Con este programa, o alumnado de 5ºA, da profe Cruz, queremos poner en valor o recoñecemento obtido por parte da UNESCO ao proxecto "Ponte nas Ondas" do que nos sentimos orgullosos/as de formar parte. 
Coñeceremos que é a UNESCO, como nace e os obxectivos que persigue. E por suposto falaremos tamén do que significa para "Ponte nas Ondas" e para nós ter a mención de Rexistro de boas prácticas do Patrimonio Cultural Inmaterial Galego-Portugués. Agradecemos á UNESCO este importantísimo recoñecemento. 

Música de fondo: ABANÍQUEME "Talabarte"

Somos "Patrimonio Cultural Inmaterial Galego-Portugués" da UNESCO

Programa gravado polos profes Manuel e Óscar, co alumnado de 4ºA de Ed. Primaria, con motivo da conmemoración desta efeméride. O 30 de xaneiro "celebramos" a importancia da paz no mundo, pero tamén incidimos noutros aspectos educativos relacionados con esta temática. Aspectos como a tolerancia, a empatía e o respecto e axuda aos nosos semellantes.
Desta volta queremos dar conta tamén de persoeiros cruciais na procura da paz e nos motivos e circunstancias que propiciaron esta efeméride a nivel mundial.

Actividade encadrada dentro do "Proxecto de Radio Escolar" do centro e vinculada aos diferentes equipos docentes; EDLG, Biblioteca escolar, TIC´s, Extraescolares, Convivencia,...

Músicas:
KAREYC "Te Wa Vouan Ne Ma"
ANDERSON "La máquina de escribir"
JOHN LENNON "Imagine". Adaptación musical  ao galego con ukelele. Unha proposta da Área de Ed. Musical e o EDLG do centro.

Especial "Día da Paz"_CEIPP da Ramallosa (Teo)

Día Mundial da Radio 2023 – Radio e Paz
Neste 2023 que está recén nado, ler, escoitar ou ver os medios de comunicación son sinónimo de ter ante nós unha chea de novas relacionadas coa guerra, aunque que máis ben, deberiamos dicir coas guerras, porque inda que Ucrania colapsa casi todas as publicación e emisións, poderiamos tamén falar de Armenia e Azerbaián, Birmania, Irán, Yemen, Etiopía, República Democrática do Congo e Grandes Lagos, Sahel, Ucrania, Haití, Pakistán ou Siria, territorios todos eles, nos que entre o ano pasado e este non houbo ninguna tregua para os conflictos bélicos.
A guerra é algo tan terrible que poucas veces nos deixa afastar o foco mediático dela e das súas nefastas consecuencias. Por iso, este ano, que no Día Mundial da Radio se nos da a oportunidad de falar de paz, queremos facelo dende os sitios onde sería necesario orquestrar unha carreira “desarmamentística” global, as escolas.
Dende elas, quixemos lembrarlle ao planeta enteiro, que sempre existiron, e esperemos que nunca deixen de existir, momentos nos que homes e mulleres de moitos lugares fixeron todo o posible ( e incluso ás veces o imposible) por conseguir que persoas, territorios, países, veciñanzas, etc. tras algún tipo de conflito (armado ou non), chegaran a acordos de entendemento que non so acabaran coa belicosidade, senón que incluso sentaran algún precedente de paz de futuro para a comunidade na que aconteceron.
Na ESPORA xa so nos queda citar a Newton, que falaba de que para acadar a paz había necesidade de construir menos muros e máis pontes, velaiquí vai a nosa, construida na seguranza das ondas e co mellor dos piares: a educación.
Feliz Día Mundial da Radio.
Participou neste podcast o alumnado dos centros:
CEIP Pobra do Brollón
CEIP Enrique Barreiro Piñeiro
CEIP Víctor Sáenz
CPIP O Cruce
CEIP Laredo
CEIPP Ponte Xubia
EOI Vilagarcía de Arousa
IES San Clemente

DMR23 - Rede ESPORA

O 2 de febreiro deste 2023, fixo 100 anos que nos deixaba un grande da nosa língua e cultura; Manuel Murguía, escritor e fundador da Real Academia Galega. Neste programa realizado polo alumnado de 6ºA do centro, baixo a batuta do seu titor "Celso" e o mestre de Ed. Musical (Óscar), quisemos deixar constancia da especial relevancia da súa figura para o nosso pobo. Para isto afondamos no coñecemento dos aspectos principais da súa vida e obra.

