بصفي للحياه والشمس تلسعني
عيونا ملهية والليل بيخدعني
وقلبي مليان جراح وهموم

واقفة في الماضي ودماغي توجعني
مش راضية بالحاضر مع انه بيسعني
ونجوم السما بتدور ..

بصفي للحياه والليل والكون بيمنعني …
---------------------------------------------؛؛

بحر كبير موج عالي . انزل فيه عمال يملاني
 غروب وشروق أنام وأفوق . أفكاري برضو ملازماني
طيور طايرة ابصلها أكلمها أغنيلها
خريف وربيع أنا قلبي ضعيف

مش مأمنه الظروف
مش مخونة النفوس
مش مرتبة الحروف

بصفي للحياه والليل والكون بيسمعني...
-------------------------------------------؛؛

انسرق الزمن ودفعنا التمن
علي اللي سابنا واللي خانا واللي باع…

رجلي اتلجلجت . الأرض اتشقلبت . أفكاري أتبدلت
الوهم خداع

بصفي للحياه والليل والكون بيمنعني


دينا الوديدي - ٢٠٢١


الكون - دينا الوديدي

سمر طارق والوايلي – لو (الهرشة السابعة) | Samar Tarik & ElWaili – LW

توزيع موسيقي وهندسة صوتية : كريم شندى
كلمات : أحمد جبر 
غناء : شهاب يونس

وأقولك إيه ..ملاكي القاهرة

باند ع السلم
من الاسماعيليه

ازازه فودكا .. ع_السلم باند

يافاتنه _ رامى عصام

ازازة فودكا

دايره تلف تصب البيرة Beraa Islam Ali

The 3rd new release from Ramy Essam in 2016. In 2016 Ramy releases a new recording every month with a video. Stay tuned! 
Please share with your friends!

RAMY ESSAM ft. MALIKAH - SEGN BEL ALWAN رامى عصام - سجن بالألوان

اتفرج على الكليب من هنا 
https://www.youtube.com/watch?v=xj72L5SFLh8

الكلمات :-
كان من زمان نفسو يعيش وحدو وخوفو بيخدعو
أن الحياة والناس بطبيعته لايمكن تقبله
ولقى اخييرا شخص يخفف عنه
جسد فيه حب الناس اللي اتحرم منه.. 
....... 
قولي.. حسيت في يوم انك زيادة 
حمل زايد تخجل منه أو كمالة
محدش فاهمه والناس بتشوفه بتبعد 
حتى المخدة شربت دمعه لحد ماا تقلت 
منفى .. عايش جوه حدود مساحتو
أسعد أوقاته بيقضيها لما يكون لوحدو.. 
إنطوائي.. منعزل من الحياة.. بيخاف
في كتاب الدنيا اسمه في الهامش دايما مش متشاف 
مجتمعهم مش عايزنى.. فأنا هعمل واحد ليا 
هل اللبس قانون انتهكتو عشان تحكموا عليا
ما انا لازم اكون زيكم علشان اعيش وسطكم
قبل ما تحاكموني بتهمة كوني نفسي حاكموا نفسكوا 
مكنش فاهم ان المجتمع قطيع.. 
لو فرد واحد منه اتخلف عنه يتوه يضيع 
لقى انه لازم يلاقي حد جمبه فقام قال انا مش هكون وسطيهم مسخ الا الاستسلام 
......... 
كان من زماان نفسه يعيش وحده وخوفه بيخدعه.. 
أن الحياة والناس بطبيعته لايمكن تقبله.. 
ولقى اخييرا شخص يخفف عنه.. 
جسد فيه حب الناس اللي اتحرم منه.. 
ويشعرلك شعور كافر بكل عقيدة نسياكي 
كشبه صنم بيعبدله.. بكل الحب يهواكي.. كأن العشق كاان منك.. وان الحب كان ليكيي 
كحب المرحلة أو العمر كماسة خشب و  شاريكي 
.......... 
انا عملت بإيدي صنم وحبيته.. تعرف
لو كان بإيدي كنت حييته و صحيته 
هووو!!!  مبيتكلمش ياما بس بيسليني 
معاه كنت بتحسن قربه مني بيقويني 
بقيت مبخافش من التعامل.. بقيت بحكي بقيت بقوول 
كنا بننزل ياما مع اني مبحبش النزول 
يااه لما بكون معاها بكون بضحك على طول
بكون حد احسن.. بكون مش مفصول 
بس ليه كل ما بشوفها بلاقيها بنفس الوش
وليه لما بكلمها بتبقى ساكتة متتكلمش 
جاوبيني .. هو انتي كنتي وهم !
كنتي من نسج خيالي مش حقيقة مش شجن
انا اللي كنت بغير نفسي كل ده مش انتي 
انا اللي وصلت لكدة بدونك هة فهمتي
انا تمام صاغ سليم ومش مريض نفسي 
انا اللي كنت خايف اقوم بس قومت بنفسي

كريم رفعت وسارة حسنى - عروسة خشب

شفت البلدان و راسي شاب

الكلمات:

عايش فهدنة من زمان
آن الأوان أحارب عشان أعيش فسلام
جربت الإستسلام والإنكار كمان
كل الطرق بتأدي لصدام
صدام مع شخص جوايا اتزرع
تربية الزمن والناس والمجتمع
مش مني بس غصب عني هو المتحكم
زي الإيقاع أغنيه ماشي معاه وخايف أتقدم
جسمي أصبح سجن وأنا فيه محبوس
مكنة دايرة وأنا ترس من التروس
وسيلتي الوحيدة للهروب إني أعيش للناس
سجن أكبر مصطنع مقفول بترباس
أنا متغرب
إستسلام في شكل السلام
خايف أبعد أنا وخايف أقرب
إنكسار فشكل إنتظار
أنا متغرب
إستسلام في شكل السلام
خايف أبعد أنا وخايف أقرب
إنكسار فشكل إنتظار
حرب ضد مجتمع مريض وأفكاره
مجتمع اعمى مش شايف إنهياره
مليان أمراض نفسية وعنصرية وطبقية
زي بالظبط ما هو بيخاف من هي
هي تغلط يدبحوها وتتاوا
هو يغلط يقولوا معلش دي شقاوة
وقيس على كدة كل تفصيلة فحياتنا
كل المبادئ بتتجزأ فكل حكاياتنا
مبقاش ليا فالناس ومش قادر أخبي
كفرت بكل حاجة إلا ربي
ومش هخبي في أسئلة كتيرة عندي
ورغم كل ده لسا الإيمان فقلبي
أنا متغرب
إستسلام في شكل السلام
خايف أبعد أنا وخايف أقرب
إنكسار فشكل إنتظار
أنا متغرب
إستسلام في شكل السلام
خايف أبعد أنا وخايف أقرب
إنكسار فشكل إنتظار
كل ده ساب فيا أثر
دقت جوايا أجراس الخطر
أفكار كتير نزلت زي المطر
غسلت نفسي من عرف البشر
الكل شارك فالجريمة الكل داس على الزناد
الكل اختار السكات ودافن راسه فترابه
الكل إلا إستثناء أحرار ورفضوا الإستعباد
محبوسين جوا قطيع متحاوطين بالكلاب
خلاص مبقاش فيه قلب
دقت طبول الحرب
ويا انتصار يا انتحار مفيش عندي إختيار
آن الأوان الحقيقة تنفجر
فوش مجتمع مريض بيحتضر
أنا متغرب
إستسلام في شكل السلام
خايف أبعد أنا وخايف أقرب
إنكسار فشكل إنتظار
أنا متغرب
إستسلام في شكل السلام
خايف أبعد أنا وخايف اقرب