصرك بما فيه/لو ريتى عيونه/ عيون غزلان/لو ريتى بطنه/بطنه طيه على طيه/ مثل العجين الخمران 
مَيّ أبدت وقالت: اسمعى ستى عزيزة/غير الصداقة ماقولش/بذاته بن سرحان/هو سيدى يونس 
عزيزة :أمانة يا دلاّل هاته عند البيبان/أعطيله الطرف يبان 
أبدى الدلاّل قال:إسمعى ياست النسوان / هو حالف يمين القصر العالى مايخشوش(لا يدخله)
عزيزة تقوله: إنت يا دلّال/ راجل حُر مش بطال/روح أعطيله جوزين كلام / أبو عقل زاكى ليميّلوه !

_ الدلّال وصل/ يلقى " يونس " واقف كربان / تعال يا مملوك / عُقدك إتفصل فصل عال/ قطع بحسبة مال / من راجل كُبرة( كبير مقام)/أمونش ( لم يأمن لى) على حق العُقد/أنا وإنت بحوش الجمال/حق العقد لنكملوه!
(يونس): إسمع يا دلّال/ أنا قسمت أيمان القصر العالى ولا نخشوه (لا أدخله)!
أبدى الدلّال قاله :انت يا واد ماتخاف/إنت إمشي معاي / انا وإنت بحوش الجمال/حق العقد لنكملوه 

_ خد يونس وسار /الله يجازى الغفلان/فتحوا له تسع بيبان/طلبت البحر تروح له !
آتي ع الأبواب:
 خش( دخل ) أول باب/ توب علينا يا تواب
خش الباب التانى/ كريم ولا تنسانى 
خش الباب التالت/ شوف عزيزة بالملابس بانت 
لما الباب الرابع /طلقت مستكة وطوالع 
أمانة الباب الخامس /هتزوره اللين يابس !
لما خش سادس باب /اتذكر كلام "دياب" 
اللى هناك قال له
يونس ، خش الباب السابع/ ما ميل ضرس السَبع
ما خش الباب التامن /عزيزة قلبها ولا مآمن 
عايزة عسكر بضوابط /حول القصر ليحرسوه !
لما خش الباب التاسع /عزيزة مثل الحية اللاسع !
تعال يا يونس يا كويس/تعال يا يونس يا جميل /يابو عيون مكحلين/البكر اللى جابك انا لأكسيه بغطا الحرير/قالتله سلم عليا/يا حلو يا نور عنيا / أهيه لكن أبيه غيرك تانى مافي أحباب/
ركبته القصر العالى /وبنوا له طوبه مرجانى 
ركبته أول سلم /قال يا سلام سلم 
ركبته سلم تانى/يارب ولا تنسانى 
ركبته سلم قزاز /لايقع عامله له حجاج
ركبته سلم سن الفيل /تعال يا يونس يا جميل 
من زمان صابرين / على الغوالى عشان نشوفوك
ركبته سلم فضة/ما عطاها صدة
قال هاتيلى البركة اتوضأ
قالته هنا إستريح/مالك ومال الصلاة يا مليح/هوا القصر ليضيع 
أنشد يقول ابوسرحان: 
يا عباد الله
ولا ضاحك إلا اللى الزمان ابكاه
ياما ضحكنا وغيرنا حزنان 
لما أتتنا الليالى إحنا حزنا
وغيرنا فرحان !
تفكر قول كلام خاله 
حيال قطب الولاه
يبكى ع اللى جرا له 
ادينا وقعنا بين الولاي
وقعنا مع النسوان 
المولى يعلم بحالى 
وقعنا من غير قانون 
ومين من هنا يطلعنا تانى! 
والجرح رَبّى الحزاين 
أشكى غلبى لمين!
ما أنا ما لاقى حبايب 
اشكى غلبى لمين 
عليك العوض يا زمانى
ما ألقى مركب ترسي على المين(المينا)
ولا أروح ولا اجى لخال تانى!

السيرة الهلالية _ على جرمون _ الجزء العاشر ( التغريبة ~ عزيزة ويونس )

من حفلة العباسية 2015
تسجيلات حامد العمدة

جابر أبو حسين عزيزة ويونس

محمد موافي