Músicas:
IMENDE: Guadi Galego.
XOTA DE RIBEIRA DE PEQUÍN: Nova galega de Danza.
ALALÁ DAS MARIÑAS: Uxía Senlle

1º Centenario pasamento "Manuel Murguía" (2-2-1923)

Actividade encadrada dentro das actividades promovidas no centro con motivo das Letras Galegas 2023 e dirixida á participación no "V Certame de podcast Xosé Mosquera <O vello dos contos>”. Fusionando desta volta a aplicación pedagóxica da Radio Escolar e a Intelixencia Artificial como ferramentas didácticas. Neste caso, a través da figura de Francisco Fernández del Riego, homenaxeado deste ano. 
O papel da radio na escola está máis que evidenciado como ferramenta educativa. No caso da IA, sabemos de todas as contradicións e dúbidas que nos xera esta nova ferramenta, pero por sorte ou por desgraza é algo que xa está nas nosas vidas. E como docentes volvemos a ter o difícil reto de actuar como "guías" facéndolle ver aos discentes as cousas positivas e negativas desta tecnoloxía e o uso responsable da mesma (como no caso doutras).

Tanto no caso da radio como no da intelixencia artificial, este traballo leva implícito un coidado traballo específico na aula, así como a preparación doutros aspectos técnicos, literarios, de expresión oral, etc. Así como a creación de grupos e espazos de traballo cun enfoque de traballo en equipo, (“co-working”).

ALUMNADO PARTICIPANTE:
Artai, Claudia, Ilía, Gael e Gonzalo (6º Ed. Primaria).

MESTRES: 
- Laura García Díaz: Mestra titora no 3º Ciclo de Primaria.
- Óscar Suárez Carbia: Mestre Especialista de Ed. Musical.

“Del Riego nas Ondas. Radio Escolar e Intelixencia Artificial” (Letras Galegas 2023)

Programa especial adicado a "Cóntame un conto", proxecto educativo impulsado pola Fundación Antonio Fraguas Fraguas que promove a actividade de contar contos tradicionais galegos entre escolares. O proxecto busca aproveitar as posibilidades educativas deste recurso, promover o coñecemento da literatura popular galega de transmisión oral e incorporar a tradición oral de contar contos ás actividades públicas dos centros escolares.

- Alumnado participante no programa de radio: 
4º de Ed. Primaria (grupo c)
- Profesorado:
María Álvarez Garea, Benxa Salgado Otero e Óscar Suárez Carbia

Especial "Cóntame un Conto" - CEIP Plurilingüe da Ramallosa

Dende a nosa Radio Escolar retransmitimos o único faladoiro político con todos @s candidat@s á alcaldía do noso Concello. 
Máis que agracedid@s a tod@s @s candidat@s pola súa boa disposición para achegarse ao noso faladoiro político. Vai ser unha actividade educativa ben novidosa e atractiva. Tanto para a comunidade educativa como para tod@s @s veciñ@s de TEO. ë de xustiza dicir, que tod@s os convidados acolleron coa mesma ilusión que nós a proposta desta entrevista. Así que mil grazas e ata o luns compañeir@s. Con nós estarán no estudo; María López (PROXECTO COMÚN TEO), Lucía Calvo (PP), Uxía Lemos (PSOE), Eloi Devesa (BNG), e Marco Antonio (PODEMOS) conectando por teléfono.
O candidato Manuel Tallón non se pronuncio finalmente respecto á súa presencia no programa.
Nos micrófonos, unha representación do alumnado de 6º de Ed. Primaria; Anxo, Martiño, Alexandra, Leila e Julia.

Control técnico: Os profes Fran, Celso e Óscar.

Música cabeceira: Tamanaco
Música despedida: Talabarte

Faladorio político cos candidat@s ás "Eleccións Municipais 2023"

A alumnado de 5º de Ed. Primaria, entrevista á escritora "Sabela Núñez Singala". Afondando na súa vida e obra, especialmente na obra da autora lida pola alumnado este curso; "O agasallo de Anya".
- Alumnado participante: Martina, Bruno; Gael, Tania, Nana e Iván.
- Profesorado: Chus, Fran e Óscar

Entrevista en directo á escritora "Sabela Núñez Singala"

Faladoiro sobre os dous traballos levados a cabo no centro para o certame.
Nel entrevistamos ao profe Xabier Salgado, encargado de realizar o traballo fotográfico no proxecto “Anaquiños de onte vistos cos ollos de hoxe”. Tamén intervíu o mestre especialista de Ed. Musical e coordinador da Radio Escolar (Óscar Suárez) eu, dende o faladoiro, como coordinador do traballo coas familias na recollida de imaxes. E acompañounos ademais a titora da clase participante no programa (Ana Rey).

Música: "Talabarte"

Especial PNO "VI Certame Imaxes do Patrimonio Galego Portugués" 22_23

"Proxecto Aulas Musicais"
=21 días co Galego e+=

Música: "Pili Pampín" e "Ortiga"
Eu chorar chorei
O Galo

Entrevista a "Pili Pampín" (22_2_24)

“CEIP plurilingüe da Ramallosa”
Centro Público de Educación Infantil e Primaria. Consellería de Educación (Galicia). Proxecto de Radio Escolar

Entrevista en directo á escritora "Sabela Núñez Singala"

"Radio Ramalloseir@s"

Related tracks